I Versetti Biblici più popolari da متّا 5

Condividi

آداملار دا چیراق یاندیریب، اونو قابین آلتینا قویمازلار. چیراقدانا قویارلار کی، اِوده اولانلارین هامیسینا ائشیق ورسئن. بله‌جه قویون سئزئن نورونوز ائنسانلارین حوضوروندا اله شاخسین کی، یاخشی عمللرئنئزی گؤرسونلر و گؤیده‌کی آتانیزا حمد اتسئنلر.

سئز دونیانین نوروسونوز. داغ اوستونده قورولان شهر گئزلی قالا بئلمز.

خوش اوره‌یی تمئز اولانلارین حالینا، چونکی اونلار تارینی گؤره‌جکلر.

خوش صالحلئیه آج و سوسوز اولانلارین حالینا، چونکی اونلار دویاجاقلار.

آمّا من سئزه دیئرم: دوشمنلرئنئزی سوئن و سئزی ائنجئدئب، اذئیّت ورنلر اوچون دوعا ادئن کی،

«خوش روحدا یوخسول اولانلارین حالینا، چونکی گؤیون پادشاهلیغی اونلاریندیر.

خوش باریشی ساخلایانلارین حالینا، چونکی اونلارا تارینین اوغوللاری دیئله‌جک.

خوش یاسلی اولانلارین حالینا، چونکی اونلار تسلّی تاپاجاقلار.

خوش او آداملارین حالینا کی، صالحلئک اوچون سئتم چکئرلر، چونکی گؤیون پادشاهلیغی اونلاریندیر.

خوش رحم ادنلرئن حالینا، چونکی اونلارا رحم اولوناجاق.

خوش سئزئن حالینیزا او زامان کی، منه گؤره سئزی تحقئر ادئرلر، عذاب ورئرلر، و سئزه هر جور بؤهتان آتیرلار. سوئنئن و شادلیق ادئن، چونکی گؤیده‌کی اَجرئنئز بؤیوکدور! دوغرودان دا کی، سئزدن قاباق پیغمبرلره ده بله عذاب ورئبلر.

خوش حلئملرئن حالینا، چونکی اونلار یری مئراث آلاجاقلار.

سئز یر اوزونون دوزوسونوز. آمّا اگر دوز دادینی اَلدن ورسه، نجه تکرار دوزلو اولا بئلر؟ آرتیق هچ بئر شیه فایداسی یوخدور، مگر اشئیه آتیلیب، ائنسانلارین آیاقلاری آلتیندا ازئلسئن.

بونون اوچون، گؤیده‌کی آتانیز کئمی، سئز ده کامئل اولون.

آنجاق ”بَلئنئز، بلی“ اولسون و ”خِیرئنئز، خیر“؛ بوندان آرتیغی شرئردندئر.

اشئدئبسئنئز کی، دیئلئب: ”گؤزه گؤز، دئشه دئش.“ آمّا من سئزه دیئرم: پئسلئیئن قاباغیندا موقاوئمت اِتمه‌‌یئن. کئم اوزونوزون صاغ طرفئنه وورسا، اونا سول طرفئنی ده چوئرئن.

اگر صاغ گؤزون سنی پئس یولا چکسه، اونو چیخارت و اؤزوندن آت‌‌‌گتسئن. چونکی سنئن اوچون عوضولرئندن بئرئنئن یوخ اولماسی، بوتون بدنئنئن جهنّمه آتیلماسیندان داها یاخشی‌دیر. اگر صاغ الئن سنی پئس یولا چکسه، اونو کس و اؤزوندن آت‌‌‌گتسئن. چونکی سنئن اوچون عوضولرئندن بئرئنئن یوخ اولماسی، بوتون بدنئنئن جهنّمه آتیلماسیندان داها یاخشی‌دیر.