I Versetti Biblici più popolari da Lulkavq 11

Condividi

Nul juq haqeiv nail tsaol-aq ngaol-aoq, yovqgavq nail yaq bhai yalkav aqmeeq bivq nia nail ngaol. A dai nee maq tsil, nqtavq bha jaol nail nul juq nail Aqbhu bhai, khal hal nail tsaol-aq nail lavqkhoel bhai, aivq Meeq nail Haol nail Aqhaqlal bhi jaol lee nail ngaol” dai, aqyu juq bhai ge bhiq-a nail ngaol.

Ngal nul juq bhai ge lavq bhel. Hal yaoq. Hal haq neq, ya nail ngaol. Hal pov yaoq. Hal pov haq neq, moel nail ngaol. Lol gov bhai kov yaoq. Kov haq neq, phao lavq nail ngaol.

Khul khi mail dai ngal-aq neq, hal nail tsaol-aq yaoq gaq yaoq-ao nee ya nail ngaol. Hal pov nail tsaol-aq iqsanl, moel nail ngaol. Lol gov bhai kov nail tsaol-aq nail haqbhoil iqsanl, lolgov phao lavq nail ngaol.

Aq-u phao, Yeiqsul ge nail: “Nul juq geeqlaoq hal-u phao niail hai hal yaoq. ‘Aqbhu-ol, naoq nail aqmil bhai bhi ev dei-eiq. Naol heeqphaq jiovq khi uv thaiq nail mil khaoq bhi kev lee yaoq.

Nv juq nail oeqbal bhai phaiq lavq yaoq. Khul khi mail dai ngal-aq neq, nv juq bhai nl bheeq lavq bheeq lavq-a nail tsaol-aq nail oeqbal bhai nv juq phaiq bhiq-a nail ngaol. Oeqbal jalmul mul nail haoqnao nv juq bhai thaq bhi ail lavq-o’ dai, hal yaoq” dai, aqyu juq bhai cavq bhiq cov bhiq-a nail ngaol.

Nv juq loq nail jaq nail daol nail phaq, yaoq n yaoq n nee nv juq bhai bivq lavq yaoq.

Maiv neev neq, aqmaol nail phalmanq pevq nail ngaol. Naoq nail maivneev moel kivq haq neq, naoq nail aqmaol maol lao ail aqbhaq aqmeeq-ai ya nail ngaol. Naol maivneev maq moel kivq haq neq, naoq nail aqmaol maol lao ail nav tsee dai, pevq-ail nail ngaol.

Yeiqsul gaoq ge nail: “Phalmanq tovq khi, bhal lal phao tsiq thaq nail maqkhaiq, pheeq deel-i mail movq tsaoq-ai nail maqkhaiq, teevq gaq iqsanl maq nl daiq-al. Khal aol lal nail tsaol-aq iqsanl mail aqbhaq bhai ya moel dai, daqmoe bha tsiq dav-ai nail ngaol.