Jang 21
21
Brah Jê-sus lôh sot ktôk kơh daak rmưt Ti-bê-ri-at
1Ja nei, Brah Jê-sus leet lôh sot n'hai bơl jơrnơ Pang mak kơh daak rmưt Ti-bê-ri-at. Kaar Pang lôh sot bei au: 2Si-môn Phi-e-rơ, Thô-ma chôôl laa Đi-đim, Na-tha-na-ên, bnih poh Ka-na knông kwaal Ga-li-lê, bơl koon klau Sê-bê-đê ri, u baar du jơrnơ nday plah pơrgum kơơi ta n'hai. 3Si-môn Phi-e-rơ mor n'hai bu: “Hei han krau ka.” Pal bnih tôw ơh: “Bơl hei han n'hai bi!” Bu han sot, jưr duuk, dôh knông mang nei 'bưn nhôp kươt ơơn ơơm.#Lu 5:5.
4Trôôk lap aang, Brah Jê-sus ta yoong lơ kơh, dôh bơl jơrnơ 'bưn gưt nei laa Brah Jê-sus. 5Brah Jê-sus ôp: “Bơl 'bei ơi, 'bưn geh pi ka ơơn laang?” Bu ơh: “Hơq 'bưn geh.” 6Pang maanh: “Phrui rang moong mak ma duuk nei bơl 'bei a kươi kươt.” Bei nei, bu klơơi moong u daak, kươt ơk pi ka lơh aan têêk 'bưn moh.#Lu 5:6. 7Jơrnơ kươt Brah Jê-sus srlanh mor n'hai Phi-e-rơ: “Nei laa Brah!” Tơt Si-môn Phi-e-rơ ttang laah nei laa Brah nei bu dook ao (đươm plah gôq si rôôk), ja nei njroh u daak rmưt. 8Bơl jơrnơ nday han mưt u dơng duuk, têêk pôl moong bêêng pi ka, đươm bu gôq 'bưn ngngai a kơh tơmlai sưn jơt met. 9Lap chwaat hao a kơh, bu sau tu nei geh ôinh rnga n'hai pi ka plah guich lơ nei, u geh nom nha. 10Brah Jê-sus maanh bu: “Phrui liêu di ndêq pi ka baah bơl 'bei mhei nhôp kươt u đau.” 11Si-môn Phi-e-rơ jưr duuk, têêk tti moong bêêng di riêng pram jơt pei pi ka ttih mưt u kơh. Paich ơk pi ka bei nei, moong 'bưn geh a yah. 12Brah Jê-sus maanh: “Bơl 'bei phrui gôq sôông u đau.” 'Bưn mbu 'bơơn knông bơl jơrnơ baanh ôp Pang: “Ay laa 'bơơn?” Đươm bu gưt nei laa Brah. 13Brah Jê-sus lôh, pơih nom ndơơp aan bu, u kot ndơơp pi ka hih. 14Au laa wưt pei Brah Jê-sus lôh sot n'hai bơl jơrnơ Pang di kươi Pang a ktôk chhưt rêh kươi.
Brah Jê-sus u Phi-e-rơ
15Tơt sôông luôih, Brah Jê-sus lah n'hai Si-môn Phi-e-rơ: “Si-môn, koon Jang ri, 'bei srlanh Hei huôih bơl bnih au pan?” Phi-e-rơ ơh laah: “Hơq, ơi Brah, Brah gưt laah hei srlanh Brah.” Brah Jê-sus maanh: “Phrui pơn ei bơl koon bưr Hei ri.” 16Brah leet ôp bu wưt baar: “Si-môn, koon Jang ri, 'bei srlanh Hei pan?” Phi-e-rơ ơh: “Hơq, ơi Brah, Brah gưt laah hei srlanh Brah.” Brah Jê-sus maanh: “Phrui gwaal bưr Hei.” 17Pang leet ôp bu wưt pei: “Si-môn, koon Jang ri, koon srlanh Hei pan?” Phi-e-rơ chhong đươm Pang ôp bơn tơt pei wưt: “'Bei srlanh Hei pan?” Bu ơh: “Ơi Brah, Brah gưt leq sêch jôm baak; Brah gưt laah hei srlanh Brah.” Brah Jê-sus maanh: “Phrui pơn ei bưr Hei. 18Ngan, Hei maanh ngan 'bei, khal nha drêên, 'bei rêt êêng chhei buq bơn, êch han u đêch nei han; dôh tơt raanh, 'bei a kươi ndơơp koon ti sot, jah bu nday rêt buq u liêu 'bei han tơt ktôk 'bei 'bưn êch.” 19Pang mor ntil au jah chong teq u Phi-e-rơ a kươi chhưt bei êch jah tư wơơl Brah Ưn. Ja nei, Pang maanh bu laah: “Phrui tênh Hei.”
20Phi-e-rơ wih kơơi, sau jơrnơ Brah Jê-sus srlanh plah tênh a kơơi, laa bnih knông sôông mau ja kêt chhak bơn lơ kơtoh Brah Jê-sus baah ôp: “Ơi Brah, 'bơơn laa bah ndun Ay?”#Ja 13:25. 21Tơt sau bnih nei, Phi-e-rơ ôp Brah Jê-sus: “Ơi Brah, nha bnih au nei bei êch?” 22Brah Jê-sus ơh: “Mơq Hei êch bnih nei gôq yoot aan tơt Hei lôh nei ta dơơh ơơn tơt 'bei? Nha 'bei, phrui tênh Hei.” 23Bei nei, geh baak lư knông bơl oh bi laah jơrnơ au a kươi 'bưn chhưt. Dôh Brah Jê-sus 'bưn mor n'hai Phi-e-rơ laah: “Bnih au a kươi 'bưn chhưt,” baah dơơn mor: “Mơq Hei êch bnih au gôq yoot tơt Hei lôh [nei geh ta dơơh ơơn tơt 'bei?”]#21:23 [nei geh ta dơơh ơơn tơt 'bei?”]: Knông m'baak plơơp 'bian ti 'bưn geh pal sêr au. 24Nơơm jơrnơ nei lơh ndraanh u pal kaar au, u ja 'bian kơơi. Bơl bơn gưt baak ndraanh bnih nei ri laa a ngan. 25Brah Jê-sus nha lơh ơk kaar nday dơq. Mơq lah 'bian leq jôm kaar, nei tak gênh laah leq swich teh kot 'bưn geh dơơm leq pal sm'bưt kươt 'bian.
Valið núna:
Jang 21: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Jang 21
21
Brah Jê-sus lôh sot ktôk kơh daak rmưt Ti-bê-ri-at
1Ja nei, Brah Jê-sus leet lôh sot n'hai bơl jơrnơ Pang mak kơh daak rmưt Ti-bê-ri-at. Kaar Pang lôh sot bei au: 2Si-môn Phi-e-rơ, Thô-ma chôôl laa Đi-đim, Na-tha-na-ên, bnih poh Ka-na knông kwaal Ga-li-lê, bơl koon klau Sê-bê-đê ri, u baar du jơrnơ nday plah pơrgum kơơi ta n'hai. 3Si-môn Phi-e-rơ mor n'hai bu: “Hei han krau ka.” Pal bnih tôw ơh: “Bơl hei han n'hai bi!” Bu han sot, jưr duuk, dôh knông mang nei 'bưn nhôp kươt ơơn ơơm.#Lu 5:5.
4Trôôk lap aang, Brah Jê-sus ta yoong lơ kơh, dôh bơl jơrnơ 'bưn gưt nei laa Brah Jê-sus. 5Brah Jê-sus ôp: “Bơl 'bei ơi, 'bưn geh pi ka ơơn laang?” Bu ơh: “Hơq 'bưn geh.” 6Pang maanh: “Phrui rang moong mak ma duuk nei bơl 'bei a kươi kươt.” Bei nei, bu klơơi moong u daak, kươt ơk pi ka lơh aan têêk 'bưn moh.#Lu 5:6. 7Jơrnơ kươt Brah Jê-sus srlanh mor n'hai Phi-e-rơ: “Nei laa Brah!” Tơt Si-môn Phi-e-rơ ttang laah nei laa Brah nei bu dook ao (đươm plah gôq si rôôk), ja nei njroh u daak rmưt. 8Bơl jơrnơ nday han mưt u dơng duuk, têêk pôl moong bêêng pi ka, đươm bu gôq 'bưn ngngai a kơh tơmlai sưn jơt met. 9Lap chwaat hao a kơh, bu sau tu nei geh ôinh rnga n'hai pi ka plah guich lơ nei, u geh nom nha. 10Brah Jê-sus maanh bu: “Phrui liêu di ndêq pi ka baah bơl 'bei mhei nhôp kươt u đau.” 11Si-môn Phi-e-rơ jưr duuk, têêk tti moong bêêng di riêng pram jơt pei pi ka ttih mưt u kơh. Paich ơk pi ka bei nei, moong 'bưn geh a yah. 12Brah Jê-sus maanh: “Bơl 'bei phrui gôq sôông u đau.” 'Bưn mbu 'bơơn knông bơl jơrnơ baanh ôp Pang: “Ay laa 'bơơn?” Đươm bu gưt nei laa Brah. 13Brah Jê-sus lôh, pơih nom ndơơp aan bu, u kot ndơơp pi ka hih. 14Au laa wưt pei Brah Jê-sus lôh sot n'hai bơl jơrnơ Pang di kươi Pang a ktôk chhưt rêh kươi.
Brah Jê-sus u Phi-e-rơ
15Tơt sôông luôih, Brah Jê-sus lah n'hai Si-môn Phi-e-rơ: “Si-môn, koon Jang ri, 'bei srlanh Hei huôih bơl bnih au pan?” Phi-e-rơ ơh laah: “Hơq, ơi Brah, Brah gưt laah hei srlanh Brah.” Brah Jê-sus maanh: “Phrui pơn ei bơl koon bưr Hei ri.” 16Brah leet ôp bu wưt baar: “Si-môn, koon Jang ri, 'bei srlanh Hei pan?” Phi-e-rơ ơh: “Hơq, ơi Brah, Brah gưt laah hei srlanh Brah.” Brah Jê-sus maanh: “Phrui gwaal bưr Hei.” 17Pang leet ôp bu wưt pei: “Si-môn, koon Jang ri, koon srlanh Hei pan?” Phi-e-rơ chhong đươm Pang ôp bơn tơt pei wưt: “'Bei srlanh Hei pan?” Bu ơh: “Ơi Brah, Brah gưt leq sêch jôm baak; Brah gưt laah hei srlanh Brah.” Brah Jê-sus maanh: “Phrui pơn ei bưr Hei. 18Ngan, Hei maanh ngan 'bei, khal nha drêên, 'bei rêt êêng chhei buq bơn, êch han u đêch nei han; dôh tơt raanh, 'bei a kươi ndơơp koon ti sot, jah bu nday rêt buq u liêu 'bei han tơt ktôk 'bei 'bưn êch.” 19Pang mor ntil au jah chong teq u Phi-e-rơ a kươi chhưt bei êch jah tư wơơl Brah Ưn. Ja nei, Pang maanh bu laah: “Phrui tênh Hei.”
20Phi-e-rơ wih kơơi, sau jơrnơ Brah Jê-sus srlanh plah tênh a kơơi, laa bnih knông sôông mau ja kêt chhak bơn lơ kơtoh Brah Jê-sus baah ôp: “Ơi Brah, 'bơơn laa bah ndun Ay?”#Ja 13:25. 21Tơt sau bnih nei, Phi-e-rơ ôp Brah Jê-sus: “Ơi Brah, nha bnih au nei bei êch?” 22Brah Jê-sus ơh: “Mơq Hei êch bnih nei gôq yoot aan tơt Hei lôh nei ta dơơh ơơn tơt 'bei? Nha 'bei, phrui tênh Hei.” 23Bei nei, geh baak lư knông bơl oh bi laah jơrnơ au a kươi 'bưn chhưt. Dôh Brah Jê-sus 'bưn mor n'hai Phi-e-rơ laah: “Bnih au a kươi 'bưn chhưt,” baah dơơn mor: “Mơq Hei êch bnih au gôq yoot tơt Hei lôh [nei geh ta dơơh ơơn tơt 'bei?”]#21:23 [nei geh ta dơơh ơơn tơt 'bei?”]: Knông m'baak plơơp 'bian ti 'bưn geh pal sêr au. 24Nơơm jơrnơ nei lơh ndraanh u pal kaar au, u ja 'bian kơơi. Bơl bơn gưt baak ndraanh bnih nei ri laa a ngan. 25Brah Jê-sus nha lơh ơk kaar nday dơq. Mơq lah 'bian leq jôm kaar, nei tak gênh laah leq swich teh kot 'bưn geh dơơm leq pal sm'bưt kươt 'bian.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.