Mark 15
15
Yesɔ a Bilatu dekn
1A zɨɨnkɔ adii gadi shɔyupẽni nyanwaanɛ jaa Ɗa, a shɔpẽni dɔlayi wɔsɔ̃n shɔmala nya ãsinɛ a kpati shɔvi shoneyi piti kpai i ma rɛ, i sã Yesɔ a n-tiu Bilatu dekn.
2Bilatu hɨ Yesɔ nɛ,<<Mɔkaa ɔ̃rɛ kpati yahudawa ya? Yesɔ risiu nya nɛ.
<<Mɔkaa shajo.>>
3Shɔyupẽniyi i yeri Yesɔ nya ayuu tot-tot. 4Tɔtti Bilatu hɨ Yesɔ nɛ,<< A yɛ kasi nya baya? Ayuu ruugbete shɔmiyi i shali āā yuum ni baya?>>
5Ama Yesɔ ji risi nya ba, vibii zaa sã Bilatu kɛtɔ.
Shɔ ruu nɛ Yesɔ yɛ vɔtɔ
6Ai nakoo koopi saa shɔpiya a ɗaa yumusinɛ pasika Bilatu yasiyi shɔ jaahm naa gbete shɔgbete i kasiyɛ. 7Aɗauni jawɔɔ ɗɔn shɔ bau nii nɛ Baranaba shɔ ɓai a jaahm a shɔ yuvɔɔ nyonɛyi aɗɔzɔ, aɗagbete shɔ yusi nya yɛ. 8Kɛɗɔn mɔɔyi ɓa nya a Bilatu bii u pɛli vigbete pɛliyɛ siyɛ ko saa shopiya aɗa yumusinɛ pasika.
9Bilatu hɨyinɛ<<Ɔ kasinɛ n yasɔɔ Yesɔ kpati yahudawa naa ya?>> 10Aruu si Bilatu zɛtɛttɔ nɛ shɔyupẽni nyanwaanɛ jaa Ɗa i n-ti Yesɔ au ɗɔbii ɓa sisɨn gbete ba. 11Ama shɔyupẽni nyanwaanɛ jaa Ɗa i kpɛ̃ri mɔɔyi nɛi geli Bilatu nɛu yasiyi Baranaba naa.
12Bilatu hɨ nɛ,<<Ɔ kasinɛ n pɛli pikovi a jaa gbete shɔ baunɛ kpati yahudawa ni viya? >> 13Shɔwiyi i risi nya a kakaani nɛ, <<Ɔ bau naa laa. >>
14Bilatu kasi nya nɛ, <<Aruu iviya? Pɛli vikɔ̃linɛu piviɗɔkɔ viya?>>
Ama i piti kpai i ɗee nya a kakaani nɛ, << Ɔ bau naa laa. >>
15Aruugbete Bilatu kasi nɛ mɔɔyi i nta sisɨn puru, a yasiyi Baranaba naa rɛ. kɛɗɔn Bilatu ã sojayi i naarɛ nɛi waa Yesɔ, nɛi sã Yesɔ i bau naa laa.
Sojayi i ãri Yesɔ nya
16Kɛɗɔn sojayi sã Yesɔ yɛnɛ Bilatu jarunwanɛ a gãsi ɓɛzɔɔ sojayini kpai. 17Kɛɗɔn sojayi tuu kpɛnti fãrã gbete naa kpati ɓɛɛ i hãsi Yesɔ abii ai tɔ̃ri salabu kɔkkɔ i hãsi Yesɔ a yuu. 18Kɛɗɔn sojayi i waa dɔɔ i ɗiurɛ naa nɛ, << Ɗa u yasi kpati yahudawa suru ɗɔnǃ>> 19sojayi waa Yesɔ ayuu a labàà, i tuluu susãri abii, i sɔ̃si au ɗekn nei bɛliutɔ. 20Naa sojayi yisi Yesɔ nya ãrinɛtɛ, i zɔ̃ fãrã nwerirɛ a Yesɔ biini, i tosi Yesɔ kɛjo u fãrã bii. Kɛɗɔn i shɛshiu bili kɛkn nɛ shɔ bau naa laa.
Shɔ ɓaa Yesɔ naa laa
21Siman shɔ bakurani, Alizanda a Rufu i ɓeye, u ɗɔɔ tɛɛnɛ shɛ a tipi bakurani sojayi i pɔ̃u rɛ nɛu tusi Yesɔ laagbete shɔ ɓau naa aɗɔnyɛ. 22Kɛɗɔn i n-ti Yesɔ yɛnɛ ɗɔwɔɔ shɔ ɓanɛ gɔlgɔta, (ɗɔgbete shɔ toli zɔ̃pu ɗɔnyɛ) 23I ã Yesɔ mii laa inabi shɔ rãa a muri, ama ji boo ɓa. 24Kɛdɔn sojayi ɓaa Yesɔ naa rɛ laa, i tuu fãrã bii i vasirɛ ai nɔɔ, ama i nta laapaa au yuuni, nei zɛ vi gbete kopiya yɛ kpaayɛ pɛ.
25Soja i ɓaa Yesɔ a laa si dɔɔɗaa ntatɛ mangnɛ̃ɛ̃ shɔ gadii. 26Ruu kɔ̃linɛ gbete shɔ bee ayuu nɛ pɛliyɛː KPATI YAHUDAWAYI. 27Sojayi i ɓaa Yesɔ naa laa a ɓɔɔyini ziti gbete a Yesɔ nakn wɔɔ au nagãng. 28(Shomkɔ yisinya vigbete shɔ ɓee a Ɗalapa nya ruubii ɔ̃ nizɛ nɛ, <<Shɔ gau tɛttɔ atette shɔ ruuvinini.>>) 29Shɔgbete tɛri a nyabauyɛ, i ɗɔgbete ãri Yesɔ nya, i zɨnti yuu i shanɛ, << Ahaǃ shɔgbete a ɓanɛ nɛn zɨnli jaa Ɗa a maa sɔ̃n a lee taati, 30Nɔnɛ ayuu laauni a Raa ayuurɛǃ>> 31Jinankɔ shɔyupẽni nyanwaanɛ jaa Ɗa a shɔmala nya ãsinɛ i ãri Yesɔ sɔ̃njo i shanɛ, <<Raa shɔwɔyi tɛ, ama ji zɛu nɔɔ yuu raanɛ ɓaǃ 32U zɛ Kirisi kpati Isireila pɛ, nɔnɛ yuu laauni dɔddɔrim, u kɛ zɛnɛ nɔtɛ u yɛ ã sisɨntɔ au biini!>>Ɓɔɔyi gbete shɔ ɓau naa laa awuniyɛ i ɗãu sɔ̃njo.
Yesɔ vɔnɛ
33Atette niti ɗɔknri kuki tipiu piti kpai yɛnɛ ɗarɛ. 34Aɗagbete si dɔɔɗaa ntatɛ maangnɛ̃ɛ̃ Yesɔ ɗee nya akakaani a shanɛ, <<Eloi, Eloi, lama sabatani? >> Ukɔ ɔ̃rɛ nɛ,<<N Ɗalapa, n Ɗalapa a risin knti pi ruu iviya?>> 35Shɔgbete i shi aɗɔu i nta nam i shanɛ, <<Ɔ weshopɛ kɛ ɓaa Iliya nya nɛ.>> 36Shɔzɛ gbete ai tetteni yurɛ tuu soso a lu mii gbari, ma sosou a labaa, a ã Yesɔ nɛu ɓoonɛ, a shanɛ, <<Ɔ yaupɛ u zɛpɛ ko Iliya yɛ nɔsiu kati ayuu laauni ya?>> 37Kɛɗɔn Yesɔ sɨn-nyavɔ akakaani a vɔrɛ. 38Fãrã nyɛjaa jaa Ɗa ntáá ɗɔɔ ziti ga apaa ahãsinɛ adii. 39Yupẽni soja au si ɗɔuniyɛ zɛ nɔgbete Yesɔ vɔɔyɛ, a shanɛ, <<Nizɛkɔ jam upɛ Ɗa jaa kɔ!>> 40Suu gãsiyi i shii aɗɔ kpɛlɛ i ɗɔɔ zɛnɛ, atette si Mariyamu suu magdala a Mariyamu Yakubu wujaa ɓini a Yusufu ɓɛzɔ̃ wujaa wɔsɔ̃n Salomi. 41Ikɔi suu gbete i gn Yesɔ adɔɔ, aɗagbete Yesɔ u si Galili yɛ, i sã Yesɔ tɔ naka-ziti. suu gãsi waanɛ gbete i geu adɔɔ yɛnɛ Urushalima.
Nogbete shɔ gbã Yesɔ yɛ
42Vim piti kpai pɛli adiigbete shɔ mabii shɔ to lee susunɛ, si ɗaɗɗarɛ pɛlitɛ māāni. 43Yusufu shɔ arimatiya upɛ shɔ tɔ̃vɨng atette shɔpẽni gbete shɔ ntau nyatɔ a tipiuni yɛ, ji nta seti ɓa, yɛ Bilatu ɗɔbii nɛu yasin nyaba nɛn tuu Yesɔ vɔrɔ pɛ, Yusufu u si ɗɔɔ ganɛ nɛn zɛ leegbete Ɗa roo kpati yɛ. 44Viu ã Bilatu vibii zaanɛ, ji ã sisɨn ɓa nɛ Yesɔ vɔtɛ ɓa, a ɓaa shɔyupẽni soja nya a hɨunɛ, Yesɔ vɔɔ siji tɛ̃ɛ̃-tɛ̃ɛ̃ ya? 45Naa Bilatu ntatɛ a yupɛ̃ni soja nya nɛ Yesɔ vɔtɛ, kɛɗɔn Bilatu geli Yusufu nɛ yɛnɛ atu vɔrɔ rɛ. 46Yusufu woo làá vɔrɔ gbãnɛ gbete shɔ ɓaunɛ lili, kɛɗɔn Yusufu nɔsi Yesɔ biirɛ ayuu laani a kukirɛ a làáuni, a gbã ayusàà gbete shɔ gbã abobbo tari yɛ, agiri tari a ku nye sààu awuni. 47Mariyamu suu magdala a Mariyamu Yusufu ɓini isi ɗɔuni nɛi zɛ ɗɔgbete shɔ gbã Yesɔ pɛ.
Valið núna:
Mark 15: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 15
15
Yesɔ a Bilatu dekn
1A zɨɨnkɔ adii gadi shɔyupẽni nyanwaanɛ jaa Ɗa, a shɔpẽni dɔlayi wɔsɔ̃n shɔmala nya ãsinɛ a kpati shɔvi shoneyi piti kpai i ma rɛ, i sã Yesɔ a n-tiu Bilatu dekn.
2Bilatu hɨ Yesɔ nɛ,<<Mɔkaa ɔ̃rɛ kpati yahudawa ya? Yesɔ risiu nya nɛ.
<<Mɔkaa shajo.>>
3Shɔyupẽniyi i yeri Yesɔ nya ayuu tot-tot. 4Tɔtti Bilatu hɨ Yesɔ nɛ,<< A yɛ kasi nya baya? Ayuu ruugbete shɔmiyi i shali āā yuum ni baya?>>
5Ama Yesɔ ji risi nya ba, vibii zaa sã Bilatu kɛtɔ.
Shɔ ruu nɛ Yesɔ yɛ vɔtɔ
6Ai nakoo koopi saa shɔpiya a ɗaa yumusinɛ pasika Bilatu yasiyi shɔ jaahm naa gbete shɔgbete i kasiyɛ. 7Aɗauni jawɔɔ ɗɔn shɔ bau nii nɛ Baranaba shɔ ɓai a jaahm a shɔ yuvɔɔ nyonɛyi aɗɔzɔ, aɗagbete shɔ yusi nya yɛ. 8Kɛɗɔn mɔɔyi ɓa nya a Bilatu bii u pɛli vigbete pɛliyɛ siyɛ ko saa shopiya aɗa yumusinɛ pasika.
9Bilatu hɨyinɛ<<Ɔ kasinɛ n yasɔɔ Yesɔ kpati yahudawa naa ya?>> 10Aruu si Bilatu zɛtɛttɔ nɛ shɔyupẽni nyanwaanɛ jaa Ɗa i n-ti Yesɔ au ɗɔbii ɓa sisɨn gbete ba. 11Ama shɔyupẽni nyanwaanɛ jaa Ɗa i kpɛ̃ri mɔɔyi nɛi geli Bilatu nɛu yasiyi Baranaba naa.
12Bilatu hɨ nɛ,<<Ɔ kasinɛ n pɛli pikovi a jaa gbete shɔ baunɛ kpati yahudawa ni viya? >> 13Shɔwiyi i risi nya a kakaani nɛ, <<Ɔ bau naa laa. >>
14Bilatu kasi nya nɛ, <<Aruu iviya? Pɛli vikɔ̃linɛu piviɗɔkɔ viya?>>
Ama i piti kpai i ɗee nya a kakaani nɛ, << Ɔ bau naa laa. >>
15Aruugbete Bilatu kasi nɛ mɔɔyi i nta sisɨn puru, a yasiyi Baranaba naa rɛ. kɛɗɔn Bilatu ã sojayi i naarɛ nɛi waa Yesɔ, nɛi sã Yesɔ i bau naa laa.
Sojayi i ãri Yesɔ nya
16Kɛɗɔn sojayi sã Yesɔ yɛnɛ Bilatu jarunwanɛ a gãsi ɓɛzɔɔ sojayini kpai. 17Kɛɗɔn sojayi tuu kpɛnti fãrã gbete naa kpati ɓɛɛ i hãsi Yesɔ abii ai tɔ̃ri salabu kɔkkɔ i hãsi Yesɔ a yuu. 18Kɛɗɔn sojayi i waa dɔɔ i ɗiurɛ naa nɛ, << Ɗa u yasi kpati yahudawa suru ɗɔnǃ>> 19sojayi waa Yesɔ ayuu a labàà, i tuluu susãri abii, i sɔ̃si au ɗekn nei bɛliutɔ. 20Naa sojayi yisi Yesɔ nya ãrinɛtɛ, i zɔ̃ fãrã nwerirɛ a Yesɔ biini, i tosi Yesɔ kɛjo u fãrã bii. Kɛɗɔn i shɛshiu bili kɛkn nɛ shɔ bau naa laa.
Shɔ ɓaa Yesɔ naa laa
21Siman shɔ bakurani, Alizanda a Rufu i ɓeye, u ɗɔɔ tɛɛnɛ shɛ a tipi bakurani sojayi i pɔ̃u rɛ nɛu tusi Yesɔ laagbete shɔ ɓau naa aɗɔnyɛ. 22Kɛɗɔn i n-ti Yesɔ yɛnɛ ɗɔwɔɔ shɔ ɓanɛ gɔlgɔta, (ɗɔgbete shɔ toli zɔ̃pu ɗɔnyɛ) 23I ã Yesɔ mii laa inabi shɔ rãa a muri, ama ji boo ɓa. 24Kɛdɔn sojayi ɓaa Yesɔ naa rɛ laa, i tuu fãrã bii i vasirɛ ai nɔɔ, ama i nta laapaa au yuuni, nei zɛ vi gbete kopiya yɛ kpaayɛ pɛ.
25Soja i ɓaa Yesɔ a laa si dɔɔɗaa ntatɛ mangnɛ̃ɛ̃ shɔ gadii. 26Ruu kɔ̃linɛ gbete shɔ bee ayuu nɛ pɛliyɛː KPATI YAHUDAWAYI. 27Sojayi i ɓaa Yesɔ naa laa a ɓɔɔyini ziti gbete a Yesɔ nakn wɔɔ au nagãng. 28(Shomkɔ yisinya vigbete shɔ ɓee a Ɗalapa nya ruubii ɔ̃ nizɛ nɛ, <<Shɔ gau tɛttɔ atette shɔ ruuvinini.>>) 29Shɔgbete tɛri a nyabauyɛ, i ɗɔgbete ãri Yesɔ nya, i zɨnti yuu i shanɛ, << Ahaǃ shɔgbete a ɓanɛ nɛn zɨnli jaa Ɗa a maa sɔ̃n a lee taati, 30Nɔnɛ ayuu laauni a Raa ayuurɛǃ>> 31Jinankɔ shɔyupẽni nyanwaanɛ jaa Ɗa a shɔmala nya ãsinɛ i ãri Yesɔ sɔ̃njo i shanɛ, <<Raa shɔwɔyi tɛ, ama ji zɛu nɔɔ yuu raanɛ ɓaǃ 32U zɛ Kirisi kpati Isireila pɛ, nɔnɛ yuu laauni dɔddɔrim, u kɛ zɛnɛ nɔtɛ u yɛ ã sisɨntɔ au biini!>>Ɓɔɔyi gbete shɔ ɓau naa laa awuniyɛ i ɗãu sɔ̃njo.
Yesɔ vɔnɛ
33Atette niti ɗɔknri kuki tipiu piti kpai yɛnɛ ɗarɛ. 34Aɗagbete si dɔɔɗaa ntatɛ maangnɛ̃ɛ̃ Yesɔ ɗee nya akakaani a shanɛ, <<Eloi, Eloi, lama sabatani? >> Ukɔ ɔ̃rɛ nɛ,<<N Ɗalapa, n Ɗalapa a risin knti pi ruu iviya?>> 35Shɔgbete i shi aɗɔu i nta nam i shanɛ, <<Ɔ weshopɛ kɛ ɓaa Iliya nya nɛ.>> 36Shɔzɛ gbete ai tetteni yurɛ tuu soso a lu mii gbari, ma sosou a labaa, a ã Yesɔ nɛu ɓoonɛ, a shanɛ, <<Ɔ yaupɛ u zɛpɛ ko Iliya yɛ nɔsiu kati ayuu laauni ya?>> 37Kɛɗɔn Yesɔ sɨn-nyavɔ akakaani a vɔrɛ. 38Fãrã nyɛjaa jaa Ɗa ntáá ɗɔɔ ziti ga apaa ahãsinɛ adii. 39Yupẽni soja au si ɗɔuniyɛ zɛ nɔgbete Yesɔ vɔɔyɛ, a shanɛ, <<Nizɛkɔ jam upɛ Ɗa jaa kɔ!>> 40Suu gãsiyi i shii aɗɔ kpɛlɛ i ɗɔɔ zɛnɛ, atette si Mariyamu suu magdala a Mariyamu Yakubu wujaa ɓini a Yusufu ɓɛzɔ̃ wujaa wɔsɔ̃n Salomi. 41Ikɔi suu gbete i gn Yesɔ adɔɔ, aɗagbete Yesɔ u si Galili yɛ, i sã Yesɔ tɔ naka-ziti. suu gãsi waanɛ gbete i geu adɔɔ yɛnɛ Urushalima.
Nogbete shɔ gbã Yesɔ yɛ
42Vim piti kpai pɛli adiigbete shɔ mabii shɔ to lee susunɛ, si ɗaɗɗarɛ pɛlitɛ māāni. 43Yusufu shɔ arimatiya upɛ shɔ tɔ̃vɨng atette shɔpẽni gbete shɔ ntau nyatɔ a tipiuni yɛ, ji nta seti ɓa, yɛ Bilatu ɗɔbii nɛu yasin nyaba nɛn tuu Yesɔ vɔrɔ pɛ, Yusufu u si ɗɔɔ ganɛ nɛn zɛ leegbete Ɗa roo kpati yɛ. 44Viu ã Bilatu vibii zaanɛ, ji ã sisɨn ɓa nɛ Yesɔ vɔtɛ ɓa, a ɓaa shɔyupẽni soja nya a hɨunɛ, Yesɔ vɔɔ siji tɛ̃ɛ̃-tɛ̃ɛ̃ ya? 45Naa Bilatu ntatɛ a yupɛ̃ni soja nya nɛ Yesɔ vɔtɛ, kɛɗɔn Bilatu geli Yusufu nɛ yɛnɛ atu vɔrɔ rɛ. 46Yusufu woo làá vɔrɔ gbãnɛ gbete shɔ ɓaunɛ lili, kɛɗɔn Yusufu nɔsi Yesɔ biirɛ ayuu laani a kukirɛ a làáuni, a gbã ayusàà gbete shɔ gbã abobbo tari yɛ, agiri tari a ku nye sààu awuni. 47Mariyamu suu magdala a Mariyamu Yusufu ɓini isi ɗɔuni nɛi zɛ ɗɔgbete shɔ gbã Yesɔ pɛ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria