Markus 8
8
Yesu tandar həji aagi bəluk ŋfaɗ
(Mat 15.32-39)
1Ma vah watsa, həji aagi tadzam ta ka aska Yesu vərəm zhana, səkən zəm ara həji watsa aagi akas. Yesu daŋ a ya magəli tə aagi, zlap a zlapatana, iŋgaya: 2«Hahər a kadzaka aska həji watsa aagi, iy, ara ndə vah ta mahkaɗ akacihwa abəra sa, kwa aa tazəm səkən akas. 3Andza sa tapəlata ka a nda a wata abə mintish ci, aa kaalima ɓərɓər a nda ata təf səku, ara ndə ndiɓi aagi ndaha gədək.» 4Magəli tə aagi, zhin aa zhinanə, aagi iŋgaya: «Həji alima wəda tə a ɗi a damə watsə a ndar həji watsə aagi tiwtiw a vata?» aagiy. 5Yesu ɗiw a ɗiwzata, iŋgaya: «Ambash wəda ma ndza ara huni vana?» iy. Zhin aa zhinanə, aagi iŋgaya: «Ŋshiliɗ.» 6Yesu zlap a zlapatana a həji aagi, a aagi a ndza ka ata hayak. Leŋ a ji ambash wəda ma ŋshiliɗ watsa, ndə a ɗalanə wasiy bəza a Bizlaf. Teŋ a teŋ ka, pa a vəlatana a magəli tə aagi, aska aagi a ɓizhatana a həji aagi, dəba magəli tə aagi aɗal andza sha. 7Aagi abə wəzhi ŋkilif aagi aka zhana kajik. Yesu pish a pish bəzla ma təwah a heɗe, zlap a zlapatana a magəli tə aagi aska aagi a ɓizhatana a həji aagi yəm. 8Aa tazəm ndar ndar. Magəli tə aagi dzam dzam aa dzamha kirkem tə ma finha, wədzəm ŋshiliɗ. 9Aa ɗal bəza həji aagi bəluk ŋfaɗ. Azha, Yesu zlap a zlapatana a aagi a nda ta a wata. 10Kahkah, takaw aa taf ta ata gəlmbə abə magəli tə aagi, tsaa kanda tə a hayak Dalmanuta.
Ɗiw tsaɓan Farisa aagi
(Mat 12.38-39; 16.1-4; Luk 11.16-29; 12.54-56)
11Farisa aagi tsaw aa ndaha, aa dza səbakw abə Yesu, aska a sleŋanə kilŋga. Ɗiw aa ɗiwzə a ɗalatana tsaɓan ma ndaha a wəzəm a wəzlaf. 12Haŋkaf ana Yesu i abə ɓərɓər tə, iŋgaya: «Həji ma ndza a ɗi akacihwa aagi, aa ɗiw səkən tsaɓan ava? Sa zlapahuni, ŋter: kwa aa kaagəra səkən tsaɓan akas!» 13A tsutsa, tsaa kanda tə a bəza abəra təmta, taf a taf tə a gəlmbə, tsaa kanda tə ata guva ma zlazlər minja.
Faŋtər Farisa aagi abə Haridus
(Mat 16.5-12; Luk 12.1)
14Magəli aagi, aa tahashashaŋ wəda ka a daaha, dək ambash wəda ŋtaguleŋ ana ma ndza ara təmta a gəlmbə. 15Yesu ŋgəz a ŋgəzata bəza: «Huni mbəla ŋkwaɓ aska faŋtər ataa Farisa aagi, abə ataa Haridus.» 16Magəli tə aagi aa kadeŋi a walaŋ ta, aa tsa kazlap: «Ara ndə wəda a ŋkula ndza ara həji vəw?» aagiy. 17Yesu a kasən ma ndə aa kazlap, ɗiw a ɗiwzata: «Huni dza səbakw veme? Ara ndə wəda a ŋkula ndza ara huni vəw? Huni kasən səkən aka wəra? Huni kazlima səku wəruk vəw? ꞌUnəf kuni ɓərɓər ndza tə vəw? 18Nja ata huni aka, huni kagəra la wəra? Zləm ata huni aka, huni kazlima zlima wəra? Ŋkwaɓ kuni a kasənakənə a ma aagi wəra? 19Ambash wəda ma dzaɓən ndə sa teŋi a ɓizhatana a həji ma bəluk dzaɓən aagi, huni dzamha kirkem tə ɓe a wədzəm vana?» «Wam aha gbak,» aagiy abə aa zhinanə. 20«Yesu ɗiw a ɗiwzata: Ndə sa teŋi ambash wəda ŋshiliɗ a ɓizhatana a həji ma bəluk ŋfaɗ aagi, huni dzamha kirkem tə ɓe a wədzəm vana?» «Ŋshiliɗ», aagiy kəsha. 21Mbara Yesu zlap a zlapatana: «Huni tazlima səku wəruk vəw?»
