Ambae, West - 2016 Havakinau NT (Mark) Drama

Havakinau New Testament © Bible Society of the South Pacific, 2016
℗ 2023 Hosanna

Ambae, West - 2016 Havakinau NT (Mark) Non Drama

<div class="version vid2569 iso6393nnd" data-vid="2569" data-iso6393="nnd">
 <div class="book bkMRK">
 <div class="chapter ch7" data-usfm="MRK.7">
 <div class="label">7</div><div class="s">A haharaana nona ratubuki</div><div class="r">(Mat 15.1-9)</div><div class="p"> 1A Varisi* maira mana tangaloi* kikikila na Uliuli* Kokona ratuaki rau vanamai tina gwatuivanua lakua Serusalem ramo vileki dali Jisas. 2Ramo taga kwara a nona ngwalagelo ratuaki rau tuku kani kaga hinaka a kabaga rahe ngwasara tea, hokinia kwara rahe sasavula tea lo halaki hinea a Varisi ramo viti kwara a tangaloi rana vai luna. #Luk 11.38</div><div class="p"> 3A Varisi maira mana gwaloana noi Isrel* doluaki, rau huri na hahara noi ratubuga. Ranahe kanikani tea hi rahe sasavula tea, vae rana sasavula lo halaki bakotoki vunu ranari kanikani. 4Vake lolona ramo mule tina tanotano na hokahokaki hinaka, ranahe kanikani tea, vae kehekeheki rana sasavula tomua. #7.4: Lo hala kairuaki a domidomi na leo hi lo duviki tomuaki na ves hi aia hokinia hika kwara, Vake rahe kani tea kinau u vanamai lo tanotano na hokahokaki hinaka, vae kehekeheki rana kwasukia tomua. Vae aira rau huri na doridori rusa makive hinea aira ramo hagobibi vanamai evina kinia, hoki na halaki bakotoki kwara rana kwasu a laha na inuinu, a laha na hahalakwai, vake a laha na kanikani hinea a tangaloi rau kihia lo bras. #Mat 23.25; Luk 11.39</div><div class="p"> 5Hokinia a Varisi maira mana tangaloi kikikila na Uliuli Kokona ramo uhi Jisas, ramo viti &#8220;?Kworoho a nomu ngwalagelo rahe va huri na haharaana te hi mo hagobibiana vanamai tuai kinia ti ratubuda? Rau kanikani, a kabaga rahe ngwasara tea.&#8221;</div><div class="p"> 6I Jisas mo daraki lakwara mo viti &#8220;Lolona a tangaloi* duruduruki i Aesaea tuai mo duruki na leo ti God tivarea, u viti bakotokikamu kareaki kwara i kamu a tangaloi kurakura, tulu viti kinau kina ringomiu vohoki. Mo viti kwara,</div><div class="q1">&#8216;I God u viti &#8220;A tangaloi vano hikani</div><div class="q2">rau domi mavakiau kina leoga vohoki,</div><div class="q3">vae a domiga u vakahao haburu tiau.</div><div class="q1"> 7Venaha ramo toko domi mavakiau,</div><div class="q2">huri aira rau huhui na tangaloi</div><div class="q4">kina huhuiana nona tangaloi,</div><div class="q3">vunu ra va viti kwara a nogu leo.&#8221; &#8217; &#8221; #Aes 29.13</div><div class="m"> 8I Jisas mo kwaha mo viti &#8220;I kamu tulu tau gegeaki na tulikileo noi God tulu mo rongohuri na huhuiana nona tangaloi na varamana.&#8221;</div><div class="p"> 9Vunu i Jisas mo kwaha taliku mo viti &#8220;Tulu kikikila haburu tulu mo tau letiuki na tulikileo noi God, tulu mo kwiribibi na nomiu sibomiu. 10I Mosis u viti kwara, &#8216;Ko domi mavaki i tamamu mai retahimu.