I Versetti Biblici più popolari da Sioné 15

Condividi

Ko au pē ko e vaine, ko kimoutolu ko e ngaahi va‘a: ko ia ‘oku nofo ma‘u ‘iate au, mo au ‘iate ‘ia, ‘oku fua lahi ‘a e toko taha ko ia: he ka māvae mo au, ‘oku ‘ikai te mou fa‘a fai ha me‘a.

‘Ē, ‘ai ke mou nofo ma‘u ‘iate au, mo au ‘iate kimoutolu. Hangē ‘oku ‘ikai ke fa‘a fua ‘a e va‘a ‘iate ia pē, ‘o kapau ‘e ‘ikai nofo ma‘u ‘i he vaine; pehē foki, ‘e ‘ikai te mou lava ‘e kimoutolu, ‘o kapau ‘e ‘ikai te mou nofo ma‘u ‘iate au.

Kapau te mou nofo ma‘u ‘iate au, pea kapau ‘e nofo ma‘u ‘eku ngaahi lea ‘iate kimoutolu, pea neongo pe ko e hā te mou loto ki ai, mou kole, pea ‘e fai kiate kimoutolu.

Na‘e ‘ikai ko kimoutolu na‘e fili au, ka ko au na‘a ku fili kimoutolu, pea na‘a ku fakanofo kimoutolu, ke mou ‘alu kimoutolu ‘o fua, pea ke nofo ma‘u homou fua; koe‘uhiā ke ‘ilonga ha me‘a te mou kole mei he Tamai ‘i hoku hingoa ke ne ‘atu ia.

Tala‘ehai ‘oku ai ha ‘ofa ‘a ha taha ‘e lahi ‘i he ‘ofa ko ē, ke ne li‘aki ‘ene mo‘ui koe‘uhi ko hono ngaahi kaume‘a.

‘Ilonga ha va‘a ‘iate au ‘oku ‘ikai fua, ‘oku ne motuhi ia: pea ‘ilonga ha va‘a ‘oku fua, ‘oku ne ‘auhani ia, ke ‘āsili ‘ene fua.

Ko eni ia ‘a e tu‘utu‘uni ‘a‘aku, Ke mou fe‘ofa‘aki, ‘o hangē ko e ‘ofa ne u fai kiate kimoutolu.

Ko e me‘a ko ia kuo fakalāngilangi‘i ai ‘a ‘eku Tamai, koe‘uhi ke iku ki ho‘omou fua lahi, mo ho‘omou mātu‘aki hoko ko e kau ako ‘a‘aku.

Ko au ko e uaine mo‘onia, pea ko ‘eku Tamai ko e tauhi ngoue ia.

Ka ai ha taha ne ‘ikai nofo ma‘u ‘iate au, ne li‘aki atu hangē ko e va‘a na, pea ne mae; pea ‘oku nau tānaki ‘a e ngaahi me‘a pehē, ‘o laku ki he afi, pea ‘oku vela.

Ko e ngaahi me‘a ni kuo u tala atu, koe‘uhi ke ‘iate kimoutolu ‘eku fiefia, pea ke kakato ‘a e fiefia ‘amoutolu.

Kapau te mou tauhi ‘eku ngaahi tu‘utu‘uni, te mou nofo ma‘u ‘i he‘eku ‘ofa; ‘o hangē foki kuo u tauhi ‘e au ‘a e ngaahi tu‘utu‘uni ‘a e Tamai, pea u nofo ma‘u ‘i he ‘ofa ‘a‘ana.

Ko e ngaahi me‘a ko eni kuo u tu‘utu‘uni atu, koe‘uhi ke mou fe‘ofa‘aki.

Ka ne ‘o māmani ‘a kimoutolu, pehē ‘e ‘ofa ‘a māmani ki he me‘a ‘a‘ana: ka ko e me‘a ‘i he ‘ikai ‘o māmani ‘a kimoutolu kae, kehe, ko e fili kimoutolu ‘e au mei māmani, ko hono ‘uhinga ē ‘oku fehi‘a ai ‘a māmani kiate kimoutolu.