I Versetti Biblici più popolari da Maqthaiq 16

Condividi

A bhai nee ngal-aq, Yeiqsul aivq nail yaq laol juq bhai ge bhiq-a nail: “Tsaol-aq teevq gaq ngaq nail haoqnao tsao thel lavq movq haq neq, yovqgavq nail neekhaol ya khaonq ha ail ceevq khi, yovqgavq nail lavqyavq yovqgavq bavq khi mail ngaq nail haoqnao ya tsao thel lavq nail ngaol.

Ngal naoq bhai ge lavq bhel. Bheiqtuvluv naol neq, lovmav ngaol. Lovmav niil nail kovtavq bhai ngaq nail munl ngal kaovq naol. Sil nail phaq nail bhaqaoq, munl niil munl bhai maq gaq lai nia-ail.

Nqtavq Milkhaoq khe lolgov nail taovq taovqphoil ngal naoq bhai bivq naol. Miltsaq kovtavq bhai naoq-i mail maq khal bhi nl nail juq bhai, nqtavq kovtavq bhai iqsanl maq bhi nl nail juq dai saol-nvq-ai thaq nail ngaol. Al ovqtavq, miltsaq bhai naoq-i mail khal bhi nl nail juq bhai nqtavq kovtavq bhai iqsanl bhi nl nail juq ngaol dai, saol-nvq-ai thaq nail ngaol” dai, ge bhiq-a nail ngaol.

Khul gaq maqkhaiq, yovqgavq nail doevq nail phaq, yovqgavq bhi jel-ail movq haq neq, yovqgavq nail doevq nail phaq sunq ail nail ngaol. Thail hai ngaol-aoq, khul gaq maqkhaiq, ngaq nail haqbhoil yovqgavq nail doevq nail phaq bhi sunq ail haq neq, doevq nail phaq ya nail ngaol.

Tsaol-aq teevq gaq ga nav, miltsaq niil teevq heeq heeq lao ya gil khi ngaol-aoq, aivq nail doevq nail phaq sunq ail haq neq, aivq nail haqbhoil khul nail ganl tsoiq nail-aiq. Tsaol-aq teevq gaq aivq nail doevq nail phaq bhai khul nee mail ul kovq nia nail-aiq.

“Nul juq thoil, ngaq bhai khaq sil gaq niil dai, ge heeq” dai, Yeiqsul aqyu juq bhai nal daiq bhiq-a nail ngaol. Aq-u phao, “Naol neq, Khali dai khul nail, doevq nail Miqyail nail Yaqyov ngaol” dai, Sil moq Bheiqtuvluv ge kovq bhiq-a nail ngaol.

Yeiqsul aivq bhai ge bhiq-a nail: “Yaolnav nail yaqyov Sil moq-ol, naol geeqlaoq eeq nail ngaol. Khul khi mail dai ngal-aq, ganl niil tsaol-aq yaq naoq bhai phao daiq bhiq-a nail maq ngel-ail. Nqtavq kovtavq bhai jaol nail ngaq nail Aqbhu naoq bhai phao daiq bhiq-a nail ngaol.