I Versetti Biblici più popolari da Matío 23

Condividi

Nán gbo̧o̧ víílí sa̧a̧mé máa, a mbaa nán ba'ad víí nu.

Nán a na' yúú woo tée, wú̵ń tii hȩn lee, a̧máa a nə' yúú woo tée, Tayɨɨ wú̵ń na"o̧ ó̧.

“Zó̧ó̧ wú̵ń ví̧i̧ ví, nán moo Tayɨɨ tú"í vu̵ kan nán farísa vu̵, ı̵́ zó̧ó̧ ví̧i̧g vu̵, moo kíí nuŋ timbu̵ŋ gí̧i̧ wa̧nɓó' tée, ví gɛ dágá moo hȩn ha"ı̵́ pú̵ Tayɨɨ, kan wi' lig, kan kúḿ naag, a̧máa ví ya̧a̧ hȩn gbo̧o̧ moo Tayɨɨ woo ka o̧ máa vu̵ gbɔ. Wu̵ hȩn hí̧í̧lí̧ Tayɨɨ woo kɔ́lı̵́, kan zó̧ó̧ nán kan zó̧ó̧ 'yɛ́lı̵́ Tayɨɨ woolı̵́. Hȩn yȩ ka víń kɔ́ wu̵ yu̵, ka víń gbɔ tóó vu̵ sá.

“Zó̧ó̧ wú̵ń ví̧i̧ ví, nán moo Tayɨɨ tú"í vu̵ kan nán farísa vu̵, ı̵́ zó̧ó̧ ví̧i̧g vu̵, moo ví ha̧d ɗag pig vu̵ kan pig tasaw vu̵; a̧máa zó̧ó̧ víí vu̵ man kan hȩn yȩ vu̵ 'má', vu̵ hi̧' kan líw kɔ́lı̵́ kan hȩn ɓı̵́d tóó vu̵ kɔ́lı̵́.

“Nán Yerúsalem vu̵, nán Yerúsalem vu̵, ví nɔɔ anábi vu̵, ví gbóo nán Tayɨɨ ka ba' vu̵ víílí máa vu̵ nɔɔ kan 'yɛgɛ. Do' née mí hí̧í̧ bi su̵g ví kɔ́ ı̵́ nɔ́g na'a ka su̵g waa vu̵ búggí máa wɔgɔlá? A̧máa ví sɛ́n né.

Ví á̧ḿ, ví kɔ́ hȩn, moo nán u̵u̵ taa ba bin kɔ́ hȩn hí̧í̧lí̧ Tayɨɨ woo nɔ, a̧máa zó̧ó̧ víí vu̵ hi̧' kan ví̧i̧g, kan hȩn ɓı̵́d vu̵ kɔ́lı̵́ á̧ḿ.