Markus 5
5
Yesu tambəl ala ndə miɗ ma gamak a kaɗalanə
(Mat 8.28-34; Luk 8.26-39)
1Peteŋ Yesu abə magəli tə aagi ata guva mtil minja, a hayak Gerasene aagi. 2Ndə Yesu a ndaa tə a bəza ata gəlmbə ya, ala minja taa tə, a ndaa a bəza a jiɓ, aska a ndaha ara. Ala watsa, miɗ ma gamak a kaɗalanə, 3a ndza a taba jiɓ aagi. Ala ma ŋkula dzaw akas, kwa abə sheshili. 4Zhin dagala aa kadzaw ŋgas tə abə ɓərzləm, sheshili ata ra, ama zhin dagala, a kaɓərats sheshili watsa bəza, a ŋgaz ɓərzləm ma ndza a ŋgas watsa bəza, ala ma ndza abə ɓərɓər ta mbələ kwa aka zhanas. 5Kala pish abə zaɗə, a ndza a ŋge a taba jiɓ aagi, a katəwər a ŋge a ha dawən aagi, a kadza wəla, tsa kagurah zlikusəm tə abə ŋkəɗaŋ. 6Ndə a gəra Yesu abə gədək tə: Azha, dəba a ashaha ara, gəliɓ a gəliɓ tə ka atama tə. 7Kek, i wəla abə ɓərɓər tə: «Hwa ɗiw ma ndza ara sa veme sa Yesu Mbə Bizlaf ma ndza a wəzəm a wəzlaf? Sa kadzahu ra, ata zləm Bizlaf, hwa ɗiw a mbaslaka ka a sa yaka səku!» 8A ɗal ara ndə Yesu a va a zlapanə: «Miɗ ma gamak, nda kwa a bəza ana ala watsə!» 9Yesu ɗiw a ɗiwzə ala watsa, i kəsha iŋgaya: «Zləm kwa veme?» iy. Zhin a zhinanə: «Zləm naka ci, “Vərəm”, ara ndə ni ɗa “dagala”.» 10Dəba miɗ ma gamak a aŋcah a dzanə ra a Yesu, iŋgaya: «Hwa ɗiw a gamani ka a bəza gədək abəra hayak watsa səku.»
11Tiɗa ndə aa kazlap, gəladam aagi vərəm, aa kagasɓa səkən zəm ta huk abəra bərla minja. 12Miɗ ma gamak watsa aagi, dəba aagi adzanə ra a Yesu, aagi iŋgaya: «Tuh, zlənani ka a gəladam watsə aagi, a ni andza cini ka a təmta,» aagiy. 13Yesu pəl a pəlatana təf. A tsutsa, miɗ ma gamak watsa aagi, tsaw aa ndaa ta a bəza ana ala watsa, səɓət aa nda ta a gəladam watsa aagi, təy aagi shi, səɓət aagi a mtil, gheneɓ aa bazl ta. Biri gəladam watsa aagi ɗal bəza bəluk gbak.
14Wəzhi ma njin gəladam aagi, kurac aa shi ta aska aagi nda ghalə a ŋge a hayak ma dzamadzam tiwtiw, a ŋge a hayak ma dzuk dzuk aagi. Ndə həji ma ndza a hayak aagi aa zlima, tsaw aa ndaha a sar səkən ma pew. 15Tsaw aa ndaha ara Yesu, azha, aa gəra ya, ala ma kawək watsa a kandza abə rəkuts ata zlikusəm, ŋkwaɓ tə dəlili. Binik ŋzliŋ a dzata bəza. 16Həji ma gəra səkən ma pew aagi, dəba aagi aghal səkən ma pew abə ala ndə ŋkwaɓ tə a dzəvəɗ tə, abə səkən ma ɗal ata gəladam aagi. 17Azha həji aagi, dəba aagi adzanə ra a Yesu, aska a nda tə bəza a hayak ta. 18Ndə Yesu a taf tə ata gəlmbə, ala ndə ŋkwaɓ tə a va a dzəvəɗ tə nana, dəba a atarə, iŋgaya: «Pəlaka təf, mə andzaɓa abə hwa,» iy. 19Ama, Yesu tajis, i kəsha iŋgaya: «Zhin kwa a wata kwa, abəra vən kwa aagi. Hwa ghalatana səkən ndə Bizlaf a ɗalə abə hwa, andza ndə a za hahər tə ata hwa.» 20Ala watsa, tsaa kanda tə, a pew gwara a hayak ma dagal ndə hayak ma dzamadzam wam a mən, a kaghalatana səkən ndə Yesu a ɗalanə a həji aagi tiwtiw. Hak aa ghərəŋ ta a heɗe tiwtiw.
Yesu tambəl wala ma tsa ra ata rəkuts tə abə səfən həla ataa Jayrus
(Mat 9.18-26; Luk 8.40-56)
21Ndə Yesu a zlaŋ tə a bəza abə gəlmbə ata guva mtil minja, ŋgaɓa həji vərəm aa tadzam ta ka abəra a ma zləm mtil. 22Ala minja zləm tə Jayrus, a ɗa madagal ma ndza aha jak ta tarha Yahuda aagi, ndə a gəra Yesu, a shaha, gəliɓ a gəliɓ tə ka atama tə, dəba a dzanə ra. 23A katarə, iŋgaya: «Həla naka a kamca tə tuh, ndaha a tsazə ra a heɗe, aska a mbəl tə, a ɗa wirwir!» 24Yesu dəba a anda abə sha. Vərəm ana həji ma lahzə aagi, aa kamgbiɓ kusəm aska.
25A tsutsa, wala minja, a kazah ampəs, a ɗal bəza va wam aha gbak abə sha. 26Tasa yaka dagala a dzəsl dakwtər aagi, dala kəɗaŋ aska ra tə, ama taɗalzanə galaɓagha akas, aɓa azha ci, a vas a ɗalanə a guɗaŋ. 27Ndə a zlima zlap ma ndza ata Yesu, tsaw a ndaha a taba həji aagi, a ndaha gwara a diwzha a taba ŋgaɓa həji aagi, pa a tsa ra ata rəkuts tə. 28A deŋ tə ya: «Kwa andza ra naka ana ma dish tə ata rəkuts tə, dawər naka a aɗa kwaleŋ,» iy. 29A tsutsa a tsutsa, ampəs tə watsa hats a zla tə, a kagəra a zlikusəm tə, galaɓagha.
30A tsutsa, Yesu tazlima ɓərɓər minja taa a bəza a zlikusəm tə. Takwaɗ a zlaz ha ma a taba ŋgaɓa həji aagi, ɗiw a ɗiwzata: «Ala ma dish ra ata rəkuts naka vaya?» iy. 31Magəli tə aagi, zhin aa zhinanə: «Hwa kagəra həji aagi dzəsl abəra hwa, aa kamgbiɓahu ya, hwa iŋgaya: “Ma dish ra ata sa vaya?” hwiy?» 32Ama Yesu taŋ a taŋ la ma ndza abəra, aska a gəra ala ma ɗal səkən watsa. 33Azha wala watsa ŋzliŋ tadzə bəza, dəba a anaana ka, ara ndə a kasən ma ma pew a heɗe. Tsaw a ndaha, gəliɓ a gəliɓ tə ka atama tə, ghal a ghalanə səkən ma ɗal a heɗe ŋter. 34Ama Yesu zlap a zlapanə: «Həla naka, ɗal awa kwa tarehu bəza, nda abə təwah, dawər kwa maɗa kwaleŋ.»
35Tiɗa ndə Yesu ndza tə a kazlap kwagwa ikwa, həji ma ndaha a wata ataa madagal ma ndza aha jak ta tarha ataa Yahuda aagi, aa taa ta a zlapanə: «Həla kwa tamca tə, hwa zhin a ŋtəɓəl Madagal awa?» 36Ama, Yesu tatsa zləm a teh ma ta akas, zlap a zlapanə a Jayrus: «Ŋzliŋ a dzahu səku, ɗal awa ana ataa aŋkwa.» 37Azha, kwa tapəlanə təf kwa vaye a lah akas, səy tiw Piyer, Yakuba abə zliŋgin Yahwana. 38Ndə aa nda a wata madagal ma ndza aha jak ta tarha ataa Yahuda aagi, Yesu a gəra həji aagi kahan, aa kadza ha, aa kadza wəla abə ɓərɓər tə. 39Tsaw a nda a gi, zlap a zlapatana: «Huni dza ha ikwa ara veme? Huni han veme? Həla watsa tamcas, ama a wan tə.» 40Azha, dəba aagi aɓas a heɗe. Mbara, gam a gamata aara aha a bəza tiwtiw, leŋ a ji tiw cin abə mamən, abə magəli tə ma mahkaɗ watsa aagi, tsaw aa nda ata la ndə mbə a kawan a heɗe. 41Kaw a mbələ ata ra, zlap a zlapanə, iŋgaya: «Talita kumi!» A may a ghal ci, «Dahalay, sa kazlapahu, gar kwa a wəzəm!» 42Kahkah, takaw həla ma feŋ watsa a gar tə wəzəm, dəba a anda. Va tə wam aha gbak. Kwa vaye, hak aa ghərəŋ ta tiwtiw. 43Azha, Yesu ŋgəz a ŋgəzata bəza, ara ndə aa kaghalanə ka ana ala. A diwzha tə, zlap a zlapatana: «Huni vəlanə səkən zəm.»
Valið núna:
Markus 5: GOU
Áherslumerki
Deildu
Afrita
Want to have your highlights saved across all your devices? Sign up or sign in
Markus 5
5
Yesu tambəl ala ndə miɗ ma gamak a kaɗalanə
(Mat 8.28-34; Luk 8.26-39)
1Peteŋ Yesu abə magəli tə aagi ata guva mtil minja, a hayak Gerasene aagi. 2Ndə Yesu a ndaa tə a bəza ata gəlmbə ya, ala minja taa tə, a ndaa a bəza a jiɓ, aska a ndaha ara. Ala watsa, miɗ ma gamak a kaɗalanə, 3a ndza a taba jiɓ aagi. Ala ma ŋkula dzaw akas, kwa abə sheshili. 4Zhin dagala aa kadzaw ŋgas tə abə ɓərzləm, sheshili ata ra, ama zhin dagala, a kaɓərats sheshili watsa bəza, a ŋgaz ɓərzləm ma ndza a ŋgas watsa bəza, ala ma ndza abə ɓərɓər ta mbələ kwa aka zhanas. 5Kala pish abə zaɗə, a ndza a ŋge a taba jiɓ aagi, a katəwər a ŋge a ha dawən aagi, a kadza wəla, tsa kagurah zlikusəm tə abə ŋkəɗaŋ. 6Ndə a gəra Yesu abə gədək tə: Azha, dəba a ashaha ara, gəliɓ a gəliɓ tə ka atama tə. 7Kek, i wəla abə ɓərɓər tə: «Hwa ɗiw ma ndza ara sa veme sa Yesu Mbə Bizlaf ma ndza a wəzəm a wəzlaf? Sa kadzahu ra, ata zləm Bizlaf, hwa ɗiw a mbaslaka ka a sa yaka səku!» 8A ɗal ara ndə Yesu a va a zlapanə: «Miɗ ma gamak, nda kwa a bəza ana ala watsə!» 9Yesu ɗiw a ɗiwzə ala watsa, i kəsha iŋgaya: «Zləm kwa veme?» iy. Zhin a zhinanə: «Zləm naka ci, “Vərəm”, ara ndə ni ɗa “dagala”.» 10Dəba miɗ ma gamak a aŋcah a dzanə ra a Yesu, iŋgaya: «Hwa ɗiw a gamani ka a bəza gədək abəra hayak watsa səku.»
11Tiɗa ndə aa kazlap, gəladam aagi vərəm, aa kagasɓa səkən zəm ta huk abəra bərla minja. 12Miɗ ma gamak watsa aagi, dəba aagi adzanə ra a Yesu, aagi iŋgaya: «Tuh, zlənani ka a gəladam watsə aagi, a ni andza cini ka a təmta,» aagiy. 13Yesu pəl a pəlatana təf. A tsutsa, miɗ ma gamak watsa aagi, tsaw aa ndaa ta a bəza ana ala watsa, səɓət aa nda ta a gəladam watsa aagi, təy aagi shi, səɓət aagi a mtil, gheneɓ aa bazl ta. Biri gəladam watsa aagi ɗal bəza bəluk gbak.
14Wəzhi ma njin gəladam aagi, kurac aa shi ta aska aagi nda ghalə a ŋge a hayak ma dzamadzam tiwtiw, a ŋge a hayak ma dzuk dzuk aagi. Ndə həji ma ndza a hayak aagi aa zlima, tsaw aa ndaha a sar səkən ma pew. 15Tsaw aa ndaha ara Yesu, azha, aa gəra ya, ala ma kawək watsa a kandza abə rəkuts ata zlikusəm, ŋkwaɓ tə dəlili. Binik ŋzliŋ a dzata bəza. 16Həji ma gəra səkən ma pew aagi, dəba aagi aghal səkən ma pew abə ala ndə ŋkwaɓ tə a dzəvəɗ tə, abə səkən ma ɗal ata gəladam aagi. 17Azha həji aagi, dəba aagi adzanə ra a Yesu, aska a nda tə bəza a hayak ta. 18Ndə Yesu a taf tə ata gəlmbə, ala ndə ŋkwaɓ tə a va a dzəvəɗ tə nana, dəba a atarə, iŋgaya: «Pəlaka təf, mə andzaɓa abə hwa,» iy. 19Ama, Yesu tajis, i kəsha iŋgaya: «Zhin kwa a wata kwa, abəra vən kwa aagi. Hwa ghalatana səkən ndə Bizlaf a ɗalə abə hwa, andza ndə a za hahər tə ata hwa.» 20Ala watsa, tsaa kanda tə, a pew gwara a hayak ma dagal ndə hayak ma dzamadzam wam a mən, a kaghalatana səkən ndə Yesu a ɗalanə a həji aagi tiwtiw. Hak aa ghərəŋ ta a heɗe tiwtiw.
Yesu tambəl wala ma tsa ra ata rəkuts tə abə səfən həla ataa Jayrus
(Mat 9.18-26; Luk 8.40-56)
21Ndə Yesu a zlaŋ tə a bəza abə gəlmbə ata guva mtil minja, ŋgaɓa həji vərəm aa tadzam ta ka abəra a ma zləm mtil. 22Ala minja zləm tə Jayrus, a ɗa madagal ma ndza aha jak ta tarha Yahuda aagi, ndə a gəra Yesu, a shaha, gəliɓ a gəliɓ tə ka atama tə, dəba a dzanə ra. 23A katarə, iŋgaya: «Həla naka a kamca tə tuh, ndaha a tsazə ra a heɗe, aska a mbəl tə, a ɗa wirwir!» 24Yesu dəba a anda abə sha. Vərəm ana həji ma lahzə aagi, aa kamgbiɓ kusəm aska.
25A tsutsa, wala minja, a kazah ampəs, a ɗal bəza va wam aha gbak abə sha. 26Tasa yaka dagala a dzəsl dakwtər aagi, dala kəɗaŋ aska ra tə, ama taɗalzanə galaɓagha akas, aɓa azha ci, a vas a ɗalanə a guɗaŋ. 27Ndə a zlima zlap ma ndza ata Yesu, tsaw a ndaha a taba həji aagi, a ndaha gwara a diwzha a taba ŋgaɓa həji aagi, pa a tsa ra ata rəkuts tə. 28A deŋ tə ya: «Kwa andza ra naka ana ma dish tə ata rəkuts tə, dawər naka a aɗa kwaleŋ,» iy. 29A tsutsa a tsutsa, ampəs tə watsa hats a zla tə, a kagəra a zlikusəm tə, galaɓagha.
30A tsutsa, Yesu tazlima ɓərɓər minja taa a bəza a zlikusəm tə. Takwaɗ a zlaz ha ma a taba ŋgaɓa həji aagi, ɗiw a ɗiwzata: «Ala ma dish ra ata rəkuts naka vaya?» iy. 31Magəli tə aagi, zhin aa zhinanə: «Hwa kagəra həji aagi dzəsl abəra hwa, aa kamgbiɓahu ya, hwa iŋgaya: “Ma dish ra ata sa vaya?” hwiy?» 32Ama Yesu taŋ a taŋ la ma ndza abəra, aska a gəra ala ma ɗal səkən watsa. 33Azha wala watsa ŋzliŋ tadzə bəza, dəba a anaana ka, ara ndə a kasən ma ma pew a heɗe. Tsaw a ndaha, gəliɓ a gəliɓ tə ka atama tə, ghal a ghalanə səkən ma ɗal a heɗe ŋter. 34Ama Yesu zlap a zlapanə: «Həla naka, ɗal awa kwa tarehu bəza, nda abə təwah, dawər kwa maɗa kwaleŋ.»
35Tiɗa ndə Yesu ndza tə a kazlap kwagwa ikwa, həji ma ndaha a wata ataa madagal ma ndza aha jak ta tarha ataa Yahuda aagi, aa taa ta a zlapanə: «Həla kwa tamca tə, hwa zhin a ŋtəɓəl Madagal awa?» 36Ama, Yesu tatsa zləm a teh ma ta akas, zlap a zlapanə a Jayrus: «Ŋzliŋ a dzahu səku, ɗal awa ana ataa aŋkwa.» 37Azha, kwa tapəlanə təf kwa vaye a lah akas, səy tiw Piyer, Yakuba abə zliŋgin Yahwana. 38Ndə aa nda a wata madagal ma ndza aha jak ta tarha ataa Yahuda aagi, Yesu a gəra həji aagi kahan, aa kadza ha, aa kadza wəla abə ɓərɓər tə. 39Tsaw a nda a gi, zlap a zlapatana: «Huni dza ha ikwa ara veme? Huni han veme? Həla watsa tamcas, ama a wan tə.» 40Azha, dəba aagi aɓas a heɗe. Mbara, gam a gamata aara aha a bəza tiwtiw, leŋ a ji tiw cin abə mamən, abə magəli tə ma mahkaɗ watsa aagi, tsaw aa nda ata la ndə mbə a kawan a heɗe. 41Kaw a mbələ ata ra, zlap a zlapanə, iŋgaya: «Talita kumi!» A may a ghal ci, «Dahalay, sa kazlapahu, gar kwa a wəzəm!» 42Kahkah, takaw həla ma feŋ watsa a gar tə wəzəm, dəba a anda. Va tə wam aha gbak. Kwa vaye, hak aa ghərəŋ ta tiwtiw. 43Azha, Yesu ŋgəz a ŋgəzata bəza, ara ndə aa kaghalanə ka ana ala. A diwzha tə, zlap a zlapatana: «Huni vəlanə səkən zəm.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in