MATTHEW 9
9
Jisu Pora Jothor-Rugi Ekjon Hustho Kora
1Aru nao ekta te boha pasot te samundor par kori kene Tar nijor laga sohor te ahhise. 2Aru sabi, konuba manuh pora jothor rugi ekjon, bisona te ghumai thaka anise; aru ketiya Jisu he taikhan biswas dekhise, Jisu he jothor rugi jon ke koise, “Mon khushi hobi, Moi laga putro; tumar paap sob khyama kori dise.” 3Aru sabi, konuba pondit khan pora nijor mon te eneka koise, “Eitu manuh pora Isor ke ninda kori ase.” 4Kintu Jisu he, taikhan laga mon te bhabna kora tu jani kene, koise, “Kile tumar mon te beya bhabna kori ase? 5Kilemane kon tu kobole asani ase, ‘Tumar paap sob khyama kori dise,’ na, nahole ‘Uthibi aru berai kene jabi?’ 6Kintu prithibi te Manuh laga Putro darai paap sob khyama koribole odhikar ase eneka tumikhan ke janai dibole he eitu hoi ase”—tetiya Tar he jothor rugi jon ke koise—“Khara koribi, tumar bisona bukhi lobi aru tumar ghor te jabi.” 7Aru tar khara kori kene nijor ghor te jai jaise. 8Ketiya jama kora manuh khan pora eitu dekhise, taikhan sob bhoi lagise, aru manuh khan ke iman odhikar diya Isor ke mahima korise.
Jisu He Matthew Ke Mata
9Jisu tate pora jua homoi te, Tar manuh ekjon khajana tula jaga te bohi kene dekhise, kon ke Matthew eneka mate; aru Jisu he tar ke koise, “Moi laga piche te ahhibi.” Aru tar uthi kene Jisu piche te jaise.
10Aru ketiya ghor te ahhi kene bhat khabole Tar bohise, sabi, khajana tula khan aru paapi manuh khan besi ahhi kene Jisu aru Tar chella khan logote bohi thakise. 11Aru ketiya Pharisees khan pora eitu dekhise, taikhan pora chella khan logote koise, “Kile tumikhan laga guru tu eitu khajana tula khan aru paapi khan logote khai ase?” 12Kintu ketiya Jisu he eitu hunise, Tar he koise, “Kon manuh bemar nahoi, taikhan karne doctor nalage, kintu kon bemar ase taikhan karne he lage. 13Jabi aru eitu ortho tu ki ase eitu buji lobi, ‘bolidaan nahoi kintu Moi doya he bisari ase.’ Kilemane Moi dharmik manuh khan nahoi, kintu paapi khan matibole he ahhise.”
Logun Karne Huda-hudi Kora
14Tetiya John laga chella khan Tar logote ahhi kene, koise, “Kile amikhan aru Pharisees khan pora majot majot te logun loi, kintu apunar chella khan tu logun naloi?” 15Aru Jisu he taikhan logote koise, “Ketiya tak dulha taikhan logote thake, tetiya tak alohi khan mon dukh pora nakande, nahoi neki? Din tu ahhibo ketiya dulha taikhan majot pora loi jabo, aru eitu pasote he taikhan pora logun lobo. 16Aru kon manuh pora bhi notun kapoor loi kene purana kapoor te chenda bond koribole na-lagai, kilemane silaa jagate purana kapoor tu arubhi phati jabo, aru chenda tu besi dangor he hoi jabo. 17Nahole notun draikhya-roh tu purana chamra jhola te hali kene narakhe; eneka hole jhola he phati jabo, aru draikhya-roh tu nosto hobo aru chamra jhola bhi nosto hobo; kintu notun draikhya-roh tu notun jhola te rakhe, eneka hole duita bhi bachai kene rakhe.”
Sowali Ekjoni Jiyai Uthaise aru Mahila Ekjoni Hustho Kora
18Ketiya Jisu he eitu kotha taikhan ke koi thakise, sabi, sasonkorta ekjon ahhise aru Tar aage te athukarhi kene, koise, “Moi laga sowali etiya he morise; kintu ahhi kene apunar haat pora tai logote chui dibi, aru tai jinda hoi jabo.” 19Aru Jisu he uthise aru tar laga piche te jaise, aru chella khan bhi jaise. 20Aru sabi, tate baroh saal khoon jua bemar pora dukh hoi thaka tiruta ekjoni Jisu laga piche te ahhi kene Tar laga anchal kapoor te olop chui loise, 21kilemane tai he nijor mon te eneka koise, “Jodi moi Jisu laga anchal kapoor te hole bhi chui dile, moi bhall hoi jabo.” 22Jisu he ghuraise, aru tai ke dekhi kene koise, “khushi hobi, putri; tumar biswas pora tumi ke hustho kori loise.” Aru loge loge tiruta tu bhall hoi jaise. 23Aru ketiya Jisu he sasonkorta laga ghor tu pongchise, tate banhi baja khan aru besi manuh jama kori kene hala-gula kora dekhise, 24Tar he koise, “Jai jabi; kilemane sowali tu mora nai, kintu ghumai ase.” Aru taikhan pora Tar ke hangsai dise. 25Kintu ketiya jama kori thaka manuh khan bahar te jabole dise, Tar ghor bhitor te jaise aru sowali ke haat te dhorise, aru sowali tu uthise. 26Aru eitu laga khobor tu jila sob jagate pongchise.
Andha Duijon Jisu He Hustho Kora
27Aru Jisu he tate pora jua homoi te, soku andha duijon bhi Tar piche te ahhise, aru jur pora chillai kene koise, “Amikhan ke doya koribi, David laga Putro!” 28Ketiya Tar ghor te jaise, andha manuh duijon tu Tar usor te ahhise; aru Jisu he tarkhan ke koise, “Moi eitu koribo pare eneka tumikhan biswas ase neki?” Taikhan pora Tar ke koise, “Hoi, Prabhu.” 29Tetiya Tar he taikhan soku te chui kene koise, “Tumikhan biswas kora nisna, eneka he hobole dibi.” 30Aru taikhan laga soku tu khulise. Tetiya Jisu he kara pora hukum di kene koise, “Sabi hushier hobi eitu kon ke bhi janibole nadibi.” 31Kintu tarkhan jai kene Jisu laga kotha tu jila sob jaga te janai dise.
Kotha Kobo Napara Manuh Ekjon Jisu He Hustho Kora
32Taikhan jua homoi te, sabi, bhut pora dhori thaka ekjon manuh kon he kotha kobo napare eitu manuh Tar usor te anise. 33Aru ketiya bhut tu khedai dise, kotha kobo napara manuh tu kotha koise; aru jama kori thaka manuh khan asorit hoi kene koise, “Israel te eneka nisna ketiya bhi dekha nai.” 34Kintu pharisees khan he koise, “Saitan laga bhut pora Tar ohusi atma ke khedai ase.”
Paka Kheti Besi, Kati Bole Manuh Komti
35Aru Jisu he sohor aru bosti sob jagate jai kene, girja ghor te sikhai dise, aru sorgo rajyo laga bhall khobor janai dise, aru gau te dukh thaka nana kisim aru bemari manuh khan hustho kori thakise. 36Ketiya besi manuh jama kora Tar pora dekhise, taikhan karne Tar morom lagise, kilemane taikhan roikhya nathaka mer nisna bhoi kori kene dukh te thakise. 37Tetiya Tar pora nijor chella khan ke koise, “Kheti katibole tu besi ase, kintu kam kora manuh khan komti ase; 38eitu nimite kheti laga Prabhu logote kam kora manuh khan pathai dibo karne prathana koribi.”
Valið núna:
MATTHEW 9: NagaMe
Áherslumerki
Deildu
Afrita
Want to have your highlights saved across all your devices? Sign up or sign in
© 2014, The Bible Society of India
All rights reserved.
