Mark 11
11
Ɗa shari Yesɔ au Urushalima tonɛ
1Aɗagbete Yesɔ au jaɗɔyini i atɛ māāni a Urushalimani, a Betapaji a Betani a kɔpɔ laa zeetu, kɛɗɔn Yesɔ shok u jaɗɔyi ziti, 2A geliyinɛ,<<Ɔ yɛ jakomo gbete awɔ ɗeknkɔ, ɔkɛ tonɛ tɛ̃ɛ̃ti ɔyɛ zɛ jagãtola shɔ mautɛ a laa, gbete shɔji geɓa ayuuni ɓa gbete ɓa. Ɔ kalirɛ ɔ n-tiu yɛm. 3Shɔgbete kɛ hɨ ɔnɛ aruu ivi ɔ pɛli nankɔ viya? Ɔ geliunɛ, shɔvi kasi vishonɛ pɛlinɛ awuni, yɛ sɔritɔ tɛ̃ɛ̃ti.>>
4Kɛɗɔn i yɛrɛ a kpaa jagãtola shɔ mautɛ a laa a nyaɓa wɛrɛ a dēnyaɓa. I ɗɔɔkalinɛ, 5shɔ gãsi gbete i a ɗɔu i hɨ Yesɔ jaɗɔyi nɛ,<<Ɔ pɛ ivi aɗɔuni viya, ɔ kasi gãtolau kalinɛ ya?>> 6I kasi nyajo naa gbete Yesɔ geliyikɔ, Kɛɗɔn shɔ yairɛ i yɛrɛ a gãtolauni. 7Naa i n-ti Yesɔ jagãtolautɛ, i ɓati fãrãrɛ au yulapa, Yesɔ gẽrɛ a ɔ̃rɛ aɗɔn. 8Shɔzɛ waanɛ i ɓati fãrãrɛ a nyaɓa, shɔwɔyi ɓati naa gappa kãkãa a nyaɓa gbete i koli ai jāā. 9Shɔgbete i a Yesɔ ɗekn a shɔgbete i a kntini i ɗenya lapa a shanɛ,
<<Hosanna!
Ɗalapa u tasi shɔgbete a au Uɓeyelapa nii vɔɔ susãri biini!>> 10<<Ɗalapa u tasi kpati sɔɔ gbete kanɛ knti u sãu naa uɓeye Dauda vɔɔ susãri biini,
Hasanna aɗɔ pẽniɓa.>>
11Yesɔ to Urushalima a to jaa Ɗa gakkinɛ. knnɔɔ zɛ vi piti kpai, ama si ɗaa yiitɛ kɛɗɔn yɛkɛ Betani au jaɗɔyini.
Yesɔ wiri laa sɨnti
12Naa ɗii kaatɛ aɗɔgbete Yesɔ au jaɗɔyini i ɗɔɔ Betani yanɛ, kɛɗɔn Yesɔ nwo siurɛ. 13Naa Yesɔ zɛ laa sɨntitɛ gbete u gappa aɗɔn aɗɔ kpɛlɛ, yɛrɛ nɛn zɛpɛ nɛmɛnɛ rɛɛ jaatɛ. Naa tottɛ aɗɔn ji kpau jaa ɓa ama seei gappa, aruu siɓa ɗagbete laa sɨnti rɛɛ jaa ɓa. 14Yesɔ geli laa sɨntiunɛ,<< shɔwɔyi yɛ shàà jaayi tɔtti ɓa dang-dang.>> U jaɗɔyi i nta vigbete shatɔ.
Yesɔ Yɛ Jaa Ɗa
15Naa Yesɔ atɛ a Urushalima to jaa Ɗa rɛ, a nyiki shɔgbete i mɛli vi a shɔ vi woonɛi aɓuzung jaa Ɗa wuni. Yesɔ sãti shɔ saa kɔsinɛ i taburu a shɔ janɔyi mɛlinɛi laa ɔ̃nɛ kpai, 16Zãritɔ nɛ shɔwɔɔ ukɔ tuu vinɛ u tɛrɛ awuni aɗɔuni. 17Kɛɗɔn Yesɔ mati shɔ vi a shanɛ,<<shɔzɛ gbete atette Ɗa jashonɛ beetɛttɔ nɛ:
<< <N wɛrɛ shɔ ɓanɛ
wɛrɛ Ɗalapa gakkinɛ a koo piti kpai.>
Ama ɔ risitɛ ɗɔgbete ɓɔɔyi i ɓuyɛ.>>
18Shɔyupẽni-nyawàànɛ jaa Ɗa a shɔmala nya-ãsinɛyi Musa naa i nta vimtɛ i gakɛ nyaɓa kãnɛ gbete iyɛ nyo Yesɔ yɛ. Aruu i ntau setitɔ, aruu gbete mɔɔyi piti kpai Yesɔ vi matinɛ ãi vibii zaanɛ tɛttɔ.
