Mark 12
12
Ruubusinɛ ayuu shɔ jaa lanɛyi gbete i woo ɗɔ
1Kɛɗɔn Yesɔ gai nya nwarinɛ a ruuɓusinɛ a shanɛː <<Shɔwɔ ɗɔn ɓaa jaa inabi, a doo jaau piti kpai a gbãa too gbete ka mii nolaa inabiu aɗɔn yɛni, a maa wɔsɔ̃n ɗɔ raki gbete shi aɗɔn u zɛ yɛti jaau aruu u shɔnopɔ̃ iyɛ tou jaau rɛ. Kɛɗɔn a ã jaau kɛ shɔjalane wɔyi anaa a sã nyaba rɛ ayɛ zati.>> 2Naa ɗaa vi yenɛ pɛlitɛ a shou jawɛrɛ a shɔgbete ãi jau a naa ɗɔbii nɛu tɛsi nolaa jaau pɛjo. 3Ama shɔjalanɛyi i sãurɛ i waurɛ i shishiu naa waati. 4Kɛɗɔn shɔjau shou jawɛrɛ wɔɔ sɔ̃n a shɔwi ɗɔbii; i ãu yusẽ i waa jau naa ayuu. 5Kɛɗɔn a shou jawɛrɛ wɔsɔ̃n totti i ji yau ɓa i nyo vɔrɔtɔ, I pɛlijo nankɔ a shɔwɔni; i waa wɔyi a kpatá wɔyi i nyoi vɔrɔ.
6Ya shɔgbete ayɛ shoyɛ ai ɗɔbii ɓɛjaa gbete ɔriyɛ, a shanɛ, << Nɛ menɛ iyɛ ntau nyatɔ.>>
7Kɛɗɔn shɔjalanɛwi naa i zɛ ɓɛjaa tɛ kanɛ i geli zɔnɛ, <<shompɛ u jaa pɛ̃ni ɔ anɛ u nyo vɔrɔ pɛ nɔgbete u vivɔɔ yɛ ɔ̃ u bɛɛ.>> 8I sãurɛ a nyɔ vɔrɔ, i turɛ alɔki bili.
9Kɛɗɔn Yesɔ hɨnɛ <<Shɔjau yɛ pɛli shɔmi kɛpi koviya? Shɔjau yɛ nyo shɔjalanɛwi vɔrɔ a tuu jau a ã shɔwɔyi. 10Ɔ ji ɓali vigbete Ɗalapa shayɛɓaya:
<<Tari gbete shɔ ɗɔ maanɛyi i bɛ̃ɛ̃ yɛ
ukɔ ɔ̃rɛ tari gbete au tɛɛ gãsiyi a vishonɛni;
11Ubeyelapa pɛli vimrɛ,
ɔ̃tɛ vibii zaanɛ au nɔni!>>
12Kɛɗɔn shɔyupɛ̃ni Yahudawa i kã nyaba gbete i yɛ sãuyɛ, aruu i zɛtɛttɔ nɛ ruuɓusinem nwa ji ai yuukɔ. Ama i nta seti mɔɔ gbete aɗɔu; kɛɗɔn i yurɛ i sã nyaba i ya Yesɔ rɛ.
Sabɛnɛ shonɛ
13Akntiuni i shokɛ gãsi Farasiyiwayi a shɔ Hiruduyi gãsiyi a Yesɔ ɗɔbii a ɗasuu jang, i kãkɛ nyaba nɔgbete iyɛ sãu a ruu kɔ̃linɛ niyɛ. 14I arɛ au ɗɔbii i hɨu nɛ, <<Shɔmala, u zɛtɛttɔ apɛ shɔ tɔ̃vɨng, a kasi shɔ piti, atuu kopiya āā ɗɔbii zali, a mati shɔ ɓɛjo Ɗa nya ruubii a nyaba tɔ̃vɨng. geliunɛ, Pɛ vitɔ̃vɨng ya shɔ shori japẽpẽẽ sabɛnɛrɛ ya? U sho tɛya ko sho ɓa? 15U shotɛ ya ko ukɔ shonɛ ya?
<<Ama Yesɔ zɛyi sisɨn tɛttɔ i pɛ shɔ-shɔɗakinɛ a shanɛ, ɔ kasin dɔɔ ɗanɛ pi ruu iviya? Ɔ n-tin saa dinari upɛ ɗɔm n zɛkn. >> 16I n-tiu saurɛ kɛɗɔn Yesɔ hɨyi nɛ, <<Pi nii a jasuru ni a saan ni piya? >>
I kasi nyanɛ << japẽpẽẽ ɓɛɛ.>>
17Kɛɗɔn Yesɔ geliyi nɛ <<Ɔ ã japẽpẽẽ vigbete ɔ̃ u ɓɛɛ yɛ, Ɗalapa sɔ̃njo vi.>>
Ruugbete Yesɔ risi yɛ ɔ̃riikɛ vibii zaanɛ.
Shɔ hɨ Yesɔ ayuu vɔrɔ yunɛ sàà
18Kɛɗɔn shɔ Sadukiyayi i shanɛ vɔrɔ yɛ yuuɓa sààni ɓa, i a Yesɔ ɗɔbii i hɨu ruu nɛ, 19<<Shɔmala, labeenɛ Musa shanɛ, naa mɛzɔ̃ kɛ vɔnɛ ji yeejaa ɓa a ɓeso ni ɓa, ɓɛzɔ̃ yɛ zɛnɔɔtɔ u sɔri suvɔɔrɛ u yeeri ɓɛzɔ̃ jaa.>> 20Shɔwɔyi isi ai yeenɛ maanzii. shɔ ɗekn tɛ so a vɔrɛ ji kpaa jaa ɓa. 21shɔu pɛsiyɛ sɔri suurɛ a vɔrɛ ji kpaa jaa ɓa awuni. I pɛli nankɔ bii taati. 22Vim gnyi maanzii pitikpai i ji kpaa jaa ɓa. Akntiu piti kpai suu vɔɔ sɔ̃njorɛ. 23A leegbete shɔyɛ yulapa a yusàà yɛ, gelinɛ yɛ ɔ̃ kɛpi so piya atette shɔzɛ maanzii mini piya? 24Yesɔ risiyi nyanɛ << Vigbete ɔ nii aɗɔnyɛ ukɔ ɔ̃rɛ, aruu ɔ ji zɛ vigbete laabeenɛ ruu Ɗalapa shayɛ ɓa au kakaani ɓa. 25Naa shɔ kɛ yunɛ yusàà, ruu zɔ tɛnɛ ɓa a jaa wɛrɛ dɔ̃nɛ ni ɓa; ama shɔyɛ ɔ̃ naa Ɗa jashonɛyi lapa akolapa. 26Dɔddɔrim aruu shɔ yunɛ yusàà ɔ ji ɓaliba Musa labeene ni baya, aruu yaa gbete shaa a jalaa ni ɓaya? Ɗalapa geli Musa nɛ, <Nkɔ Ibirayi, Ishiyaku a Yakubu i Ɗalapa gbete i gn yɛ.> 27U pɛ Ɗalapa gbete u suru ɗɔnyɛ, ɓa Ɗalapa gbete vɔtɛttɔ ɓa, ɔ nitɛttɔ nizɛ.>>
Nya ãsinɛ pɛ̃niba
28Kɛɗɔn shɔzɛ gbete atette shɔmala gbete i mati shɔvi aruu nya ãsinɛ arɛ kpai ɗɔ nya masinɛ, naa zɛtɛ nya gbete Yesɔ risiyi yɛ pɛ tɔ̃vɨng, kɛɗɔn jau hɨ Yesɔ nɛ, <<Atette nya ãsinɛ miyi piti kpai shopi ɔ̃rɛ pẽniba piya?>>
29Yesɔ kasi nya nɛ, <<nya ãsinɛ pɛ̃niba ukɔ ɔ̃rɛ,>> wesho pɛː shɔ Isirelaǃ Ubeyelapa Ɗalapa u pɛ gbete. 30A, ɔrii Uɓeyelapa a Ɗalapa awɔ sisɨn gbete, àà suru ni àà lɛrinɛ sisɨn ni piti kpai wɔsɔ̃n a kakaani piti kpai. 31Nya ãsinɛ gbete pɛsiyɛ ukɔ ɔ̃rɛː <<A ɔrii a shɔ nya kãsiri naa a ɔraa yuu yɛ, nya ãsinɛ wɔyi ji tɛɛ shɔ zitin ɓa.>>
32Shɔmala nya ãsinɛ Musa, i risi nyanɛ,<< Aruum pɛ nizɛ nɔgbete a shanɛ Uɓeyelapa pɛ gbete u Ɗalapa, shɔwɔɔ ɓa see ukɔ. 33N zɛtɛttɔ pɛ vitɔ̃vɨng shɔu ɔri Ɗalapa tɔ a sisɨn gbete, ang sisɨn ni piti kpai wɔsɔ̃n ang kakaani piti kpai wɔsɔ̃n n ɔri n shɔ nyakãsiri naa yuu. Shom piti kpai tɛɛ vivaa tonɛ a vi yuu ãnɛ wɔyini tɛttɔ.>>
34Naa Yesɔ zɛtɛ nɛ jau nya risinɛ pɛ nyaba tɔ̃ving a geliu nɛ, <<A ɓa fefe a shɔgbete i yɛ kpaa tonɛ aɗɔgbete Ɗa yɛ roo kpati ni ɓa>>Kɛu kntini shɔwɔ sisɨn Yesɔ ruuwɔ hɨnɛ si tɔɓa.
Ruu hɨnɛ ayuu shɔ gbete Ɗalapa lɔyɛ (kirisi)
35Aɗagbete Yesɔ u ɗɔɔ shɔ vi matinɛ a jaa Ɗa, kɛɗɔn Yesɔ hɨyi nɛ, aruu iviya shɔmala nya ãsineyi i shanɛ, kirisi u pɛ Dawuda ɓɛjaa viya? 36Ɗa suru pɔ̃ Dawuda rɛ a nwa nya a kakaa ni a shanɛː
<<Ubeyelapa Ɗalapa gelin n Uɓeyelapa nɛ:
ɔ̃nɛ ang nakn
sitɛ n pɔ̃ a shɔ nopɔ̃yitɛ
i ɔ̃ a fooyi>>
37Dawuda au yuu ɓau kirisi nɛ, Uɓeyelapa. Kirisi yɛ ɔ̃ ɓɛjaa kɛpi koviya?
Yesɔ gɔ̃ shɔ yuusho aruu shɔmala nya ãsinɛyi i yuu
Mɔɔ waanɛ gbete i wesho a Yesɔ nya i nta binyatonɛ tɔ. 38Kɛɗɔn Yesɔ gayi vi matinɛ a shanɛ,<<Ɔkɔɔ yuutɔ a shɔmala nya ãsinɛyi musa ni. I raki a nyaba lane a kpɛnti fãrã ni bii, nɛ shɔ zɛirɛ shɔ tɔnɛ nnbee, i kasinɛ shɔ gei nya a lumo,>> 39I lɔɔ ɗɔɔ ɔ̃ne aɗɔ pẽniba ɗɔgbete Yahudawa i toli nya i nwa ruu ɗɔnyɛ wɔsɔ̃n ɗɔgbete shɔ tolirɛ aruu yumusinɛ. 40I yusẽe ɓa biini ɓa i shaa suvɔɔyi vi, i gakki Ɗalapa dɔkɔkɔ a mɔɔ ɗekn nɛ shɔ zɛtɔ, arumkɔ Ɗalapa yɛ gɔ̃i yushotɔ waanɛ.
Suvɔɔ naa ãnɛ
41Yesɔ ɔ̃ māāni a jaa Ɗa aɗɔgbete shɔ pɔ̃ pii vinaa ãnɛ aɗɔnyɛ, u ɗɔgbete bili mɔɔ i ɗɔɔ vinaa ãnɛ yɛ, shɔvinaa i waanɛ i arɛ i ɗɔɔ vinaa lɔkinɛ a saa pɛ̃niba. 42kɛɗɔn suvɔɔ shɔraa arɛ a lɔkiu jaa saa Siliva kobo ziti aɗɔn. 43Yesɔ ɓau jadɔyi nya a geliyi nɛ, <<N gelɔɔtɛ, vigbete suvɔɔ shɔraam lɔki yɛ, tɛɛ kopiya ɓɛɛ tɛttɔ aɗɔnni piti kpai.>> 44Shɔ gãsiyi piti kpai i ã ai tette vinaa gbete i awuniyɛ; ama suvɔɔ shɔraam, ã vigbete u awuni piti kpai.
Valið núna:
Mark 12: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 12
12
Ruubusinɛ ayuu shɔ jaa lanɛyi gbete i woo ɗɔ
1Kɛɗɔn Yesɔ gai nya nwarinɛ a ruuɓusinɛ a shanɛː <<Shɔwɔ ɗɔn ɓaa jaa inabi, a doo jaau piti kpai a gbãa too gbete ka mii nolaa inabiu aɗɔn yɛni, a maa wɔsɔ̃n ɗɔ raki gbete shi aɗɔn u zɛ yɛti jaau aruu u shɔnopɔ̃ iyɛ tou jaau rɛ. Kɛɗɔn a ã jaau kɛ shɔjalane wɔyi anaa a sã nyaba rɛ ayɛ zati.>> 2Naa ɗaa vi yenɛ pɛlitɛ a shou jawɛrɛ a shɔgbete ãi jau a naa ɗɔbii nɛu tɛsi nolaa jaau pɛjo. 3Ama shɔjalanɛyi i sãurɛ i waurɛ i shishiu naa waati. 4Kɛɗɔn shɔjau shou jawɛrɛ wɔɔ sɔ̃n a shɔwi ɗɔbii; i ãu yusẽ i waa jau naa ayuu. 5Kɛɗɔn a shou jawɛrɛ wɔsɔ̃n totti i ji yau ɓa i nyo vɔrɔtɔ, I pɛlijo nankɔ a shɔwɔni; i waa wɔyi a kpatá wɔyi i nyoi vɔrɔ.
6Ya shɔgbete ayɛ shoyɛ ai ɗɔbii ɓɛjaa gbete ɔriyɛ, a shanɛ, << Nɛ menɛ iyɛ ntau nyatɔ.>>
7Kɛɗɔn shɔjalanɛwi naa i zɛ ɓɛjaa tɛ kanɛ i geli zɔnɛ, <<shompɛ u jaa pɛ̃ni ɔ anɛ u nyo vɔrɔ pɛ nɔgbete u vivɔɔ yɛ ɔ̃ u bɛɛ.>> 8I sãurɛ a nyɔ vɔrɔ, i turɛ alɔki bili.
9Kɛɗɔn Yesɔ hɨnɛ <<Shɔjau yɛ pɛli shɔmi kɛpi koviya? Shɔjau yɛ nyo shɔjalanɛwi vɔrɔ a tuu jau a ã shɔwɔyi. 10Ɔ ji ɓali vigbete Ɗalapa shayɛɓaya:
<<Tari gbete shɔ ɗɔ maanɛyi i bɛ̃ɛ̃ yɛ
ukɔ ɔ̃rɛ tari gbete au tɛɛ gãsiyi a vishonɛni;
11Ubeyelapa pɛli vimrɛ,
ɔ̃tɛ vibii zaanɛ au nɔni!>>
12Kɛɗɔn shɔyupɛ̃ni Yahudawa i kã nyaba gbete i yɛ sãuyɛ, aruu i zɛtɛttɔ nɛ ruuɓusinem nwa ji ai yuukɔ. Ama i nta seti mɔɔ gbete aɗɔu; kɛɗɔn i yurɛ i sã nyaba i ya Yesɔ rɛ.
Sabɛnɛ shonɛ
13Akntiuni i shokɛ gãsi Farasiyiwayi a shɔ Hiruduyi gãsiyi a Yesɔ ɗɔbii a ɗasuu jang, i kãkɛ nyaba nɔgbete iyɛ sãu a ruu kɔ̃linɛ niyɛ. 14I arɛ au ɗɔbii i hɨu nɛ, <<Shɔmala, u zɛtɛttɔ apɛ shɔ tɔ̃vɨng, a kasi shɔ piti, atuu kopiya āā ɗɔbii zali, a mati shɔ ɓɛjo Ɗa nya ruubii a nyaba tɔ̃vɨng. geliunɛ, Pɛ vitɔ̃vɨng ya shɔ shori japẽpẽẽ sabɛnɛrɛ ya? U sho tɛya ko sho ɓa? 15U shotɛ ya ko ukɔ shonɛ ya?
<<Ama Yesɔ zɛyi sisɨn tɛttɔ i pɛ shɔ-shɔɗakinɛ a shanɛ, ɔ kasin dɔɔ ɗanɛ pi ruu iviya? Ɔ n-tin saa dinari upɛ ɗɔm n zɛkn. >> 16I n-tiu saurɛ kɛɗɔn Yesɔ hɨyi nɛ, <<Pi nii a jasuru ni a saan ni piya? >>
I kasi nyanɛ << japẽpẽẽ ɓɛɛ.>>
17Kɛɗɔn Yesɔ geliyi nɛ <<Ɔ ã japẽpẽẽ vigbete ɔ̃ u ɓɛɛ yɛ, Ɗalapa sɔ̃njo vi.>>
Ruugbete Yesɔ risi yɛ ɔ̃riikɛ vibii zaanɛ.
Shɔ hɨ Yesɔ ayuu vɔrɔ yunɛ sàà
18Kɛɗɔn shɔ Sadukiyayi i shanɛ vɔrɔ yɛ yuuɓa sààni ɓa, i a Yesɔ ɗɔbii i hɨu ruu nɛ, 19<<Shɔmala, labeenɛ Musa shanɛ, naa mɛzɔ̃ kɛ vɔnɛ ji yeejaa ɓa a ɓeso ni ɓa, ɓɛzɔ̃ yɛ zɛnɔɔtɔ u sɔri suvɔɔrɛ u yeeri ɓɛzɔ̃ jaa.>> 20Shɔwɔyi isi ai yeenɛ maanzii. shɔ ɗekn tɛ so a vɔrɛ ji kpaa jaa ɓa. 21shɔu pɛsiyɛ sɔri suurɛ a vɔrɛ ji kpaa jaa ɓa awuni. I pɛli nankɔ bii taati. 22Vim gnyi maanzii pitikpai i ji kpaa jaa ɓa. Akntiu piti kpai suu vɔɔ sɔ̃njorɛ. 23A leegbete shɔyɛ yulapa a yusàà yɛ, gelinɛ yɛ ɔ̃ kɛpi so piya atette shɔzɛ maanzii mini piya? 24Yesɔ risiyi nyanɛ << Vigbete ɔ nii aɗɔnyɛ ukɔ ɔ̃rɛ, aruu ɔ ji zɛ vigbete laabeenɛ ruu Ɗalapa shayɛ ɓa au kakaani ɓa. 25Naa shɔ kɛ yunɛ yusàà, ruu zɔ tɛnɛ ɓa a jaa wɛrɛ dɔ̃nɛ ni ɓa; ama shɔyɛ ɔ̃ naa Ɗa jashonɛyi lapa akolapa. 26Dɔddɔrim aruu shɔ yunɛ yusàà ɔ ji ɓaliba Musa labeene ni baya, aruu yaa gbete shaa a jalaa ni ɓaya? Ɗalapa geli Musa nɛ, <Nkɔ Ibirayi, Ishiyaku a Yakubu i Ɗalapa gbete i gn yɛ.> 27U pɛ Ɗalapa gbete u suru ɗɔnyɛ, ɓa Ɗalapa gbete vɔtɛttɔ ɓa, ɔ nitɛttɔ nizɛ.>>
Nya ãsinɛ pɛ̃niba
28Kɛɗɔn shɔzɛ gbete atette shɔmala gbete i mati shɔvi aruu nya ãsinɛ arɛ kpai ɗɔ nya masinɛ, naa zɛtɛ nya gbete Yesɔ risiyi yɛ pɛ tɔ̃vɨng, kɛɗɔn jau hɨ Yesɔ nɛ, <<Atette nya ãsinɛ miyi piti kpai shopi ɔ̃rɛ pẽniba piya?>>
29Yesɔ kasi nya nɛ, <<nya ãsinɛ pɛ̃niba ukɔ ɔ̃rɛ,>> wesho pɛː shɔ Isirelaǃ Ubeyelapa Ɗalapa u pɛ gbete. 30A, ɔrii Uɓeyelapa a Ɗalapa awɔ sisɨn gbete, àà suru ni àà lɛrinɛ sisɨn ni piti kpai wɔsɔ̃n a kakaani piti kpai. 31Nya ãsinɛ gbete pɛsiyɛ ukɔ ɔ̃rɛː <<A ɔrii a shɔ nya kãsiri naa a ɔraa yuu yɛ, nya ãsinɛ wɔyi ji tɛɛ shɔ zitin ɓa.>>
32Shɔmala nya ãsinɛ Musa, i risi nyanɛ,<< Aruum pɛ nizɛ nɔgbete a shanɛ Uɓeyelapa pɛ gbete u Ɗalapa, shɔwɔɔ ɓa see ukɔ. 33N zɛtɛttɔ pɛ vitɔ̃vɨng shɔu ɔri Ɗalapa tɔ a sisɨn gbete, ang sisɨn ni piti kpai wɔsɔ̃n ang kakaani piti kpai wɔsɔ̃n n ɔri n shɔ nyakãsiri naa yuu. Shom piti kpai tɛɛ vivaa tonɛ a vi yuu ãnɛ wɔyini tɛttɔ.>>
34Naa Yesɔ zɛtɛ nɛ jau nya risinɛ pɛ nyaba tɔ̃ving a geliu nɛ, <<A ɓa fefe a shɔgbete i yɛ kpaa tonɛ aɗɔgbete Ɗa yɛ roo kpati ni ɓa>>Kɛu kntini shɔwɔ sisɨn Yesɔ ruuwɔ hɨnɛ si tɔɓa.