MATTHEW 9
9
Jisu Pora Jothor-Rugi Ekjon Hustho Kora
1Aru nao ekta te boha pasot te samundor par kori kene Tar nijor laga sohor te ahhise. 2Aru sabi, konuba manuh pora jothor rugi ekjon, bisona te ghumai thaka anise; aru ketiya Jisu he taikhan biswas dekhise, Jisu he jothor rugi jon ke koise, “Mon khushi hobi, Moi laga putro; tumar paap sob khyama kori dise.” 3Aru sabi, konuba pondit khan pora nijor mon te eneka koise, “Eitu manuh pora Isor ke ninda kori ase.” 4Kintu Jisu he, taikhan laga mon te bhabna kora tu jani kene, koise, “Kile tumar mon te beya bhabna kori ase? 5Kilemane kon tu kobole asani ase, ‘Tumar paap sob khyama kori dise,’ na, nahole ‘Uthibi aru berai kene jabi?’ 6Kintu prithibi te Manuh laga Putro darai paap sob khyama koribole odhikar ase eneka tumikhan ke janai dibole he eitu hoi ase”—tetiya Tar he jothor rugi jon ke koise—“Khara koribi, tumar bisona bukhi lobi aru tumar ghor te jabi.” 7Aru tar khara kori kene nijor ghor te jai jaise. 8Ketiya jama kora manuh khan pora eitu dekhise, taikhan sob bhoi lagise, aru manuh khan ke iman odhikar diya Isor ke mahima korise.
Jisu He Matthew Ke Mata
9Jisu tate pora jua homoi te, Tar manuh ekjon khajana tula jaga te bohi kene dekhise, kon ke Matthew eneka mate; aru Jisu he tar ke koise, “Moi laga piche te ahhibi.” Aru tar uthi kene Jisu piche te jaise.
10Aru ketiya ghor te ahhi kene bhat khabole Tar bohise, sabi, khajana tula khan aru paapi manuh khan besi ahhi kene Jisu aru Tar chella khan logote bohi thakise. 11Aru ketiya Pharisees khan pora eitu dekhise, taikhan pora chella khan logote koise, “Kile tumikhan laga guru tu eitu khajana tula khan aru paapi khan logote khai ase?” 12Kintu ketiya Jisu he eitu hunise, Tar he koise, “Kon manuh bemar nahoi, taikhan karne doctor nalage, kintu kon bemar ase taikhan karne he lage. 13Jabi aru eitu ortho tu ki ase eitu buji lobi, ‘bolidaan nahoi kintu Moi doya he bisari ase.’ Kilemane Moi dharmik manuh khan nahoi, kintu paapi khan matibole he ahhise.”
Logun Karne Huda-hudi Kora
14Tetiya John laga chella khan Tar logote ahhi kene, koise, “Kile amikhan aru Pharisees khan pora majot majot te logun loi, kintu apunar chella khan tu logun naloi?” 15Aru Jisu he taikhan logote koise, “Ketiya tak dulha taikhan logote thake, tetiya tak alohi khan mon dukh pora nakande, nahoi neki? Din tu ahhibo ketiya dulha taikhan majot pora loi jabo, aru eitu pasote he taikhan pora logun lobo. 16Aru kon manuh pora bhi notun kapoor loi kene purana kapoor te chenda bond koribole na-lagai, kilemane silaa jagate purana kapoor tu arubhi phati jabo, aru chenda tu besi dangor he hoi jabo. 17Nahole notun draikhya-roh tu purana chamra jhola te hali kene narakhe; eneka hole jhola he phati jabo, aru draikhya-roh tu nosto hobo aru chamra jhola bhi nosto hobo; kintu notun draikhya-roh tu notun jhola te rakhe, eneka hole duita bhi bachai kene rakhe.”