19Naa ɗaɗɗarɛ pɛlitɔ, Yesɔ au jaɗɔyini i yaa komourɛ.
Vi matinɛ a laa sɨnti
20A gadi zɨɨnkɔ Yesɔ au jaɗɔyini iɗɔ tɛɛnɛ, i zɛrɛ laa sɨntiu gɔritɛ au gnrini. 21Bituru kpaa asisɨn, a geli Yesɔ nɛ, shɔmala, <<knnɔɔpɛ! Laa sɨnti gbete a wiriyɛ gɔritɛ!>>
22Yesɔ risi u nyanɛ, ã sisɨn a Ɗalapa bii. 23<<N gelaatɛ nizɛ, shɔgbete kɛ ã sisɨnnɛ a Ɗalapa bii kɛ shanɛ nɛ kɔpɔ u jesinɛ u shishi a wapo, kɛ shanɛ a sisɨn gbete kɛ ã sisɨnnɛ, vigbete nɛn shaɓangkɔ yɛ pɛlitɔ, Ɗalapa yɛ pɛliutɔ. 24N gelɔɔtɛ aruumkɔ, vigbete ɔkɛ gakki Ɗa nɛ au yuu, ɔ ã sisɨn nɛi kpaatɔ, viu yɛ ɔ̃ ɔ bɛɛ. 25Akɛ ɔ̃nɛ a ɗɔ Ɗa gakki, shɔgbete a sãi a sisɨn a yasiyi ruuvini gbete i pɛlaatɔ, aruu meyeu lapa maa yɛ yasaa ruuvini gbete a pɛliyɛ sɔ̃njitɔ. 26(Ama ɔji yasi mɛzɔɔ ruuvini ɓa, jinankɔ meyeu gbete alapa ma yɛ yasaa ruuvini ɓakɔjɔ.>>)
Ruu hɨnɛ aruu Yesɔ kakaa gbete shovi awuniyɛ
27Yesɔ au jaɗɔyini i to Urushalima sɔ̃nrɛ, aɗagbete Yesɔ u ɗɔɔ, rakinɛ a jaa Ɗa, shɔyupẽni-nyawàànɛ a jaa Ɗa a shɔmala nya-ãsinɛyi Musa wɔsɔ̃n shɔpẽni-ɗɔlaayi i arɛ a Yesɔ ɗɔbii i hɨunɛ. 28<<A pɛli vishonɛ àpi kakaa piya? Pi ãā kakaa pi naa pɛli vim piya?>>
29Yesɔ kasiyi nyanɛ,<<N yɛn hɨ ɔ ruu gbete. ɔkɛ kasing nyanɛ, n yɛn gelɔɔ n kakaa gbete n pɛli vishonɛ awunitɔ. 30Yɔhana pɛli shɔ batizima u kakaa shɛ a Ɗalapa ɗɔbii ya, ko a shɔzɛ ɗɔbii ya? Ɔ gelinnɛ!>>
31I nwali ruum ai nɔɔ i shanɛ, ukɛ shanɛ, a Ɗalapa ɗɔbii, yɛ hɨunɛ,<<Aruu ivi ɔji ã sisɨn ɓa a Yɔhana biini ɓa viya?>> 32Ama ukɛ shanɛ, <<A shɔzɛ ɗɔbii>>....(i nta seti shɔzɛyi, aruu shɔ piti kpai i tuu Yɔhana nizɛ nɛupɛ Ɗa jashonɛ.)
