Yokaana 14
14
OYesu akugumya abeegesebwa baamwe
1“Emitima gyanywe gitaaraara. Mwesige oKanca era njeena muneesige. 2Omu nyumba ya Ite wange mulimu ebifo bingi. Nikitaakuli kityo, naakuli mbakobere. Nkwaba okubateekaniriza ekifo. 3Ninayaba ni mbateekaniriza ekifo, ndiira okubasyoma mubbenge nanje, leke awendi niwo mubbenge. 4Era omuwanda ogwikya gyenkwaba mugumaite.” 5OTomasi nʼamukoba ati, “Mukama, titumaite gyokwaba, obwote omuwanda tuyinza tutyai okugumanya?” 6OYesu nʼamukoba ati, “Ninje muwanda, ninje mananu era ninje bwomi. Ndoowo ayinza okwiza ewa Ite wange okutoolaku nayakaire mu nje. 7Mananu nimwakuli mummaite, nʼoIte wange mwakuli nimumumaite. Okuliga ati nʼokweyongerayo oIte wange mukwaba okumumanya era mumuboine!” 8OFiripo nʼakoba ati, “Mukama, tulange oite waiswe, ekyo kyatumala.” 9OYesu nʼairamu ati, “Firipo, nobwemaare naanywe nywena nywena ekiseera ekirai kityo, tommaite? Buli aboine nje abba aboine oTaata. Oyinza otyai okukoba nti, ‘Tulange oIte waiswe’? 10Tokwikiriza nti nje ndi kimwei nʼoTaata, nʼoTaata ali kimwei nanje? Ebigambo byembaza ti byange ku bwange, baitu oIte wange ali kimwei nanje akola emirumo gyamwe nakwakaara omu nje. 11Munyikirizenge ninabazanga nti ndi kimwei nʼoTaata, nʼoTaata ali kimwei nanje. Akiri mwikirizenge olwa byamaano byemubona ninkukola. 12Kambakobere amananu, buli alina okwikiriza omu nje akwiza okukola nje byembaire nkukola. Akwiza okukola nʼebikusinga oku bini obukooto kubba nkwaba e wa Ite wange. 13Naakubaaweeryanga kyona kyona kyemwakusabanga omwibara ryange, leke oMwana aweesye oIte waamwe ekitiinisya. 14Kyemwakunsabanga kyona kyona, omu buyinza bwange nkwiza kukikolanga.”
OYesu akusuubiza oMwoyo Akwera
15OYesu ni yeeyongera nʼakoba ati, “Nimwabba munyendya, mukwiza okukwatanga ebiragiro byange. 16Nanje nkwiza okusaba oIte wange abaweerye oMujunaaniiri owondi akwiza okubba naanywe ebiro byona. 17OMujunaaniiri oyo niye oMwoyo alanga amananu agafa oku Kanca. Abantu ba nsi bazira kumwikiriza kubba tibamubona era tibamumaite. Baitu nywe mumumaite kubba abba naanywe era akwiza kubbanga naanywe. 18Nzira kubaleka nkʼabamulekwa; nkwiza okwira egyemuli. 19Akaseera kadooli akakwiza abantu abatanyikiriza bakwiza okubba batacambona, baitu nywe mukwiza kumbona kubba nka ninairamu okubba omwomi nywena mukwiza kubba boomi. 20Ekiro ekyo mulyeteja nti ndi kimwei nʼoTaata era nywe muli kimwei nanje njeena kimwei naanywe. 21Buli aikiriza ebiragiro byange nʼabikooraku niye anyendya, buli anyendya alyendebwa oIte wange era njeena nkwiza okumwendya era mmweyoleke.” 22Awo oYuda, atali Isikariyooti, nʼakoba ati, “Baitu Mukama, lwaki okwendya okutweranga noteeranga egiri abantu ba nsi?” 23OYesu nʼairamu ati, “Omuntu nabba akunyendya akwata byenyegesya, nʼoIte wange akwiza kumwendya era nje nʼoIte wange tukwiza okwaba egyali leke tubbenge naye. 24Omuntu atanyendya takwata byenyegesya. Ebigambo bini byemukuwura ti byange ku bwange baitu bigambo bya Taata eyantumire. 25Bini byona byona mbibazire nincaali naanywe. 26Baitu oMujunaaniiri, oMwoyo Akwera, oIte wange gwalibatumira omwibara ryange alibasomesya ebintu byona byona era alibaizukirya buli kigambo kyembakobere. 27Nkubalekera emirembe; emirembe gyange nkugibaweerya. Emirembe gini tinkugibaweerya nkʼensi negibaweerya. Mutakwatwa nnaku mu mitima gyanywe era mutatiina. 28Mwawuliire ninkukoba nti, ‘Nkwaba baitu nkwiza okwira egyemuli.’ Nimwakuli mukunyendya omu mananu, mwakuli mukusemeerwambe nje okubba nga nkwaba ewa Taata, kubba niye ankira obukulu. 29Bini mbibakobeire bitakabbairewo, leke mwikirize nibirimala bibbairewo. 30Tincaabazire naanywe kumala kiseera kirai kubba oSetaani, nga niye mufugi wa nsi eni, aigereire okundwanisya baitu azira kunsingula, 31nkwiza okukola ekyo oTaata kyakwendya nkole, leke abantu ba nsi bamanye nti nyendya oTaata.
“Ati mukole twabe.”
Valið núna:
Yokaana 14: RUULI-NYALA
Áherslumerki
Deildu
Afrita
Want to have your highlights saved across all your devices? Sign up or sign in
Yokaana 14
14
OYesu akugumya abeegesebwa baamwe
1“Emitima gyanywe gitaaraara. Mwesige oKanca era njeena muneesige. 2Omu nyumba ya Ite wange mulimu ebifo bingi. Nikitaakuli kityo, naakuli mbakobere. Nkwaba okubateekaniriza ekifo. 3Ninayaba ni mbateekaniriza ekifo, ndiira okubasyoma mubbenge nanje, leke awendi niwo mubbenge. 4Era omuwanda ogwikya gyenkwaba mugumaite.” 5OTomasi nʼamukoba ati, “Mukama, titumaite gyokwaba, obwote omuwanda tuyinza tutyai okugumanya?” 6OYesu nʼamukoba ati, “Ninje muwanda, ninje mananu era ninje bwomi. Ndoowo ayinza okwiza ewa Ite wange okutoolaku nayakaire mu nje. 7Mananu nimwakuli mummaite, nʼoIte wange mwakuli nimumumaite. Okuliga ati nʼokweyongerayo oIte wange mukwaba okumumanya era mumuboine!” 8OFiripo nʼakoba ati, “Mukama, tulange oite waiswe, ekyo kyatumala.” 9OYesu nʼairamu ati, “Firipo, nobwemaare naanywe nywena nywena ekiseera ekirai kityo, tommaite? Buli aboine nje abba aboine oTaata. Oyinza otyai okukoba nti, ‘Tulange oIte waiswe’? 10Tokwikiriza nti nje ndi kimwei nʼoTaata, nʼoTaata ali kimwei nanje? Ebigambo byembaza ti byange ku bwange, baitu oIte wange ali kimwei nanje akola emirumo gyamwe nakwakaara omu nje. 11Munyikirizenge ninabazanga nti ndi kimwei nʼoTaata, nʼoTaata ali kimwei nanje. Akiri mwikirizenge olwa byamaano byemubona ninkukola. 12Kambakobere amananu, buli alina okwikiriza omu nje akwiza okukola nje byembaire nkukola. Akwiza okukola nʼebikusinga oku bini obukooto kubba nkwaba e wa Ite wange. 13Naakubaaweeryanga kyona kyona kyemwakusabanga omwibara ryange, leke oMwana aweesye oIte waamwe ekitiinisya. 14Kyemwakunsabanga kyona kyona, omu buyinza bwange nkwiza kukikolanga.”
OYesu akusuubiza oMwoyo Akwera
15OYesu ni yeeyongera nʼakoba ati, “Nimwabba munyendya, mukwiza okukwatanga ebiragiro byange. 16Nanje nkwiza okusaba oIte wange abaweerye oMujunaaniiri owondi akwiza okubba naanywe ebiro byona. 17OMujunaaniiri oyo niye oMwoyo alanga amananu agafa oku Kanca. Abantu ba nsi bazira kumwikiriza kubba tibamubona era tibamumaite. Baitu nywe mumumaite kubba abba naanywe era akwiza kubbanga naanywe. 18Nzira kubaleka nkʼabamulekwa; nkwiza okwira egyemuli. 19Akaseera kadooli akakwiza abantu abatanyikiriza bakwiza okubba batacambona, baitu nywe mukwiza kumbona kubba nka ninairamu okubba omwomi nywena mukwiza kubba boomi. 20Ekiro ekyo mulyeteja nti ndi kimwei nʼoTaata era nywe muli kimwei nanje njeena kimwei naanywe. 21Buli aikiriza ebiragiro byange nʼabikooraku niye anyendya, buli anyendya alyendebwa oIte wange era njeena nkwiza okumwendya era mmweyoleke.” 22Awo oYuda, atali Isikariyooti, nʼakoba ati, “Baitu Mukama, lwaki okwendya okutweranga noteeranga egiri abantu ba nsi?” 23OYesu nʼairamu ati, “Omuntu nabba akunyendya akwata byenyegesya, nʼoIte wange akwiza kumwendya era nje nʼoIte wange tukwiza okwaba egyali leke tubbenge naye. 24Omuntu atanyendya takwata byenyegesya. Ebigambo bini byemukuwura ti byange ku bwange baitu bigambo bya Taata eyantumire. 25Bini byona byona mbibazire nincaali naanywe. 26Baitu oMujunaaniiri, oMwoyo Akwera, oIte wange gwalibatumira omwibara ryange alibasomesya ebintu byona byona era alibaizukirya buli kigambo kyembakobere. 27Nkubalekera emirembe; emirembe gyange nkugibaweerya. Emirembe gini tinkugibaweerya nkʼensi negibaweerya. Mutakwatwa nnaku mu mitima gyanywe era mutatiina. 28Mwawuliire ninkukoba nti, ‘Nkwaba baitu nkwiza okwira egyemuli.’ Nimwakuli mukunyendya omu mananu, mwakuli mukusemeerwambe nje okubba nga nkwaba ewa Taata, kubba niye ankira obukulu. 29Bini mbibakobeire bitakabbairewo, leke mwikirize nibirimala bibbairewo. 30Tincaabazire naanywe kumala kiseera kirai kubba oSetaani, nga niye mufugi wa nsi eni, aigereire okundwanisya baitu azira kunsingula, 31nkwiza okukola ekyo oTaata kyakwendya nkole, leke abantu ba nsi bamanye nti nyendya oTaata.
“Ati mukole twabe.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in