&#8217; Vunu vake mo viti &#8216;Ihe tea ne kwahakwaha hati vovohi tamana diko i retahina, vae rana kwohi mateia.&#8217; #a Eks 20.12; Dut 5.16; Mak 10.19; Eves 6.2; b Eks 21.17; Lev 20.9 11Vae i kamu a nomiu huhuiana tulu viti kwara diko te tangaloi te u hago te kinau kwara ne hago mai tamana mai retahina, vae ne viti &#8216;Hetea, a kinau hika u Koban&#8217; a domianaki kwara u hileana ba lakwai God, vae ne viti kwehini hi a leo noi Mosis u rovo. 12Tulu viti kwara a leo na tangaloi hi ne tu koroa, vae nehe hago lai te mai tamana mai retahina vohoki. 13Lo halaki hokinia hi tulu domi hahae na leo noi God kina nomiu haharaana hinea i kamu tulu mo domiki, tulu mo hahara na tangaloi dolua vake kinia. Vunu a kinau rusa vake tulu mo toko vaira hokinira hi.&#8221;</div><div class="s">A kinau hinea ramo vai na tangaloi ramo hogora lo nako i God</div><div class="r">(Mat 15.10-20)</div><div class="p"> 14Vunu i Jisas mo kware na vao vaki maia taliku, mo kwaha maira mo viti 15&#8220;I kamu vunu tulu rongohuriau vae tulu lai tabetabeki na leogu. Hete kinau kwara ne vanamai tavalavarea ne soro tilo kwakwa na tangaloi ne vaia ne hogora. Aia vae a havakinau hinea u vanamai tina domi na tangaloi aia hi ne vaia ne hogora.&#8221; #7.15: Lo Buku Kokona tuaki hinea a tangaloi rau ulira tuai, rau hoke na leo hika kina leo hinea mo viti kwara, &#8220;16 A gweromiu eia. Tulu rongohuri tabetabeki na leo vano hi.&#8221;</div><div class="p"> 17Lolona mo tiraki na vao mo soro vaki lolo ingwa, a nona ngwalagelo ramo uhia huri na tavaluileo hi. #Mat 13.36; Mak 4.10; Luk 8.9 18I Jisas mo kwaha maira mo viti &#8220;?Kworohokinia? ?A gwatumiu rau madi radu hokinira? A kinau hinea a tangaloi u kani nehe vaia tea kwara ne hogora koro na nako i God huri aira a kinau tavalavarea vohoki. 19Rahe hivo tea vaki lolo domi, aia rau hivo tilolo tagwangi, vunu rau vano tina tarabehi.&#8221; Lo leo hikani i Jisas u viti kwara a hinaka savia u taritarisa kwara tana kani.</div><div class="p"> 20Vunu mo vano nga mo viti &#8220;A havakinau hinea u vanamai tina domi na tangaloi, hi u vaia mo hogora, 21huri a domi hati u rusa rau vanamai tina domi na tangaloi. Rau turukinia u vai a doridori he taritarisa tea mana vavine ngwalagelo, u babalu, u uaua. 22A ngwera u tiutokakivanua mana vavinehi na tangaloi dolua, vunu a vavine hinea u laki ba u tiutokakivanua mana ngwera dolua. A tangaloi u lengai na kinau nona tangaloi dolua, u vai vataha na kinau hinea rau hati rusa, u sinasina tangaloi, u vai a doridori hati takwanahavaki mo lengaia. A kinau u kadikadia, u uveuve, u domidomia, u vai kinau hati na tangaloi u reraka. #Rom 1.29-31; 1 Kor 5.11; 6.9-10; Gal 5.19-21; Eves 5.3-4; Kol 3.5; 1 Tim 1.9-10; 2 Tim 3.2-4; 4.3; 1 Pita 4.3; Rev 21.8; 22.15 23Vunuhi na kinau vano hi rau hati rau vanamai tina domi na tangaloi, rau vai na tangaloi hi mo hogora koro na nako i God.&#8221;</div><div class="s">A hauhuriana nona natu vavine</div><div class="r">(Mat 15.21-28)</div><div class="p"> 24Vunu i Jisas mo tiraki takwa-hi mo vano vaki lo vanua garagarani mana gwatuivanua lakua Taea, mo soro tilolo ingwa kwara ne hugu eia. He lengaia tea kwara a tangaloi rana kikilaia kwara aia takwa-hi, vae he hili lai tea. 25A vavine katukwale, i natuna a natu vavine a tanungwe hati luna, mo rongo i Jisas, mo vanamai vaki maia heheriki, mo sovi hivo vaki mana garuna. 26A vavine hi a tangaloi tavalavarea tina gwaloana noi Isrel, u vora Vonisia lo vanua Siria. Mo kware i Jisas kwara ne livuti na tanungwe hati tina gwatu i natuna. 27Vae i Jisas mo daraki lakwae mo viti &#8220;A sakwarigi rana kanikani tomua. He taritarisa tea kwara na lavi na hinaka kana sakwarigi na vohokinia lakwa na kwiriu.&#8221;</div><div class="p"> 28A vavine hi mo daraki mo viti kwara, &#8220;Kareaki Hugwe*, vae a kwiriu vake rau kani a mavuvu na hinaka kana sakwarigi hinea ramo sovi vaki tavuti na tevo.&#8221;</div><div class="p"> 29Vunu i Jisas mo kwaha maia mo viti &#8220;Huri komo daraki hokinia hi, hika ko mule, a tanungwe hati hi u vano ti natumu ba.&#8221;</div><div class="p"> 30A vavine hi mo mule taliku vaki tatana mo hagwe i natuna u ngwalulu lo here a tanungwe hati hi u vano tiua ba.</div><div class="s">I Jisas mo vakahiki na tangaloi hinea a gwerona u vono, a meana u bulu</div><div class="p"> 31Hikani i Jisas mo tiraki na vanua garagarani mana gwatuivanua lakua Taea mo vano lalahi na gwatuivanua lakua Saeton mo mule lalahi na vanua dali na Gwatuivanua Hangavulu vaki lo Kwai* Tokatoka Lakua Galili*. 32Hika ramo lavi na tangaloi katukwale vaki maia a gwerona u vono, vake a meana u bulu, ramo kwaha mai Jisas kwara ne tau kabana luna ne vakahikinia. #Mat 9.18; Mak 5.23; 8.23,25; Luk 4.40; 13.13; Bol 9.12,17; 28.8 33I Jisas mo lavi na tangaloi hini tina vao raru mo vano gegeaki, mo tau na bihuna tilolo gwero na tangaloi hini, vunu i Jisas mo lido mo kihi na mea na tangaloi hi. #Mak 8.23 34Vunu i Jisas mo lalangao tagaulu vovohi na taetae mo mabuharaki mo kwaha maia mo viti &#8220;!Evata!&#8221; A domianaki kwara &#8220;Ko matakahi.&#8221; #Mat 14.19; Mak 6.41</div><div class="p"> 35Hikani a gwero na tangaloi hi mo matakahi vakatukwale, a meana mo karea mo kwaha mo matangwasara. 36Vunu i Jisas mo surira mo viti lakwara kwara rana hatu viti lakwa na tangaloi dolua. Vae hetea, mo surira, aira ramori talahakinia vakevake. 37Vunuhira hinea ramo rongo rau idila haburu luna, rau maraka ramo viti kwara, &#8220;!A hava tangaloi hikani! !Vunuhi na kinau u vaira rau karea kehe nga! U vai na tangaloi hinea a gweroga rau vono, ramo rongorongo lai, vake a tangaloi hinea rahe kwahakwaha lai tea, u vaira ramo kwahakwaha lai.&#8221; #Aes 35.5-6</div>
 </div>
 </div>
</div>

A Varisi* maira mana tangaloi* kikikila na Uliuli* Kokona ratuaki rau vanamai tina gwatuivanua lakua Serusalem ramo vileki dali Jisas. Ramo taga kwara a nona ngwalagelo ratuaki rau tuku kani kaga hinaka a kabaga rahe ngwasara tea, hokinia kwara rahe sasavula tea lo halaki hinea a Varisi ramo viti kwara a tangaloi rana vai luna.