Yesu tadəɗanə nja ala wələf, a hayak Baytisayda
22Peteŋ aagi a Baytisayda, həji aagi leŋ, aa daanə ala wələf minja, dəba aagi atarə aska a tsazə ra a heɗe. 23Yesu kaw a mbəla ala wələf watsa ata ra, jaɓ a jaɓ bəza a taba jak. A diwzha tə, ŋtif a ŋtifanə majignek ata nja, pa a tsa ra a heɗe, ɗiw a ɗiwzə: «Hwa kagərazə səkən aagi vəw?» 24Ala wələf kaf i nja, iŋgaya: «Sa kagəra həji aagi, sa gərata həna aa ndza andza mpi, ama aa kanda.» 25Yesu pa a zhin a tsa ra ata nja ataa ala watsa, dəba a ataŋ la katkadək atama tə, nja tə tadəɗ tə, a kasar la ghwaɗeɗe, a kagəra səkən aagi tiwtiw. 26A tsutsa, Yesu zlap a zlapanə: «Nda kwa a wata kwa, hwa ɗiw a zhin a nda a taba jak səku.»
Piyer a kaghalə, Yesu a ɗa Kərist
(Mat 16.13-20; Luk 9.18-21)
27A diwzha tə, Yesu abə magəli tə aagi, aa tsaa kanda ta a ŋge a hayak ma slaɓ slaɓ abəra Kaysariya Filip aagi. Ɗiw a ɗiwzata ata təf, iŋgaya: «Aa zlap ata sa, sa ɗa ala tə aagiy vaya?» 28Zhin aa zhinanə: «Ndiɓi aagi, aagi iŋgaya: hwa Yahwana ma ɗal batem. Ndiɓi aagi iŋgaya, hwa Iliya, aagiy. Ndiɓi aagi zhana; aagi iŋgaya: Hwa ala ma ɗaf ma ndə a zlimazə ara Bizlaf minja,» aagiy. 29Yesu ɗiw a ɗiwzata: «Huni yəm, “sa ɗa ala,” huniy vaya?» Piyer zhin a zhinanə: «Hwa ɗa Kərist.» 30A tsutsa, Yesu ŋgəz a ŋgəzata bəza abə ɓərɓər tə: «Kwa huni ɗiw a ghalanə ana ala səku.»
Ghal mci Yesu abə zhina tə a bəza a jiɓ
(Mat 16.21-28; Luk 9.22-27)
31A diwzha tə, Yesu dəba a asərəkatana shiŋ səkən watsə: «Səy Mbə həji ma dəgnak masa yaka dagala, magulakwakw aagi abə magulakwakw maɗal kwakus aagi, masərək ma ma garagar aagi, aagi aŋkalzə ma tə, aagi adza ka, wan mahkaɗ a diwzha tə, a azhina tə a bəza a jiɓ.» 32Taghalatana bəza gbar gbar. A tsutsa, Piyer daŋ a yə a bəza ata degh, aska a gulakə, ara ndə a kazlap ma watsa. 33Yesu takwaɗ a zlaz ma tə bəza, a taŋ magəli tə aagi, dəba a agulak Piyer, iŋgaya: «Nda kwa a bəza a diwzha naka, Gətili. Ara ndə a ɗa, deŋ ŋkwaɓ kwa meni, a ɗa deŋ Bizlaf səku, deŋ həji ma dəgnak ana ma ndza ara hwa.»
34A diwzha tə, Yesu ya a ya magəli tə aagi abə ŋgaɓa həji ma dzam ta ka aska aagi, zlap a zlapatana, iŋgaya: «Andza ala a kamay a səbaraka, a ɗiw a deŋ ha təs, matiw mpi ma gəzlaŋgarak tə abə ha tə, masəbaraka. 35Ara ndə a ɗa, kala ala ma kamay a reh miɗ tə, a afəcak bəza. Ama, ala ma kamay a fəcak miɗ tə bəza aska sa abə Ma wiyə ma təwah, miɗ tə a areh tə. 36Andza ala talima ŋtsəɓ ma ndza a manahayak bəza tiwtiw, ama fəcak i miɗ tə bəza ya, a akatanə azha me? 37Səkən ndə ala a kavələ a mbaɗ miɗ tə abə sha veme? 38Andza ala a kahaw ara sa abə ma naka ata nja həji ma ndza akacihwa, maɗal mazheref aagi, abə maɗal darshem atama Bizlaf aagi, Mbə həji ma dəgnak yəm, haw a adzə bəza ara ala watsa, ndə a kaaɓin a ndaha abə sləf ataa cin tə abə matəf Bizlaf ma ghwaɗeɗe aagi.»
Valið núna:
Markus 8: GOU
Áherslumerki
Deildu
Afrita
Want to have your highlights saved across all your devices? Sign up or sign in
Markus 8
8
Yesu tandar həji aagi bəluk ŋfaɗ
(Mat 15.32-39)
1Ma vah watsa, həji aagi tadzam ta ka aska Yesu vərəm zhana, səkən zəm ara həji watsa aagi akas. Yesu daŋ a ya magəli tə aagi, zlap a zlapatana, iŋgaya: 2«Hahər a kadzaka aska həji watsa aagi, iy, ara ndə vah ta mahkaɗ akacihwa abəra sa, kwa aa tazəm səkən akas. 3Andza sa tapəlata ka a nda a wata abə mintish ci, aa kaalima ɓərɓər a nda ata təf səku, ara ndə ndiɓi aagi ndaha gədək.» 4Magəli tə aagi, zhin aa zhinanə, aagi iŋgaya: «Həji alima wəda tə a ɗi a damə watsə a ndar həji watsə aagi tiwtiw a vata?» aagiy. 5Yesu ɗiw a ɗiwzata, iŋgaya: «Ambash wəda ma ndza ara huni vana?» iy. Zhin aa zhinanə, aagi iŋgaya: «Ŋshiliɗ.» 6Yesu zlap a zlapatana a həji aagi, a aagi a ndza ka ata hayak. Leŋ a ji ambash wəda ma ŋshiliɗ watsa, ndə a ɗalanə wasiy bəza a Bizlaf. Teŋ a teŋ ka, pa a vəlatana a magəli tə aagi, aska aagi a ɓizhatana a həji aagi, dəba magəli tə aagi aɗal andza sha. 7Aagi abə wəzhi ŋkilif aagi aka zhana kajik. Yesu pish a pish bəzla ma təwah a heɗe, zlap a zlapatana a magəli tə aagi aska aagi a ɓizhatana a həji aagi yəm. 8Aa tazəm ndar ndar. Magəli tə aagi dzam dzam aa dzamha kirkem tə ma finha, wədzəm ŋshiliɗ. 9Aa ɗal bəza həji aagi bəluk ŋfaɗ. Azha, Yesu zlap a zlapatana a aagi a nda ta a wata. 10Kahkah, takaw aa taf ta ata gəlmbə abə magəli tə aagi, tsaa kanda tə a hayak Dalmanuta.
Ɗiw tsaɓan Farisa aagi
(Mat 12.38-39; 16.1-4; Luk 11.16-29; 12.54-56)
11Farisa aagi tsaw aa ndaha, aa dza səbakw abə Yesu, aska a sleŋanə kilŋga. Ɗiw aa ɗiwzə a ɗalatana tsaɓan ma ndaha a wəzəm a wəzlaf. 12Haŋkaf ana Yesu i abə ɓərɓər tə, iŋgaya: «Həji ma ndza a ɗi akacihwa aagi, aa ɗiw səkən tsaɓan ava? Sa zlapahuni, ŋter: kwa aa kaagəra səkən tsaɓan akas!» 13A tsutsa, tsaa kanda tə a bəza abəra təmta, taf a taf tə a gəlmbə, tsaa kanda tə ata guva ma zlazlər minja.
Faŋtər Farisa aagi abə Haridus
(Mat 16.5-12; Luk 12.1)
14Magəli aagi, aa tahashashaŋ wəda ka a daaha, dək ambash wəda ŋtaguleŋ ana ma ndza ara təmta a gəlmbə. 15Yesu ŋgəz a ŋgəzata bəza: «Huni mbəla ŋkwaɓ aska faŋtər ataa Farisa aagi, abə ataa Haridus.» 16Magəli tə aagi aa kadeŋi a walaŋ ta, aa tsa kazlap: «Ara ndə wəda a ŋkula ndza ara həji vəw?» aagiy. 17Yesu a kasən ma ndə aa kazlap, ɗiw a ɗiwzata: «Huni dza səbakw veme? Ara ndə wəda a ŋkula ndza ara huni vəw? Huni kasən səkən aka wəra? Huni kazlima səku wəruk vəw? ꞌUnəf kuni ɓərɓər ndza tə vəw? 18Nja ata huni aka, huni kagəra la wəra? Zləm ata huni aka, huni kazlima zlima wəra? Ŋkwaɓ kuni a kasənakənə a ma aagi wəra? 19Ambash wəda ma dzaɓən ndə sa teŋi a ɓizhatana a həji ma bəluk dzaɓən aagi, huni dzamha kirkem tə ɓe a wədzəm vana?» «Wam aha gbak,» aagiy abə aa zhinanə. 20«Yesu ɗiw a ɗiwzata: Ndə sa teŋi ambash wəda ŋshiliɗ a ɓizhatana a həji ma bəluk ŋfaɗ aagi, huni dzamha kirkem tə ɓe a wədzəm vana?» «Ŋshiliɗ», aagiy kəsha. 21Mbara Yesu zlap a zlapatana: «Huni tazlima səku wəruk vəw?»