33Aruumkɔ i kasi Yesɔ nyanɛ,<<U ji zɛɓa.>>
Yesɔ shanɛ,<<Nkɔng maa n yɛn gelɔɔ kakaa gbete n pɛli vishonɛ awunim ɓa.>>
Valið núna:
Mark 11: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 11
11
Ɗa shari Yesɔ au Urushalima tonɛ
1Aɗagbete Yesɔ au jaɗɔyini i atɛ māāni a Urushalimani, a Betapaji a Betani a kɔpɔ laa zeetu, kɛɗɔn Yesɔ shok u jaɗɔyi ziti, 2A geliyinɛ,<<Ɔ yɛ jakomo gbete awɔ ɗeknkɔ, ɔkɛ tonɛ tɛ̃ɛ̃ti ɔyɛ zɛ jagãtola shɔ mautɛ a laa, gbete shɔji geɓa ayuuni ɓa gbete ɓa. Ɔ kalirɛ ɔ n-tiu yɛm. 3Shɔgbete kɛ hɨ ɔnɛ aruu ivi ɔ pɛli nankɔ viya? Ɔ geliunɛ, shɔvi kasi vishonɛ pɛlinɛ awuni, yɛ sɔritɔ tɛ̃ɛ̃ti.>>
4Kɛɗɔn i yɛrɛ a kpaa jagãtola shɔ mautɛ a laa a nyaɓa wɛrɛ a dēnyaɓa. I ɗɔɔkalinɛ, 5shɔ gãsi gbete i a ɗɔu i hɨ Yesɔ jaɗɔyi nɛ,<<Ɔ pɛ ivi aɗɔuni viya, ɔ kasi gãtolau kalinɛ ya?>> 6I kasi nyajo naa gbete Yesɔ geliyikɔ, Kɛɗɔn shɔ yairɛ i yɛrɛ a gãtolauni. 7Naa i n-ti Yesɔ jagãtolautɛ, i ɓati fãrãrɛ au yulapa, Yesɔ gẽrɛ a ɔ̃rɛ aɗɔn. 8Shɔzɛ waanɛ i ɓati fãrãrɛ a nyaɓa, shɔwɔyi ɓati naa gappa kãkãa a nyaɓa gbete i koli ai jāā. 9Shɔgbete i a Yesɔ ɗekn a shɔgbete i a kntini i ɗenya lapa a shanɛ,
<<Hosanna!
Ɗalapa u tasi shɔgbete a au Uɓeyelapa nii vɔɔ susãri biini!>> 10<<Ɗalapa u tasi kpati sɔɔ gbete kanɛ knti u sãu naa uɓeye Dauda vɔɔ susãri biini,
Hasanna aɗɔ pẽniɓa.>>
11Yesɔ to Urushalima a to jaa Ɗa gakkinɛ. knnɔɔ zɛ vi piti kpai, ama si ɗaa yiitɛ kɛɗɔn yɛkɛ Betani au jaɗɔyini.
Yesɔ wiri laa sɨnti
12Naa ɗii kaatɛ aɗɔgbete Yesɔ au jaɗɔyini i ɗɔɔ Betani yanɛ, kɛɗɔn Yesɔ nwo siurɛ. 13Naa Yesɔ zɛ laa sɨntitɛ gbete u gappa aɗɔn aɗɔ kpɛlɛ, yɛrɛ nɛn zɛpɛ nɛmɛnɛ rɛɛ jaatɛ. Naa tottɛ aɗɔn ji kpau jaa ɓa ama seei gappa, aruu siɓa ɗagbete laa sɨnti rɛɛ jaa ɓa. 14Yesɔ geli laa sɨntiunɛ,<< shɔwɔyi yɛ shàà jaayi tɔtti ɓa dang-dang.>> U jaɗɔyi i nta vigbete shatɔ.
Yesɔ Yɛ Jaa Ɗa
15Naa Yesɔ atɛ a Urushalima to jaa Ɗa rɛ, a nyiki shɔgbete i mɛli vi a shɔ vi woonɛi aɓuzung jaa Ɗa wuni. Yesɔ sãti shɔ saa kɔsinɛ i taburu a shɔ janɔyi mɛlinɛi laa ɔ̃nɛ kpai, 16Zãritɔ nɛ shɔwɔɔ ukɔ tuu vinɛ u tɛrɛ awuni aɗɔuni. 17Kɛɗɔn Yesɔ mati shɔ vi a shanɛ,<<shɔzɛ gbete atette Ɗa jashonɛ beetɛttɔ nɛ:
<< <N wɛrɛ shɔ ɓanɛ
wɛrɛ Ɗalapa gakkinɛ a koo piti kpai.>
Ama ɔ risitɛ ɗɔgbete ɓɔɔyi i ɓuyɛ.>>
18Shɔyupẽni-nyawàànɛ jaa Ɗa a shɔmala nya-ãsinɛyi Musa naa i nta vimtɛ i gakɛ nyaɓa kãnɛ gbete iyɛ nyo Yesɔ yɛ. Aruu i ntau setitɔ, aruu gbete mɔɔyi piti kpai Yesɔ vi matinɛ ãi vibii zaanɛ tɛttɔ.
