Lu-ka 19
19
Brah Jê-sus u Sa-chê
1Brah Jê-sus mưt u Jê-ri-kô, han rloot poh nei. 2Tu nei, geh di mbu bnih chhak laa Sa-chê, lơh raanh ttơơm wal suai u khunh geh. 3Bu wơng troong jah mơq Brah Jê-sus laa 'bơơn, dôh 'bưn sau kươt, đươm phung raih nei ơk pa bu nei ngơrhêq. 4Bei nei, Sa-chê ta prang noor u hao lơ tơơm tlôông jah mơq Pang, đươm Pang êch dơơh han rloot nei. 5Tơt Brah Jê-sus han tơt ktôk nei ngơơk mat u lah teq u bu: “Ơi Sa-chê, phrui jưr gway, đươm nar au Hei phrui gôq lơơi nhi 'bei ri.” 6Sa-chê gway kơndaal jưr u broh s'bai wơơt Pang. 7Jôm bnih sau bei nei kot ta poich: “Bnih au mưt u nhi bah dôih 'baap baah a drơm!” 8Dôh Sa-chê ta yoong di mat Brah u mor: “Brah ơi, au, hei pơih di bôh griêng mlơ hei ri baah aan bnih l'ơơi; mơq geh lơh khuit khwait tơt 'bơơn paich kaar ơơn, hei a kươi soong huôih puôn wưt.” 9Brah Jê-sus lah n'hai bu: “Nar au baak đoh kwaai ja mưt u nhi au, đươm bnih au kot laa koon sau Ap-ra-ham. 10Đươm Koon Bnih ja lôh jah wơng u đoh bơl bah saap luôch.”#Mat 18:11.
Pn'geh ruk teq u slưng kaih
(Ma-thi-ơ 25:14-30)
11Jơl knông bu iat pal baak nei, Brah Jê-sus chhuôr dơq di pn'geh ruk, đươm Pang êch dơơh tơt poh Jê-ru-sa-lem mơ bu nday kơn ơơn laah nggoor Brah Ưn a kươi lôh sot kơndaal. 12Nei mơ, Pang lah: “Geh di mbu bnih prêh thlay han tơt kwaal ngngai jah kươt bu hao pơching, ja nei a kươi plơq siq. 13Bu khuôl jmơt du knông nak dêch bu ri lôh, ndơơp aan bu jmơt slưng kaih u lah: ‘Phrui lơh rơq aan tơt jơl hei plơq siq.’ 14Dôh bơl raih knông kwaal 'bưn êch bu mơ maanh ndraanh han tênh a kươi bu u lah: ‘Bơl hei 'bưn êch bnih au kan bôôk bơl hei!’ 15Di kươi kươt hao pơching plơq siq, snđach drơnan bơl dêch ja pơih kaih lôh jah gưt jôm bnih ja lơh rơq kươt pal êch. 16Dêch daak bôôk lôh tơmbơh: ‘Ơi yau, slưng kaih yau ri lôh rơq kươt jmơt slưng.’ 17Yau nnơơm maanh: ‘Ơi dêch klanh room hei ri, kươt mơt; đươm 'bei ja tơt tưt tơt bôl klung kaar dêq đat, 'bei a kươi kươt kan bôôk jmơt poh.’ 18Bnih dêch ttal baar lôh tơmbơh: ‘Ơi yau, slưng kaih yau ri lôh rơq kươt pram slưng.’ 19Yau nnơơm kot lah: ‘'Bei kươt kan bôôk pram poh.’ 20Di mbu dêch nday lôh tơmbơh: ‘Ơi yau, au rê, slưng kaih yau ri hei ja sum knông kma, 21đươm hei n'hông yau, đươm ay laa bnih pơrjat, pơih a ktôk 'bưn dơih, kach a ktôk 'bưn siêm.’ 22Yau nnơơm lah: ‘Au ba dêch đơơk đaak! Khang tênh baak 'bei mor sot baah hei pơrkat. Geh lah 'bei ja gưt hei laa bnih pơrjat, pơih a ktôk 'bưn dơih, kach a ktôk 'bưn siêm pan? 23Bei nei a hay 'bei 'bưn ndơơp kaih hei ri aan bnih pook kaih jah tơt hei siq, a kươi pơih leq prak ơơm n'hai tap koon?’ 24Ja nei yau nnơơm mor n'hai bơl bnih ta yoong a nei: ‘Phrui pơih slưng kaih bu ri u aan bnih geh jmơt slưng.’ 25Bu mor: ‘Ơi yau, bnih nei ja geh jmơt slưng hôm!’ 26Hei lah bơl 'bei: ‘'Bơơn geh a kươi kươt aan top, dôh 'bơơn 'bưn geh nei a kươi dol prap broih leq ntil bu geh nha.#Mat 13:12; Mak 4:25; Lu 8:18. 27Nha teq u bơl bah kmang n'hai hei, 'bưn êch hei kan bôôk bu, phrui liêu bu lôh u đau u lưm di mat hei.’” 28Di kươi lah pal baak nei, Brah Jê-sus han noor, hao poh Jê-ru-sa-lem.