A Varisi maira mana gwaloana noi Isrel* doluaki, rau huri na hahara noi ratubuga. Ranahe kanikani tea hi rahe sasavula tea, vae rana sasavula lo halaki bakotoki vunu ranari kanikani. Vake lolona ramo mule tina tanotano na hokahokaki hinaka, ranahe kanikani tea, vae kehekeheki rana sasavula tomua. Vae aira rau huri na doridori rusa makive hinea aira ramo hagobibi vanamai evina kinia, hoki na halaki bakotoki kwara rana kwasu a laha na inuinu, a laha na hahalakwai, vake a laha na kanikani hinea a tangaloi rau kihia lo bras.
Hokinia a Varisi maira mana tangaloi kikikila na Uliuli Kokona ramo uhi Jisas, ramo viti “?Kworoho a nomu ngwalagelo rahe va huri na haharaana te hi mo hagobibiana vanamai tuai kinia ti ratubuda? Rau kanikani, a kabaga rahe ngwasara tea.”
I Jisas mo daraki lakwara mo viti “Lolona a tangaloi* duruduruki i Aesaea tuai mo duruki na leo ti God tivarea, u viti bakotokikamu kareaki kwara i kamu a tangaloi kurakura, tulu viti kinau kina ringomiu vohoki. Mo viti kwara,
‘I God u viti “A tangaloi vano hikani
rau domi mavakiau kina leoga vohoki,
vae a domiga u vakahao haburu tiau.
Venaha ramo toko domi mavakiau,
huri aira rau huhui na tangaloi
kina huhuiana nona tangaloi,
vunu ra va viti kwara a nogu leo.” ’ ”
I Jisas mo kwaha mo viti “I kamu tulu tau gegeaki na tulikileo noi God tulu mo rongohuri na huhuiana nona tangaloi na varamana.”
Vunu i Jisas mo kwaha taliku mo viti “Tulu kikikila haburu tulu mo tau letiuki na tulikileo noi God, tulu mo kwiribibi na nomiu sibomiu. I Mosis u viti kwara, ‘Ko domi mavaki i tamamu mai retahimu.’ Vunu vake mo viti ‘Ihe tea ne kwahakwaha hati vovohi tamana diko i retahina, vae rana kwohi mateia.’ Vae i kamu a nomiu huhuiana tulu viti kwara diko te tangaloi te u hago te kinau kwara ne hago mai tamana mai retahina, vae ne viti ‘Hetea, a kinau hika u Koban’ a domianaki kwara u hileana ba lakwai God, vae ne viti kwehini hi a leo noi Mosis u rovo. Tulu viti kwara a leo na tangaloi hi ne tu koroa, vae nehe hago lai te mai tamana mai retahina vohoki. Lo halaki hokinia hi tulu domi hahae na leo noi God kina nomiu haharaana hinea i kamu tulu mo domiki, tulu mo hahara na tangaloi dolua vake kinia. Vunu a kinau rusa vake tulu mo toko vaira hokinira hi.”


Vunu i Jisas mo kware na vao vaki maia taliku, mo kwaha maira mo viti “I kamu vunu tulu rongohuriau vae tulu lai tabetabeki na leogu. Hete kinau kwara ne vanamai tavalavarea ne soro tilo kwakwa na tangaloi ne vaia ne hogora. Aia vae a havakinau hinea u vanamai tina domi na tangaloi aia hi ne vaia ne hogora.”
Lolona mo tiraki na vao mo soro vaki lolo ingwa, a nona ngwalagelo ramo uhia huri na tavaluileo hi. I Jisas mo kwaha maira mo viti “?Kworohokinia? ?A gwatumiu rau madi radu hokinira? A kinau hinea a tangaloi u kani nehe vaia tea kwara ne hogora koro na nako i God huri aira a kinau tavalavarea vohoki. Rahe hivo tea vaki lolo domi, aia rau hivo tilolo tagwangi, vunu rau vano tina tarabehi.” Lo leo hikani i Jisas u viti kwara a hinaka savia u taritarisa kwara tana kani.
Vunu mo vano nga mo viti “A havakinau hinea u vanamai tina domi na tangaloi, hi u vaia mo hogora, huri a domi hati u rusa rau vanamai tina domi na tangaloi. Rau turukinia u vai a doridori he taritarisa tea mana vavine ngwalagelo, u babalu, u uaua. A ngwera u tiutokakivanua mana vavinehi na tangaloi dolua, vunu a vavine hinea u laki ba u tiutokakivanua mana ngwera dolua. A tangaloi u lengai na kinau nona tangaloi dolua, u vai vataha na kinau hinea rau hati rusa, u sinasina tangaloi, u vai a doridori hati takwanahavaki mo lengaia. A kinau u kadikadia, u uveuve, u domidomia, u vai kinau hati na tangaloi u reraka. Vunuhi na kinau vano hi rau hati rau vanamai tina domi na tangaloi, rau vai na tangaloi hi mo hogora koro na nako i God.”


Vunu i Jisas mo tiraki takwa-hi mo vano vaki lo vanua garagarani mana gwatuivanua lakua Taea, mo soro tilolo ingwa kwara ne hugu eia. He lengaia tea kwara a tangaloi rana kikilaia kwara aia takwa-hi, vae he hili lai tea. A vavine katukwale, i natuna a natu vavine a tanungwe hati luna, mo rongo i Jisas, mo vanamai vaki maia heheriki, mo sovi hivo vaki mana garuna. A vavine hi a tangaloi tavalavarea tina gwaloana noi Isrel, u vora Vonisia lo vanua Siria. Mo kware i Jisas kwara ne livuti na tanungwe hati tina gwatu i natuna. Vae i Jisas mo daraki lakwae mo viti “A sakwarigi rana kanikani tomua. He taritarisa tea kwara na lavi na hinaka kana sakwarigi na vohokinia lakwa na kwiriu.”
A vavine hi mo daraki mo viti kwara, “Kareaki Hugwe*, vae a kwiriu vake rau kani a mavuvu na hinaka kana sakwarigi hinea ramo sovi vaki tavuti na tevo.”
Vunu i Jisas mo kwaha maia mo viti “Huri komo daraki hokinia hi, hika ko mule, a tanungwe hati hi u vano ti natumu ba.”
A vavine hi mo mule taliku vaki tatana mo hagwe i natuna u ngwalulu lo here a tanungwe hati hi u vano tiua ba.

Hikani i Jisas mo tiraki na vanua garagarani mana gwatuivanua lakua Taea mo vano lalahi na gwatuivanua lakua Saeton mo mule lalahi na vanua dali na Gwatuivanua Hangavulu vaki lo Kwai* Tokatoka Lakua Galili*. Hika ramo lavi na tangaloi katukwale vaki maia a gwerona u vono, vake a meana u bulu, ramo kwaha mai Jisas kwara ne tau kabana luna ne vakahikinia. I Jisas mo lavi na tangaloi hini tina vao raru mo vano gegeaki, mo tau na bihuna tilolo gwero na tangaloi hini, vunu i Jisas mo lido mo kihi na mea na tangaloi hi. Vunu i Jisas mo lalangao tagaulu vovohi na taetae mo mabuharaki mo kwaha maia mo viti “!Evata!” A domianaki kwara “Ko matakahi.”
Hikani a gwero na tangaloi hi mo matakahi vakatukwale, a meana mo karea mo kwaha mo matangwasara. Vunu i Jisas mo surira mo viti lakwara kwara rana hatu viti lakwa na tangaloi dolua. Vae hetea, mo surira, aira ramori talahakinia vakevake. Vunuhira hinea ramo rongo rau idila haburu luna, rau maraka ramo viti kwara, “!A hava tangaloi hikani! !Vunuhi na kinau u vaira rau karea kehe nga! U vai na tangaloi hinea a gweroga rau vono, ramo rongorongo lai, vake a tangaloi hinea rahe kwahakwaha lai tea, u vaira ramo kwahakwaha lai.”

Ascolta MAK 7