MATTHEW 10
10
Barohjon Pasonir
1Aru Jisu he barohjon chella ke matise aru letra ohusi atma khan khedai dibole, aru gau te nana kisim dukh aru bemari khan hustho koribole tarkhan upor te odhikar dise. 2Baroh jon Pasonir laga nam tu eitu khan thakise: prothom te, Simon, kon ke Peter eneka bhi mate, aru tar bhai Andrew; Zebedee laga putro James aru tar laga bhai John; 3Philip aru Bartholomew; Thomas aru khajana tula manuh Matthew; Alphaeus laga putro James, aru Thaddaeus; 4Simon Canani manuh, aru Judas Iscariot, kon he Tar ke thogai dise.
Barohjon Pasonir Jisu He Pathai Diya
5Jisu he eitu barohjon ke pathai kene koise: “Porjati khan thaka jagate najabi, aru Samaria manuh khan laga nagor te bhi najabi, 6kintu Israel laga porial te harai thaka mer logote he jabi. 7Aru tumi khan jua homoi te, prachar kori kene kobi, ‘Sorgo rajyo usorte ahhi kene ase.’ 8Bemari ke hustho kori dibi, mora manuh khan ke jinda uthai dibi, kuntho-rugi khan safa kori dibi, ohusi atma ke khedai dibi. Tumi khan keneka bina dam te paise, eitu nisna bina dam te he di dibi. 9Sona, nahole chandi, nahole tama eku nabukhibi, 10tumikhan jatra karne jhola, shula kapoor jura, sandal, nahole lakhuti bhi nalobi; kilemane kam kora manuh khan tu ahar khabole jugyo ase. 11Aru tumikhan kon tu nagor nahole bosti te jai, tate kon he jugyo ase eitu bisari lobi, aru eitu jaga pora najua tak tate he thakibi. 12Tumikhan ghor bhitor te jua homoite, salam janai dibi. 13Aru jodi eitu porial tu jugyo ase, tetiya tumar laga anando eitu ghor te thakibole dibi; kintu jodi eitu porial tu jugyo nahoi, tetiya hole tumar anando tu ghurai ahhibo dibi. 14Aru jodi konuba pora tumikhan ke swagat kora nai nahole tumikhan laga kotha lua nai, tetiya tumikhan eitu ghor nahole nagor pora jua homoi te tumikhan laga theng te thaka dhuli tu jukari kene phelai dibi. 15Hosa kotha Moi tumikhan ke koi ase, bichar din te eitu nagor pora tu Sodom aru Gomorrah ke sehen koribole he sosta hobo.
Tarona Ahhibo
16“Sabi, rang kukur khan majote mer nisna moi tumi khan ke pathai ase; eitu nimite sanp nisna gyani hobi aru kopo chiriya khan nisna nomro hobi. 17Manuh khan nimite hushier kori thakibi, kilemane taikhan pora tumikhan ke sobha te pongchai dibo aru taikhan laga girja ghor te tumikhan ke lathi pora pitibo; 18aru moi nimite tumikhan ke tani kene rajyopal aru raja khan aage te loi jabo, taikhan aru porjati khan karne sakhi hobole nimite eneka hobo. 19Ketiya taikhan pora tumikhan dusera haat te di dibo, tumikhan keneka kotha kobo nahole ki kotha kobo eneka chinta nakoribi; kilemane tumikhan ki kobo thik eitu homoi te di dibo; 20kilemane kotha kua tu tumikhan nahoi, kintu tumar Pitri laga Atma, Kon he tumikhan darai koi ase. 21Kokai pora nijor bhai ke morai dibo nimite thogai dibo, aru baba pora nijor bacha ke eneka koribo, aru bacha khan pora nijor amaa baba uporte uthibo aru taikhan ke morai dibo; 22aru Moi laga nam nimite sob manuh pora tumikhan ke ghin koribo. Kintu kon he hekh tak dhorjo kori thake heijon he bachibo. 23Ketiya ekta nagor te tumi ke tarona kore, dusera ekta te polai jabi; kilemane moi tumikhan ke hosa kotha kobo, Israel nagor sob te tumikhan pora prachar kori kene napongcha aage te manuh laga Putro ahhi jabo.
24“Chella ekta tu tar guru pora dangor nahoi, nahole nokor ekjon tu malik pora dangor nahoi. 25Chella ekta tu guru nisna hole, aru nokor ekta tu malik nisna hole eitu kafi ase. Jodi taikhan pora ghor malik ke Beelzebul eneka matile, tetiya tar laga khandan ke kiman bhi beya matibo.
Bhoi Nakoribi
26“Eitu karne taikhan ke bhoi nakoribi; kilemane prokahit nakoribole aru najanibole laga eku bhi nai. 27Moi andhera te ki tumikhan ke koi ase, puhor te eitu kobi; aru kan te ki hunai di ase, eitu ghor upor pora hunai dibi. 28Aru kon he gau te morai dibo kintu atma tu morabo napare eitu khan ke bhoi nakoribi; eitu laga bodli, kon he gau aru atma duita bhi norok te nosto koribo pare, Tar ke he bhoi koribi. 29Duita ghor-chiriya ek naya poisa te bikiri nakori? Aru eitu khan ekta bhi tumar Pitri itcha te nahoi kene, maati te nagiribo. 30Kintu tumikhan laga matha te chuli sob genti kori kene ase. 31Eitu karne, bhoi nakoribi; ghor chiriya besi pora tumikhan he besi dam ase. 32“Eitu karne kon pora manuh aage te moi ke shikar kore, moi bhi sorgot thaka Pitri aage te taikhan ke shikar koribo, 33kintu kon pora manuh khan aage te moi ke shikar nakore, Sorgot te thaka Pitri usorte moi bhi taikhan ke shikar nakoribo.
Shanti Nahoi, Kintu Taruwal
34“Moi shanti loi kene prithibi te ahhise eneka bhabna nakoribi; shanti nahoi, kintu taruwal he anise. 35Kilemane moi ahha tu manuh ekjon he tar pitri ke birudh hobo nimite, aru putri ekjon he tai amaa ke birudh hobo nimite, aru bahu he tai sasuri ke birudh kori dibole karne ahhise; 36aru ekjon laga dushman tu nijor ghor manuh pora he hobo. 37Konu manuh pora, jodi nijor amaa baba ke moi pora besi morom kore, hei jon moi karne kabil nahoi; aru jodi konu manuh pora nijor putro nahole putri ke moi pora besi morom kore, moi karne kabil nahoi; 38aru kon manuh he nijor kros bukhi kene moi laga piche nahhe, hei jon moi karne kabil nahoi. 39Kon manuh he nijor jivon bachai rakhe, eitu harai jabo, aru kon manuh he Jisu nam te nijor jivon harai dise, eitu ghurai pabo.
Inam
40“Kon manuh he tumikhan ke grohon kori ase, moi ke grohon kori ase, aru kon manuh he moi ke grohon kori ase, Pitri, kon he moi ke pathaise Tar ke grohon kori ase. 41Kon he bhavobadi ekjon ke bhavobadi laga nam te grohon kore, bhavobadi laga inam pabo; aru kon he dharmik manuh ekjon ke dharmik manuh laga nam te grohon kore, dharmik laga inam pabo; 42aru kon he thanda paani holebhi eitu huru khan ke chella laga nam te dibo, moi tumikhan ke hosa koi ase, eitu khan kon bhi inam naharabo.”
Valið núna:
MATTHEW 10: NagaMe
Áherslumerki
Deildu
Afrita
Want to have your highlights saved across all your devices? Sign up or sign in
© 2014, The Bible Society of India
All rights reserved.
MATTHEW 10
10
Barohjon Pasonir
1Aru Jisu he barohjon chella ke matise aru letra ohusi atma khan khedai dibole, aru gau te nana kisim dukh aru bemari khan hustho koribole tarkhan upor te odhikar dise. 2Baroh jon Pasonir laga nam tu eitu khan thakise: prothom te, Simon, kon ke Peter eneka bhi mate, aru tar bhai Andrew; Zebedee laga putro James aru tar laga bhai John; 3Philip aru Bartholomew; Thomas aru khajana tula manuh Matthew; Alphaeus laga putro James, aru Thaddaeus; 4Simon Canani manuh, aru Judas Iscariot, kon he Tar ke thogai dise.
Barohjon Pasonir Jisu He Pathai Diya
5Jisu he eitu barohjon ke pathai kene koise: “Porjati khan thaka jagate najabi, aru Samaria manuh khan laga nagor te bhi najabi, 6kintu Israel laga porial te harai thaka mer logote he jabi. 7Aru tumi khan jua homoi te, prachar kori kene kobi, ‘Sorgo rajyo usorte ahhi kene ase.’ 8Bemari ke hustho kori dibi, mora manuh khan ke jinda uthai dibi, kuntho-rugi khan safa kori dibi, ohusi atma ke khedai dibi. Tumi khan keneka bina dam te paise, eitu nisna bina dam te he di dibi. 9Sona, nahole chandi, nahole tama eku nabukhibi, 10tumikhan jatra karne jhola, shula kapoor jura, sandal, nahole lakhuti bhi nalobi; kilemane kam kora manuh khan tu ahar khabole jugyo ase. 11Aru tumikhan kon tu nagor nahole bosti te jai, tate kon he jugyo ase eitu bisari lobi, aru eitu jaga pora najua tak tate he thakibi. 12Tumikhan ghor bhitor te jua homoite, salam janai dibi. 13Aru jodi eitu porial tu jugyo ase, tetiya tumar laga anando eitu ghor te thakibole dibi; kintu jodi eitu porial tu jugyo nahoi, tetiya hole tumar anando tu ghurai ahhibo dibi. 14Aru jodi konuba pora tumikhan ke swagat kora nai nahole tumikhan laga kotha lua nai, tetiya tumikhan eitu ghor nahole nagor pora jua homoi te tumikhan laga theng te thaka dhuli tu jukari kene phelai dibi. 15Hosa kotha Moi tumikhan ke koi ase, bichar din te eitu nagor pora tu Sodom aru Gomorrah ke sehen koribole he sosta hobo.
Tarona Ahhibo
16“Sabi, rang kukur khan majote mer nisna moi tumi khan ke pathai ase; eitu nimite sanp nisna gyani hobi aru kopo chiriya khan nisna nomro hobi. 17Manuh khan nimite hushier kori thakibi, kilemane taikhan pora tumikhan ke sobha te pongchai dibo aru taikhan laga girja ghor te tumikhan ke lathi pora pitibo; 18aru moi nimite tumikhan ke tani kene rajyopal aru raja khan aage te loi jabo, taikhan aru porjati khan karne sakhi hobole nimite eneka hobo. 19Ketiya taikhan pora tumikhan dusera haat te di dibo, tumikhan keneka kotha kobo nahole ki kotha kobo eneka chinta nakoribi; kilemane tumikhan ki kobo thik eitu homoi te di dibo; 20kilemane kotha kua tu tumikhan nahoi, kintu tumar Pitri laga Atma, Kon he tumikhan darai koi ase. 21Kokai pora nijor bhai ke morai dibo nimite thogai dibo, aru baba pora nijor bacha ke eneka koribo, aru bacha khan pora nijor amaa baba uporte uthibo aru taikhan ke morai dibo; 22aru Moi laga nam nimite sob manuh pora tumikhan ke ghin koribo. Kintu kon he hekh tak dhorjo kori thake heijon he bachibo. 23Ketiya ekta nagor te tumi ke tarona kore, dusera ekta te polai jabi; kilemane moi tumikhan ke hosa kotha kobo, Israel nagor sob te tumikhan pora prachar kori kene napongcha aage te manuh laga Putro ahhi jabo.
24“Chella ekta tu tar guru pora dangor nahoi, nahole nokor ekjon tu malik pora dangor nahoi. 25Chella ekta tu guru nisna hole, aru nokor ekta tu malik nisna hole eitu kafi ase. Jodi taikhan pora ghor malik ke Beelzebul eneka matile, tetiya tar laga khandan ke kiman bhi beya matibo.
Bhoi Nakoribi
26“Eitu karne taikhan ke bhoi nakoribi; kilemane prokahit nakoribole aru najanibole laga eku bhi nai. 27Moi andhera te ki tumikhan ke koi ase, puhor te eitu kobi; aru kan te ki hunai di ase, eitu ghor upor pora hunai dibi. 28Aru kon he gau te morai dibo kintu atma tu morabo napare eitu khan ke bhoi nakoribi; eitu laga bodli, kon he gau aru atma duita bhi norok te nosto koribo pare, Tar ke he bhoi koribi. 29Duita ghor-chiriya ek naya poisa te bikiri nakori? Aru eitu khan ekta bhi tumar Pitri itcha te nahoi kene, maati te nagiribo. 30Kintu tumikhan laga matha te chuli sob genti kori kene ase. 31Eitu karne, bhoi nakoribi; ghor chiriya besi pora tumikhan he besi dam ase. 32“Eitu karne kon pora manuh aage te moi ke shikar kore, moi bhi sorgot thaka Pitri aage te taikhan ke shikar koribo, 33kintu kon pora manuh khan aage te moi ke shikar nakore, Sorgot te thaka Pitri usorte moi bhi taikhan ke shikar nakoribo.
Shanti Nahoi, Kintu Taruwal
34“Moi shanti loi kene prithibi te ahhise eneka bhabna nakoribi; shanti nahoi, kintu taruwal he anise. 35Kilemane moi ahha tu manuh ekjon he tar pitri ke birudh hobo nimite, aru putri ekjon he tai amaa ke birudh hobo nimite, aru bahu he tai sasuri ke birudh kori dibole karne ahhise; 36aru ekjon laga dushman tu nijor ghor manuh pora he hobo. 37Konu manuh pora, jodi nijor amaa baba ke moi pora besi morom kore, hei jon moi karne kabil nahoi; aru jodi konu manuh pora nijor putro nahole putri ke moi pora besi morom kore, moi karne kabil nahoi; 38aru kon manuh he nijor kros bukhi kene moi laga piche nahhe, hei jon moi karne kabil nahoi. 39Kon manuh he nijor jivon bachai rakhe, eitu harai jabo, aru kon manuh he Jisu nam te nijor jivon harai dise, eitu ghurai pabo.
Inam
40“Kon manuh he tumikhan ke grohon kori ase, moi ke grohon kori ase, aru kon manuh he moi ke grohon kori ase, Pitri, kon he moi ke pathaise Tar ke grohon kori ase. 41Kon he bhavobadi ekjon ke bhavobadi laga nam te grohon kore, bhavobadi laga inam pabo; aru kon he dharmik manuh ekjon ke dharmik manuh laga nam te grohon kore, dharmik laga inam pabo; 42aru kon he thanda paani holebhi eitu huru khan ke chella laga nam te dibo, moi tumikhan ke hosa koi ase, eitu khan kon bhi inam naharabo.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2014, The Bible Society of India
All rights reserved.