I Versetti Biblici più popolari da Ruma 13

Condividi

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Kenè niw pekelug̵eyaza is kebeyazi niw te menge utang niw ziyà te minsan hentei, kekenà, iyan niw pekelug̵eyaza te wazè din en taman is kebmahala niw ziyà te g̵ehinawa niw te menge zuma niw, su is etew he ebmahalen din is menge zuma zin, ne netuman din en is menge sug̵ù te Megbevayà.

Ne kinahanglan he edtuman kiw te velaud te gubirnu is minsan hentei kenitew. Su wazà ebpemunuan te inged he wazà itug̵ut te Megbevayà he mekepemunuan wey wazà gubirnu he wazà tukuza te Megbevayà.

Su zini te kelibutan, iring te utew merusirem tenged te mezaat he ulaula, iyan, meg̵aan en egketapus is kezukileman su meg̵aan en egkepawà, he ke và dà egkeg̵iya, meg̵aan en edlikù si Kristu. Ne tenged kayi, ed-engkezan tew en is menge mezaat he ulaula he zait te kezukileman ne idsun-ud tew is limbutung he iyan is kerayag, he ke và dà egkeg̵iya, ed-ul-ulahan tew is meupiya he ulaula.

Su emun ebmahalen ta is duma ta ne kenà egkehimu he ebpesipelahan ta sikandin, ne netuman te en heini is tivuuk he kesug̵uan.

Ne tenged kayi kinahanglan he ebeyazan ta is buhis wey is duma pa he ebpeveyazan kenita te gubirnu. Ne edtehuzen ta zaan is menge etew te gubirnu, ne ibpeehè ta is dekelà he kedtehuza ta te pid-etawan dan.