I Versetti Biblici più popolari da Romans 8

Condividi

Edo ingodena gari ra ingodena embo God dubo burera ainda yei ro bugudo ira ainda God mi buro ira ro ewamei awa embo umo dubo burera ainda yei bugarase. Edo eiawa God mi embo berari uso wasiri awa orase jawo sisira ainda yei edo ira.

Edo na gosena rora da ro mi ari ingodena Keriso da dubo bari da awa kausu kausu adi aera. Betari de ro ingodena busu da atiroro adira edo asisi berari de utu da gitijijigegari de utu da rora goroba neinde kainde de edo rora matu isira ainde edo ro amboda adira ainde edo rora utu da ainde rora busu da ainde mi mana ingodena oro God da dubo bari da awa kausu kausu adera. God mi ingodenaso Bada Iesu Keriso itiri bugusira amimi isaga isira awa umo ingodena dubo budo ira awa.

Da awodo ingodenaso tumonda ari God da yei amimi Asisi Kotopu mi bugudo ingodena embobo goroba ae awa kondade edo ira. Edo ingodena ro God da yei benunu saderi awa gae ra awasedo ingodenanemi men de da ge ato jaroro gido Asisi Kotopu mi kondade edo God da yei ingodena awa embo sedo gido ira.

Ge ewagaewa awa kotise ingode ro seri? Ingode eiedo sadera God awa ingodenaso otao awasedo ingodena awa embo buro ira awasedo embo da rawai ingodena usibesi adi aera.

Embo ave Iesu Keriso ga da dada pepeta adira embo awa wasiri biae da mina awa mana badira.

Awarate dipapa bebegae mi ingoda jo awa gitijigadira awa amimi ari ingo betari matawa atari awa badewa te ingoda jo awa Asisi Kotopu mi gitijigadira awa amimi ari ingo ewamei atise edo jo jamo jamo ari badewa.

Awarate rora berari emimi da rawai ari ingodena Keriso da dubo bari da awa kausu kausu adi aera ainda be awa umo ingodena dubo budo ira amimi iji berari kondade irirari ingodena ungoda yei goroba be edo derigadera.

Edo atari ewamei God mi amboda ingodenaso yei isaga ari badera amimi memesi ingode busu da atise burewora awa be derigedo gogowo adira awasedo nanemi mana mina ita edo tega adena.

Awasedo rora amemi ingodena awa Keriso da dubo bari da awa ari ewoga ewoga eri? Wasiri biae mi ko iji biae mi ta dari gaiari ta beji ta rora ae atari mi ta buria mi ta dari betari mi ari awa bugeita?

Edo God embo da joda ro atiri awa gari awa Asisi Kotopu ro sira awa gido ira ainda be awa Asisi Kotopu mi God da embo awasedo God da yei uso wasiri mi sedo gido ira.

Edo embo ave God da Asisi kera adira embobo awa God da kinapeina ra.

Edo embo ave ro bebegae ungoda joda atima ira amimi rawodo orase seuri edo era awa ungo iji berari tamo pigise wasiri bebegae edo era. Awarate embo ave ungo ro Asisi Kotopu mi orase siri ainda atera awa Asisi Kotopu mi ungoda jo awa gitijiguri edo uso dipapa awa edo era.

Edo God uso mei da bugari awa jigido petae ra te itiri bugusira rorou ingodena awasedo itarase. Edo umo uso mei ingodenaso yei ititisira awasedo ingodena gosera umo ingodena umo sapo orase rora ewamei nenei kando itadira.

Edo God da Asisi de ingodenaso asisi de mi ge da eiawa sedo era ingodena awa God da kinapeina ra. Ingodena ainda be awa ingodena awa God da kinapeina mi God da itipapo de gaiapa de awa badera ainda be awa ro God mi uso mei Iesu da ititisira awa ungae da ingode badera. Ko ingodena busu da atise memesi unemi burisira da awodo ingode badera gido awa ingode atari ewamei unemi burisira da awodo badera.

Awasedo dipapa bebegae mi embo da jo awa gitijigadira awa embo awa God da gitopo adira ainda be awa umo God da agodari awa kera ae ira edo umo kera ari sago ae ra.

Edo iji ainde God mi ingodena awa uso kinapeina da gari be awa isaga adira awa rora berari God mi isira awa simba ira.

Edo ingodena gosera tuturo da edo bugudo boroko rora berari God mi isira awa memesi iji berari burise atima era teta evetu mi mei badi ise memesi budo ira da awodo awa.