I Versetti Biblici più popolari da Okubala 14

Condividi

Kyokka temujeemera Mukama, so temutya bantu ba mu nsi; kubanga kya kulya gyetuli. Mukama abavuddemu, ali wamu naffe, temubatya.”

‘Nze Mukama, ndwawo okusunguwala, nnina okwagala kungi, nsonyiwa ebibi n'obujeemu, naye sirema kubonereza muntu olw'omusango gw'azzizza. Era mbonereza abaana n'abazzukulu, okutuusa ku mulembe ogwokusatu n'ogwokuna olw'ebibi bya bajjajjaabwe.’

Oba nga Mukama atusiima alituyingiza mu nsi omwo, n'agituwa; ensi ekulukuta amata n'omubisi gw'enjuki.

Naye omuddu wange Kalebu, kubanga ye alina omwoyo omulala mu ye, era ye angobererera ddala, oyo ndimutuusa mu nsi gye yagendamu okuketta; n'ezzadde lye lirigirya.

Bagambe nti, Nga bwe ndi omulamu, bw'ayogera Mukama, mazima nga bwe mwogedde, mpulidde, era bwe ntyo bwe nnaabakola

Mukama n'agamba Musa nti, “Abantu bano balituusa wa okunnyooma? Era balituusa wa obutanzikiriza olw'eby'amagero byonna bye nnakolera mu bo?

Ekibiina kyonna ekya baana ba Isiraeri ne beemulugunyiza Musa ne Alooni, ne babagamba nti, “Singa twafiira mu nsi y'e Misiri, oba singa twafiira mu ddungu muno!

Yoswa mutabani wa Nuuni ne Kalebu mutabani wa Yefune, abaali ku muwendo gw'abo abaaketta ensi, ne bayuza engoye zaabwe; ne babuulira ekibiina kyonna eky'abaana ba Isiraeri nga boogera nti, “Ensi gye twayitamu okugiketta nsi nnungi nnyo.

Naye mazima ddala, nga bwe ndi omulamu, era ng'ensi zonna bwe zirijjula ekitiibwa kya Mukama; abasajja bano bonna abaalaba ekitiibwa kyange n'eby'amagero byange bye nnakolera e Misiri ne mu ddungu, naye ne banjeemera emirundi gino ekkumi (10), ne batawulira ddoboozi lyange; mazima tewaliba n'omu ku abo abannyooma, aliraba ensi gye nnalayirira bajjajjaabwe.