Maliko 6
6
Yesu ikanwa ukoya Nasaleti
Matayo 13.53-58; Luka 4.16-30
1Yesu akahegile pala, akahelela pa kijiji kyake, vachulila vake vakamfuatila. 2Peifikile kigono kya kutulula, alivanga kwimbisa pa kaye lya kutang'anila Vayawudi. Vanu yevakali vekumpulika vaduduvalile, vakilonga, “Apatila kwii fyonda ifi? Uginyange liki yeagevilwe? Avesa wuli kugita umunyitu haga? 3Uyu muhongola finu fya mibiki hamu? Mwana va Maliamu, na vakolo vake vakina Yakobo na Yusufu na Yuda na Simoni? Na vahachave vake vakwikala bahala ipa?” Suwe, vakanile kumwidikila. 4Yesu kavalongela, “Mviichi hupulikwa konda seivecha seiginya pa inyi lyake na kwa vakolo vake na kaye lyake.” 5Yesu seavesile kugita umunyitu vovonda ukoya seivecha akavika mawoko gyake vatamwa na kuvaponya vatamwa sevolofu. 6Yesu akadudwive mno kwa kuva vandu seviidikie.
Yesu akuvalagicha vachulila vake kumi na vavili
Matayo 10.5-15; Luka 9.1-6
Pambele Yesu akafigendelie fijiji fya pepi, akiva akuvafundisa vanu. 7Kavakemela vala vachulila kumi na vavili, akavanga kuvalagicha vavili va vavili. Akavagavila umwimike va kuvadaga mihoka. 8Akavalagiche akavalongela, “Mbihile kutegula kinu chochonda mung'asi, seiveche lusaga ng'ani. Mbihile kutegula libumunda, vala muhako, vala sendi. 9Mfwale mikobasi ila mbihile kunyamula myenda gingi.” 10Kangi akavalongela, “Pemwingila kaye lyolyonda, mwikale ipo bila kuhegahega mbaka pemwihega pono ipo. 11Na pono poponda vanu pevalema kuvakalibisa awu kuvapulika, muhege na mupumune lifuna mumagulu gyenu, kuva usaidi kwa vene.” 12Suwe, vakahega na kuvadalikia vanu neke vanu vahongeche na kuchileka sambi chawo. 13Vakahumiche mihoka gyolofu na kuvabaka mafuta gya msaituni vatamwa volofu na vakavaponyile.
Kufua kwa Yohani mbatisaji
Matayo 14.1-12; Luka 9.7-9
14Suwe, ng'achale Helode akapulika njowo hicho chonda, kwakuva njowo cha Yesu chikalutale pono ponda. Vanu vangi vakali valonga, “Yohani mbatisaji achulubuke! Ndi kwa kuva aveche na ludali lya kugita umunyitu ugi.” 15Ila volofu valongile, “Munu uyu nde Elia.” Vangi vilongile, “Uyu nde Mvichi ngita yumwinga vala vavichi va daha.” 16Ila Helode peapulike njowo hicho akalonga, “Uyu nde Yohani mbatisa! Yendimudumule mutuwe, ila achulubuke!” 17Pamwandi ipo Helode mwene akalagicha kuva Yohani mbatisaji abatwe na kudindilwa mukifungo. Agitile ifyo kwakuva amtolile Helodia yeali mdala va Filipo ambaye lukolo va Helode. 18Yohani akali amlongie Helode, “Seunofu kumtola mdala va lukololo vako!” 19Ndeni, Helodia akamvipie mno Yohani, akasakile kumdocha, ila seavesile kumdocha. 20Helode amwogwipe Yohani akichele kuva munu msanji na mng'alili, suwe akali akumdima. Akava ikela kumpulikicha Yohani, ingava amalile kumpulikicha, agudile hilo munumbula lyake. 21Kigono kimwi Helodiya apatile nafwasi pa lihungu lya kuwikwa kubabwa kwa Helode. Kigono hikyo Helode akavagitile lihungu vatavala vake, na vakomi va vapuga vake na filongosi va inyi lya Galilaya. 22Muhinja va Helodia peaingile kukina, akakina unofu mno, Helode na vagenji vake vakakedukile mno. Suwe ng'achale akamlongie yula muhinja, “Suke kinu kyokyonde kyewikela, nene ndikugavila.” 23Kangi akamlapie, “Kyokyonda kyeukunisuka ndikugavila, hata ikiva nusu lya ung'achale vangu!” 24Baho yula muhinja akahuma kwivala akahele kumuwucha maye vake, “Ndisuke liki?” Maye vake akamhigile, “Suke lituwe lya Yohani Mbatisa.” 25Baho yula muhinja akamuwulie ng'achale akamlongie, “Ndikela unigavile salaisi mutuwe lya Yohani Mbatisa paluhelo!” 26Ng'achale akasugime mno, ila kwakuva ilapile pautalo lya vagenji vake, alemwile kumkanila. 27Ng'achale akamlagicha mpuga akanyamule lituwe lya Yohani Mbatisa. Mpuga akahelela kumdumula Yohani Mbatisa lituwe mula mukifungo. 28Mpuga yula akakiletile lituwe lila muluhelo, akamgavila yula muhinja, mwene kamgavila maye vake. 29Vachulila va Yohani Mbatisa pevapulikile lukaini lula, vakahelela kuunyamula mviili vake na kuusila.
Yesu avalisile kyakula vanu elufu chianu
Matayo 14.13-21; Luka 9.10-17; Yohani 6.1-4
30Vala vanjagila vakawuya vatang'ine na Yesu, vakamlongiye fyonda fyevagitile na kuwulanicha. 31Yesu akavalongiye, “Tuhelele weka hela kyamfiyo, mkatulule ludodo.” Alongile ndeni kwakuva kukali na vanu volofu hilo vangi vakwacha bahala pala na kuhega, mbaka Yesu na vachulila vake ata se vapatile nafwasi lya kuliya kyakuliya. 32Suwe, vakahegile vavene kwa wato, vahelela pakifiyo. 33Hata ifyo vanu vakavawene pevahega, vakachela. Suwe, vakahelela kwa magulu kuhuma kila mwani na vakalongue kufika. 34Yesu peikile muwato, akaliwene lipinga likomi lya vanu. Avawonie lusungu kwakuva vakali ngita kondolo vahela mdimaji. Ndena akavanga kuvawulanicha makani gyongofu. 35Palumie peifikile, vachulila va Yesu vakamuhelelie na kumlongela, “Poono ipa pakudasi na nalichuwa lidibala. 36Uvaleke vanu vahelele kumigunda na pafijiji fya pepi vakajigulile kyakula.” 37Ila Yesu avalongie, “Muvagavile nyenye kyakula.” Navo vakamuhuchile, Be! “Seulola kuva twitakilwa kuvecha na sendi cholofu cha kuvagulila vanu ava kyakula?” 38Yesu akavahucha, “Mwinagyo mibumunda milinga? Muhelele tandi mkailole.” Pevalolile, vakamwigile, “Gigehe mibumunda chianu na somba vavili hela.” 39Suwe, Yesu akavalagiche vachulila vake vavalongele vanu vonda vakale mulipinga lipinga, vakale panyi pa misoli. 40Suwe, vanu vakakala mufipinga fipinga gya vanu miya yimwi na gya vanu hamusini. 41Pambele Yesu kainyamula mibumunda gila mihanu na somba vavili. Kalola kuluhano, akahongecha na kugifunya na kuiketula gila mibumunda. Pambele kavagavila vachulila vake neke vavagavile vanu vonda. Na vala somba vavili wavagavile vanu vonda. 42Vanu vonda vakalie na kwiguta. 43Vachulila va Yesu vakaholasa fibumunda na fisomba gyesigile vaka memecha findilo kumi na chivili. 44Vanu vonda vewaliye vagosi vakali elufu chianu, se vavalilwe vadala na vana.
Yesu igenda pakyanya pa malenga
Matayo 14.22-23; Yohani 6.15-21
45Baho Yesu akavalagicha vachulila vake vaingiye muwato, valongole kuhelela kumwambo lya lihiva Betisaida. Chipindi mwene akulilaga lila lipinga lya vanu. 46Peamalile kuvalaga, akahelela pakidunda kumsuka Nguluvi. 47Palumiye peifikile, wato ugehe pagati lya lihiva, mwene akali weka hela kumwambo lya lihiva. 48Suwe kavawonile vachulila vake vekuang'anika kuguba muwato kwa ludali, kwa kuva lukala ukali ukuvatova. Pepi kukiya, Yesu akavahelelea vachulila vake kuno akigenda pakyanya lya malenga. Akasakile kuvachumba. 49Navo pevamuonile igenda pakyanya lya malenga, vakachelile lingasaga, vakatovile kyowo. 50Kwakuva vonda pevamwonile vakaogwipe mno. Baho Yesu akavalongie, “Muchike, ndi nene, mbihile kwogopa.” 51Baho kaingila muwato pevagehe vachulila vako, na lukala ukachikile, vachulila vake vakekang'ise mno, 52kwakuva vakali sevachele mana lya kuvagavila mibumunda gila valie vanu elufu chihanu, luhala lwao lukali have kukisi.
Yesu akumnanicha vatamwa kula Genesaleti
Matayo 14.34-36
53Vakaagama lihiva, vakafikila pa inyi lya Genesaleti, vakauwopile wato kwa ndegeyi neke libihile kuhelela na malenga. 54Peviikile muwato, baho vanu vakamchele Yesu. 55Suwe, vakachungutile kisatu pa inyi lyonda, na kuvanga kuvanyamula vatamwa vavasile pakitefu gyawo na kuvasindika pono poponda pevapulike kuva Yesu agehe. 56Kila pono Yesu peahele, kufijiji na pamwani awu pamigunda, vanu vakavavikile vatamwa pafivanja. Vakamsuka avaleke vabyalise lukanji lya mwenda gwake. Nawo vevabyalise vakananile.
Valið núna:
Maliko 6: NTBnBL2025
Áherslumerki
Deildu
Afrita
Want to have your highlights saved across all your devices? Sign up or sign in
The New Testament in Benamanga @The Word for The World International and Benamanga Language translation, 2025. All rights reserved.
Maliko 6
6
Yesu ikanwa ukoya Nasaleti
Matayo 13.53-58; Luka 4.16-30
1Yesu akahegile pala, akahelela pa kijiji kyake, vachulila vake vakamfuatila. 2Peifikile kigono kya kutulula, alivanga kwimbisa pa kaye lya kutang'anila Vayawudi. Vanu yevakali vekumpulika vaduduvalile, vakilonga, “Apatila kwii fyonda ifi? Uginyange liki yeagevilwe? Avesa wuli kugita umunyitu haga? 3Uyu muhongola finu fya mibiki hamu? Mwana va Maliamu, na vakolo vake vakina Yakobo na Yusufu na Yuda na Simoni? Na vahachave vake vakwikala bahala ipa?” Suwe, vakanile kumwidikila. 4Yesu kavalongela, “Mviichi hupulikwa konda seivecha seiginya pa inyi lyake na kwa vakolo vake na kaye lyake.” 5Yesu seavesile kugita umunyitu vovonda ukoya seivecha akavika mawoko gyake vatamwa na kuvaponya vatamwa sevolofu. 6Yesu akadudwive mno kwa kuva vandu seviidikie.
Yesu akuvalagicha vachulila vake kumi na vavili
Matayo 10.5-15; Luka 9.1-6
Pambele Yesu akafigendelie fijiji fya pepi, akiva akuvafundisa vanu. 7Kavakemela vala vachulila kumi na vavili, akavanga kuvalagicha vavili va vavili. Akavagavila umwimike va kuvadaga mihoka. 8Akavalagiche akavalongela, “Mbihile kutegula kinu chochonda mung'asi, seiveche lusaga ng'ani. Mbihile kutegula libumunda, vala muhako, vala sendi. 9Mfwale mikobasi ila mbihile kunyamula myenda gingi.” 10Kangi akavalongela, “Pemwingila kaye lyolyonda, mwikale ipo bila kuhegahega mbaka pemwihega pono ipo. 11Na pono poponda vanu pevalema kuvakalibisa awu kuvapulika, muhege na mupumune lifuna mumagulu gyenu, kuva usaidi kwa vene.” 12Suwe, vakahega na kuvadalikia vanu neke vanu vahongeche na kuchileka sambi chawo. 13Vakahumiche mihoka gyolofu na kuvabaka mafuta gya msaituni vatamwa volofu na vakavaponyile.
Kufua kwa Yohani mbatisaji
Matayo 14.1-12; Luka 9.7-9
14Suwe, ng'achale Helode akapulika njowo hicho chonda, kwakuva njowo cha Yesu chikalutale pono ponda. Vanu vangi vakali valonga, “Yohani mbatisaji achulubuke! Ndi kwa kuva aveche na ludali lya kugita umunyitu ugi.” 15Ila volofu valongile, “Munu uyu nde Elia.” Vangi vilongile, “Uyu nde Mvichi ngita yumwinga vala vavichi va daha.” 16Ila Helode peapulike njowo hicho akalonga, “Uyu nde Yohani mbatisa! Yendimudumule mutuwe, ila achulubuke!” 17Pamwandi ipo Helode mwene akalagicha kuva Yohani mbatisaji abatwe na kudindilwa mukifungo. Agitile ifyo kwakuva amtolile Helodia yeali mdala va Filipo ambaye lukolo va Helode. 18Yohani akali amlongie Helode, “Seunofu kumtola mdala va lukololo vako!” 19Ndeni, Helodia akamvipie mno Yohani, akasakile kumdocha, ila seavesile kumdocha. 20Helode amwogwipe Yohani akichele kuva munu msanji na mng'alili, suwe akali akumdima. Akava ikela kumpulikicha Yohani, ingava amalile kumpulikicha, agudile hilo munumbula lyake. 21Kigono kimwi Helodiya apatile nafwasi pa lihungu lya kuwikwa kubabwa kwa Helode. Kigono hikyo Helode akavagitile lihungu vatavala vake, na vakomi va vapuga vake na filongosi va inyi lya Galilaya. 22Muhinja va Helodia peaingile kukina, akakina unofu mno, Helode na vagenji vake vakakedukile mno. Suwe ng'achale akamlongie yula muhinja, “Suke kinu kyokyonde kyewikela, nene ndikugavila.” 23Kangi akamlapie, “Kyokyonda kyeukunisuka ndikugavila, hata ikiva nusu lya ung'achale vangu!” 24Baho yula muhinja akahuma kwivala akahele kumuwucha maye vake, “Ndisuke liki?” Maye vake akamhigile, “Suke lituwe lya Yohani Mbatisa.” 25Baho yula muhinja akamuwulie ng'achale akamlongie, “Ndikela unigavile salaisi mutuwe lya Yohani Mbatisa paluhelo!” 26Ng'achale akasugime mno, ila kwakuva ilapile pautalo lya vagenji vake, alemwile kumkanila. 27Ng'achale akamlagicha mpuga akanyamule lituwe lya Yohani Mbatisa. Mpuga akahelela kumdumula Yohani Mbatisa lituwe mula mukifungo. 28Mpuga yula akakiletile lituwe lila muluhelo, akamgavila yula muhinja, mwene kamgavila maye vake. 29Vachulila va Yohani Mbatisa pevapulikile lukaini lula, vakahelela kuunyamula mviili vake na kuusila.
Yesu avalisile kyakula vanu elufu chianu
Matayo 14.13-21; Luka 9.10-17; Yohani 6.1-4
30Vala vanjagila vakawuya vatang'ine na Yesu, vakamlongiye fyonda fyevagitile na kuwulanicha. 31Yesu akavalongiye, “Tuhelele weka hela kyamfiyo, mkatulule ludodo.” Alongile ndeni kwakuva kukali na vanu volofu hilo vangi vakwacha bahala pala na kuhega, mbaka Yesu na vachulila vake ata se vapatile nafwasi lya kuliya kyakuliya. 32Suwe, vakahegile vavene kwa wato, vahelela pakifiyo. 33Hata ifyo vanu vakavawene pevahega, vakachela. Suwe, vakahelela kwa magulu kuhuma kila mwani na vakalongue kufika. 34Yesu peikile muwato, akaliwene lipinga likomi lya vanu. Avawonie lusungu kwakuva vakali ngita kondolo vahela mdimaji. Ndena akavanga kuvawulanicha makani gyongofu. 35Palumie peifikile, vachulila va Yesu vakamuhelelie na kumlongela, “Poono ipa pakudasi na nalichuwa lidibala. 36Uvaleke vanu vahelele kumigunda na pafijiji fya pepi vakajigulile kyakula.” 37Ila Yesu avalongie, “Muvagavile nyenye kyakula.” Navo vakamuhuchile, Be! “Seulola kuva twitakilwa kuvecha na sendi cholofu cha kuvagulila vanu ava kyakula?” 38Yesu akavahucha, “Mwinagyo mibumunda milinga? Muhelele tandi mkailole.” Pevalolile, vakamwigile, “Gigehe mibumunda chianu na somba vavili hela.” 39Suwe, Yesu akavalagiche vachulila vake vavalongele vanu vonda vakale mulipinga lipinga, vakale panyi pa misoli. 40Suwe, vanu vakakala mufipinga fipinga gya vanu miya yimwi na gya vanu hamusini. 41Pambele Yesu kainyamula mibumunda gila mihanu na somba vavili. Kalola kuluhano, akahongecha na kugifunya na kuiketula gila mibumunda. Pambele kavagavila vachulila vake neke vavagavile vanu vonda. Na vala somba vavili wavagavile vanu vonda. 42Vanu vonda vakalie na kwiguta. 43Vachulila va Yesu vakaholasa fibumunda na fisomba gyesigile vaka memecha findilo kumi na chivili. 44Vanu vonda vewaliye vagosi vakali elufu chianu, se vavalilwe vadala na vana.
Yesu igenda pakyanya pa malenga
Matayo 14.22-23; Yohani 6.15-21
45Baho Yesu akavalagicha vachulila vake vaingiye muwato, valongole kuhelela kumwambo lya lihiva Betisaida. Chipindi mwene akulilaga lila lipinga lya vanu. 46Peamalile kuvalaga, akahelela pakidunda kumsuka Nguluvi. 47Palumiye peifikile, wato ugehe pagati lya lihiva, mwene akali weka hela kumwambo lya lihiva. 48Suwe kavawonile vachulila vake vekuang'anika kuguba muwato kwa ludali, kwa kuva lukala ukali ukuvatova. Pepi kukiya, Yesu akavahelelea vachulila vake kuno akigenda pakyanya lya malenga. Akasakile kuvachumba. 49Navo pevamuonile igenda pakyanya lya malenga, vakachelile lingasaga, vakatovile kyowo. 50Kwakuva vonda pevamwonile vakaogwipe mno. Baho Yesu akavalongie, “Muchike, ndi nene, mbihile kwogopa.” 51Baho kaingila muwato pevagehe vachulila vako, na lukala ukachikile, vachulila vake vakekang'ise mno, 52kwakuva vakali sevachele mana lya kuvagavila mibumunda gila valie vanu elufu chihanu, luhala lwao lukali have kukisi.
Yesu akumnanicha vatamwa kula Genesaleti
Matayo 14.34-36
53Vakaagama lihiva, vakafikila pa inyi lya Genesaleti, vakauwopile wato kwa ndegeyi neke libihile kuhelela na malenga. 54Peviikile muwato, baho vanu vakamchele Yesu. 55Suwe, vakachungutile kisatu pa inyi lyonda, na kuvanga kuvanyamula vatamwa vavasile pakitefu gyawo na kuvasindika pono poponda pevapulike kuva Yesu agehe. 56Kila pono Yesu peahele, kufijiji na pamwani awu pamigunda, vanu vakavavikile vatamwa pafivanja. Vakamsuka avaleke vabyalise lukanji lya mwenda gwake. Nawo vevabyalise vakananile.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The New Testament in Benamanga @The Word for The World International and Benamanga Language translation, 2025. All rights reserved.