Yesu tadəɗanə nja ala wələf, a hayak Baytisayda
22Peteŋ aagi a Baytisayda, həji aagi leŋ, aa daanə ala wələf minja, dəba aagi atarə aska a tsazə ra a heɗe. 23Yesu kaw a mbəla ala wələf watsa ata ra, jaɓ a jaɓ bəza a taba jak. A diwzha tə, ŋtif a ŋtifanə majignek ata nja, pa a tsa ra a heɗe, ɗiw a ɗiwzə: «Hwa kagərazə səkən aagi vəw?» 24Ala wələf kaf i nja, iŋgaya: «Sa kagəra həji aagi, sa gərata həna aa ndza andza mpi, ama aa kanda.» 25Yesu pa a zhin a tsa ra ata nja ataa ala watsa, dəba a ataŋ la katkadək atama tə, nja tə tadəɗ tə, a kasar la ghwaɗeɗe, a kagəra səkən aagi tiwtiw. 26A tsutsa, Yesu zlap a zlapanə: «Nda kwa a wata kwa, hwa ɗiw a zhin a nda a taba jak səku.»
Piyer a kaghalə, Yesu a ɗa Kərist
(Mat 16.13-20; Luk 9.18-21)
27A diwzha tə, Yesu abə magəli tə aagi, aa tsaa kanda ta a ŋge a hayak ma slaɓ slaɓ abəra Kaysariya Filip aagi. Ɗiw a ɗiwzata ata təf, iŋgaya: «Aa zlap ata sa, sa ɗa ala tə aagiy vaya?» 28Zhin aa zhinanə: «Ndiɓi aagi, aagi iŋgaya: hwa Yahwana ma ɗal batem. Ndiɓi aagi iŋgaya, hwa Iliya, aagiy. Ndiɓi aagi zhana; aagi iŋgaya: Hwa ala ma ɗaf ma ndə a zlimazə ara Bizlaf minja,» aagiy. 29Yesu ɗiw a ɗiwzata: «Huni yəm, “sa ɗa ala,” huniy vaya?» Piyer zhin a zhinanə: «Hwa ɗa Kərist.» 30A tsutsa, Yesu ŋgəz a ŋgəzata bəza abə ɓərɓər tə: «Kwa huni ɗiw a ghalanə ana ala səku.»
Ghal mci Yesu abə zhina tə a bəza a jiɓ
(Mat 16.21-28; Luk 9.22-27)
31A diwzha tə, Yesu dəba a asərəkatana shiŋ səkən watsə: «Səy Mbə həji ma dəgnak masa yaka dagala, magulakwakw aagi abə magulakwakw maɗal kwakus aagi, masərək ma ma garagar aagi, aagi aŋkalzə ma tə, aagi adza ka, wan mahkaɗ a diwzha tə, a azhina tə a bəza a jiɓ.» 32Taghalatana bəza gbar gbar. A tsutsa, Piyer daŋ a yə a bəza ata degh, aska a gulakə, ara ndə a kazlap ma watsa. 33Yesu takwaɗ a zlaz ma tə bəza, a taŋ magəli tə aagi, dəba a agulak Piyer, iŋgaya: «Nda kwa a bəza a diwzha naka, Gətili. Ara ndə a ɗa, deŋ ŋkwaɓ kwa meni, a ɗa deŋ Bizlaf səku, deŋ həji ma dəgnak ana ma ndza ara hwa.»
34A diwzha tə, Yesu ya a ya magəli tə aagi abə ŋgaɓa həji ma dzam ta ka aska aagi, zlap a zlapatana, iŋgaya: «Andza ala a kamay a səbaraka, a ɗiw a deŋ ha təs, matiw mpi ma gəzlaŋgarak tə abə ha tə, masəbaraka. 35Ara ndə a ɗa, kala ala ma kamay a reh miɗ tə, a afəcak bəza. Ama, ala ma kamay a fəcak miɗ tə bəza aska sa abə Ma wiyə ma təwah, miɗ tə a areh tə. 36Andza ala talima ŋtsəɓ ma ndza a manahayak bəza tiwtiw, ama fəcak i miɗ tə bəza ya, a akatanə azha me? 37Səkən ndə ala a kavələ a mbaɗ miɗ tə abə sha veme? 38Andza ala a kahaw ara sa abə ma naka ata nja həji ma ndza akacihwa, maɗal mazheref aagi, abə maɗal darshem atama Bizlaf aagi, Mbə həji ma dəgnak yəm, haw a adzə bəza ara ala watsa, ndə a kaaɓin a ndaha abə sləf ataa cin tə abə matəf Bizlaf ma ghwaɗeɗe aagi.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in