Lu-ka 20
20
Ôp trach teq u ch'bap kmheng Brah Jê-sus ri
(Ma-thi-ơ 21:23-27; Mak 11:27-33)
1Di nar tôw, tơt Brah Jê-sus plah tti kne phung raih knông nhi r'bưn u chhuôr Baak Sroong klanh nei bơl yau thwaai ndap ttơơm, bơl yau gưt jhai, u bơl raanh ttơơm lôh 2ôp Pang laah: “Phrui aan bơl hei gưt đươm ch'bap kmheng êch baah Yau lơh kươt pal kaar nei, paich 'bơơn ja aan Yau ch'bap kmheng nei?” 3Pang ơh: “Hei kot ôp bơl 'bei di ndroong. Phrui mor aan Hei: 4Bap-tem Jang ri lôh a lơ trôôk lah lôh a koon bnih?” 5Bu pơrgênh tơrnang nơơm: “Mơq bơl bơn lah: ‘A trôôk,’ nei bu a kươi lah: ‘Bei nei a hay bơl 'bei 'bưn jơ Jang?’ 6Nha mơq bơl bơn lah: ‘A koon bnih’ nei leq phung raih a kươi jang tmau bơl bơn, đươm bu ja jơ jap Jang laa di mbu grnưt noor.” 7Bei nei, bu ơh laah bu 'bưn gưt bap-tem nei lôh a êch. 8Brah Jê-sus ơh: “Hei a kươi kot 'bưn mor aan bơl 'bei gưt đươm ch'bap kmheng êch Hei lơh pal kaar au.”
Pn'geh ruk teq u bnih buôn nho
(Ma-thi-ơ 21:33-46; Mak 12:1-12)
9Brah Jê-sus lap chhuôr aan phung raih pn'geh ruk au: “Mbu bnih tôw tam di mir nho u aan bơl bnih tam nho buôn, ja nei han tơt di kwaal nday knông di nar khay nhjoong. 10Tơt khal nho ndum, nnơơm maanh di mbu dêch lôh a mơp bơl bnih tam nho jah pơih bôh griêng pkao mir nho ri. Dôh bơl bnih tam nho pơm dêch, hơơi prơh siq ti rơơi. 11Nnơơm maanh ndih mbu dêch nday, dôh bu kot pơm sơmboong, jam joot u prơh siq ti rơơi. 12Nnơơm kươi maanh mbu dêch ttal pei dơq, dôh bu kot pơm lap u prơh du. 13Bei au, nnơơm mir nho lah: ‘Hei phrui lơh ơơn au? Hei a kươi maanh koon klau êch srlanh hei ri lôh, awap bu a kươi đing!’ 14Dôh tơt sau koon klau nei, bơl bnih tam nho pơrgênh pôl: ‘Au laa koon a dơơn, phrui lưm teq bu nei griêng mlơ a kươi pơơn teq u ti bơl bơn.’ 15Bu jang koon klau nei u gaaih mir nho u lưm chhưt. Bei nei nnơơm mir nho a kươi pơrkat bu bei êch? 16Bu nei a kươi lôh u lưm bơl tam nho nei, ja nei ndơơp mir nho aan bơl bnih nday.” Tơt ttang pal baak nei, bu mor: “Lơh ơơn geh baak nei!” 17Brah Jê-sus mơq bu u lah: “Bei nei baak 'bian au êch lah pi ơơn:
‘Rklôw tmau bơl dol rak mon sun nhi thot teq,
Ja but tmau tơơm nhi.’
18'Bơơn a kơq geh tmau au nei a kươi lêêk hach, nha tmau au a tup geh 'bơơn nei a kươi điat hach bnih nei.” 19Tu bêl nei, bơl yau thwaai ndap ttơơm u bơl yau gưt jhai wơng troong lưm Pang, đươm gưt Pang nhôq pn'geh ruk nei mor ot bu, dôh bu leet n'hông phung raih.
Brah Ưn n'hai Sê-sa
(Ma-thi-ơ 22:15-22; Mak 12:13-17)
20Bei nei, bu tênh miat Brah Jê-sus u maanh bơl loong troong noor ei bơh lơh bnih trah, ndưng tơrleh Pang knông baak mor jah ndơơp Pang aan bơl kan kmheng n'hai yau tông. 21Bơl bnih nei ôp Brah Jê-sus: “Ơi Yau, bơl hei gưt Yau lah u kne di troong dip ngan, 'bưn a roh 'bơơn, dôh kne troong gông Brah Ưn ri troong angan anguôn. 22Bei nei, kaar bơl hei ndơơp wal suai aan Sê-sa geh dip ch'bap lah 'bưn?” 23Gưt srlah baak lhiat lboor bu ri, Pang lah: 24“Phrui aan Hei mơq di slưng đơ-ni-ê. Slưng prak au aanh gui u chhak 'bơơn ri?” Bu ơh: “Sê-sa.” 25Pang lah: “Bei nei, phrui plơq aan Sê-sa ntil ơơn Sê-sa ri; phrui plơq aan Brah Ưn ntil ơơn Brah Ưn ri.” 26Bôôk mat phung raih, bu 'bưn kươt tơrleh Pang di baak ơơn ơơm. Bu êêng aang di mat ndroong ơh baak Pang ri nei mơ ơt rngơt.
Tak ôp teq u baak rêh kươi
(Ma-thi-ơ 22:23-33; Mak 12:18-27)
27Geh pal du Sa-đu-sê,#20:27 Mơq baak rơih gôq Mat 3:7. laa bơl bnih mor laah 'bưn geh baak rêh kươi, lôh u Brah Jê-sus u ôp:#Kênh 23:8. 28“Ơi Yau, Môi-se ja 'bian ch'bap au aan bơl hei: ‘Mơq mbu bnih geh bi chhưt lpơi sai ur dôh 'bưn geh koon nei bnih nei phrui pơih sai ur pndrau nei jah geh koon tơrbuôt mbaang aan bi nơơm.’ 29Bei nei, geh poh oh bi tôw, bnih bi 'boong kliêr sai hơơi ja nei chhưt, 'bưn geh koon. 30Bnih ttal baar 31ja nei tơt bnih ttal pei kot pơih sai ur nei; leq sêch poh du kot bei nei, tơt chhưt leq, 'bưn geh koon. 32Ptut, mei dơur nei kot chhưt. 33Bei nei, khal rêh kươi, mei dơur nei a kươi laa sai ur 'bơơn ri? Đươm poh du kot ja pơih mei nei lơh sai.” 34Brah Jê-sus ơh: “Koon sau klap au wơng koon wơng sai, 35nha bơl bnih kươt chôôl laa klanh dip joq dơơn knông klap kươi u kươt rêh kươi a ktôk chhưt nei 'bưn pơih sai ur paich ruôt sai klau. 36Bu a kươi 'bưn chhưt hôm, đươm bei bơl lênh brah u laa koon Brah Ưn ri, nei laa koon baak rêh kươi ri. 37Nha teq u kaar bah chhưt rêh kươi, leq dơng Môi-se kot ja aan sau knông baak chhuôr teq u pih look, tơt bnih khuôl Brah laa Brah Ưn Ap-ra-ham ri, Brah Ưn I-sak ri u Brah Ưn Ja-kôp ri. 38Bei nei, Pang 'bưn geh laa Brah Ưn bah chhưt ri, dôh bơl bnih rêh ri; đươm teq u Pang, leq sêch kot nha rêh.” 39Geh pal du yau gưt jhai mor n'hai Pang: “Ơi Yau, Yau mor dip mơt!” 40U bu 'bưn baanh ôp ndroong ơơn hôm.
Yaang Krist koon snđach Đa-wit
(Ma-thi-ơ 22:41-46; Mak 12:35-37)
41Brah Jê-sus ôp bu: “A hay bu nday leet laa Yaang Krist laa koon snđach Đa-wit? 42Đươm snđach Đa-wit ja lah knông sm'bưt Tapơt Brah laah:
‘Brah lah n'hai Brah hei: Phrui gôq mak ma Hei,
43Aan tơt jơl Hei dơih bơl bah kmang 'bei ri lơh knơơl jơng aan 'bei.’
44Bei au, snđach Đa-wit khuôl Pang laa Brah, bei nei lơh bei êch Pang leet lah koon snđach nei kươt?”
Nhjrang teq u bơl yau gưt jhai
(Ma-thi-ơ 23:1-36; Mak 12:38-40)
45Tơt phung raih nha iat chmlam nei Brah lah n'hai bơl jơrnơ: 46“Phrui mơq nhjrang bơl yau gưt jhai laa bơl bnih êch dook ao nhjoong han bra, êch jah bu nday chah nơơm ktôk đôôn pơsaar, êch gôq grei peh thlay đat knông nhi pơrgum u ktôk peh lư knông pal waal sa. 47Bu luônh nhi bơl mei pndrau ri baah ei bơ r'bon dan nhjoong. Bu a kươi dol pơrkat jjơk huôih.”
Valið núna:
Lu-ka 20: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 20
20
Ôp trach teq u ch'bap kmheng Brah Jê-sus ri
(Ma-thi-ơ 21:23-27; Mak 11:27-33)
1Di nar tôw, tơt Brah Jê-sus plah tti kne phung raih knông nhi r'bưn u chhuôr Baak Sroong klanh nei bơl yau thwaai ndap ttơơm, bơl yau gưt jhai, u bơl raanh ttơơm lôh 2ôp Pang laah: “Phrui aan bơl hei gưt đươm ch'bap kmheng êch baah Yau lơh kươt pal kaar nei, paich 'bơơn ja aan Yau ch'bap kmheng nei?” 3Pang ơh: “Hei kot ôp bơl 'bei di ndroong. Phrui mor aan Hei: 4Bap-tem Jang ri lôh a lơ trôôk lah lôh a koon bnih?” 5Bu pơrgênh tơrnang nơơm: “Mơq bơl bơn lah: ‘A trôôk,’ nei bu a kươi lah: ‘Bei nei a hay bơl 'bei 'bưn jơ Jang?’ 6Nha mơq bơl bơn lah: ‘A koon bnih’ nei leq phung raih a kươi jang tmau bơl bơn, đươm bu ja jơ jap Jang laa di mbu grnưt noor.” 7Bei nei, bu ơh laah bu 'bưn gưt bap-tem nei lôh a êch. 8Brah Jê-sus ơh: “Hei a kươi kot 'bưn mor aan bơl 'bei gưt đươm ch'bap kmheng êch Hei lơh pal kaar au.”
Pn'geh ruk teq u bnih buôn nho
(Ma-thi-ơ 21:33-46; Mak 12:1-12)
9Brah Jê-sus lap chhuôr aan phung raih pn'geh ruk au: “Mbu bnih tôw tam di mir nho u aan bơl bnih tam nho buôn, ja nei han tơt di kwaal nday knông di nar khay nhjoong. 10Tơt khal nho ndum, nnơơm maanh di mbu dêch lôh a mơp bơl bnih tam nho jah pơih bôh griêng pkao mir nho ri. Dôh bơl bnih tam nho pơm dêch, hơơi prơh siq ti rơơi. 11Nnơơm maanh ndih mbu dêch nday, dôh bu kot pơm sơmboong, jam joot u prơh siq ti rơơi. 12Nnơơm kươi maanh mbu dêch ttal pei dơq, dôh bu kot pơm lap u prơh du. 13Bei au, nnơơm mir nho lah: ‘Hei phrui lơh ơơn au? Hei a kươi maanh koon klau êch srlanh hei ri lôh, awap bu a kươi đing!’ 14Dôh tơt sau koon klau nei, bơl bnih tam nho pơrgênh pôl: ‘Au laa koon a dơơn, phrui lưm teq bu nei griêng mlơ a kươi pơơn teq u ti bơl bơn.’ 15Bu jang koon klau nei u gaaih mir nho u lưm chhưt. Bei nei nnơơm mir nho a kươi pơrkat bu bei êch? 16Bu nei a kươi lôh u lưm bơl tam nho nei, ja nei ndơơp mir nho aan bơl bnih nday.” Tơt ttang pal baak nei, bu mor: “Lơh ơơn geh baak nei!” 17Brah Jê-sus mơq bu u lah: “Bei nei baak 'bian au êch lah pi ơơn:
‘Rklôw tmau bơl dol rak mon sun nhi thot teq,
Ja but tmau tơơm nhi.’
18'Bơơn a kơq geh tmau au nei a kươi lêêk hach, nha tmau au a tup geh 'bơơn nei a kươi điat hach bnih nei.” 19Tu bêl nei, bơl yau thwaai ndap ttơơm u bơl yau gưt jhai wơng troong lưm Pang, đươm gưt Pang nhôq pn'geh ruk nei mor ot bu, dôh bu leet n'hông phung raih.
Brah Ưn n'hai Sê-sa
(Ma-thi-ơ 22:15-22; Mak 12:13-17)
20Bei nei, bu tênh miat Brah Jê-sus u maanh bơl loong troong noor ei bơh lơh bnih trah, ndưng tơrleh Pang knông baak mor jah ndơơp Pang aan bơl kan kmheng n'hai yau tông. 21Bơl bnih nei ôp Brah Jê-sus: “Ơi Yau, bơl hei gưt Yau lah u kne di troong dip ngan, 'bưn a roh 'bơơn, dôh kne troong gông Brah Ưn ri troong angan anguôn. 22Bei nei, kaar bơl hei ndơơp wal suai aan Sê-sa geh dip ch'bap lah 'bưn?” 23Gưt srlah baak lhiat lboor bu ri, Pang lah: 24“Phrui aan Hei mơq di slưng đơ-ni-ê. Slưng prak au aanh gui u chhak 'bơơn ri?” Bu ơh: “Sê-sa.” 25Pang lah: “Bei nei, phrui plơq aan Sê-sa ntil ơơn Sê-sa ri; phrui plơq aan Brah Ưn ntil ơơn Brah Ưn ri.” 26Bôôk mat phung raih, bu 'bưn kươt tơrleh Pang di baak ơơn ơơm. Bu êêng aang di mat ndroong ơh baak Pang ri nei mơ ơt rngơt.
Tak ôp teq u baak rêh kươi
(Ma-thi-ơ 22:23-33; Mak 12:18-27)
27Geh pal du Sa-đu-sê,#20:27 Mơq baak rơih gôq Mat 3:7. laa bơl bnih mor laah 'bưn geh baak rêh kươi, lôh u Brah Jê-sus u ôp:#Kênh 23:8. 28“Ơi Yau, Môi-se ja 'bian ch'bap au aan bơl hei: ‘Mơq mbu bnih geh bi chhưt lpơi sai ur dôh 'bưn geh koon nei bnih nei phrui pơih sai ur pndrau nei jah geh koon tơrbuôt mbaang aan bi nơơm.’ 29Bei nei, geh poh oh bi tôw, bnih bi 'boong kliêr sai hơơi ja nei chhưt, 'bưn geh koon. 30Bnih ttal baar 31ja nei tơt bnih ttal pei kot pơih sai ur nei; leq sêch poh du kot bei nei, tơt chhưt leq, 'bưn geh koon. 32Ptut, mei dơur nei kot chhưt. 33Bei nei, khal rêh kươi, mei dơur nei a kươi laa sai ur 'bơơn ri? Đươm poh du kot ja pơih mei nei lơh sai.” 34Brah Jê-sus ơh: “Koon sau klap au wơng koon wơng sai, 35nha bơl bnih kươt chôôl laa klanh dip joq dơơn knông klap kươi u kươt rêh kươi a ktôk chhưt nei 'bưn pơih sai ur paich ruôt sai klau. 36Bu a kươi 'bưn chhưt hôm, đươm bei bơl lênh brah u laa koon Brah Ưn ri, nei laa koon baak rêh kươi ri. 37Nha teq u kaar bah chhưt rêh kươi, leq dơng Môi-se kot ja aan sau knông baak chhuôr teq u pih look, tơt bnih khuôl Brah laa Brah Ưn Ap-ra-ham ri, Brah Ưn I-sak ri u Brah Ưn Ja-kôp ri. 38Bei nei, Pang 'bưn geh laa Brah Ưn bah chhưt ri, dôh bơl bnih rêh ri; đươm teq u Pang, leq sêch kot nha rêh.” 39Geh pal du yau gưt jhai mor n'hai Pang: “Ơi Yau, Yau mor dip mơt!” 40U bu 'bưn baanh ôp ndroong ơơn hôm.
Yaang Krist koon snđach Đa-wit
(Ma-thi-ơ 22:41-46; Mak 12:35-37)
41Brah Jê-sus ôp bu: “A hay bu nday leet laa Yaang Krist laa koon snđach Đa-wit? 42Đươm snđach Đa-wit ja lah knông sm'bưt Tapơt Brah laah:
‘Brah lah n'hai Brah hei: Phrui gôq mak ma Hei,
43Aan tơt jơl Hei dơih bơl bah kmang 'bei ri lơh knơơl jơng aan 'bei.’
44Bei au, snđach Đa-wit khuôl Pang laa Brah, bei nei lơh bei êch Pang leet lah koon snđach nei kươt?”
Nhjrang teq u bơl yau gưt jhai
(Ma-thi-ơ 23:1-36; Mak 12:38-40)
45Tơt phung raih nha iat chmlam nei Brah lah n'hai bơl jơrnơ: 46“Phrui mơq nhjrang bơl yau gưt jhai laa bơl bnih êch dook ao nhjoong han bra, êch jah bu nday chah nơơm ktôk đôôn pơsaar, êch gôq grei peh thlay đat knông nhi pơrgum u ktôk peh lư knông pal waal sa. 47Bu luônh nhi bơl mei pndrau ri baah ei bơ r'bon dan nhjoong. Bu a kươi dol pơrkat jjơk huôih.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.