Mark 16
16
Yesɔ yunɛ sàà
1Aknti lee susunɛ aɗaddarɛ Mariyamu suu magdala a Mariyamu Yakubu ɓini wɔsɔ̃n Salomi i yurɛ i woo nɔɔ sũrũ-sũrũ aruu nɛi pmri Yesɔ abii: 2Agadii zɨɨnkɔ alee susunɛ aɗagbete ɗa shɛyɛ i yɛ yusaau rɛ. 3A nyaba yɛnɛ yusaau i hɨ zɔnɛ,<<piyɛ giriu tari pi a nyɛ yusaau ni piya?>>
4Naa i ɗee nɔɔtɛ i zɛrɛ shɔ giri tariutɛ kagbete, si tari pẽniɓa. 5Naa i to yusààutɛ i zɛ jakasaa wɔɔ ɔ̃tɛ kagbete a fãrã puru a yusàà, kɛɗɔn i zaa kpak-kpak.
6Ama, Ɗa jashonɛ lapa geliyi nɛ, << Ɔkɔɔ zaanɛ n zɛtɛttɔ ɔ kã Yesɔ shɔ nazara gbete shɔ ɓau naa alaa yɛ, u ɓa ɗɔni ɓa, yupalatɛǃ nɔgbete shayɛ, ɔ knnɔɔ nɛ ɗɔgbete shɔ yɔu ɗɔnyɛ yɛm. 7Dɔddɔrim ɔ yɛnɛ ɔ geli Yesɔ jaɗɔyi a Bituru ni nɛ yulapatɛ, ɔ yɛ kpau awɔ ɗekn yɛnɛ tipi Urushalima, ɔ zɛu aɗɔwakɔ nɔgbete shayɛ.>>
8Kɛɗɔn suuwiyi shɛ a yuààu a yunɛ, i bii ɗɔɔ zaanɛ i sisɨn ji roo ɓa. I ji geli shɔwɔɔ ɓa aruugbete seti sãyitɔ.
Yesɔ shɛ a Mariyamu suu Magdala bii
9Aknti gbete Yesɔ yulapa a sàà shɔgbete ga Yesɔ zɛnɛ pɛ Mariyamu suu magdala, suu gbete Yesɔ shɛshiu rãman maanzii a bii yɛ. 10Mariyamu suu magdala yɛ Yesɔ jaɗɔyi ɗɔbii a kpai aɗɔɔ lɛrinɛ a sɨnɛni. 11Ama naa Mariyamu suu magdala geli Yesɔ jaɗɔyi tɛ nɛn zɛ Yesɔ tɛ ang nɔɔ ni, iji ã sisɨn ɓa au nyani ɓa.
Yesɔ shɛ au jaɗɔyi ziti ɗekn
12A kntini Yesɔ shɛ au jadɔyi ziti bii a nyaba tot-tot, aɗagbete i si nyaba tipi Urushalima yɛnɛ. 13Kɛɗɔn i sɔrɛ a geli zɔ̃ gãsi rɛ, ama i ji ã sisɨn ɓa ai nyani ɓa kɔjo.
Yesɔ shɛ au Jadɔyi kopi tu gbete i bii
14Tɔtti Yesɔ shɛ au jadɔyi kopi tu gbete bii aɗɔgbete i si ɗɔɔ vishaanɛ, kɛɗɔn Yesɔ lasirɛ aruugbete i sisɨn ãnɛ ɓa a yulakinɛ gbete i tasiyɛ, aruu i bɛ̃ɛ̃ tɔ̃vɨng ãnɛtɔ a shɔ gbete zɛ Yesɔ yutɛ suruni a sàà i nya.
15Kɛɗɔn Yesɔ geliyi nɛ,<< ɔ yɛnɛ akoo piti kpai ɔ nwari shɔ n nya ruubii, 16Shɔgbete kɛ ã sisɨn nɛ ang bii nɛ shɔu pɛlin batizima shɔyɛ rautɔ, ama shɔgbete kɛ bɛ̃ɛ̃ nɛ yɛ raa naa ɓa. 17Shɔgbeteyi kɛ ã tɔ̃vɨng nɛ ang nii iyɛ pɛli vibii zaanɛ tɔ, iyɛ zɛnɔɔ rãmã shɛshinɛ tɔ ang nii ni, iyɛ zɛnɔɔ nyakoo wɔɔ nwanɛtɔ. 18I yɛ tuu sɔɔ anaa ni, i kɛ ɓoo vi zɔpɔ̃ nɛ yɛ pɛli viwɔ bijoɓa, iyɛ zɛnɔɔ naa pɔ̃nɛ tɔ a shɔvɔrɔ i biini iyɛ gatitɔ tɛ̃ɛ̃ti.>>
Yesɔ tunɛ yɛnɛ kolapa
19Aknti gbete Ubeyelapa yisi nyanwanɛ tɛ ayiniyɛ, kɛɗɔn Ɗalapa tuurɛ yɛnɛ kolapa a ɔ̃ a au nakn. 20Kɛɗɔn Yesɔ jadɔyi i yɛ ko piɗɔpiya akoo i ɗɔgbete i nwari shɔ Ɗalapa nya ruubii yɛ, Ubeyelapa u si ayini, i ɗɔgbete i pɛli vibii zaanɛ gbete Yesɔ ãi kakaa nɛi pɛliyɛ.
Valið núna:
Mark 16: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 16
16
Yesɔ yunɛ sàà
1Aknti lee susunɛ aɗaddarɛ Mariyamu suu magdala a Mariyamu Yakubu ɓini wɔsɔ̃n Salomi i yurɛ i woo nɔɔ sũrũ-sũrũ aruu nɛi pmri Yesɔ abii: 2Agadii zɨɨnkɔ alee susunɛ aɗagbete ɗa shɛyɛ i yɛ yusaau rɛ. 3A nyaba yɛnɛ yusaau i hɨ zɔnɛ,<<piyɛ giriu tari pi a nyɛ yusaau ni piya?>>
4Naa i ɗee nɔɔtɛ i zɛrɛ shɔ giri tariutɛ kagbete, si tari pẽniɓa. 5Naa i to yusààutɛ i zɛ jakasaa wɔɔ ɔ̃tɛ kagbete a fãrã puru a yusàà, kɛɗɔn i zaa kpak-kpak.
6Ama, Ɗa jashonɛ lapa geliyi nɛ, << Ɔkɔɔ zaanɛ n zɛtɛttɔ ɔ kã Yesɔ shɔ nazara gbete shɔ ɓau naa alaa yɛ, u ɓa ɗɔni ɓa, yupalatɛǃ nɔgbete shayɛ, ɔ knnɔɔ nɛ ɗɔgbete shɔ yɔu ɗɔnyɛ yɛm. 7Dɔddɔrim ɔ yɛnɛ ɔ geli Yesɔ jaɗɔyi a Bituru ni nɛ yulapatɛ, ɔ yɛ kpau awɔ ɗekn yɛnɛ tipi Urushalima, ɔ zɛu aɗɔwakɔ nɔgbete shayɛ.>>
8Kɛɗɔn suuwiyi shɛ a yuààu a yunɛ, i bii ɗɔɔ zaanɛ i sisɨn ji roo ɓa. I ji geli shɔwɔɔ ɓa aruugbete seti sãyitɔ.
Yesɔ shɛ a Mariyamu suu Magdala bii
9Aknti gbete Yesɔ yulapa a sàà shɔgbete ga Yesɔ zɛnɛ pɛ Mariyamu suu magdala, suu gbete Yesɔ shɛshiu rãman maanzii a bii yɛ. 10Mariyamu suu magdala yɛ Yesɔ jaɗɔyi ɗɔbii a kpai aɗɔɔ lɛrinɛ a sɨnɛni. 11Ama naa Mariyamu suu magdala geli Yesɔ jaɗɔyi tɛ nɛn zɛ Yesɔ tɛ ang nɔɔ ni, iji ã sisɨn ɓa au nyani ɓa.
Yesɔ shɛ au jaɗɔyi ziti ɗekn
12A kntini Yesɔ shɛ au jadɔyi ziti bii a nyaba tot-tot, aɗagbete i si nyaba tipi Urushalima yɛnɛ. 13Kɛɗɔn i sɔrɛ a geli zɔ̃ gãsi rɛ, ama i ji ã sisɨn ɓa ai nyani ɓa kɔjo.
Yesɔ shɛ au Jadɔyi kopi tu gbete i bii
14Tɔtti Yesɔ shɛ au jadɔyi kopi tu gbete bii aɗɔgbete i si ɗɔɔ vishaanɛ, kɛɗɔn Yesɔ lasirɛ aruugbete i sisɨn ãnɛ ɓa a yulakinɛ gbete i tasiyɛ, aruu i bɛ̃ɛ̃ tɔ̃vɨng ãnɛtɔ a shɔ gbete zɛ Yesɔ yutɛ suruni a sàà i nya.
15Kɛɗɔn Yesɔ geliyi nɛ,<< ɔ yɛnɛ akoo piti kpai ɔ nwari shɔ n nya ruubii, 16Shɔgbete kɛ ã sisɨn nɛ ang bii nɛ shɔu pɛlin batizima shɔyɛ rautɔ, ama shɔgbete kɛ bɛ̃ɛ̃ nɛ yɛ raa naa ɓa. 17Shɔgbeteyi kɛ ã tɔ̃vɨng nɛ ang nii iyɛ pɛli vibii zaanɛ tɔ, iyɛ zɛnɔɔ rãmã shɛshinɛ tɔ ang nii ni, iyɛ zɛnɔɔ nyakoo wɔɔ nwanɛtɔ. 18I yɛ tuu sɔɔ anaa ni, i kɛ ɓoo vi zɔpɔ̃ nɛ yɛ pɛli viwɔ bijoɓa, iyɛ zɛnɔɔ naa pɔ̃nɛ tɔ a shɔvɔrɔ i biini iyɛ gatitɔ tɛ̃ɛ̃ti.>>
Yesɔ tunɛ yɛnɛ kolapa
19Aknti gbete Ubeyelapa yisi nyanwanɛ tɛ ayiniyɛ, kɛɗɔn Ɗalapa tuurɛ yɛnɛ kolapa a ɔ̃ a au nakn. 20Kɛɗɔn Yesɔ jadɔyi i yɛ ko piɗɔpiya akoo i ɗɔgbete i nwari shɔ Ɗalapa nya ruubii yɛ, Ubeyelapa u si ayini, i ɗɔgbete i pɛli vibii zaanɛ gbete Yesɔ ãi kakaa nɛi pɛliyɛ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria