I Versetti Biblici più popolari da Yoswa 6

Condividi

Mukama n'agamba Yoswa nti, “Laba, Yeriko nkikuwadde mu mukono gwo, ne kabaka waamu, n'abazira ab'amaanyi.

Awo, bwe balifuuwa eŋŋombe ez'amayembe ag'endiga ensajja, era bwe muliwulira eddoboozi ery'eŋŋombe, abantu bonna ne balyoka baleekaanira waggulu n'eddoboozi eddene; bbugwe w'ekibuga n'agwiira ddala wansi, olwo eggye lyonna ne liyingira butereevu mu kibuga.”

Era mulikyetooloola ekibuga, abalwanyi mwenna, nga mukyetooloola omulundi gumu buli lunaku. Bw'onookolanga bw'otyo okumala ennaku mukaaga.

Ne bakabona omusanvu balisitula eŋŋombe omusanvu ez'amayembe ag'endiga ensajja nga bakulembedde essanduuko. Ku lunaku olw'omusanvu mulyetooloola ekibuga emirundi musanvu, nga bakabona bafuuwa eŋŋombe.

Yeriko kyali kiggaliddwawo ddala olw'okutya abaana ba Isiraeri; tewaali afuluma, newakubadde ayingira.

Awo ku mulundi ogw'omusanvu, bakabona bwe baafuuwa eŋŋombe, Yoswa n'agamba abantu nti, “Muleekaane; kubanga Mukama abawadde ekibuga.

Ekibuga ne byonna ebikirimu biweereddwayo eri Mukama bizikirizibwe; okuggyako Lakabu omwenzi ne bonna abali awamu naye mu nnyumba ye be baliwona, kubanga Lakabu yakweka abakessi be twatuma.