Sowali Ekjoni Jiyai Uthaise aru Mahila Ekjoni Hustho Kora
18Ketiya Jisu he eitu kotha taikhan ke koi thakise, sabi, sasonkorta ekjon ahhise aru Tar aage te athukarhi kene, koise, “Moi laga sowali etiya he morise; kintu ahhi kene apunar haat pora tai logote chui dibi, aru tai jinda hoi jabo.” 19Aru Jisu he uthise aru tar laga piche te jaise, aru chella khan bhi jaise. 20Aru sabi, tate baroh saal khoon jua bemar pora dukh hoi thaka tiruta ekjoni Jisu laga piche te ahhi kene Tar laga anchal kapoor te olop chui loise, 21kilemane tai he nijor mon te eneka koise, “Jodi moi Jisu laga anchal kapoor te hole bhi chui dile, moi bhall hoi jabo.” 22Jisu he ghuraise, aru tai ke dekhi kene koise, “khushi hobi, putri; tumar biswas pora tumi ke hustho kori loise.” Aru loge loge tiruta tu bhall hoi jaise. 23Aru ketiya Jisu he sasonkorta laga ghor tu pongchise, tate banhi baja khan aru besi manuh jama kori kene hala-gula kora dekhise, 24Tar he koise, “Jai jabi; kilemane sowali tu mora nai, kintu ghumai ase.” Aru taikhan pora Tar ke hangsai dise. 25Kintu ketiya jama kori thaka manuh khan bahar te jabole dise, Tar ghor bhitor te jaise aru sowali ke haat te dhorise, aru sowali tu uthise. 26Aru eitu laga khobor tu jila sob jagate pongchise.
Andha Duijon Jisu He Hustho Kora
27Aru Jisu he tate pora jua homoi te, soku andha duijon bhi Tar piche te ahhise, aru jur pora chillai kene koise, “Amikhan ke doya koribi, David laga Putro!” 28Ketiya Tar ghor te jaise, andha manuh duijon tu Tar usor te ahhise; aru Jisu he tarkhan ke koise, “Moi eitu koribo pare eneka tumikhan biswas ase neki?” Taikhan pora Tar ke koise, “Hoi, Prabhu.” 29Tetiya Tar he taikhan soku te chui kene koise, “Tumikhan biswas kora nisna, eneka he hobole dibi.” 30Aru taikhan laga soku tu khulise. Tetiya Jisu he kara pora hukum di kene koise, “Sabi hushier hobi eitu kon ke bhi janibole nadibi.” 31Kintu tarkhan jai kene Jisu laga kotha tu jila sob jaga te janai dise.
Kotha Kobo Napara Manuh Ekjon Jisu He Hustho Kora
32Taikhan jua homoi te, sabi, bhut pora dhori thaka ekjon manuh kon he kotha kobo napare eitu manuh Tar usor te anise. 33Aru ketiya bhut tu khedai dise, kotha kobo napara manuh tu kotha koise; aru jama kori thaka manuh khan asorit hoi kene koise, “Israel te eneka nisna ketiya bhi dekha nai.” 34Kintu pharisees khan he koise, “Saitan laga bhut pora Tar ohusi atma ke khedai ase.”
Paka Kheti Besi, Kati Bole Manuh Komti
35Aru Jisu he sohor aru bosti sob jagate jai kene, girja ghor te sikhai dise, aru sorgo rajyo laga bhall khobor janai dise, aru gau te dukh thaka nana kisim aru bemari manuh khan hustho kori thakise. 36Ketiya besi manuh jama kora Tar pora dekhise, taikhan karne Tar morom lagise, kilemane taikhan roikhya nathaka mer nisna bhoi kori kene dukh te thakise. 37Tetiya Tar pora nijor chella khan ke koise, “Kheti katibole tu besi ase, kintu kam kora manuh khan komti ase; 38eitu nimite kheti laga Prabhu logote kam kora manuh khan pathai dibo karne prathana koribi.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2014, The Bible Society of India
All rights reserved.