انجیلِ لوقا 9
9
عیسی دُوازَه رَسولَه بِسی ایکِنِه
1عیسی او دُوازَه شاگردَ دورِ یَک خواس وُ وَشون قدرت وِ اقتدار بَخشی تا دیوَلَه کِنِن وَدَر وِ مریضی‌یَلَه شفا بییِن؛ 2وِ اونگَلَه بِسی کِه تا پادشایی خدا نَه اعلام کِنِن وِ مریضَلَه شفا بییِن. 3وَشون گُت: «سی سفر چیئی نَوَگِریت، نه چودَسی، نه تُربَه، نه نون، نه پیل وِ نه جومِی اضافی. 4وَ هر حونه‌ای که رَتیت، تا موقِی که مِنِه او شهریت، مِنِه او حونَه وِیسیت. 5هَرجا که مردم ایشا نَه قبول نَکِردن، وَختی وَ شهرشون ای‌یِیت وَدَر، خِلِ او شهرَ هَم وَ پایَلِ خِتون بِتِکَنیت تا وَ ضِدِ اونگَل شهادتی بو، که غَضَبِ خدا ایا وَ ریشون.» 6پَ اُفتان وَ رَه، وَ یِه دهات ایرَتِن وَ دهاتی دَ وِ هر جا ایرَسییِن، خَوَرِ خَشِ پادشاییِ خدا نَه اعلام ایکِردِن وِ مریضَلَه شفا ایدان.
7وختی خَوَرِ تَمومِ ای اتّفاقَل رَسی وَ گوشِ هیرودیسِ حاکم، هیرودیس حیرون وِ پَریشون وابی، سی‌یِکِه یِه‌پاره‌ای ایگُتِن عیسی هَمو یحیی یَه که وَ مُردِه‌یَل زِندَه وابی‌یِه. 8یِه‌پاره‌ای دَ ایگُتِن ایلیایِ پِیغَمبَر ظهور کِردِه، وِ یِه‌پاره‌ای هم ایگُتِن یکی وَ پیغمبَرَلِ قدیمی زندَه وابی‌یِه. 9امّا هیرودیس گُت: «مِ خُوم سرِ یحیی نَه وَ بَیَنِش جیا کِردُم. پَ یِه کیَه که ای چییَلَه درمورِدِش ایشنِفُم؟» وِ هیرودیس وَ دینِ یِه بی که عیسی نَه بِوینِه.
غذا دایَن وَ پنج هزار نفر
10وختی رَسولَل وَرگَشتِن، هر چیئی که کِردَه بییِن سی عیسی تعریف کِردِن. اوسِه عیسی اونگَلَه بِی خُوش بُرد وَ شهری وَ نومِ بیت‌صِیدا تا وُچه تِنا بون. 11امّا وَختی مَردم باخَوَر وابی‌یِن وَ دینِشون اُفتان وَ رَه. عیسی هم اونگَلَه وَ گَرمی قبول کِه وِ باشون وَ پادشاییِ خدا گَپ زَه وِ کَسَلی نَه که مُتاج وَ درمون بییِن، شفا دا.
12تَنگِ پَسین، او دُوازَه رسول اومَن طِیش وِ گُتِن: «مردِمَه مرخص کُ تا بِرَن وَ آبایی‌یَل وِ زَمینَلِ دُورِبال وِ سی خِشون غذا وِ سرپَنِی بِجورِن، سی‌یِکِه وِیچِه جِیی دیراُفتادَه یَه.» 13عیسی وَشون گُت: «ایشا خِتون وَشون غذا بِئیت.» رسولَل گُتِن: «ایما غیرَ پنج نون وِ دِ ماهی چی نَیاریم، غیرَ یِکه بریم وِ سی تَمومِ ای مردم غذا بِسونیم.» 14وُچه حدود پنج هزار مِرد بی. عیسی وَ شاگردَلِش فرمایش کِه: «مردمَه بِنشونیت مِنِه دَسه‌یَلِ پنجا نفری.» 15شاگِردَل ای کارَ کِردِن وِ همهَ نَه نِشُندِن. 16اوسِه عیسی پنج نون وِ دِ ماهی نَه وَگِرُت، سیلَ آسمون کِه وِ اونگَلَه برکت دا. اوسِه نونَلَه تِکَه تِکَه کِه وِ دا وَ شاگردل تا بِنِن طِی مردم. 17پَ هَمَه خَردِن وِ سیر وابی‌یِن وِ دُوازَه سَلَه هم وَ خُردِه‌یَلِ باقی‌مُندَه جَم کِردِن.
اعتراف پطرس درمورد عیسی
18یِه رو که عیسی مِنه خَلفَت دعا ایکِه وِ تِنا شاگردَلِش باش بییِن. عیسی وَشون پُرسی: «مردم ایگُن مِ کی‌یَم؟» 19جواب دان: «یِه‌پاره‌ای ایگُن یحیِی تعمیددَهندَه یِی، یِه‌پاره‌ای دَ ایگُن ایلیایِ پیغَمبری، وِ یِه‌پاره‌ای هم تِنَه یکی وَ پیغمبَرَلِ قدیمی دونِن که زندَه وابی‌یِه.» 20عیسی وَشون پُرسی: «ایشا چه؟ ایشا مِنَه کی دونیت؟» پطرس جواب دا: «مسیحِ موعودِ خدا.»
21اوسِه عیسی وَشون قَدَقَن کِه وِ دستور دا یِنَه وَ هیشکَه نَگُن 22وِ گُت: «ایبایِس کِرِ انسان مَهلی عذاب بِکَشه وِ شیخَلِ یهود وِ کاهنلِ گپو وِ معلملِ تورات رَدِش کِنِن وِ کشتَه وابو وِ مِنِه روزِ سوم زِندَه وابو.»
صلیبِ خِتَه وَگِه
23اوسِه عیسی وَ هَمَه فرمایش کِه: «اَر کسی بِخوا مِنَه پیروی کِنِه، باید وَ خُوش بِگذَرِه، هر رو صلیبِ خِشَه وَگِرِه وُ وَ دینِ مِ بیا. 24سی‌یِکِه هرکه بِخوا جونِ خِشَه نجات بییِه، وِه نَه وَ دَس اییِه؛ امّا هرکه وَ خاطرِ مِ جونِشَه وَ دَس بییِه، وِه نَه نجات اییِه. 25فِیدَش سی آیَم چِنِه که تمومیِ دنیا نَه وَ دَس بیارِه، امّا جون خِشَه وَ دَس بییِه یا وِه نَه حروم کِنِه. 26سی‌یِکِه هرکه وَ مِ وِ گَپَلُم عار داشتَه بو، کِرِ انسان هم اوسِه که منِه جلالِ خُوش وِ جلالِ بُو وِ فرشته‌یَلِ مقدّس بیا، وَش عار داره. 27وَراسی، وَ ایشا ایگُم یِه‌پاره‌ای وَ کَسَلی که وِیچِه وِیسانِه، تا پادشاییِ خدا نَه نَبینِن، طومِ مرگَه مِزَه نیکِنِن.»
عَوض وابی‌یَن سیمِی عیسی
28هشت رو بعدَ ای گَپَل، عیسی پطرس وِ یوحنا وِ یعقوبَ وَگِرُت وِ رَت بالِی کُویی تا دعا کِنِه. 29مِنِه همو حالی که دعا ایکِه، سیماش عوض وابی وِ جومَش سَفی وِ نورانی وابی. 30یِه دَفَه دِتا مِرد، موسی وِ ایلیا، ظاهر وابی‌یِن وِ بِی عیسی صُبَت ایکِردِن. 31موسی وِ ایلیا مِنِه جلال ظاهر وابی‌یِن وِ درمورد آزادیِ آیَمَل که باید بِی مرگِ عیسی وَ هَمی زیئی مِنِه اورشلیم اتّفاق اییُفتا گَپ ایزَن. 32هَموسِه پطرس وِ هُمرَیَلِشَه خو سنگینی گِرُتَه بی، امّا وختی دیار وابی‌یِن وُ وَ حوشِشون اومَن، جلال عیسی نَه دییِن وِ او دِتا مِردی نَه که وِیسایَه بییِن طِیش. 33موقی که او دِ نفر وَ طی عیسی ایرَتِن، پطرس وَ عیسی گُت: «استاد، وِیچِه بییَنِ ایما خوبِه! بِل سه تا کَپَر بسازیم، یکی سی تو، یکی سی موسی وِ یکی هم سی ایلیا.» پطرس نُونِس چه ایگُ. 34ای گَپ هَنی سرِ زُوونِ پطرس بی که اُوری اومَه وِ ریشون سایَه بِس. وختی اُور اونگَلَه مِنِه خُوش گِرُت، هراسون وابی‌یِن. 35اوسِه صییِی وَ اُور رَسی که گُت: «یِه کِرِ مِنِه که وِّ نَه انتخاب کِردِمه؛ وَش گوش کِنیت!» 36وختی او صیا تموم وابی، عیسی نه تِنا دییِن. شاگردل ای جریانَه طِی خِشون نِگَه کِردِن، وِ مِنِه او زمون وَ اوچیئی که دییَه بییِن وَ کسی چیئی نَگُتِن.
شَفِی کِرِ دیوزَیَه
37صَباش، وختی وَ کُو اومَن دومِن، جمعیتِ زیادی رَتِن وَ دییَنِ عیسی. 38یِه دَفَه مِردی وَ مِلِی جمعیت قیرَه زَه: «استاد، وَ تِ التماس ایکِنُم گوشَه نظری بندازی وَ کِرُم، سی‌یِکِه تِنا بَچِی مِنِه. 39روحی یِه دَفَه وِّ نَه ایگِرِه وُ وِّ دَرجا قیرَه ایزَنِه وِ بَیَنش ایدَکِه، طوری که دِهونش کف ایکِنِه. ای روح مِنِه یَک خُرد وُ خَمیرِش ایکِنِه وُ وَ زور وَش جیا ایابو. 40وَ شاگردَلِت التماس کِردُم که او روحَه وَش دَرارِن، امّا نَتَرِسِن.» 41عیسی جواب دا: «ای نسل بی‌ایمون وُ منحرف، تا وَ کِی باتون بُوم وِ تَحمِلِتون کِنُم؟ کِرِتَه بیار وِیچو.» 42هموسِه که کِر ایومَه، دیو زَش وَ زمین وِ اِنداختِش وَ دَکِسَن. امّا عیسی وَ او روحِ ناپاک نَهیب زَه وِ کِرَ شفا دا وِ داش وَ دَسِ بُوش. 43تَمومِ مردم وَ گَپویی خدا مِنِه حیرت بییِن.
مِنِه هَمو حال که همه وَ کارَل عیسی حیرت‌زَیَه بییِن، عیسی وَ شاگردلِش گُت: 44«وَ اوچیئی که ایخوام وَ ایشا بگُم خوب گوش کنیت: کِرِ انسان وَ دَسِ مردم تسلیم ایابو.» 45امّا شاگِردَل منظورِشَه نَفَمِسِن؛ بَلکَم وَشون پَنون مُند تا نَفَمِنِش؛ وِ زَلَشون ایرَت درموردِش پُرسَش کِنِن.
کی وَ هَمَه گَوتَرِه؟
46یِه رو مابینِ شاگردل بحث وابی که، کُویکی وَ اونگَل وَ هَمَه گَوتَرِه. 47عیسی که دونِس مِنِه دِلِشون چه فِکری دارِن، بَچَه‌ای نَه وَگِرُت وِ نَها طی خُوش 48وُ وَشون گُت: «هرکه ای بَچَه نَه وَ نومِ مِ قبول کِنِه، مِنَه قبول کِردِه؛ وِ هرکه مِنَه قبول کِنِه، او کسی نَه که مِنَه بِسی کِردِه قبول کِردِه. سی‌یِکِه مِلِی ایشا او کس گَپوتَره که وَ همه کِچِلوتَر بو.»
49یوحنا گُت: «استاد، کسی نَه دیئیم که وَ نومِ تِ دیوَلَه ایکِه وَدَر، امّا سی‌یِکِه وَ ایما نَبی، وِّ نَه نَلِشتیم.» 50عیسی وَش گُت: «بِلینِش، سی‌یِکِه هرکه وَ ضد ایشا نی، بِی ایشانِه.»
51وختی که موقِی بالا بُردنِ عیسی وَ آسمون نِزِنگ ایابی، وِّ تصمیم گِرُت بِرَه وَ اورشلیم. 52پَ چَن نَفَرَ نِهِی خُوش بِسی کِه، اونگَل رَتِن وَ دهاتی مِنِه دیارِ سامری‌یَل تا سیش تدارک بینِن. 53امّا مردمِ وُچه عیسی نه قبول نکردن، سی‌یِکِه ایخواس بِرَه وَ اورشلیم. 54وختی شاگردلِ عیسی، یعقوب وِ یوحنا، یِنَه دییِن، گُتِن: «ای آقا، مَه ایخِی بگِیم تَش وَ آسمون بویارِه وِ هَمَشونَه خُل کِنِه، هموطو که ایلیایِ پِیغمبر کِه؟» 55امّا عیسی ریشَه وَرگَردَنا، نَهیبِشون دا وِ گُت: «ایشا نُونیت وَ کو روحیت! 56سی‌یِکِه، کِرِ انسان نیومَیِه تا جونِ مردمَه بِسونِه بلکَم تا نجات بییِه.» اوسِه رَتِن وَ دهاتی دَ.
بَهِی پیروی وَ عیسی
57مِنِه قدِ رَه، یکی وَ عیسی گُت: «هر جا بِرِی، وَ دینِت ایام.» 58عیسی جواب دا: «رواَیَل کِر دارِن وِ باهِندِه‌یَلِ آسمون چال دارِن، امّا سی کِرِ انسان جِی سر نَهایَن نی.» 59عیسی وَ یکی دَ گُت: «وَ دینِ مِ بیو.» امّا وِّ جواب دا: «ای آقا، بِل اَوَل بِرَم وِ بعدَ نِگَه کِردَن وِ مُردنِ بُوم وِّ نَه کِنُم زِرِ گِل، اوسِه وَ دینِ تِ بیام.» 60عیسی وَش گُت: «بِل تا مُردِه‌یَل، مُردِه‌یَلِ خِشونَه کِنِن زِرِ گِل؛ تِ بِرَه وِ پادشایی خدا نَه اعلام کُ.» 61یِکیدَه گُت: «ای آقا، مِ وَ دینِت ایام، امّا اَوَل اجازَه بییِه تا وَرگَردُم وِ بِی اَهلِ‌اَیالُم خدافِظی کِنُم.» 62عیسی وَش گُت: «کسی که موقِی شخم زَیَن، وَرگَردِه سِیلَ واپَس کِنِه، لایق پادشایی خدا نی.»
Valið núna:
انجیلِ لوقا 9: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ لوقا 9
9
عیسی دُوازَه رَسولَه بِسی ایکِنِه
1عیسی او دُوازَه شاگردَ دورِ یَک خواس وُ وَشون قدرت وِ اقتدار بَخشی تا دیوَلَه کِنِن وَدَر وِ مریضی‌یَلَه شفا بییِن؛ 2وِ اونگَلَه بِسی کِه تا پادشایی خدا نَه اعلام کِنِن وِ مریضَلَه شفا بییِن. 3وَشون گُت: «سی سفر چیئی نَوَگِریت، نه چودَسی، نه تُربَه، نه نون، نه پیل وِ نه جومِی اضافی. 4وَ هر حونه‌ای که رَتیت، تا موقِی که مِنِه او شهریت، مِنِه او حونَه وِیسیت. 5هَرجا که مردم ایشا نَه قبول نَکِردن، وَختی وَ شهرشون ای‌یِیت وَدَر، خِلِ او شهرَ هَم وَ پایَلِ خِتون بِتِکَنیت تا وَ ضِدِ اونگَل شهادتی بو، که غَضَبِ خدا ایا وَ ریشون.» 6پَ اُفتان وَ رَه، وَ یِه دهات ایرَتِن وَ دهاتی دَ وِ هر جا ایرَسییِن، خَوَرِ خَشِ پادشاییِ خدا نَه اعلام ایکِردِن وِ مریضَلَه شفا ایدان.
7وختی خَوَرِ تَمومِ ای اتّفاقَل رَسی وَ گوشِ هیرودیسِ حاکم، هیرودیس حیرون وِ پَریشون وابی، سی‌یِکِه یِه‌پاره‌ای ایگُتِن عیسی هَمو یحیی یَه که وَ مُردِه‌یَل زِندَه وابی‌یِه. 8یِه‌پاره‌ای دَ ایگُتِن ایلیایِ پِیغَمبَر ظهور کِردِه، وِ یِه‌پاره‌ای هم ایگُتِن یکی وَ پیغمبَرَلِ قدیمی زندَه وابی‌یِه. 9امّا هیرودیس گُت: «مِ خُوم سرِ یحیی نَه وَ بَیَنِش جیا کِردُم. پَ یِه کیَه که ای چییَلَه درمورِدِش ایشنِفُم؟» وِ هیرودیس وَ دینِ یِه بی که عیسی نَه بِوینِه.
غذا دایَن وَ پنج هزار نفر
10وختی رَسولَل وَرگَشتِن، هر چیئی که کِردَه بییِن سی عیسی تعریف کِردِن. اوسِه عیسی اونگَلَه بِی خُوش بُرد وَ شهری وَ نومِ بیت‌صِیدا تا وُچه تِنا بون. 11امّا وَختی مَردم باخَوَر وابی‌یِن وَ دینِشون اُفتان وَ رَه. عیسی هم اونگَلَه وَ گَرمی قبول کِه وِ باشون وَ پادشاییِ خدا گَپ زَه وِ کَسَلی نَه که مُتاج وَ درمون بییِن، شفا دا.
12تَنگِ پَسین، او دُوازَه رسول اومَن طِیش وِ گُتِن: «مردِمَه مرخص کُ تا بِرَن وَ آبایی‌یَل وِ زَمینَلِ دُورِبال وِ سی خِشون غذا وِ سرپَنِی بِجورِن، سی‌یِکِه وِیچِه جِیی دیراُفتادَه یَه.» 13عیسی وَشون گُت: «ایشا خِتون وَشون غذا بِئیت.» رسولَل گُتِن: «ایما غیرَ پنج نون وِ دِ ماهی چی نَیاریم، غیرَ یِکه بریم وِ سی تَمومِ ای مردم غذا بِسونیم.» 14وُچه حدود پنج هزار مِرد بی. عیسی وَ شاگردَلِش فرمایش کِه: «مردمَه بِنشونیت مِنِه دَسه‌یَلِ پنجا نفری.» 15شاگِردَل ای کارَ کِردِن وِ همهَ نَه نِشُندِن. 16اوسِه عیسی پنج نون وِ دِ ماهی نَه وَگِرُت، سیلَ آسمون کِه وِ اونگَلَه برکت دا. اوسِه نونَلَه تِکَه تِکَه کِه وِ دا وَ شاگردل تا بِنِن طِی مردم. 17پَ هَمَه خَردِن وِ سیر وابی‌یِن وِ دُوازَه سَلَه هم وَ خُردِه‌یَلِ باقی‌مُندَه جَم کِردِن.
اعتراف پطرس درمورد عیسی
18یِه رو که عیسی مِنه خَلفَت دعا ایکِه وِ تِنا شاگردَلِش باش بییِن. عیسی وَشون پُرسی: «مردم ایگُن مِ کی‌یَم؟» 19جواب دان: «یِه‌پاره‌ای ایگُن یحیِی تعمیددَهندَه یِی، یِه‌پاره‌ای دَ ایگُن ایلیایِ پیغَمبری، وِ یِه‌پاره‌ای هم تِنَه یکی وَ پیغمبَرَلِ قدیمی دونِن که زندَه وابی‌یِه.» 20عیسی وَشون پُرسی: «ایشا چه؟ ایشا مِنَه کی دونیت؟» پطرس جواب دا: «مسیحِ موعودِ خدا.»
21اوسِه عیسی وَشون قَدَقَن کِه وِ دستور دا یِنَه وَ هیشکَه نَگُن 22وِ گُت: «ایبایِس کِرِ انسان مَهلی عذاب بِکَشه وِ شیخَلِ یهود وِ کاهنلِ گپو وِ معلملِ تورات رَدِش کِنِن وِ کشتَه وابو وِ مِنِه روزِ سوم زِندَه وابو.»
صلیبِ خِتَه وَگِه
23اوسِه عیسی وَ هَمَه فرمایش کِه: «اَر کسی بِخوا مِنَه پیروی کِنِه، باید وَ خُوش بِگذَرِه، هر رو صلیبِ خِشَه وَگِرِه وُ وَ دینِ مِ بیا. 24سی‌یِکِه هرکه بِخوا جونِ خِشَه نجات بییِه، وِه نَه وَ دَس اییِه؛ امّا هرکه وَ خاطرِ مِ جونِشَه وَ دَس بییِه، وِه نَه نجات اییِه. 25فِیدَش سی آیَم چِنِه که تمومیِ دنیا نَه وَ دَس بیارِه، امّا جون خِشَه وَ دَس بییِه یا وِه نَه حروم کِنِه. 26سی‌یِکِه هرکه وَ مِ وِ گَپَلُم عار داشتَه بو، کِرِ انسان هم اوسِه که منِه جلالِ خُوش وِ جلالِ بُو وِ فرشته‌یَلِ مقدّس بیا، وَش عار داره. 27وَراسی، وَ ایشا ایگُم یِه‌پاره‌ای وَ کَسَلی که وِیچِه وِیسانِه، تا پادشاییِ خدا نَه نَبینِن، طومِ مرگَه مِزَه نیکِنِن.»
عَوض وابی‌یَن سیمِی عیسی
28هشت رو بعدَ ای گَپَل، عیسی پطرس وِ یوحنا وِ یعقوبَ وَگِرُت وِ رَت بالِی کُویی تا دعا کِنِه. 29مِنِه همو حالی که دعا ایکِه، سیماش عوض وابی وِ جومَش سَفی وِ نورانی وابی. 30یِه دَفَه دِتا مِرد، موسی وِ ایلیا، ظاهر وابی‌یِن وِ بِی عیسی صُبَت ایکِردِن. 31موسی وِ ایلیا مِنِه جلال ظاهر وابی‌یِن وِ درمورد آزادیِ آیَمَل که باید بِی مرگِ عیسی وَ هَمی زیئی مِنِه اورشلیم اتّفاق اییُفتا گَپ ایزَن. 32هَموسِه پطرس وِ هُمرَیَلِشَه خو سنگینی گِرُتَه بی، امّا وختی دیار وابی‌یِن وُ وَ حوشِشون اومَن، جلال عیسی نَه دییِن وِ او دِتا مِردی نَه که وِیسایَه بییِن طِیش. 33موقی که او دِ نفر وَ طی عیسی ایرَتِن، پطرس وَ عیسی گُت: «استاد، وِیچِه بییَنِ ایما خوبِه! بِل سه تا کَپَر بسازیم، یکی سی تو، یکی سی موسی وِ یکی هم سی ایلیا.» پطرس نُونِس چه ایگُ. 34ای گَپ هَنی سرِ زُوونِ پطرس بی که اُوری اومَه وِ ریشون سایَه بِس. وختی اُور اونگَلَه مِنِه خُوش گِرُت، هراسون وابی‌یِن. 35اوسِه صییِی وَ اُور رَسی که گُت: «یِه کِرِ مِنِه که وِّ نَه انتخاب کِردِمه؛ وَش گوش کِنیت!» 36وختی او صیا تموم وابی، عیسی نه تِنا دییِن. شاگردل ای جریانَه طِی خِشون نِگَه کِردِن، وِ مِنِه او زمون وَ اوچیئی که دییَه بییِن وَ کسی چیئی نَگُتِن.
شَفِی کِرِ دیوزَیَه
37صَباش، وختی وَ کُو اومَن دومِن، جمعیتِ زیادی رَتِن وَ دییَنِ عیسی. 38یِه دَفَه مِردی وَ مِلِی جمعیت قیرَه زَه: «استاد، وَ تِ التماس ایکِنُم گوشَه نظری بندازی وَ کِرُم، سی‌یِکِه تِنا بَچِی مِنِه. 39روحی یِه دَفَه وِّ نَه ایگِرِه وُ وِّ دَرجا قیرَه ایزَنِه وِ بَیَنش ایدَکِه، طوری که دِهونش کف ایکِنِه. ای روح مِنِه یَک خُرد وُ خَمیرِش ایکِنِه وُ وَ زور وَش جیا ایابو. 40وَ شاگردَلِت التماس کِردُم که او روحَه وَش دَرارِن، امّا نَتَرِسِن.» 41عیسی جواب دا: «ای نسل بی‌ایمون وُ منحرف، تا وَ کِی باتون بُوم وِ تَحمِلِتون کِنُم؟ کِرِتَه بیار وِیچو.» 42هموسِه که کِر ایومَه، دیو زَش وَ زمین وِ اِنداختِش وَ دَکِسَن. امّا عیسی وَ او روحِ ناپاک نَهیب زَه وِ کِرَ شفا دا وِ داش وَ دَسِ بُوش. 43تَمومِ مردم وَ گَپویی خدا مِنِه حیرت بییِن.
مِنِه هَمو حال که همه وَ کارَل عیسی حیرت‌زَیَه بییِن، عیسی وَ شاگردلِش گُت: 44«وَ اوچیئی که ایخوام وَ ایشا بگُم خوب گوش کنیت: کِرِ انسان وَ دَسِ مردم تسلیم ایابو.» 45امّا شاگِردَل منظورِشَه نَفَمِسِن؛ بَلکَم وَشون پَنون مُند تا نَفَمِنِش؛ وِ زَلَشون ایرَت درموردِش پُرسَش کِنِن.
کی وَ هَمَه گَوتَرِه؟
46یِه رو مابینِ شاگردل بحث وابی که، کُویکی وَ اونگَل وَ هَمَه گَوتَرِه. 47عیسی که دونِس مِنِه دِلِشون چه فِکری دارِن، بَچَه‌ای نَه وَگِرُت وِ نَها طی خُوش 48وُ وَشون گُت: «هرکه ای بَچَه نَه وَ نومِ مِ قبول کِنِه، مِنَه قبول کِردِه؛ وِ هرکه مِنَه قبول کِنِه، او کسی نَه که مِنَه بِسی کِردِه قبول کِردِه. سی‌یِکِه مِلِی ایشا او کس گَپوتَره که وَ همه کِچِلوتَر بو.»
49یوحنا گُت: «استاد، کسی نَه دیئیم که وَ نومِ تِ دیوَلَه ایکِه وَدَر، امّا سی‌یِکِه وَ ایما نَبی، وِّ نَه نَلِشتیم.» 50عیسی وَش گُت: «بِلینِش، سی‌یِکِه هرکه وَ ضد ایشا نی، بِی ایشانِه.»
51وختی که موقِی بالا بُردنِ عیسی وَ آسمون نِزِنگ ایابی، وِّ تصمیم گِرُت بِرَه وَ اورشلیم. 52پَ چَن نَفَرَ نِهِی خُوش بِسی کِه، اونگَل رَتِن وَ دهاتی مِنِه دیارِ سامری‌یَل تا سیش تدارک بینِن. 53امّا مردمِ وُچه عیسی نه قبول نکردن، سی‌یِکِه ایخواس بِرَه وَ اورشلیم. 54وختی شاگردلِ عیسی، یعقوب وِ یوحنا، یِنَه دییِن، گُتِن: «ای آقا، مَه ایخِی بگِیم تَش وَ آسمون بویارِه وِ هَمَشونَه خُل کِنِه، هموطو که ایلیایِ پِیغمبر کِه؟» 55امّا عیسی ریشَه وَرگَردَنا، نَهیبِشون دا وِ گُت: «ایشا نُونیت وَ کو روحیت! 56سی‌یِکِه، کِرِ انسان نیومَیِه تا جونِ مردمَه بِسونِه بلکَم تا نجات بییِه.» اوسِه رَتِن وَ دهاتی دَ.
بَهِی پیروی وَ عیسی
57مِنِه قدِ رَه، یکی وَ عیسی گُت: «هر جا بِرِی، وَ دینِت ایام.» 58عیسی جواب دا: «رواَیَل کِر دارِن وِ باهِندِه‌یَلِ آسمون چال دارِن، امّا سی کِرِ انسان جِی سر نَهایَن نی.» 59عیسی وَ یکی دَ گُت: «وَ دینِ مِ بیو.» امّا وِّ جواب دا: «ای آقا، بِل اَوَل بِرَم وِ بعدَ نِگَه کِردَن وِ مُردنِ بُوم وِّ نَه کِنُم زِرِ گِل، اوسِه وَ دینِ تِ بیام.» 60عیسی وَش گُت: «بِل تا مُردِه‌یَل، مُردِه‌یَلِ خِشونَه کِنِن زِرِ گِل؛ تِ بِرَه وِ پادشایی خدا نَه اعلام کُ.» 61یِکیدَه گُت: «ای آقا، مِ وَ دینِت ایام، امّا اَوَل اجازَه بییِه تا وَرگَردُم وِ بِی اَهلِ‌اَیالُم خدافِظی کِنُم.» 62عیسی وَش گُت: «کسی که موقِی شخم زَیَن، وَرگَردِه سِیلَ واپَس کِنِه، لایق پادشایی خدا نی.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company