matiyu 23
23
Yesɔ gɔ̃ shɔmala nya ãsinɛ Musa i yusho a Farasiyawayi
1Kɛɗɔn Yesɔ geliu jaɗɔyi a mɔɔ gbete i toli au ɗɔbii yɛ nɛː 2<<Shɔmala nya ãsinɛ Musa a shɔ Farasiyasawa shɔ ã naa ji ikɔ neyi mati shɔ Musa laabeenɛ nya ãsinɛ.>> 3Ɔ̃rɔɔ tɛ akɔrɔɔ ɔ gnyi nyatɔ ɔ pɛli vigbete i gelɔɔ yɛ. Ama ɔkɔɔ sho vigbete i shoyɛ nɛ, i gn ɓa Ɗalapa nya ruubii gbete i nwa yɛ ɓa. 4I tuu vi kpɛtɛ-kpɛtɛ a hãsi shɔ a lakɔrɔ, ama iyɛ pɛli viwɔɔ ɓa neyi pɔ̃si shɔ naa pɛ jaa fẽ a dɔɔ vi tune niɓa.
5I pɛli vi piti kpai nɛ shɔ zɛttɔː i hãa kpɛ̃ti fãrã abii a ma laabeene Ɗa nya ruu bii ai nokn wɔsɔ̃n naa nɛ ɗayi ɔ̃ pẽniba; 6I ɔri ɔ̃ne aɗɔɔ pɛ̃niba aɗɔgbete mɔɔ toliyɛ aruu ruu nwaanɛ nɛ shɔ basitɔ; 7I ɔri nɛ shɔ geyi nya a lumoo wɔsɔ̃n nɛ shɔ ɓayi nɛ, <<Shɔmala.>>
8Ama ɔkɔɔ kasine shɔ ɓau ɔnɛ <<Shɔ mala,>> Ɔ piti kpai shɔ mala pɛ gbete awɔ tetteni. 9Ɔkɔɔ ɓa shɔ wɔɔ nɛ akoo nɛ, <<Uɓeye, Aruu Uɓeye gbete sheeli, a kolapa.>> 10Shɔ kɔ ɓau ɔnɛ, <<Shɔ ɗekn,>> Aruu ɔ piti kpai shɔ ɗekn pɛ gbete sheeli, ukɔ ɔ̃rɛ kirisi. 11Shɔ pẽniba au tettem ukɔ yɛ ɔ̃rɛ ɔ jashone. 12Shɔgbete kɛ ɔ̃ne shɔ yuu tune Ɗalapa yɛ rooruu atipi, a shɔgbete kɛ roo rii yuu nɛ Ɗalapa tuu alapa.
Yesɔ bɛɛyi nya yelinɛ
13Ɔ yukɔntɔ, shɔmala nya ãsine ashɔ farasawayi ni, ɔ shɔ - shɔ ɗakine miyiǃ ɔ ku shɔ nyaba Ɗalapa wɛrɛ yɛnɛ tɛ. Ɔ ji to ɓa, ɔ ji yasi shɔgbeteyi i kasi tonɛ nyaɓa ɓa. 14Ɔ yuu kɔne aɗɔn, shɔmala nya ãsinɛ ashɔ farasawayi ni, shɔ - shɔ ɗakineyi! Ɔ shaa suu vɔɔyi vi, ɔ gakki Ɗa dɔkkɔkɔ nɛ aruu shɔ zɛyi tɔ shɔ ɓanɛ nnbee. Aruum kɔ Ɗlapa yɛ gɔ̃ɔ yuusho a kakkaani u tɛɛ shɔwɔyi tɔ.
15Ɔ yukɔne aɗɔn, shɔ mala nya ãsine ashɔ farasawayi ni, shɔ - shɔ ɗakineǃ Ɔ raaki yuu koo piti a tɛnɛ mii wapo daa, ne kãa shɔgbete gn ɔ ɗɔɔ, ɔkɛ kpane ɔ risiu kɛ u ɔ̃kɛ shɔ ruvini gbete tɛɔ ɓɛɛ tɔ.
16<< Ɔ yukɔne aɗɔn, shɔ noo gbãati gbete tãatti shɔ noo gbãatiyi yɛǃ ɔ shane, shɔgbete kɛ tee jaa Ɗa nɛ, viwɔ ɓa ɗɔn ɓa; ama shɔgbete kɛ teene a zinariya gbete a jaa Ɗa, teeneu yɛ sãu tɔ.>> 17Ɔ shokɔ Shɔ noo gãabtiyiǃ shɔ pi ɔ̃rɛ pɛ̃niba piyaː tari mɛɛ ya, ko jaa Ɗa ya? 18Ɔ sha sɔ̃n nɛ, <<shɔgbete kɛ tee lazaa nɛ, ɓa viwɔ ɓa; ama shɔgbete kɛ teene a vinaa gbete n ti a lazãa, teeneu yɛ sãu tɔ.>> 19Shɔ noo gbãati miyiǃ shɔ pi pɛ̃niba piyaː naa ãne ya, ko lazãa kɔ pɔ̃rɛ naa ãne u ɔ̃ wɔsɔ-wɔsɔ ya? 20Aruu nankɔ, shɔgbete kɛ tee lazãa ne tee jo lazãa kɔ avigbete ayuu lazãa ni piti kpai. 21Shɔgbete kɛ tee jaa Ɗa ne tee jo avigbete ayɛti jaa Ɗa ni kpai. 22Shɔgbete kɛ tee nɛ a kolapa tee jo Ɗalapa kɔ a kpati gbete roo yɛ ni.
23Ɔ yukɔne aɗɔn, shɔ mala nya ãsineyi ashɔ farisawayi ni, shɔ -shɔ ɗakineǃ ɔ ã Ɗalapa vii gbete ayɛti kopi a vigbete ɔ kpaa awɔ vigbaa kɛ naa mint, dilli a kummin gbete shɔ̃tittɔ. Ama ɔ yaa vii tɔ̃vɨng shone tɛ ayɛti nya ãsine Ɗalapa ruu bii, ukɔ ɔ̃rɛ tɔ̃vɨng shone, raa ntanɛ a tɔ̃vɨng ãne. Ɔ shojo vimiyi kɔ ɔkɔ yaa wɔɔ nɛ aknti. 24Ɔ Shɔ noo gbãati gbete tãati shɔ noo gbãatiyi yɛǃ ɔ zɛnoo jaa pm shɛshine tɛ ayɛti mii ɓoone ni, ama ɔ mɛɛ kpɛ̃ti bɔɔ ɗɔɔtɔ ayɛti mii ni.
25Ɔ yukɔne aɗɔn, shɔ mala nya ãsineyi ashɔ farisawayi ni, shɔ - shɔ ɗakineyiǃ ɔ sɔki waa ɓili a ɓari ni, ama u yɛti ɓuzɨn yiitɛ ashone gbete ɓa tɔ̃vɨng ɓa ukɔ ɔ̃rɛ shɔ ɗakine a yuu kasine. 26Mɔkɔ shɔ noo gbãati farisawaǃ gaa pɛ yɛti waa sɔkine a ɓari ni, kɛɗɔn a sɔu ɓili kɛkn.
27Ɔ yukɔne aɗɔn, shɔmala nya ãsineyi ashɔ fariwayi ni, shɔ -shɔ ɗakine, ɔ pɛ naa yusaa gbete shɔ maa a pɛnti puru yɛ, shɔgbete u ɓeli kɔri anoo waa-ne ama ɓuzɨn pɛ kakaa vɔrɔ a vigbete ɓa tɔ̃vɨng ɓa. 28Sɔ̃n nankɔ, a shɔ ɗekn ɔ tasi naa ɔ pɛ shɔ tɔ̃vɨng ama a sisɨn ɓuzɨn ɔ pɛ shɔ -shɔ ɗakineyi a shɔ gbete i lattɔ.
Yesɔ nwanya aruu raɓoonɛ gbete shɔwiyi yɛ ɓoo yɛ
29<< Ɔ yukɔne aɗɔn, shɔmala nya ãsiyi ashɔ farasawayi ni, shɔ -shɔ ɗakineǃ>> Ɔ maari Ɗa jashoneyi i yusaa tɔ̃vɨng a tɔ̃ri shɔ tɔ̃vɨngyi i yusaa bɛbbɛriki-bɛbbɛriki. 30Ɔ yeeli nya sɔ̃n nɛ,<< Ɔ si ɔ̃ aɗɔn aɗagbete mɛuruyi isi doo a noo ni yɛ, ɔ naa si ji ɔ̃ ɓa abuzɨn shɔgbete i nyo Ɗa jashoneyi vɔrɔ ni ɓa.>> 31Ɔ shaa tɛ gboti ɔ nya nɛ ɔ laduru ijo ɓuzɨn shɔgbete i nyo Ɗa jashoneyi vɔrɔ yɛ ni.
32Dɔddɔrim ɔ yisi nya waa, a ruuvini gbete mɛuruyi pɛliyɛ kɛnɛ.
33Sɔɔ miyiǃ posɛɛ ɓejaayiǃ Awɔ zɛne ɔ raa naa kɛpikovi a yaa wɛrɛ ni viya? 34Aruu nankɔ n yɛn sho Ɗa jaa shone tɔ ashɔ sẽrẽẽyi wɔsɔ̃n shɔ malayi. Ai tette ɔ yɛ nyo wɔyi vɔrɔ a ɓaa wɔyi naa a laa; gãsi ɔyɛ wayi tɔ kpata a jaa Ɗa wɔyi ɔyɛ gn lakkoo- lakkoo ɗɔgbete i ɓu aɗɔn ɔ tasi raa. 35Aruumkɔ shɔ yɛ gɔ̃ɔ yuushotɔ aruugbete ɔ nyoki shɔ tɔ̃vɨngyi akoo i kpaa yɛ sɔɔ awɔ yuu, yunɛ shɔ tɔ̃vɨng Habila anɛ Zakariya Berekiya ɓɛjaa, shɔgbete ɔ nyo atette ɗɔ wɔsɔ -wɔsɔ a lazãa i kpaa yɛ sɔɔ awɔ yuu. 36Ruugbete n kɛ gelɔɔ nɛn kɔ nizɛ, yukɔnɛm piti kpai yɛ kpaa shɔgbete i a suruni dɔddɔrim.
Yesɔ tasi Urushalima ɔrinɛ
37Gbee Urushalima, Urushalima, shɔgbete i nyoki Ɗa jashoneyi ashɔgbete i lori shɔ Ɗalapa ruubii n- ti nɛ a tari, ɓa nɛknya n kasi n musu ɔ nya ɗɔgbete, naa gbete kɔ̃ɔ̃ musu jaayi nya a nakosẽri yɛ, ama ɔ ji kasi ɓa. 38Ɔ kn nɔɔ pɛ, Ɗalapa ya ɔ wɛrɛ tɛ ji kasɔɔ nya ɓa. 39Yunɛ dɔddɔrim yɛnɛ ɗekn n gelɔɔtɛ, ɔyɛ zɛn tɔtti ɓa sitɛ ɔ shatɛ nɛ, <<Ɗalapa u tasi shɔgbete a Uɓeyelapa nii vɔɔ susãri biini.>>
Valið núna:
matiyu 23: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria