Markus 9
9
1Yesu zlap a zlapatana zhana, iŋgaya: «Sa zlapahuni ŋter: həji ndiɓi aagi a taba kuni a ɗi, aa kaamcas, səy ndə aa kaagəra Bay Bizlaf ndə a kandaha abə ɓərɓər tə.»
Bəw zlikusəm Yesu
(Mat 17.1-13; Luk 9.28-36)
2Wan ŋkwah a diwzha tə, Yesu leŋ a ji Piyer, Yakuba abə Yahwana. Tsaa kanda tə abə təmta gagagha a ha wəzəm. Bəw a bəw tə ata nja ta, 3rəkuts tə tabəw tə tizlizli, a kawislwisl, kwa ala ma kaɗal shiŋ tizlizli watsa bəza ata hayak akas. 4Gəra aa gəra tiw Iliya abə Musa, aa pay, aa kazlap abə Yesu. 5A tsutsa, Piyer zlap a zlapanə a Yesu: «Masərək, kadək a həji a ndza takwa ka a ɗi. Həji aher jak ta nəp aka mahkaɗ, ŋtaɗ ataa ŋkwa, ŋtaɗ ataa Musa, ŋtaɗ ataa Iliya.» 6A kasən səkən ndə a kaghaləs, ara ndə ŋzliŋ a kadzata bəza. 7Gwazlavay taa tə, vərləm a dəpata bəza abə kushaŋ. A gwazlavay watsa, aa zlima ma minja a kazlapha: «Watsə ana Mbə naka ndə sa mayə a guɗaŋ, huni zlimanə zlima!» 8A tsutsa, magəli tə aagi, taŋ aagi la abəra təmta ya, aa tagəra ala abəra təmta kwa akas, Yesu ŋtaɗ tə ana ma ndza abəra təmta. 9Ndə aa kandaa ta a bəza a ha wəzəm, Yesu ŋgəz a ŋgəzata bəza, ara ndə aa kaghal səkən ndə aa gərazə ana ala, a vaŋ ata la ndə Mbə həji ma dəgnak a kaandaa tə a bəza a taba həji ma ndza a jiɓ aagi. 10Kaw aa mbəla ma tə watsa ka, ama, dəba aagi aa ɗiw a walaŋ ta: «A may a zlap ya, ndaa a bəza a taba həji ma jiɓ aagi watsə, avaŋga?»
Ɗiw ma ndza ata Iliya
11Magəli tə aagi ɗiw aa ɗiwzə: «Masərək ma ma garagar aagi, iŋgaya: “Səy Iliya ma kadiw a ndaa tə,” ara veme?» 12Zhin a zhinatana: «Ayəw, Iliya a diw a ndaa bəza kwagwa atama, a lam səkən aagi ka tiwtiw. Ara veme abə a ŋtir ka ata Mbə həji ma dəgnak, səy a asa yaka dagala, həji aagi atakaɗə, ara veme? 13Sa, sa kazlapahuni: Iliya taha, aa taɗala andza ndə aa kamayə abə sha. Taɗal andza ndə ma Bizlaf a ŋtir ka a heɗe.»
Yesu tambəl mbə ndə miɗ ma gamak a kaɗalanə
(Mat 17.14-21; Luk 9.37-43)
14Ndə aa vaŋ ta abəra magəli ndiɓi aagi, aa gəra ŋgaɓa həji aagi vərəm abə təmta, abə masərək ma ma garagar aagi, aa kadza səbakw abə təmta. 15Ndə həji aagi gəra Yesu, hak aa ghərəŋ ta a guɗaŋ, dəba aagi ashi ara, a nda zlapzanə. 16Yesu ɗiw a ɗiwzə magəli tə aagi: «Huni dza səbakw abə təmta ata veme?» 17Ala minja a taba ŋgaɓa həji aagi, zhin a zhinanə, iŋgaya: «Masərək, sa daahu mbə naka, ara ndə miɗ ma gamak a kaɗalanə, a katakanə zlap aka. 18Kwa vatəy a mbələ, tsa kafak ha ata hayak, tsa kazanə hubəf ata ma, tsa kaɓam zliɗeŋ, a shilanə zlikusəm aka. Tar sa tar magəli kwa aagi, aska aagi gam miɗ watsa bəza, ama aa kulas.» 19Yesu zlap a zlapatana: «Huni shiŋ həji ndə ɗal awa a ŋkula ndza a ꞌunəf ta aagi! Sa andza abə huni zhana pa a vata? Sa asəw ma kuni pa vata? Huni daaka mbə watsa.» 20Mbara leŋ aa daanə, ndə miɗ ma gamak a gəra Yesu, kəcak kəcak, a kəcak mbə watsa abə ɓərɓər tə, ɓərah a fak ka, tsa kavavərə ata hayak, a kazanə hubəf ata ma. 21Yesu ɗiw a ɗiwzə cina mbə: «Ghala mbəla tə ya, va vana?» Cin tə zhin a zhinanə: «ꞌWa aka tiɗa mbə, ihwe. 22Tahan a mbəl ci, a fakə a kwahu, ata yəm, aska a dzə ka. Za hahər kwa ata ni, ndaha a lamzani, andza hwa kula.» 23Yesu zhin a zhinanə: «Andza hwa kula, ana hwiy. Ama, kala səkən aagi a ɗal kahkah ara ala ma kaɗal awa.» 24A tsutsa tsutsa, cina mbə dəba a adza wəla: «Sa taɗal awa, lamzaka ara ndə ɗal awa naka a ɗa ɓəraŋ.» 25Yesu a gəra ŋgaɓa həji aagi aa kashaha abəra, dəba a agulak miɗ ma gamak, iy kəsha, iŋgaya: «Miɗ ma kabəw ala a ɗa madəŋə, a ɗa dada, sa kazlapahu: ndaa kwa a bəza ana mbə watsə, hwa ɗiw a zhinha kwa vepiy səku!» 26Miɗ watsa a ndaa tə a bəza abə dza wəla, kəcak kəcak a kəcak mbə ka abə ɓərɓər tə. Mbə watsa tabəw tə andza ala ma mcamca tə, həji aagi kazlap dagala, aagi iŋgaya: «Tamca tə.» 27Azha, Yesu kaw a mbələ ata ra, gar a garzə wəzəm, gar mbə a gar tə ka. 28Ndə Yesu a nda tə a wata, ndə aa ɗa gagagha ta abə magəli tə aagi, ɗiw aa ɗiwzə: «Miɗ ma gamak watsə a ɗa gam takum ara ni, ara veme?» 29Yesu zhin a zhinatana, iŋgaya: «Gwara ara a tarha ŋtaɗ tə, abə həji kagam shiŋ miɗ ma gamak watsa bəza.»
Ghal mci Yesu abə zhinha tə a bəza a jiɓ a magbak
(Mat 17.22-23; Luk 9.43-45)
30Aa tsaa kanda ta bəza a tsutsa, aa pew gwara a Galili. Yesu taji a həji aagi a sən la ndə a ndza heɗe səku. 31Ndə a kasərəkatana ma a magəli tə aagi, zlap a zlapatana, iŋgaya: «Aagi avəla Mbə həji ma dəgnak, a ra a həji aagi, aagi adzə ka. Wan mahkaɗ a diwzha mci tə, a azhinha tə a bəza a jiɓ.» 32Ama, magəli tə aagi kazlima ma watsas, ŋzliŋ a kadzata a ɗiwzə.
Ala ma dagal vaya?
(Mat 18.1-5; Luk 9.46-48)
33Tsaw aa ndaha a Kafarnahum. Ndə aa a wata, Yesu dəba a aɗiwzə magəli tə aagi, iŋgaya: «Huni dza səbakw amcana a təf ata veme?» 34Ama, ɗekɗek ka ta, ara ndə a ɗa, aa tadza səbakw a walaŋ ta ata təf, aska aagi sən madagal. 35A tsutsa, Yesu ka a ndza tə ka, ya a ya magəli tə ma wam aha gbak aagi, zlap a zlapatana, iŋgaya: «Andza ala a kamay a ɗa mampər, mabəw ha tə ka a ɗa kwakuɗaŋ ataa həji tiwtiw, sha ana ma ɗalatana zlən a həji aagi tiwtiw.» 36A diwzha tə, leŋ a ji mbə ma feŋ, gar a gar ka a taba ta, kaw a mbələ ka aska ra tə, zlap a zlapatana, iŋgaya: 37«Ala ma lamzə mbə ma feŋ, andza mbə watsə, ata zləm naka, sa ana ndə a lamzə abə ha naka, ala ma lamzaka, a lamzakas, ama a lamzə ala ma zlənaka.»
Ala ma ŋkula ɗa ala jaga takwa ci, a ɗa ŋgwanambə takwa
(Luk 9.49-50)
38Yahwana zlap a zlapanə a Yesu: «Madagal, ni tagəra ala minja, a kagam miɗ ma gamak abə zləm kwa, ni tamay a tak ka, ara ndə a ŋkula səbar ŋkwa.» 39Yesu zhin a zhinanə: «Huni ɗiwi a takəs, ara ndə a ɗa, ala ma kaɗal tsaɓan ata zləm naka meni, a kaazlap ma ma gamak ata sa a tsutsa a tsutsa a diwzha tə akas. 40Ara ndə a ɗa, ala ma ŋkula ɗa ala jaga takwa ci, a ɗa ŋgwanambə takwa. 41Sa zlapahuni, a ɗa ŋter: ala ma sazahuni yəm kajik, ara ndə huni ɗa həji Kərist aagi, a kaafəcak ana wəda zlən tə akas.»
Mbəla ŋkwaɓ ara ghut ala a ɗal mpət
(Mat 18.6-9; Luk 17.1-2)
42«Ala ma kaghut ala minja ŋtaguleŋ a taba wəzhi ma fashiɗ ma ji ma naka watsə aagi a ɗal mpət meni, galaɓa həji madzawanə mana ŋvən aka a wəla, a fak ka a mtil.» 43Andza ra kwa ma kaghutahu a ɗal mpət, zlər bəza. Galaɓa, hwa ma nda a la ndza bay Bizlaf abə ra ŋtaɗ, aha ndə hwa kaanda abə ra gbak gbak, a nda kwahu ma ŋkula mca kwa vepiy. 44[Ata la ndə gwaŋkuɗ ma kazəm zlikusəm aagi, aa ŋkula mca abə kwahu ma ŋkula kamca kwa vepiy.] 45Andza ŋgas kwa ma kaghutahu a ɗal mpət meni, zlər bəza, galaɓa, hwa ma nda a la ndza bay Bizlaf abə ŋgas ŋtaguleŋ, aha ndə hwa kaanda abə ŋgas gbak gbak, a nda fak ka a kwahu ma ŋkula mca kwa vepiy. 46[Ata la ndə gwaŋkuɗ ma kazəm zlikusəm aagi, aa ŋkula mca abə kwahu ma ŋkula kamca kwa vepiy] 47Andza nja kwa ma kaghutahu a ɗal mpət, fətaɗazə bəza, galaɓa, hwa ma nda a la ndza bay Bizlaf abə nja ŋtaguleŋ, aha ndə hwa kaanda abə nja gbak gbak, a nda fak a kwahu ma ŋkula mca kwa vepiy. 48Gwaŋkuɗ ma ndza a tsutsa aagi, aa kabazləs, kwahu ma ndza a tsutsa a kamca səku. 49Ara ndə a ɗa, kwahu a bəw həji aagi ka ghutətə andza ghunə. 50Ghunə a ɗa səkən ma ŋtan. Andza ghunə tayats tə ya, a sən a zhin a ɗa ghutətə avaŋga? Huni ndza a ɗa ghunə abə ha kuni. Huni ndza abə təwah abə kwa vaye.
Valið núna:
Markus 9: GOU
Áherslumerki
Deildu
Afrita
Want to have your highlights saved across all your devices? Sign up or sign in
Markus 9
9
1Yesu zlap a zlapatana zhana, iŋgaya: «Sa zlapahuni ŋter: həji ndiɓi aagi a taba kuni a ɗi, aa kaamcas, səy ndə aa kaagəra Bay Bizlaf ndə a kandaha abə ɓərɓər tə.»
Bəw zlikusəm Yesu
(Mat 17.1-13; Luk 9.28-36)
2Wan ŋkwah a diwzha tə, Yesu leŋ a ji Piyer, Yakuba abə Yahwana. Tsaa kanda tə abə təmta gagagha a ha wəzəm. Bəw a bəw tə ata nja ta, 3rəkuts tə tabəw tə tizlizli, a kawislwisl, kwa ala ma kaɗal shiŋ tizlizli watsa bəza ata hayak akas. 4Gəra aa gəra tiw Iliya abə Musa, aa pay, aa kazlap abə Yesu. 5A tsutsa, Piyer zlap a zlapanə a Yesu: «Masərək, kadək a həji a ndza takwa ka a ɗi. Həji aher jak ta nəp aka mahkaɗ, ŋtaɗ ataa ŋkwa, ŋtaɗ ataa Musa, ŋtaɗ ataa Iliya.» 6A kasən səkən ndə a kaghaləs, ara ndə ŋzliŋ a kadzata bəza. 7Gwazlavay taa tə, vərləm a dəpata bəza abə kushaŋ. A gwazlavay watsa, aa zlima ma minja a kazlapha: «Watsə ana Mbə naka ndə sa mayə a guɗaŋ, huni zlimanə zlima!» 8A tsutsa, magəli tə aagi, taŋ aagi la abəra təmta ya, aa tagəra ala abəra təmta kwa akas, Yesu ŋtaɗ tə ana ma ndza abəra təmta. 9Ndə aa kandaa ta a bəza a ha wəzəm, Yesu ŋgəz a ŋgəzata bəza, ara ndə aa kaghal səkən ndə aa gərazə ana ala, a vaŋ ata la ndə Mbə həji ma dəgnak a kaandaa tə a bəza a taba həji ma ndza a jiɓ aagi. 10Kaw aa mbəla ma tə watsa ka, ama, dəba aagi aa ɗiw a walaŋ ta: «A may a zlap ya, ndaa a bəza a taba həji ma jiɓ aagi watsə, avaŋga?»
Ɗiw ma ndza ata Iliya
11Magəli tə aagi ɗiw aa ɗiwzə: «Masərək ma ma garagar aagi, iŋgaya: “Səy Iliya ma kadiw a ndaa tə,” ara veme?» 12Zhin a zhinatana: «Ayəw, Iliya a diw a ndaa bəza kwagwa atama, a lam səkən aagi ka tiwtiw. Ara veme abə a ŋtir ka ata Mbə həji ma dəgnak, səy a asa yaka dagala, həji aagi atakaɗə, ara veme? 13Sa, sa kazlapahuni: Iliya taha, aa taɗala andza ndə aa kamayə abə sha. Taɗal andza ndə ma Bizlaf a ŋtir ka a heɗe.»
Yesu tambəl mbə ndə miɗ ma gamak a kaɗalanə
(Mat 17.14-21; Luk 9.37-43)
14Ndə aa vaŋ ta abəra magəli ndiɓi aagi, aa gəra ŋgaɓa həji aagi vərəm abə təmta, abə masərək ma ma garagar aagi, aa kadza səbakw abə təmta. 15Ndə həji aagi gəra Yesu, hak aa ghərəŋ ta a guɗaŋ, dəba aagi ashi ara, a nda zlapzanə. 16Yesu ɗiw a ɗiwzə magəli tə aagi: «Huni dza səbakw abə təmta ata veme?» 17Ala minja a taba ŋgaɓa həji aagi, zhin a zhinanə, iŋgaya: «Masərək, sa daahu mbə naka, ara ndə miɗ ma gamak a kaɗalanə, a katakanə zlap aka. 18Kwa vatəy a mbələ, tsa kafak ha ata hayak, tsa kazanə hubəf ata ma, tsa kaɓam zliɗeŋ, a shilanə zlikusəm aka. Tar sa tar magəli kwa aagi, aska aagi gam miɗ watsa bəza, ama aa kulas.» 19Yesu zlap a zlapatana: «Huni shiŋ həji ndə ɗal awa a ŋkula ndza a ꞌunəf ta aagi! Sa andza abə huni zhana pa a vata? Sa asəw ma kuni pa vata? Huni daaka mbə watsa.» 20Mbara leŋ aa daanə, ndə miɗ ma gamak a gəra Yesu, kəcak kəcak, a kəcak mbə watsa abə ɓərɓər tə, ɓərah a fak ka, tsa kavavərə ata hayak, a kazanə hubəf ata ma. 21Yesu ɗiw a ɗiwzə cina mbə: «Ghala mbəla tə ya, va vana?» Cin tə zhin a zhinanə: «ꞌWa aka tiɗa mbə, ihwe. 22Tahan a mbəl ci, a fakə a kwahu, ata yəm, aska a dzə ka. Za hahər kwa ata ni, ndaha a lamzani, andza hwa kula.» 23Yesu zhin a zhinanə: «Andza hwa kula, ana hwiy. Ama, kala səkən aagi a ɗal kahkah ara ala ma kaɗal awa.» 24A tsutsa tsutsa, cina mbə dəba a adza wəla: «Sa taɗal awa, lamzaka ara ndə ɗal awa naka a ɗa ɓəraŋ.» 25Yesu a gəra ŋgaɓa həji aagi aa kashaha abəra, dəba a agulak miɗ ma gamak, iy kəsha, iŋgaya: «Miɗ ma kabəw ala a ɗa madəŋə, a ɗa dada, sa kazlapahu: ndaa kwa a bəza ana mbə watsə, hwa ɗiw a zhinha kwa vepiy səku!» 26Miɗ watsa a ndaa tə a bəza abə dza wəla, kəcak kəcak a kəcak mbə ka abə ɓərɓər tə. Mbə watsa tabəw tə andza ala ma mcamca tə, həji aagi kazlap dagala, aagi iŋgaya: «Tamca tə.» 27Azha, Yesu kaw a mbələ ata ra, gar a garzə wəzəm, gar mbə a gar tə ka. 28Ndə Yesu a nda tə a wata, ndə aa ɗa gagagha ta abə magəli tə aagi, ɗiw aa ɗiwzə: «Miɗ ma gamak watsə a ɗa gam takum ara ni, ara veme?» 29Yesu zhin a zhinatana, iŋgaya: «Gwara ara a tarha ŋtaɗ tə, abə həji kagam shiŋ miɗ ma gamak watsa bəza.»
Ghal mci Yesu abə zhinha tə a bəza a jiɓ a magbak
(Mat 17.22-23; Luk 9.43-45)
30Aa tsaa kanda ta bəza a tsutsa, aa pew gwara a Galili. Yesu taji a həji aagi a sən la ndə a ndza heɗe səku. 31Ndə a kasərəkatana ma a magəli tə aagi, zlap a zlapatana, iŋgaya: «Aagi avəla Mbə həji ma dəgnak, a ra a həji aagi, aagi adzə ka. Wan mahkaɗ a diwzha mci tə, a azhinha tə a bəza a jiɓ.» 32Ama, magəli tə aagi kazlima ma watsas, ŋzliŋ a kadzata a ɗiwzə.
Ala ma dagal vaya?
(Mat 18.1-5; Luk 9.46-48)
33Tsaw aa ndaha a Kafarnahum. Ndə aa a wata, Yesu dəba a aɗiwzə magəli tə aagi, iŋgaya: «Huni dza səbakw amcana a təf ata veme?» 34Ama, ɗekɗek ka ta, ara ndə a ɗa, aa tadza səbakw a walaŋ ta ata təf, aska aagi sən madagal. 35A tsutsa, Yesu ka a ndza tə ka, ya a ya magəli tə ma wam aha gbak aagi, zlap a zlapatana, iŋgaya: «Andza ala a kamay a ɗa mampər, mabəw ha tə ka a ɗa kwakuɗaŋ ataa həji tiwtiw, sha ana ma ɗalatana zlən a həji aagi tiwtiw.» 36A diwzha tə, leŋ a ji mbə ma feŋ, gar a gar ka a taba ta, kaw a mbələ ka aska ra tə, zlap a zlapatana, iŋgaya: 37«Ala ma lamzə mbə ma feŋ, andza mbə watsə, ata zləm naka, sa ana ndə a lamzə abə ha naka, ala ma lamzaka, a lamzakas, ama a lamzə ala ma zlənaka.»
Ala ma ŋkula ɗa ala jaga takwa ci, a ɗa ŋgwanambə takwa
(Luk 9.49-50)
38Yahwana zlap a zlapanə a Yesu: «Madagal, ni tagəra ala minja, a kagam miɗ ma gamak abə zləm kwa, ni tamay a tak ka, ara ndə a ŋkula səbar ŋkwa.» 39Yesu zhin a zhinanə: «Huni ɗiwi a takəs, ara ndə a ɗa, ala ma kaɗal tsaɓan ata zləm naka meni, a kaazlap ma ma gamak ata sa a tsutsa a tsutsa a diwzha tə akas. 40Ara ndə a ɗa, ala ma ŋkula ɗa ala jaga takwa ci, a ɗa ŋgwanambə takwa. 41Sa zlapahuni, a ɗa ŋter: ala ma sazahuni yəm kajik, ara ndə huni ɗa həji Kərist aagi, a kaafəcak ana wəda zlən tə akas.»
Mbəla ŋkwaɓ ara ghut ala a ɗal mpət
(Mat 18.6-9; Luk 17.1-2)
42«Ala ma kaghut ala minja ŋtaguleŋ a taba wəzhi ma fashiɗ ma ji ma naka watsə aagi a ɗal mpət meni, galaɓa həji madzawanə mana ŋvən aka a wəla, a fak ka a mtil.» 43Andza ra kwa ma kaghutahu a ɗal mpət, zlər bəza. Galaɓa, hwa ma nda a la ndza bay Bizlaf abə ra ŋtaɗ, aha ndə hwa kaanda abə ra gbak gbak, a nda kwahu ma ŋkula mca kwa vepiy. 44[Ata la ndə gwaŋkuɗ ma kazəm zlikusəm aagi, aa ŋkula mca abə kwahu ma ŋkula kamca kwa vepiy.] 45Andza ŋgas kwa ma kaghutahu a ɗal mpət meni, zlər bəza, galaɓa, hwa ma nda a la ndza bay Bizlaf abə ŋgas ŋtaguleŋ, aha ndə hwa kaanda abə ŋgas gbak gbak, a nda fak ka a kwahu ma ŋkula mca kwa vepiy. 46[Ata la ndə gwaŋkuɗ ma kazəm zlikusəm aagi, aa ŋkula mca abə kwahu ma ŋkula kamca kwa vepiy] 47Andza nja kwa ma kaghutahu a ɗal mpət, fətaɗazə bəza, galaɓa, hwa ma nda a la ndza bay Bizlaf abə nja ŋtaguleŋ, aha ndə hwa kaanda abə nja gbak gbak, a nda fak a kwahu ma ŋkula mca kwa vepiy. 48Gwaŋkuɗ ma ndza a tsutsa aagi, aa kabazləs, kwahu ma ndza a tsutsa a kamca səku. 49Ara ndə a ɗa, kwahu a bəw həji aagi ka ghutətə andza ghunə. 50Ghunə a ɗa səkən ma ŋtan. Andza ghunə tayats tə ya, a sən a zhin a ɗa ghutətə avaŋga? Huni ndza a ɗa ghunə abə ha kuni. Huni ndza abə təwah abə kwa vaye.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in