The Colloquial Galilean Bible (CGB) is an easy Bible to understand, particularly for children and youth. It is free in audio, video, and text. For free access or to support our ministry, contact us at www.aibible.org.
الكتاب المقدس (العهد الجديد) باللهجة العامية الجليلية هو كتاب سهل الفهم خاصة للأطفال والشباب. ونصوصه متوفرة مجانا في صيغ صوتية ومرئية ونصية. للحصول على هذه النصوص أو لدعم خدمتنا، الرجاء زيارة موقعنا على العنوان التالي:
www.aibible.org

ترجمة الكتاب المقدس باللهجة العامية الجليلية

وفي هذاك الوقت اخذ الروح يسوع ع البرية عشان يجربه إبليس وصام يسوع أربعين يوم وأربعين ليلة ولما خلص الصوم كان جوعان. واجا لعندو المجرب وقالو: إذا أنت مزبوط ابن الله قول لهاي الحجارة تتحول لخبز. جاوبو يسوع وقالو مكتوب الإنسان بعيشش بس بالخبـز بس بكل كلمة بحكيـها الله. وقتها وداه أبليس عالـمدينه المقدسه وحطو عمحل عالي في الهيكل. وقالو: إذا إنت ابن الله زت حالك لتحت لأنو مكتوب وصى ملايكتو عليك وراح دايما يرفعوك عإيدهن عشان ما تنئذيش إجرك بحجر. قالو يسوع: مكتوب كمان: تجربش الرب إلهك. واخذو إبليس كمان مرة ع جبل عالي كتير وفرجاه كل ممالك العالم وعظمتهن. وقالو: بعطيك كل الـممالك إذا بتركعلي وبتسجدلي. فقالو يسوع: روح من هون يا شيطان لأنو مكتوب: اسجد للرب إلهك وتعبدش حدا تاني. وقتها حل عنو إبليس وأجت ملايكه وصارت تخدم يسوع.
ولـما سمع يسوع أنو حبسوا يوحنا راح ع الجليل. وترك الناصرة وراح يسكن في كفرناحوم اللي حد البحر في منطقة زبولون ونفتالي. وهيك تحققت كلمة الله اللي قالها النبي إشعياء. قال: يا سكان أرض زبولون وأرض نفتالي اللي عطريق البحر وغرب نهر الأردن ويا كل الأمم اللي في الجليل. أشرق نور عظيم عالشعب القاعد في الظلام والجالس تحت سيطرة الموت وشافو النور وبدا يسوع يوعظ ويقول: توبو لأنو ملكوت السموات قرب يجي.
ولما كان يمشي عند بحر الجليل شاف إخوة تنين: سمعان اللي بنادوه بطرس وأخوه اندراوس. كانو يزتو الشبكة في البحر لأنهن كانو صيادين سمك وقالهن يسوع تعالو معاي وبخليكو تصيروا صيادين ناس. أول ما سمعوه تركو شباك الصيد وصارو من أتباعو. وكمل مشي لحد ما شاف اخين غيرهن: يعقوب ويوحنا ولاد زبدي. كانو في القارب بحضرو شباك الصيد مع أبوهن زبدي. وطلب من الإخوة التنين أنهن يتبعوه. وأول ما سمعوه تركو القارب وأبوهن وصارو من أتباع يسوع.
وكان يسوع يتمشى في كل مناطق الجليل. وكان يعلم في الكُنس ويوعظ بأخبار الملكوت الحلوه. وكان يشفي كل مرض وكل ضُعف عند الشعب. وانشهر في كل سورية فصارو يجيبولو كل واحد متضايق من أي مرض أو متعذب أو راكبو روح أو مصروع أو مشلول. وشفاهن كُلهن. ولحقوه جماهير كتيـره من الجليل ومن منطقة المدن العشرة ومن القدس واليهودية ومناطق قريبة عنهر الأردن.

Ascolta متى 4