Kaar Brah Jê-sus ri tu poh Jê-ru-sa-lem
(19:29 – 21:38)
Brah Jê-sus mưt poh Jê-ru-sa-lem
(Ma-thi-ơ 21:1-11; Mak 11:1-11; Jang 12:12-19)
29Tơt lôh dơơh Bêt-pha-jê u Bê-tha-ni, mak gêêng bnơm chôôl laa Ô-liu, Brah Jê-sus maanh baar du jơrnơ han 30u pn'ak: “Phrui han mưt u poh dêq rdang. Tơt mưt poh dêq, a kươi sau di pi seh kroih koon kơt a nei ndah ơơm geh 'bơơn jih. Phrui doh bu têêk siq u đau. 31Mơq geh 'bơơn ôp: ‘A hay bơl bi doh bu?’ bơl 'bei khang ơh: ‘Brah#19:31 Brah: Paich laa Nnơơm bu ri. chkhôm pai au.’” 32Baar du kươt maanh han a mơp jôm ntil dip bei Brah ja lah. 33Plah bu doh seh kroih koon, nei bơl bnih nnơơm mor n'hai bu: “A hay bơl bi doh seh kroih koon au?” 34Bu mor: “Brah chkhôm pai au.” 35Ja nei bu têêk seh kroih siq aan Brah Jê-sus, pơih ao nơơm lôw lơ kươi seh kroih koon u lơơk Pang hao jih. 36Tơt Brah Jê-sus jih seh kroih han, geh ơk bnih lôw ao lơ troong. 37Plah êch dơơh tơt sing bnơm Ô-liu, leq phung jơrnơ ptơơm broh s'bai u pơt wơơl Brah Ưn teq u pal kaar dang kmheng pa bu ja sau.
38Bu pơt wơơl: “Tư wơơl Snđach tơmoh chhak Brah baah lôh!
Sroong boong a lơ trôôk, u chring chraang lơ ktôk prêh huôih!”
39Geh pal du Pha-ri-si a knông phung raih ơk mor n'hai Pang: “Ơi Yau, dan têh gmhaar bơl jơrnơ Yau!” 40Pang ơh: “Hei lah bơl 'bei, mơq bu ơt rngơt nei tmau a kươi hao troh.” 41Tơt han dơơh, mơq sau poh, Brah Jê-sus nhim teq u bu u lah: 42“Kmbưng ơơn, kơndaal nar au, 'bei gưt kươt pal ntil lơh aan 'bei sroong boong! Dôh bei au pal ntil nei dol km'ang rlach mat 'bei. 43Đươm a kươi geh nar, 'bei a kươi geh lênh kmang bu buôl jơng kơr, kum rlum u rêt jap puôn bôh. 44Bu a kươi lưm luôch 'bei u koon sau gôq lwah 'bei nha. Bu a kươi 'bưn teq aan rklôw tmau au kơơl lơ tmau tôw, đươm 'bei 'bưn gưt bêl tma Brah Ưn ja chah nhjook.”
Brah kwaih jrah nhi r'bưn
(Ma-thi-ơ 21:12-17; Mak 11:15-19; Jang 2:13-22)
45Brah Jê-sus mưt nhi r'bưn, ptơơm prơh bơl bah tach brôw a nei sot, 46u lah teq u bu, “Geh baak 'bian laah:
‘Nhi Hei a kươi laa nhi r'bon dan’,
Dôh bơl 'bei ja lơh ktôk nei but rung ttung lmuôich.”
47Rêêng nar Pang chhuôr kne knông nhi r'bưn. Bơl yau thwaai ndap ttơơm, bơl yau gưt jhai, pôl bơl bnih liêu troong knông phung raih wơng troong lưm Pang,#Lu 21:37. 48dôh bu 'bưn gưt phrui lơh bei êch, đươm leq sêch phung raih kot a rơơi iat Pang.
Valið núna:
Lu-ka 19: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 19
19
Brah Jê-sus u Sa-chê
1Brah Jê-sus mưt u Jê-ri-kô, han rloot poh nei. 2Tu nei, geh di mbu bnih chhak laa Sa-chê, lơh raanh ttơơm wal suai u khunh geh. 3Bu wơng troong jah mơq Brah Jê-sus laa 'bơơn, dôh 'bưn sau kươt, đươm phung raih nei ơk pa bu nei ngơrhêq. 4Bei nei, Sa-chê ta prang noor u hao lơ tơơm tlôông jah mơq Pang, đươm Pang êch dơơh han rloot nei. 5Tơt Brah Jê-sus han tơt ktôk nei ngơơk mat u lah teq u bu: “Ơi Sa-chê, phrui jưr gway, đươm nar au Hei phrui gôq lơơi nhi 'bei ri.” 6Sa-chê gway kơndaal jưr u broh s'bai wơơt Pang. 7Jôm bnih sau bei nei kot ta poich: “Bnih au mưt u nhi bah dôih 'baap baah a drơm!” 8Dôh Sa-chê ta yoong di mat Brah u mor: “Brah ơi, au, hei pơih di bôh griêng mlơ hei ri baah aan bnih l'ơơi; mơq geh lơh khuit khwait tơt 'bơơn paich kaar ơơn, hei a kươi soong huôih puôn wưt.” 9Brah Jê-sus lah n'hai bu: “Nar au baak đoh kwaai ja mưt u nhi au, đươm bnih au kot laa koon sau Ap-ra-ham. 10Đươm Koon Bnih ja lôh jah wơng u đoh bơl bah saap luôch.”#Mat 18:11.
Pn'geh ruk teq u slưng kaih
(Ma-thi-ơ 25:14-30)
11Jơl knông bu iat pal baak nei, Brah Jê-sus chhuôr dơq di pn'geh ruk, đươm Pang êch dơơh tơt poh Jê-ru-sa-lem mơ bu nday kơn ơơn laah nggoor Brah Ưn a kươi lôh sot kơndaal. 12Nei mơ, Pang lah: “Geh di mbu bnih prêh thlay han tơt kwaal ngngai jah kươt bu hao pơching, ja nei a kươi plơq siq. 13Bu khuôl jmơt du knông nak dêch bu ri lôh, ndơơp aan bu jmơt slưng kaih u lah: ‘Phrui lơh rơq aan tơt jơl hei plơq siq.’ 14Dôh bơl raih knông kwaal 'bưn êch bu mơ maanh ndraanh han tênh a kươi bu u lah: ‘Bơl hei 'bưn êch bnih au kan bôôk bơl hei!’ 15Di kươi kươt hao pơching plơq siq, snđach drơnan bơl dêch ja pơih kaih lôh jah gưt jôm bnih ja lơh rơq kươt pal êch. 16Dêch daak bôôk lôh tơmbơh: ‘Ơi yau, slưng kaih yau ri lôh rơq kươt jmơt slưng.’ 17Yau nnơơm maanh: ‘Ơi dêch klanh room hei ri, kươt mơt; đươm 'bei ja tơt tưt tơt bôl klung kaar dêq đat, 'bei a kươi kươt kan bôôk jmơt poh.’ 18Bnih dêch ttal baar lôh tơmbơh: ‘Ơi yau, slưng kaih yau ri lôh rơq kươt pram slưng.’ 19Yau nnơơm kot lah: ‘'Bei kươt kan bôôk pram poh.’ 20Di mbu dêch nday lôh tơmbơh: ‘Ơi yau, au rê, slưng kaih yau ri hei ja sum knông kma, 21đươm hei n'hông yau, đươm ay laa bnih pơrjat, pơih a ktôk 'bưn dơih, kach a ktôk 'bưn siêm.’ 22Yau nnơơm lah: ‘Au ba dêch đơơk đaak! Khang tênh baak 'bei mor sot baah hei pơrkat. Geh lah 'bei ja gưt hei laa bnih pơrjat, pơih a ktôk 'bưn dơih, kach a ktôk 'bưn siêm pan? 23Bei nei a hay 'bei 'bưn ndơơp kaih hei ri aan bnih pook kaih jah tơt hei siq, a kươi pơih leq prak ơơm n'hai tap koon?’ 24Ja nei yau nnơơm mor n'hai bơl bnih ta yoong a nei: ‘Phrui pơih slưng kaih bu ri u aan bnih geh jmơt slưng.’ 25Bu mor: ‘Ơi yau, bnih nei ja geh jmơt slưng hôm!’ 26Hei lah bơl 'bei: ‘'Bơơn geh a kươi kươt aan top, dôh 'bơơn 'bưn geh nei a kươi dol prap broih leq ntil bu geh nha.#Mat 13:12; Mak 4:25; Lu 8:18. 27Nha teq u bơl bah kmang n'hai hei, 'bưn êch hei kan bôôk bu, phrui liêu bu lôh u đau u lưm di mat hei.’” 28Di kươi lah pal baak nei, Brah Jê-sus han noor, hao poh Jê-ru-sa-lem.
Kaar Brah Jê-sus ri tu poh Jê-ru-sa-lem
(19:29 – 21:38)
Brah Jê-sus mưt poh Jê-ru-sa-lem
(Ma-thi-ơ 21:1-11; Mak 11:1-11; Jang 12:12-19)
29Tơt lôh dơơh Bêt-pha-jê u Bê-tha-ni, mak gêêng bnơm chôôl laa Ô-liu, Brah Jê-sus maanh baar du jơrnơ han 30u pn'ak: “Phrui han mưt u poh dêq rdang. Tơt mưt poh dêq, a kươi sau di pi seh kroih koon kơt a nei ndah ơơm geh 'bơơn jih. Phrui doh bu têêk siq u đau. 31Mơq geh 'bơơn ôp: ‘A hay bơl bi doh bu?’ bơl 'bei khang ơh: ‘Brah#19:31 Brah: Paich laa Nnơơm bu ri. chkhôm pai au.’” 32Baar du kươt maanh han a mơp jôm ntil dip bei Brah ja lah. 33Plah bu doh seh kroih koon, nei bơl bnih nnơơm mor n'hai bu: “A hay bơl bi doh seh kroih koon au?” 34Bu mor: “Brah chkhôm pai au.” 35Ja nei bu têêk seh kroih siq aan Brah Jê-sus, pơih ao nơơm lôw lơ kươi seh kroih koon u lơơk Pang hao jih. 36Tơt Brah Jê-sus jih seh kroih han, geh ơk bnih lôw ao lơ troong. 37Plah êch dơơh tơt sing bnơm Ô-liu, leq phung jơrnơ ptơơm broh s'bai u pơt wơơl Brah Ưn teq u pal kaar dang kmheng pa bu ja sau.
38Bu pơt wơơl: “Tư wơơl Snđach tơmoh chhak Brah baah lôh!
Sroong boong a lơ trôôk, u chring chraang lơ ktôk prêh huôih!”
39Geh pal du Pha-ri-si a knông phung raih ơk mor n'hai Pang: “Ơi Yau, dan têh gmhaar bơl jơrnơ Yau!” 40Pang ơh: “Hei lah bơl 'bei, mơq bu ơt rngơt nei tmau a kươi hao troh.” 41Tơt han dơơh, mơq sau poh, Brah Jê-sus nhim teq u bu u lah: 42“Kmbưng ơơn, kơndaal nar au, 'bei gưt kươt pal ntil lơh aan 'bei sroong boong! Dôh bei au pal ntil nei dol km'ang rlach mat 'bei. 43Đươm a kươi geh nar, 'bei a kươi geh lênh kmang bu buôl jơng kơr, kum rlum u rêt jap puôn bôh. 44Bu a kươi lưm luôch 'bei u koon sau gôq lwah 'bei nha. Bu a kươi 'bưn teq aan rklôw tmau au kơơl lơ tmau tôw, đươm 'bei 'bưn gưt bêl tma Brah Ưn ja chah nhjook.”
Brah kwaih jrah nhi r'bưn
(Ma-thi-ơ 21:12-17; Mak 11:15-19; Jang 2:13-22)
45Brah Jê-sus mưt nhi r'bưn, ptơơm prơh bơl bah tach brôw a nei sot, 46u lah teq u bu, “Geh baak 'bian laah:
‘Nhi Hei a kươi laa nhi r'bon dan’,
Dôh bơl 'bei ja lơh ktôk nei but rung ttung lmuôich.”
47Rêêng nar Pang chhuôr kne knông nhi r'bưn. Bơl yau thwaai ndap ttơơm, bơl yau gưt jhai, pôl bơl bnih liêu troong knông phung raih wơng troong lưm Pang,#Lu 21:37. 48dôh bu 'bưn gưt phrui lơh bei êch, đươm leq sêch phung raih kot a rơơi iat Pang.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.