Ruu hɨnɛ ayuu shɔ gbete Ɗalapa lɔyɛ (kirisi)
35Aɗagbete Yesɔ u ɗɔɔ shɔ vi matinɛ a jaa Ɗa, kɛɗɔn Yesɔ hɨyi nɛ, aruu iviya shɔmala nya ãsineyi i shanɛ, kirisi u pɛ Dawuda ɓɛjaa viya? 36Ɗa suru pɔ̃ Dawuda rɛ a nwa nya a kakaa ni a shanɛː
<<Ubeyelapa Ɗalapa gelin n Uɓeyelapa nɛ:
ɔ̃nɛ ang nakn
sitɛ n pɔ̃ a shɔ nopɔ̃yitɛ
i ɔ̃ a fooyi>>
37Dawuda au yuu ɓau kirisi nɛ, Uɓeyelapa. Kirisi yɛ ɔ̃ ɓɛjaa kɛpi koviya?
Yesɔ gɔ̃ shɔ yuusho aruu shɔmala nya ãsinɛyi i yuu
Mɔɔ waanɛ gbete i wesho a Yesɔ nya i nta binyatonɛ tɔ. 38Kɛɗɔn Yesɔ gayi vi matinɛ a shanɛ,<<Ɔkɔɔ yuutɔ a shɔmala nya ãsinɛyi musa ni. I raki a nyaba lane a kpɛnti fãrã ni bii, nɛ shɔ zɛirɛ shɔ tɔnɛ nnbee, i kasinɛ shɔ gei nya a lumo,>> 39I lɔɔ ɗɔɔ ɔ̃ne aɗɔ pẽniba ɗɔgbete Yahudawa i toli nya i nwa ruu ɗɔnyɛ wɔsɔ̃n ɗɔgbete shɔ tolirɛ aruu yumusinɛ. 40I yusẽe ɓa biini ɓa i shaa suvɔɔyi vi, i gakki Ɗalapa dɔkɔkɔ a mɔɔ ɗekn nɛ shɔ zɛtɔ, arumkɔ Ɗalapa yɛ gɔ̃i yushotɔ waanɛ.
Suvɔɔ naa ãnɛ
41Yesɔ ɔ̃ māāni a jaa Ɗa aɗɔgbete shɔ pɔ̃ pii vinaa ãnɛ aɗɔnyɛ, u ɗɔgbete bili mɔɔ i ɗɔɔ vinaa ãnɛ yɛ, shɔvinaa i waanɛ i arɛ i ɗɔɔ vinaa lɔkinɛ a saa pɛ̃niba. 42kɛɗɔn suvɔɔ shɔraa arɛ a lɔkiu jaa saa Siliva kobo ziti aɗɔn. 43Yesɔ ɓau jadɔyi nya a geliyi nɛ, <<N gelɔɔtɛ, vigbete suvɔɔ shɔraam lɔki yɛ, tɛɛ kopiya ɓɛɛ tɛttɔ aɗɔnni piti kpai.>> 44Shɔ gãsiyi piti kpai i ã ai tette vinaa gbete i awuniyɛ; ama suvɔɔ shɔraam, ã vigbete u awuni piti kpai.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria