Kênh Kaar Baak ptơơm bôôk
Baak ptơơm bôôk
Kênh Kaar Bơl Jơt Jơng lah tơr bôh ndih nha sm'bưt Baak Sroong Klanh Lu-ka ri. Rơn êch tơơm sm'bưt au ri lah chhuôr kươi kaar bơl jơrnơ Brah Jê-sus ri, kươt têêk liêu đươm Brah Wêêng, tơmbơh Baak Sroong Klanh u Brah Đoh Kwaai Jê-sus “a poh Jê-ru-sa-lem, leq kwaal Ju-đê, poh Sa-ma-ri, aan tơt rlum play teh” (1:8). Au lah ndroong chhuôr bơl bnih jơ tênh Brah Jê-sus, bôôk daak luh a bơl bnih Jo Thai, rơơk raal mbơk, u but luh di baak jơrnơ aan leq u play teh. Nơơm 'bian kot tơmbơh srlah n'hai u bơl iat chuôl laah chưt jơrnơ bơl bnih tênh Brah Jê-sus 'bưn geh laa baak ta kaap laang u kan teh daak tơt sroong boong teh daak ttih La-ma ri (Rô-ma), dôh baak jơrnơ Koon Brah lah baak kươt ơơm sơp grơp baak jơ ndơm Jo Thai ri.
Sm'bưt Kênh Kaar Bơl Jơt Jơng geh cheq lơh pei bôh peh thlay, lah kươi buôt ngwuy yoot luh ơp kwaal pa a nei Baak Sroong Klanh u Brah Đoh Kwaai Jê-sus kươt tơmbơh chhuôr u bơl Phung Jrah kươt lơh ptơơm: (1) Baak ptơơm bôôk bnih jơ Brah a Jê-ru-sa-lem rlech kươi Brah Jê-sus Krist hao u trôôk; (2) Baak rơơk raal a thêêng ngwi ơp kwaal nday Pa-let-tin ri; (3) Baak a thêêng ngwi ngngai huôih u rlum play teh rlum Rmưt Rlai Ngwi Ngwaang u tơt ktôk Rô-ma.
Di baak peh thlay knông sm'bưt Kênh Kaar Bơl Jơt Jơng lah baak lơh Brah Wêêng ri, lah Yaang gôq jưr n'hai dang kmheng lơ bơl bnih jơrnơ tu Jê-ru-sa-lem knông nar ryơơng Pram Rthôl n'hai ndih liêu troong, lơh jap juôn Phung Jrah pôl bơl nhi kan book Phung Jrah rlach pal ntil baak kươt chhuôr kơơi knông sm'bưt nei. Tơmbơh baak u baak jơ Koon Brah kươt tơmbơh rlach ơk baak chhuôr bơl jơt jơng ri, n'hai pal ntil baak kươt 'bian kơơi knông sm'bưt aan sau kmheng dang tơmbơh baak au ri knông kmlơt rêh bnih jơrnơ n'hai knông baak ta luum Phung Jrah ri.
Kôq dap
Baak riêp snap aan kaar lơh ndraanh (1:1-26)
Rmaanh ptut pơtiêng Brah Jê-sus ri (1:1-14)
Sach bnih jơt jơng jah tơh Ju-đa (1:15-26)
Baak lơh ndraanh tu Jê-ru-sa-lem (2:1 – 8:3)
Baak lơh ndraanh tu Ju-đê u Sa-ma-ri (8:4 – 12:25)
Kênh kaar jơt jơng Phao-lô ri (13:1 – 28:31)
Troong han chhuôr baak Brah ttal muôi (13:1 – 14:28)
Bơl lơh kaar Brah pơrgum tasrênh baak tu Jê-ru-sa-lem (15:1-35)
Troong han chhuôr baak Brah ttal baar (15:36 – 18:22)
Troong han chhuôr baak Brah ttal pei (18:23 – 21:16)
Phao-lô tu Jê-ru-sa-lem, Sê-sa-rê, u Rô-ma (21:17 – 28:31)
Valið núna:
Kênh Kaar Baak ptơơm bôôk: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar Baak ptơơm bôôk
Baak ptơơm bôôk
Kênh Kaar Bơl Jơt Jơng lah tơr bôh ndih nha sm'bưt Baak Sroong Klanh Lu-ka ri. Rơn êch tơơm sm'bưt au ri lah chhuôr kươi kaar bơl jơrnơ Brah Jê-sus ri, kươt têêk liêu đươm Brah Wêêng, tơmbơh Baak Sroong Klanh u Brah Đoh Kwaai Jê-sus “a poh Jê-ru-sa-lem, leq kwaal Ju-đê, poh Sa-ma-ri, aan tơt rlum play teh” (1:8). Au lah ndroong chhuôr bơl bnih jơ tênh Brah Jê-sus, bôôk daak luh a bơl bnih Jo Thai, rơơk raal mbơk, u but luh di baak jơrnơ aan leq u play teh. Nơơm 'bian kot tơmbơh srlah n'hai u bơl iat chuôl laah chưt jơrnơ bơl bnih tênh Brah Jê-sus 'bưn geh laa baak ta kaap laang u kan teh daak tơt sroong boong teh daak ttih La-ma ri (Rô-ma), dôh baak jơrnơ Koon Brah lah baak kươt ơơm sơp grơp baak jơ ndơm Jo Thai ri.
Sm'bưt Kênh Kaar Bơl Jơt Jơng geh cheq lơh pei bôh peh thlay, lah kươi buôt ngwuy yoot luh ơp kwaal pa a nei Baak Sroong Klanh u Brah Đoh Kwaai Jê-sus kươt tơmbơh chhuôr u bơl Phung Jrah kươt lơh ptơơm: (1) Baak ptơơm bôôk bnih jơ Brah a Jê-ru-sa-lem rlech kươi Brah Jê-sus Krist hao u trôôk; (2) Baak rơơk raal a thêêng ngwi ơp kwaal nday Pa-let-tin ri; (3) Baak a thêêng ngwi ngngai huôih u rlum play teh rlum Rmưt Rlai Ngwi Ngwaang u tơt ktôk Rô-ma.
Di baak peh thlay knông sm'bưt Kênh Kaar Bơl Jơt Jơng lah baak lơh Brah Wêêng ri, lah Yaang gôq jưr n'hai dang kmheng lơ bơl bnih jơrnơ tu Jê-ru-sa-lem knông nar ryơơng Pram Rthôl n'hai ndih liêu troong, lơh jap juôn Phung Jrah pôl bơl nhi kan book Phung Jrah rlach pal ntil baak kươt chhuôr kơơi knông sm'bưt nei. Tơmbơh baak u baak jơ Koon Brah kươt tơmbơh rlach ơk baak chhuôr bơl jơt jơng ri, n'hai pal ntil baak kươt 'bian kơơi knông sm'bưt aan sau kmheng dang tơmbơh baak au ri knông kmlơt rêh bnih jơrnơ n'hai knông baak ta luum Phung Jrah ri.
Kôq dap
Baak riêp snap aan kaar lơh ndraanh (1:1-26)
Rmaanh ptut pơtiêng Brah Jê-sus ri (1:1-14)
Sach bnih jơt jơng jah tơh Ju-đa (1:15-26)
Baak lơh ndraanh tu Jê-ru-sa-lem (2:1 – 8:3)
Baak lơh ndraanh tu Ju-đê u Sa-ma-ri (8:4 – 12:25)
Kênh kaar jơt jơng Phao-lô ri (13:1 – 28:31)
Troong han chhuôr baak Brah ttal muôi (13:1 – 14:28)
Bơl lơh kaar Brah pơrgum tasrênh baak tu Jê-ru-sa-lem (15:1-35)
Troong han chhuôr baak Brah ttal baar (15:36 – 18:22)
Troong han chhuôr baak Brah ttal pei (18:23 – 21:16)
Phao-lô tu Jê-ru-sa-lem, Sê-sa-rê, u Rô-ma (21:17 – 28:31)
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.