I Versetti Biblici più popolari da Salmo 91

Condividi

Ito ang masasabi ko tungkol sa PANGINOON, “Siya ang kumakalinga at nagtatanggol sa akin. Siya ang aking Diyos at sa kanya ako nagtitiwala.”

Ang sinumang nananahan sa piling ng Kataas-taasang Diyos na Makapangyarihan ay kakalingain niya.

Kapag tumawag siya sa akin, sasagutin ko siya. Sasamahan ko siya, sa oras ng kaguluhan. Ililigtas ko siya at pararangalan.

Sapagkat uutusan ng Diyos ang kanyang mga anghel na ingatan ka saan ka man magpunta.

Iingatan ka niya gaya ng pag-iingat ng inahin sa kanyang mga inakay sa pamamagitan ng kanyang pakpak. Ang kanyang katapatan ang iyong magiging pananggalang at tanggulan.

Dahil ginawa mong kanlungan ang PANGINOON, ang Kataas-taasang Diyos na aking tagapagtanggol, walang kasamaan, kalamidad o anumang salot ang darating sa iyo o sa iyong tahanan.

Tiyak na ililigtas ka niya sa bitag ng masasama at sa mga nakamamatay na salot.

Kahit libu-libo pa ang mamatay sa paligid mo, wala pa ring masamang mangyayari saʼyo.

At sa gabi, hindi ka matatakot sa anumang bagay, maging sa palaso ng mga kaaway, kapag sumapit ang araw, o sa sakit at mga salot na dumarating sa gabi man o araw.