19Naa ɗaɗɗarɛ pɛlitɔ, Yesɔ au jaɗɔyini i yaa komourɛ.
Vi matinɛ a laa sɨnti
20A gadi zɨɨnkɔ Yesɔ au jaɗɔyini iɗɔ tɛɛnɛ, i zɛrɛ laa sɨntiu gɔritɛ au gnrini. 21Bituru kpaa asisɨn, a geli Yesɔ nɛ, shɔmala, <<knnɔɔpɛ! Laa sɨnti gbete a wiriyɛ gɔritɛ!>>
22Yesɔ risi u nyanɛ, ã sisɨn a Ɗalapa bii. 23<<N gelaatɛ nizɛ, shɔgbete kɛ ã sisɨnnɛ a Ɗalapa bii kɛ shanɛ nɛ kɔpɔ u jesinɛ u shishi a wapo, kɛ shanɛ a sisɨn gbete kɛ ã sisɨnnɛ, vigbete nɛn shaɓangkɔ yɛ pɛlitɔ, Ɗalapa yɛ pɛliutɔ. 24N gelɔɔtɛ aruumkɔ, vigbete ɔkɛ gakki Ɗa nɛ au yuu, ɔ ã sisɨn nɛi kpaatɔ, viu yɛ ɔ̃ ɔ bɛɛ. 25Akɛ ɔ̃nɛ a ɗɔ Ɗa gakki, shɔgbete a sãi a sisɨn a yasiyi ruuvini gbete i pɛlaatɔ, aruu meyeu lapa maa yɛ yasaa ruuvini gbete a pɛliyɛ sɔ̃njitɔ. 26(Ama ɔji yasi mɛzɔɔ ruuvini ɓa, jinankɔ meyeu gbete alapa ma yɛ yasaa ruuvini ɓakɔjɔ.>>)
Ruu hɨnɛ aruu Yesɔ kakaa gbete shovi awuniyɛ
27Yesɔ au jaɗɔyini i to Urushalima sɔ̃nrɛ, aɗagbete Yesɔ u ɗɔɔ, rakinɛ a jaa Ɗa, shɔyupẽni-nyawàànɛ a jaa Ɗa a shɔmala nya-ãsinɛyi Musa wɔsɔ̃n shɔpẽni-ɗɔlaayi i arɛ a Yesɔ ɗɔbii i hɨunɛ. 28<<A pɛli vishonɛ àpi kakaa piya? Pi ãā kakaa pi naa pɛli vim piya?>>
29Yesɔ kasiyi nyanɛ,<<N yɛn hɨ ɔ ruu gbete. ɔkɛ kasing nyanɛ, n yɛn gelɔɔ n kakaa gbete n pɛli vishonɛ awunitɔ. 30Yɔhana pɛli shɔ batizima u kakaa shɛ a Ɗalapa ɗɔbii ya, ko a shɔzɛ ɗɔbii ya? Ɔ gelinnɛ!>>
31I nwali ruum ai nɔɔ i shanɛ, ukɛ shanɛ, a Ɗalapa ɗɔbii, yɛ hɨunɛ,<<Aruu ivi ɔji ã sisɨn ɓa a Yɔhana biini ɓa viya?>> 32Ama ukɛ shanɛ, <<A shɔzɛ ɗɔbii>>....(i nta seti shɔzɛyi, aruu shɔ piti kpai i tuu Yɔhana nizɛ nɛupɛ Ɗa jashonɛ.)
33Aruumkɔ i kasi Yesɔ nyanɛ,<<U ji zɛɓa.>>
Yesɔ shanɛ,<<Nkɔng maa n yɛn gelɔɔ kakaa gbete n pɛli vishonɛ awunim ɓa.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria