Matthew 13
13
1အဲနေ့မှာဘဲ့ ကိုယ်တော်ယေရှုဟ အီဟနေထွက်လာပီး ဂါလိလဲရေအိုင်ကမ်းဇပ်မှာ ထိုင်လေရယ်။ 2လူထုပရိသတ်များဂီးဟ ကိုယ်တော်ဆီဝို စုဝေးလာဂေ့ရိတွက် ကိုယ်တော်ဟ လှေပေါ်ဝို တက်ပီးထိုင်တော်မူလေရယ်။ လူထုဟလောဝါ ကမ်းဇပ်မှာရပ်နေဂေ့လေရယ်။ 3အဲခါမှာ ကိုယ်တော်ဟ ကြောရာများဂီးဝို ပုံဥပမာဒွေန လူထုပရိသတ်ဝို ဟောပြောသွန်သန်လေရယ်။ ကိုယ်တော်ဟ "လယ်သမားတယော့ မျိုးကြဲဝို့ သူ့လယ်ထဲဝို ထွက်ရားလေရယ်။ 4လယ်သမားဟ မျိုးကြဲလိုက်ဝိုခါမှာ ချို့မျိုးဇေ့ဒွေဟ လူသွားလမ်းပေါ်ဝို ကလရိတွက် ငှက်ဒွေဟလာပီး ကော့စားဂေ့လေရယ်။ 5ချို့မျိုးဇေ့ဒွေဟ မလေနဲငယ်ဘဲ့ရှေ့ဝို ကလော့ခံမလေပေါ်ဝို ကလရားဂေ့ပီး အဲမိုမျိုးဇေ့ဒွေဟ ပါးလွှာဝို မြေဆီလွှာဂျော့ ချင့်ချင်းဘဲ့ ညှော့ဒွေထွက်လာဂေ့လေရယ်။ 6အယ်ဘေမဲ့ နေဗြင့်လာဝိုခါမှာ နေလော်ဒဏ်ဂျော့ ညှိုးနွမ်းခြော့သွေ့ရားလေရယ်။ ဟဲဂျော့ဆိုဝါ အဲမိုမျိုးဇေ့ဒွေဟ မလေဆီလွှာပါးရိ မလစ်တွယ်နိုင်ဘဲဂျော့ဖြစ်ရယ်။ 7ချို့မျိုးဇေ့ဒွေဟ ဆူးခြုံပံဒွေရှေ့ဝိုနေရာဝို ကလရားဂေ့ပြီး အဲမိုဆူးခြုံပံဒွေ ကီးလာဝိုခါမှာ သူ့နို့ဝို ကာဆီးပိဆို့ဂေ့လေရယ်။ 8ချို့မျိုးဇေ့ဒွေဟ မလေဆီလွှာကောဝိုနေရာဝို ကလရော့ရိတွက် ပံပေါ့လာပီး ချို့ဟ ဆတရာ၊ ချို့ဟ ဆခြော့ဆယ်၊ ချို့ဟ ဆသုံးဆယ်သီးဒွေ ဖြစ်ထွန်းလာလေရယ်။ 9 နားရှေ့ရိကြားနိုင်သူဒွေ ကြားနိုင်ဂေ့ပါစေ" ဆိုပီး မိတော်မူလေရယ်။ 10အဲနော့ ဗြိတော်ဒွေဟ ကိုယ်တော်ဆီဝိုလာပီး "ကိုယ်တော်ဟ လူဒွေဝို ဟောပြောဝိုခါမှာ ဟဲဂျော့ ပုံဥပမာဒွေန ဟောပြောရပါနူး" ဆိုပီး မေးဂေ့လေရယ်။ 11အဲခါ ကိုယ်တော်ဟ"နန်းနို့ဝို ရွှေဗြို့တော်ရဲ့သာသနာတော်ရဲ့ လျှို့ဝှက်ချင့်ဒွေဝို သိခွမ့်ပေးရားဘေမဲ့ သူ့နို့ဝိုလောဝါ ပေးရားရ။ 12ငါဟောပြောဇာဒွေဝို သေချာစဉ်းစားပြီး နားလည်ဝိုသူဒွေဝို ဘုရားရှင်ဟ သူ့နို့ဝို ပိုနားလည်အော်လုပ်ပေးလိမယ်။ အယ်ဘေမဲ့ ငါဟောပြောဇာဒွေဝို သေသေချာချာစဉ်းစားဘဲဝိုသူဒွေဟ သူ့နို့သိရားဝိုဇာဒွေဂိုမှ မေ့သွားစေလိမယ်။ 13အဲဂျော့ ငါဟ သူ့နို့ဝို ပုံဥပမာဒွေန ဟောပြောရဇာဖြစ်ရယ်။ ဟဲဂျော့ဆိုဝါ သူ့နို့ဟ ကေ့ဘေမဲ့လဲ ဗြင်နိုင်ရ၊ ကြားဘေမဲ့လဲ နားမလည်နိုင်ဂေ့ဘဲရိဖြစ်ရယ်။ 14အဲမိုလူဒွေ ပြုမူဝိုဇာဒွေဟ ပရောဖက်ဟေရှာယဟနေတဆင့် ဘုရားရှင်ဟောကြားရစ်ဝိုဇာဒွေဟ ပလဲ့ဇုံမှန်ကန်ဝို့ဖြစ်လာရယ်။ အဲမိုဟောပြောချင့်ဟ "ငါပြောဝိုဂါးဝို ကြားရဘေမဲ့ နန်းနို့နားမလည်ဂေ့ရ။ ငါပြုမူဝိုရာဒွေဝို နန်းနို့ဗြင်ဂေ့ဘေမဲ့ ဒိမူမိမယ်မုဝ။ 15ဟဲဂျော့ဆိုဝါ လူဒွေရဲ့စိနှလုံးဟ လေးလံထူထိုင်းပီး နားဟလဲမကြား၊ မျစ်စိဟလဲဗြင်ပဲရိဖြစ်ရယ်။ အဲမျိုးမုဘဲန ငါလုပ်ပြဝိုဇာဒွေဝို ရိမိပြီး ငါပြောသမျှဝိုကြားနိုင်ပီး ပြစ်ရှေ့ရာဟနေ ရှော်ထွက်ရားပြီး ငါ့ဖက်ဝိုလှည့်လာမယ်ဆိုဝါ သူ့နို့ရဲ့ပြစ်တရားဒွေဂူလုံးဟနေ ငါကယ်တံမယ်ဖြစ်ရယ်။" ဆိုပီး ဖြစ်ရယ်။ 16အဲခါ ကိုယ်တော်ယေရှုဟ ဗြိတော်ဒွေဝို မိတော်မူဝိုဇာဟ "အယ်ဘေမဲ့ နန်းနို့တွက်ကလလောဝါ မျစ်လုံးဒွေဟ ဗြင်နိုင်ပြီး နားဒွေလည်း ကြားနိုင်ရိတွက် မြင်ဂလာရှေ့ပေရယ်။ 17နန်းနို့ဝို ငါမှန်ပြောရမယ်ဆိုဝါ ပရောဖက်ဒွေ န ဖြော့မတ်မှန်ကန်ဝိုသူဒွေများဂီးဟ နန်းနို့ဗြင်ရဝိုဇာဒွေဝို ဗြင်ရှင်ဂေ့ဘေမဲ့ ဗြင်နိုင်ဘဲဝိုမျိုး နန်းနို့ကြားနေရဝိုဇာဒွေဝို ကြားရှင်ဂေ့ဘေမဲ့လည်း ကြားနိုင်ခဲ့ဂေ့ရ။ 18အဲဂျော့ အယ်မိုလယ်သမားပုံဥပမာရဲ့ ဆိုလိုရင်းဝို နားထော်ဂေ့လော့။ 19ဟယ်သူမဆို ဘုရားရှင်ရဲ့သာသနာတော်ကြောဝို ကြားသိရဘေမဲ့လည်း အဲမိုရာဒွေဝို နားမလည်နိုင်ဖြစ်နေဂေ့ပြီး မာရ်နတ်ဟလဲ လာရော့ပီး သူ့နို့ရဲ့စိနှလုံးထဲမှာ ကြားသိရားဝိုဇာဒွေဝို လုယူဝါးလေရယ်။ လူသွားလမ်းပေါ်ဝို ကလဝိုမျိုးဇေ့ဒွေရဲ့ ဓိပ္ပာယ်ဟ အဲမိုဇာဝို ဆိုလိုဇာဖြစ်ရယ်။ 20ကလော့ခံမလေပေါ်ဝို ကလရော့ပီး ပေါ့လာဝို ပံဆိုဇာဟ ရားတော်ဝိုကြားနာရရိ ဝမ်းမြော့စွာန ချင့်ခြင်းလက်ခံဝိုလူဝို ဆိုလိုရယ်။ 21အယ်ဘေမဲ့ မလစ်ဒွေစွဲကပ်နိုင်ဘဲရိတွက်ဂျော့ ရှစ်သားဘဲ့ ရှင်သန်နိုင်ပြီး သူ့နို့ဟ နှိစစ်ညှင်းပန်းမှုဒွေန ကြုံတွီ့လာရဝိုခါမှာ စိပျစ်ပြီး သူ့နို့ရဲ့ယုံကြည်မှုဒွေဝို ချင့်ချင်းစွန့်လွှတ်လိုက်ဂေ့လေရယ်။ 22ဆူးခြုံပံဒွေဂျားထဲဝိုကလဝို မျိုးဇေ့ဒွေရဲ့ဓိပ္ပာယ်ဟ ဟယ်သူမဆို ဘုရားရှင်သာသနာတော်ကြော ကြားသိဂေ့ရဘေမဲ့ နေ့စဉ်ဘဝနေထိုင်ရေးတွက် စိုးရီပူပန်ခြင်းန လောကီစည်းစိမ်ဒွေဝို လိုရှင်တပ်မက်ဝို လောဘဒွေဟ ကြားသိရားဝိုကြောရာဒွေဝို ပိဆို့လိုက်ရိတွက် သီးမသီး နိုင်ဘဲဝိုပံမျိုး ဖြစ်သွားဂေ့ဇာဝို ဆိုလိုဇာဖြစ်ရယ်။ 23မလေဩဇာကောဝို မလေဆီလွှာပေါ်မှာ ကလဝိုမျိုးဇေ့ဒွေဟ သာသနာတော်ကြောဝို ကြားနိုင်၊သိနိုင်၊နားလည်နိုင်ပြီး အဲမိုသီးပွမ့်ဒွေဝို ဆပေါတစ်ရာ၊ ခြော့ဆယ်၊ သုံးဆယ်မက ပွားနိုင်သူဒွေနတူရယ်။ 24အဲနော့ ကိုယ်တော်ယေရှုဟ ခြားပုံဥပမာတစ်ခုန မိတော်မူဇာဟ "ရွှေဗြို့တော်ရဲ့သာသနာတော်ဆိုဇာဟ ကိုယ့်လယ်မှာ ကောဝိုဘားမျိုးဇေ့ဝိုကြဲဝို့ စေလွှတ်လိုက်ဝို မလေပိုင်ရှင်နတူရယ်။ 25အယ်ဘေမဲ့ အဲမိုလယ်သမားနသူ့စေခံဒွေ အိပျော်နေဝိုခီမှာ သူ့ရန်သူဟ သူ့လယ်ထဲဝိုလာပီး ဗြစ်ပံမျိုးဇေ့ဒွေဝို ဂျုံဇေ့ဒွေပေါ်မှာကြဲပြီး ထွက်ရားလေရယ်။ 26ပံဒွေပေါ့လာဂေ့ပီး သီးနှံဒွေထွက်လာဝိုခါမှာ၊ ဗြစ်ပံဒွေဟလဲ ပေါ်လာလေရယ်။ 27အဲခါ စေခံခေါဆော်ဟ ပိုင်ရှင်လယ်သမားဆီဝိုလာပီး 'သခင်၊ သခင်ရဲ့လယ်ထဲမှာ ကောမွန်ဝိုမျိုးဇေ့ဒွေဝိုကြဲခဲ့ရယ်မုဝလော။ အဲမျိုးဆိုဝါ သခင်ရဲ့လယ်ထဲမှာ ဗြစ်ပံများဂီး ဟဲဖြစ်ရိပေါ့လာဂေ့နူး" ဆိုပီး မေးလေရယ်။ 28အဲနော့ လယ်သမားဟလည်း 'အဲမိုဇာဝို ရန်သူချို့လုပ်ဆော်သွားဇာဖြစ်ရယ်' ဟု ပြောလေရယ်။ အဲခါ စေခံဟ 'သခင်၊ ကျနော်ဒို့ဝို အဲမိုဗြစ်ပံဒွေဝိုသွားပီး ဖယ်ရှားပေးစေရှင်ပါလော' ဆိုပီး မေးလေရယ်။ 29အယ်ဘေမဲ့ လယ်သမားဟ 'အဲမိုမျိုးပြုလုပ်န။ နန်းနို့ ဗြစ်ပံဒွေဝိုဆွဲယူနှုနေခီ ဂျုံပံဒွေဝိုပါရောနှောပီး မလစ်ဟနေ ဆွဲနှုမိလိမယ်။ 30ရိသီးခီမတိုင်ခံထိ သူ့နို့တူတူကြီးထွားဂေ့ပါစေ။ ရိသီးခီရော့မှ ရိသီးဝို့သူဒွေဝို ဗြစ်ပံဒွေဝိုရင်ဆုံး စုပီးမီးရှို့ဝို့ ဆဲခယ်ခိုင်းရားပြီး ဂျုံပံဒွေဝိုလော ငါ့ကျီထဲဝို စုပီးသီးခိုင်းလိုက်မယ်' ဆိုပီး ပြောလေရယ်" ဆိုပီး မိတော်မူလေရယ်။ 31အဲနော့ ကိုယ်တော်ယေရှုဟ သူ့နို့ဝို နော့ထပ် ပုံဥပမာတခုဝို ဟောပြောလေရယ်။ ကိုယ်တော်ဟ "ရွှေဗြို့တော်ဟ သေးဆုံးမျိုးဇေ့တစ်စေ့န တူလေရယ်။ လူတစ်ယော့ဟ အဲမိုဇေ့ဝို ယူပီး သူ့လယ်ထဲမှာစိုက်လိုက်လေရယ်။ 32အဲမိုမျိုးဇေ့ဟ မျိုးဇေ့ဒွေဂူလုံးထက် ရားဒိုင်းသေးငယ်ဘေမဲ့ အဲမိုမျိုးဇေ့ကီးထွားလာဝိုခါမှာ လယ်ထဲမှာရှေ့ဝိုပံဒွေဂူလုံးထက် ကီးမားလာပီး ပံဂီးတပံ ဖြစ်လာပြီး ငှက်ဒွေဟလဲ အဲမိုပံရဲ့သစ်ကိုင်းဒွေမှာ သိုက်ဒွေလာဆော့ဂေ့လေရယ်။" ဆိုပီး မိတော်မူလေရယ်။ 33ကိုယ်တော်ဟ နော့ထပ်ပုံဥပမာတစ်ခုဝို ဟောပြောလေရယ်။ ကိုယ်တော်ဟ "ရွှေဗြို့တော်ရဲ့သာသနာတော် ဟ တဆေးနတူလေရယ်။ မျိုးမီးတစ်ယော့ဟ အဲမိုတဆေးဝိုယူပီး ဂျုံမှုများဂီးန ရောနှောလိုက်ဝိုခီမှာ အဲမိုတစေးဟ ဂျုံမှုခုလုံးဝို ပလန့်နှံ့ရားလေရယ်" ဆိုပီး မိတော်မူလေရယ်။ 34ကိုယ်တော်ယေရှုဟ လူထုပရိသတ်ဝို ကြောရာဒွေဝိုဟောပြောဝိုခီမှာ ပုံဥပမာဒွေနဘဲ့ ဟောပြောသွန်သန်လေရယ်။ ပုံဥပမာဒွေပါဘဲန သူ့နို့ဂူလုံးဝို ဟောပြောသွန်သန်ဇာလုပ်ရ။ 35အဲမိုမျိုးနဘဲ့ ပရောဖက်ဒွေဟောကြားရစ်ဝို "ငါဟ ပုံဥပမာဒွေဝို ငါ့နှုဟနေဖွမ့်ဆိုပီး ဘာဂီးစတံခီဟနေစပီး ကွယ်ဝှက်ရားဝိုဇာဒွေဝို ထုဖော်ပြောဆိုမယ်" ဆိုဝိုဂါးဟ ပလဲ့ဇုံမှန်ကန်ခဲ့လေရယ်။ 36ကိုယ်တော်ယေရှုဟ လူအုပ်ဂီးဝို ထားရစ်ပြီး အီထဲဝို ဝမ်တော်မူလေရယ်။ အဲခါ ဗြိတော်ဒွေဟ ကိုယ်တော်ယေရှုနားဝို ကပ်ပီး "လယ်ခမ်းထဲဟ ပေါပံဒွေကြော ပုံဥပမာဝို ရှင်းပြတော်မူပါ" ဆိုပီး ရှော့တံလေရယ်။ 37အဲခါ ကိုယ်တော်ယေရှုဟ ကောဝိုမျိုးဇေ့ဝိုကြဲသူဟ ဘုရားရှင်စေလွှတ်ဝို 'လူသားတော်' ဖြစ်ဝိုငါ့ဝို ကိုယ်စားပြုပီး 38လယ်ဂွမ်းဟ ဘာမလေဂီးနတူရယ်။ ကောဝိုမျိုးဇေ့ဒွေဟ ရွှေဗြို့တော်ရဲ့သာသနာတော်န သက်ဆိုင်သူဒွေနတူပြီး ပေါပံဒွေဟ ဆိုးယုတ်ဝို ပြစ်ဒုဇရိုက်မားဒွေနတူရယ်။ 39ပေါပံမျိုးဇေ့ဝို ကြဲဝိုရန်သူဟ မာရ်နတ်ဝို ကိုယ်စားပြုရယ်။ ဘားရိသူ ရိသီးမဲ့ခီဟ ကမ္ဘာပျစ်ဝို့ခီဝို ကိုယ်စားပြုရယ်။ ရိသီးသူဒွေဟ နတ်ဒေဝါဒွေဝို ကိုယ်စားပြုရယ်။ 40ပေါပံဒွေဝိုမီးရှို့ရယ်ဆိုဇာဟလောဝါ ဘားပံရိသူဒွေဟ ပေါပံဒွေဝို စုစည်းပြီး မီးရှို့ဂေ့ရယ်။ အယ်မိုဇာဟ ကမ္ဘာပျစ်ဝိုခါမှာ ဘုရားရှင်လုပ်ဆော်ပေးဝို့လူဒွေဝို ရားစီရင်ဇာဝို ကိုယ်စားပြုရယ်။ 41လူ့သားတော်ဟ သူ့ရဲ့နတ်ဒေဝါဒွေဝို စေလွှတ်ပြီး ပြစ်ဒုဇရိုက်န ပလဲ့နက်နေဝိုသူဒွေန ပညတ်တော်ဒွေဝို လိုက်နာဘဲဝိုသူဒွေဂူလုံးဝို နေရာဒိုင်းမှာ စုဝေးစေပြီး 42အဲမိုလူဒွေဝို ဟယ်ခါမှ ငြီးနိုင်ဘဲဝို မီးထဲဝို ပစ်ခလလိမယ်။ အဲမိုသူဒွေဟ ခံပြင်းစွာန ငိုယိုနေဂေ့ရမယ်ဖြစ်ရယ်။ 43အဲခါ ဖြော့မတ်မှန်ကန်ဝိုသူဒွေဟ အဖရွှေဗြို့တော်ရဲ့သာသနာတော်မှာ နေရော်ခြည်မျိုး ထွန်းလန်းတော့ပနေဂေ့လိမယ်။ နားရှေ့ရိ ကြားနိုင်ဝိုသူဒွေ ကြားနာပီး နားလည်ဘောပေါ့ဂေ့ပါလော့။ 44ရွှေဗြို့တော်ရဲ့သာသနာတော်ဟ လယ်မှာ မလှုပ်ရားဝို ဖိုးတန်ရတနာဒွေနတူရယ်။ လူတစ်ယော့ဟ အဲမိုဇာဝိုဗြင်ခါမှာ ပလန်ဝှက်ရားပီး သူဟ ဝမ်းမြော့စွာန ထွက်ရားပီး သူပိုင်ဆိုင်သမျှဝို ရောခလပြီး အဲမိုလယ်ဝို ဝယ်လေရယ်။ 45နော့တခါ ရွှေဗြို့တော်ရဲ့သာသနာတော်ဟ ရားဒိုင်းတန်ဖိုးကီးဝိုပုလဲဝို ရှာဖွီနေဝို ကုန်သည်နတူရယ်။ 46အဲမိုကုန်သည်ဟ ရားဒိုင်းဖိုးတန်ဝို ပုလဲတစ်လုံးဝို ရှာတွီ့ဝိုခါမှာ သူ့မှာရှေ့သမျှ စည်းစိမ်ဥစ္စာဒွေဝို ရောခလပြီး အဲမိုပုလဲဝို ဝယ်လေရယ်။ 47ထပ်ပီး ရွှေဗြို့တော်ရဲ့သာသနာတော်ဟ ပမ်လယ်ထဲဝိုခလပြီး ငါးမျိုးဇုံဝို ဖမ်းမိဝို ပိုက်ကွန်နတူရယ်။ 48ငါးဒွေန ပလဲ့နေပီဆိုဝါ အဲမိုပိုက်ကွန်ဝို ကမ်းပေါ်ဝိုဆွဲတံပီး ကောဝိုငါးဒွေဝို ဝွီးချယ်ပြီး ခြင်းတောထဲဝိုထည့်ပီး ကောဘဲဝိုငါးဒွေဝို စွန့်ပစ်လိုက်ဂေ့ရယ်။ 49အယ်မိုဘာကီးရဲ့ဆုံးသတ်ဟ အဲမိုမျိုးဘဲ့ဖြစ်လိမယ်။ နတ်ဒေဝါဒွေဟ လာပီး ကောဝိုကျင့်ဝို ကျင့်ဝိုသူဒွေန ပြစ်ဒုဇရိုက်သားဒွေဂူလုံးဝို ဝွီးချယ်ခွဲထုလိမယ်။ 50ပြီးန အဲမိုပြစ်ဒုဇရိုက်သားဒွေဂူလုံးဝို ငြီးနိုင်ဘဲဝိုမီးထဲဝို ပစ်ခလဂေ့လိမယ်။ သူ့နို့ဟ အဲမိုနေရာမှာ ခံပြင်းစွာန ငိုကြွေးနေဂေ့ရမယ်ဖြစ်ရယ်။ 51အဲနော့ ကိုယ်တော်ယေရှုဟ "ငါပြောဝို အယ်မိုဇာဒွေဂူလုံးဝို နန်းနို့နားလည်ဂေ့ပါလော" ဆိုပိး မေးတော်မူရာ ဗြိတော်ဒွေဟလည်း "နားလည်ပါရယ်" ဆိုပီး ပလန်ရှော့တံဂေ့လေရယ်။ 52ကိုယ်တော်ဟ ဆစ်ပြီး "အဲမျိုးဆိုဝါ ရွှေဗြို့တော်ရဲ့သာသနာတော်ရဲ့ ဗြိဖြစ်လာဝို ကျမ်းစာဝိုဟောပြောသူဒိုင်းဟ သူ့နို့ရဲ့ဘဏ္ဍာတိုက်ထဲဟ ဥစ္စာဘဏ္ဍာသစ် န ဟောဒွေဝို ထုယူဝို အီရှင်နတူရယ်" ဆိုပီး မိတော်မူရယ်။ 53ကိုယ်တော်ယေရှုဟ အဲမိုပုံဥပမာဒွေန သွန်သန်ဟောပြောပြီးဝိုခါမှာ အဲမိုရပ်ဒေသဟနေ ထွက်ခွာရားလေရယ်။ 54အဲနော့ ကိုယ်တော်ယေရှုဟ သူ့ရဲ့ဇာတိဗြို့ဝိုကြွတော်မူပီး ဓမ္မာရုံမှာလူဒွေဝို ဟောပြောသွန်သန်တော်မူလေရယ်။ လူဒွေဟ ကိုယ်တော်ရဲ့သွန်သန်ဟောပြောချင့်ဒွေဝို ကြားဂေ့ဝိုခါမှာ အံ့ဩဝါးဂေ့ပြီး "အယ်မိုလူဟ ညဏ်ပညာန အံ့ဖွယ်မှုဒွေဝို လုပ်ဆော်နိုင်ဝိုစွမ်းအားဝို ဟယ်ဟရနူး။ 55သူဟ လက်သမားရဲ့သားမုဝလော။ သူ့မိဟ မာရိဖြစ်ပြီး သူရဲ့ညီဒွေဟ ယာကုပ်၊ ယောသပ်၊ ရှိမုန်န ယုဒဒို့ဖြစ်ဂေ့ရယ်မုဝလော။ 56သူ့ညီမဒွေဟလဲ နို့နတူတူ အယ်မိုဗြို့မှာ ရှေ့နေရယ်မုဝလော။ အဲမျိုးဆိုဝါ သူဟ အယ်မိုအံ့ဖွယ်ဇာဒွေဂူလုံးဝို ဟယ်ဟရနူး" ဆိုပီး ချင်းချင်း ပြောဆိုနေဂေ့လေရယ်။ 57အဲခါ ကိုယ်တော်ယေရှုဟလည်း "ပရောဖက်ဒို့ဟ သူ့နို့ရဲ့ဇာတိဗြို့န သူ့နို့ရဲ့မိသားဇုဟနေလွှဲပီး ဟယ်နေရာမှာမဆို ဂုဏ်ပြုချီးမွှမ်းခံရရယ်" ဆိုပီး မိတော်မူလေရယ်။ 58အဲမိုပြင် လူဒွေဟ ကိုယ်တော်ယေရှုဝို ယုံကြည်ဂေ့ဘဲရိဂျော့ ထူးဆန်းအံ့ဩဖွယ်ရာဒွေဝို အဲမိုဗြို့မှာ လုပ်ရစ်ဟန်း။
Valið núna:
Matthew 13: ttpv-rv
Áherslumerki
Deildu
Afrita
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Matthew 13
13
1အဲနေ့မှာဘဲ့ ကိုယ်တော်ယေရှုဟ အီဟနေထွက်လာပီး ဂါလိလဲရေအိုင်ကမ်းဇပ်မှာ ထိုင်လေရယ်။ 2လူထုပရိသတ်များဂီးဟ ကိုယ်တော်ဆီဝို စုဝေးလာဂေ့ရိတွက် ကိုယ်တော်ဟ လှေပေါ်ဝို တက်ပီးထိုင်တော်မူလေရယ်။ လူထုဟလောဝါ ကမ်းဇပ်မှာရပ်နေဂေ့လေရယ်။ 3အဲခါမှာ ကိုယ်တော်ဟ ကြောရာများဂီးဝို ပုံဥပမာဒွေန လူထုပရိသတ်ဝို ဟောပြောသွန်သန်လေရယ်။ ကိုယ်တော်ဟ "လယ်သမားတယော့ မျိုးကြဲဝို့ သူ့လယ်ထဲဝို ထွက်ရားလေရယ်။ 4လယ်သမားဟ မျိုးကြဲလိုက်ဝိုခါမှာ ချို့မျိုးဇေ့ဒွေဟ လူသွားလမ်းပေါ်ဝို ကလရိတွက် ငှက်ဒွေဟလာပီး ကော့စားဂေ့လေရယ်။ 5ချို့မျိုးဇေ့ဒွေဟ မလေနဲငယ်ဘဲ့ရှေ့ဝို ကလော့ခံမလေပေါ်ဝို ကလရားဂေ့ပီး အဲမိုမျိုးဇေ့ဒွေဟ ပါးလွှာဝို မြေဆီလွှာဂျော့ ချင့်ချင်းဘဲ့ ညှော့ဒွေထွက်လာဂေ့လေရယ်။ 6အယ်ဘေမဲ့ နေဗြင့်လာဝိုခါမှာ နေလော်ဒဏ်ဂျော့ ညှိုးနွမ်းခြော့သွေ့ရားလေရယ်။ ဟဲဂျော့ဆိုဝါ အဲမိုမျိုးဇေ့ဒွေဟ မလေဆီလွှာပါးရိ မလစ်တွယ်နိုင်ဘဲဂျော့ဖြစ်ရယ်။ 7ချို့မျိုးဇေ့ဒွေဟ ဆူးခြုံပံဒွေရှေ့ဝိုနေရာဝို ကလရားဂေ့ပြီး အဲမိုဆူးခြုံပံဒွေ ကီးလာဝိုခါမှာ သူ့နို့ဝို ကာဆီးပိဆို့ဂေ့လေရယ်။ 8ချို့မျိုးဇေ့ဒွေဟ မလေဆီလွှာကောဝိုနေရာဝို ကလရော့ရိတွက် ပံပေါ့လာပီး ချို့ဟ ဆတရာ၊ ချို့ဟ ဆခြော့ဆယ်၊ ချို့ဟ ဆသုံးဆယ်သီးဒွေ ဖြစ်ထွန်းလာလေရယ်။ 9 နားရှေ့ရိကြားနိုင်သူဒွေ ကြားနိုင်ဂေ့ပါစေ" ဆိုပီး မိတော်မူလေရယ်။ 10အဲနော့ ဗြိတော်ဒွေဟ ကိုယ်တော်ဆီဝိုလာပီး "ကိုယ်တော်ဟ လူဒွေဝို ဟောပြောဝိုခါမှာ ဟဲဂျော့ ပုံဥပမာဒွေန ဟောပြောရပါနူး" ဆိုပီး မေးဂေ့လေရယ်။ 11အဲခါ ကိုယ်တော်ဟ"နန်းနို့ဝို ရွှေဗြို့တော်ရဲ့သာသနာတော်ရဲ့ လျှို့ဝှက်ချင့်ဒွေဝို သိခွမ့်ပေးရားဘေမဲ့ သူ့နို့ဝိုလောဝါ ပေးရားရ။ 12ငါဟောပြောဇာဒွေဝို သေချာစဉ်းစားပြီး နားလည်ဝိုသူဒွေဝို ဘုရားရှင်ဟ သူ့နို့ဝို ပိုနားလည်အော်လုပ်ပေးလိမယ်။ အယ်ဘေမဲ့ ငါဟောပြောဇာဒွေဝို သေသေချာချာစဉ်းစားဘဲဝိုသူဒွေဟ သူ့နို့သိရားဝိုဇာဒွေဂိုမှ မေ့သွားစေလိမယ်။ 13အဲဂျော့ ငါဟ သူ့နို့ဝို ပုံဥပမာဒွေန ဟောပြောရဇာဖြစ်ရယ်။ ဟဲဂျော့ဆိုဝါ သူ့နို့ဟ ကေ့ဘေမဲ့လဲ ဗြင်နိုင်ရ၊ ကြားဘေမဲ့လဲ နားမလည်နိုင်ဂေ့ဘဲရိဖြစ်ရယ်။ 14အဲမိုလူဒွေ ပြုမူဝိုဇာဒွေဟ ပရောဖက်ဟေရှာယဟနေတဆင့် ဘုရားရှင်ဟောကြားရစ်ဝိုဇာဒွေဟ ပလဲ့ဇုံမှန်ကန်ဝို့ဖြစ်လာရယ်။ အဲမိုဟောပြောချင့်ဟ "ငါပြောဝိုဂါးဝို ကြားရဘေမဲ့ နန်းနို့နားမလည်ဂေ့ရ။ ငါပြုမူဝိုရာဒွေဝို နန်းနို့ဗြင်ဂေ့ဘေမဲ့ ဒိမူမိမယ်မုဝ။ 15ဟဲဂျော့ဆိုဝါ လူဒွေရဲ့စိနှလုံးဟ လေးလံထူထိုင်းပီး နားဟလဲမကြား၊ မျစ်စိဟလဲဗြင်ပဲရိဖြစ်ရယ်။ အဲမျိုးမုဘဲန ငါလုပ်ပြဝိုဇာဒွေဝို ရိမိပြီး ငါပြောသမျှဝိုကြားနိုင်ပီး ပြစ်ရှေ့ရာဟနေ ရှော်ထွက်ရားပြီး ငါ့ဖက်ဝိုလှည့်လာမယ်ဆိုဝါ သူ့နို့ရဲ့ပြစ်တရားဒွေဂူလုံးဟနေ ငါကယ်တံမယ်ဖြစ်ရယ်။" ဆိုပီး ဖြစ်ရယ်။ 16အဲခါ ကိုယ်တော်ယေရှုဟ ဗြိတော်ဒွေဝို မိတော်မူဝိုဇာဟ "အယ်ဘေမဲ့ နန်းနို့တွက်ကလလောဝါ မျစ်လုံးဒွေဟ ဗြင်နိုင်ပြီး နားဒွေလည်း ကြားနိုင်ရိတွက် မြင်ဂလာရှေ့ပေရယ်။ 17နန်းနို့ဝို ငါမှန်ပြောရမယ်ဆိုဝါ ပရောဖက်ဒွေ န ဖြော့မတ်မှန်ကန်ဝိုသူဒွေများဂီးဟ နန်းနို့ဗြင်ရဝိုဇာဒွေဝို ဗြင်ရှင်ဂေ့ဘေမဲ့ ဗြင်နိုင်ဘဲဝိုမျိုး နန်းနို့ကြားနေရဝိုဇာဒွေဝို ကြားရှင်ဂေ့ဘေမဲ့လည်း ကြားနိုင်ခဲ့ဂေ့ရ။ 18အဲဂျော့ အယ်မိုလယ်သမားပုံဥပမာရဲ့ ဆိုလိုရင်းဝို နားထော်ဂေ့လော့။ 19ဟယ်သူမဆို ဘုရားရှင်ရဲ့သာသနာတော်ကြောဝို ကြားသိရဘေမဲ့လည်း အဲမိုရာဒွေဝို နားမလည်နိုင်ဖြစ်နေဂေ့ပြီး မာရ်နတ်ဟလဲ လာရော့ပီး သူ့နို့ရဲ့စိနှလုံးထဲမှာ ကြားသိရားဝိုဇာဒွေဝို လုယူဝါးလေရယ်။ လူသွားလမ်းပေါ်ဝို ကလဝိုမျိုးဇေ့ဒွေရဲ့ ဓိပ္ပာယ်ဟ အဲမိုဇာဝို ဆိုလိုဇာဖြစ်ရယ်။ 20ကလော့ခံမလေပေါ်ဝို ကလရော့ပီး ပေါ့လာဝို ပံဆိုဇာဟ ရားတော်ဝိုကြားနာရရိ ဝမ်းမြော့စွာန ချင့်ခြင်းလက်ခံဝိုလူဝို ဆိုလိုရယ်။ 21အယ်ဘေမဲ့ မလစ်ဒွေစွဲကပ်နိုင်ဘဲရိတွက်ဂျော့ ရှစ်သားဘဲ့ ရှင်သန်နိုင်ပြီး သူ့နို့ဟ နှိစစ်ညှင်းပန်းမှုဒွေန ကြုံတွီ့လာရဝိုခါမှာ စိပျစ်ပြီး သူ့နို့ရဲ့ယုံကြည်မှုဒွေဝို ချင့်ချင်းစွန့်လွှတ်လိုက်ဂေ့လေရယ်။ 22ဆူးခြုံပံဒွေဂျားထဲဝိုကလဝို မျိုးဇေ့ဒွေရဲ့ဓိပ္ပာယ်ဟ ဟယ်သူမဆို ဘုရားရှင်သာသနာတော်ကြော ကြားသိဂေ့ရဘေမဲ့ နေ့စဉ်ဘဝနေထိုင်ရေးတွက် စိုးရီပူပန်ခြင်းန လောကီစည်းစိမ်ဒွေဝို လိုရှင်တပ်မက်ဝို လောဘဒွေဟ ကြားသိရားဝိုကြောရာဒွေဝို ပိဆို့လိုက်ရိတွက် သီးမသီး နိုင်ဘဲဝိုပံမျိုး ဖြစ်သွားဂေ့ဇာဝို ဆိုလိုဇာဖြစ်ရယ်။ 23မလေဩဇာကောဝို မလေဆီလွှာပေါ်မှာ ကလဝိုမျိုးဇေ့ဒွေဟ သာသနာတော်ကြောဝို ကြားနိုင်၊သိနိုင်၊နားလည်နိုင်ပြီး အဲမိုသီးပွမ့်ဒွေဝို ဆပေါတစ်ရာ၊ ခြော့ဆယ်၊ သုံးဆယ်မက ပွားနိုင်သူဒွေနတူရယ်။ 24အဲနော့ ကိုယ်တော်ယေရှုဟ ခြားပုံဥပမာတစ်ခုန မိတော်မူဇာဟ "ရွှေဗြို့တော်ရဲ့သာသနာတော်ဆိုဇာဟ ကိုယ့်လယ်မှာ ကောဝိုဘားမျိုးဇေ့ဝိုကြဲဝို့ စေလွှတ်လိုက်ဝို မလေပိုင်ရှင်နတူရယ်။ 25အယ်ဘေမဲ့ အဲမိုလယ်သမားနသူ့စေခံဒွေ အိပျော်နေဝိုခီမှာ သူ့ရန်သူဟ သူ့လယ်ထဲဝိုလာပီး ဗြစ်ပံမျိုးဇေ့ဒွေဝို ဂျုံဇေ့ဒွေပေါ်မှာကြဲပြီး ထွက်ရားလေရယ်။ 26ပံဒွေပေါ့လာဂေ့ပီး သီးနှံဒွေထွက်လာဝိုခါမှာ၊ ဗြစ်ပံဒွေဟလဲ ပေါ်လာလေရယ်။ 27အဲခါ စေခံခေါဆော်ဟ ပိုင်ရှင်လယ်သမားဆီဝိုလာပီး 'သခင်၊ သခင်ရဲ့လယ်ထဲမှာ ကောမွန်ဝိုမျိုးဇေ့ဒွေဝိုကြဲခဲ့ရယ်မုဝလော။ အဲမျိုးဆိုဝါ သခင်ရဲ့လယ်ထဲမှာ ဗြစ်ပံများဂီး ဟဲဖြစ်ရိပေါ့လာဂေ့နူး" ဆိုပီး မေးလေရယ်။ 28အဲနော့ လယ်သမားဟလည်း 'အဲမိုဇာဝို ရန်သူချို့လုပ်ဆော်သွားဇာဖြစ်ရယ်' ဟု ပြောလေရယ်။ အဲခါ စေခံဟ 'သခင်၊ ကျနော်ဒို့ဝို အဲမိုဗြစ်ပံဒွေဝိုသွားပီး ဖယ်ရှားပေးစေရှင်ပါလော' ဆိုပီး မေးလေရယ်။ 29အယ်ဘေမဲ့ လယ်သမားဟ 'အဲမိုမျိုးပြုလုပ်န။ နန်းနို့ ဗြစ်ပံဒွေဝိုဆွဲယူနှုနေခီ ဂျုံပံဒွေဝိုပါရောနှောပီး မလစ်ဟနေ ဆွဲနှုမိလိမယ်။ 30ရိသီးခီမတိုင်ခံထိ သူ့နို့တူတူကြီးထွားဂေ့ပါစေ။ ရိသီးခီရော့မှ ရိသီးဝို့သူဒွေဝို ဗြစ်ပံဒွေဝိုရင်ဆုံး စုပီးမီးရှို့ဝို့ ဆဲခယ်ခိုင်းရားပြီး ဂျုံပံဒွေဝိုလော ငါ့ကျီထဲဝို စုပီးသီးခိုင်းလိုက်မယ်' ဆိုပီး ပြောလေရယ်" ဆိုပီး မိတော်မူလေရယ်။ 31အဲနော့ ကိုယ်တော်ယေရှုဟ သူ့နို့ဝို နော့ထပ် ပုံဥပမာတခုဝို ဟောပြောလေရယ်။ ကိုယ်တော်ဟ "ရွှေဗြို့တော်ဟ သေးဆုံးမျိုးဇေ့တစ်စေ့န တူလေရယ်။ လူတစ်ယော့ဟ အဲမိုဇေ့ဝို ယူပီး သူ့လယ်ထဲမှာစိုက်လိုက်လေရယ်။ 32အဲမိုမျိုးဇေ့ဟ မျိုးဇေ့ဒွေဂူလုံးထက် ရားဒိုင်းသေးငယ်ဘေမဲ့ အဲမိုမျိုးဇေ့ကီးထွားလာဝိုခါမှာ လယ်ထဲမှာရှေ့ဝိုပံဒွေဂူလုံးထက် ကီးမားလာပီး ပံဂီးတပံ ဖြစ်လာပြီး ငှက်ဒွေဟလဲ အဲမိုပံရဲ့သစ်ကိုင်းဒွေမှာ သိုက်ဒွေလာဆော့ဂေ့လေရယ်။" ဆိုပီး မိတော်မူလေရယ်။ 33ကိုယ်တော်ဟ နော့ထပ်ပုံဥပမာတစ်ခုဝို ဟောပြောလေရယ်။ ကိုယ်တော်ဟ "ရွှေဗြို့တော်ရဲ့သာသနာတော် ဟ တဆေးနတူလေရယ်။ မျိုးမီးတစ်ယော့ဟ အဲမိုတဆေးဝိုယူပီး ဂျုံမှုများဂီးန ရောနှောလိုက်ဝိုခီမှာ အဲမိုတစေးဟ ဂျုံမှုခုလုံးဝို ပလန့်နှံ့ရားလေရယ်" ဆိုပီး မိတော်မူလေရယ်။ 34ကိုယ်တော်ယေရှုဟ လူထုပရိသတ်ဝို ကြောရာဒွေဝိုဟောပြောဝိုခီမှာ ပုံဥပမာဒွေနဘဲ့ ဟောပြောသွန်သန်လေရယ်။ ပုံဥပမာဒွေပါဘဲန သူ့နို့ဂူလုံးဝို ဟောပြောသွန်သန်ဇာလုပ်ရ။ 35အဲမိုမျိုးနဘဲ့ ပရောဖက်ဒွေဟောကြားရစ်ဝို "ငါဟ ပုံဥပမာဒွေဝို ငါ့နှုဟနေဖွမ့်ဆိုပီး ဘာဂီးစတံခီဟနေစပီး ကွယ်ဝှက်ရားဝိုဇာဒွေဝို ထုဖော်ပြောဆိုမယ်" ဆိုဝိုဂါးဟ ပလဲ့ဇုံမှန်ကန်ခဲ့လေရယ်။ 36ကိုယ်တော်ယေရှုဟ လူအုပ်ဂီးဝို ထားရစ်ပြီး အီထဲဝို ဝမ်တော်မူလေရယ်။ အဲခါ ဗြိတော်ဒွေဟ ကိုယ်တော်ယေရှုနားဝို ကပ်ပီး "လယ်ခမ်းထဲဟ ပေါပံဒွေကြော ပုံဥပမာဝို ရှင်းပြတော်မူပါ" ဆိုပီး ရှော့တံလေရယ်။ 37အဲခါ ကိုယ်တော်ယေရှုဟ ကောဝိုမျိုးဇေ့ဝိုကြဲသူဟ ဘုရားရှင်စေလွှတ်ဝို 'လူသားတော်' ဖြစ်ဝိုငါ့ဝို ကိုယ်စားပြုပီး 38လယ်ဂွမ်းဟ ဘာမလေဂီးနတူရယ်။ ကောဝိုမျိုးဇေ့ဒွေဟ ရွှေဗြို့တော်ရဲ့သာသနာတော်န သက်ဆိုင်သူဒွေနတူပြီး ပေါပံဒွေဟ ဆိုးယုတ်ဝို ပြစ်ဒုဇရိုက်မားဒွေနတူရယ်။ 39ပေါပံမျိုးဇေ့ဝို ကြဲဝိုရန်သူဟ မာရ်နတ်ဝို ကိုယ်စားပြုရယ်။ ဘားရိသူ ရိသီးမဲ့ခီဟ ကမ္ဘာပျစ်ဝို့ခီဝို ကိုယ်စားပြုရယ်။ ရိသီးသူဒွေဟ နတ်ဒေဝါဒွေဝို ကိုယ်စားပြုရယ်။ 40ပေါပံဒွေဝိုမီးရှို့ရယ်ဆိုဇာဟလောဝါ ဘားပံရိသူဒွေဟ ပေါပံဒွေဝို စုစည်းပြီး မီးရှို့ဂေ့ရယ်။ အယ်မိုဇာဟ ကမ္ဘာပျစ်ဝိုခါမှာ ဘုရားရှင်လုပ်ဆော်ပေးဝို့လူဒွေဝို ရားစီရင်ဇာဝို ကိုယ်စားပြုရယ်။ 41လူ့သားတော်ဟ သူ့ရဲ့နတ်ဒေဝါဒွေဝို စေလွှတ်ပြီး ပြစ်ဒုဇရိုက်န ပလဲ့နက်နေဝိုသူဒွေန ပညတ်တော်ဒွေဝို လိုက်နာဘဲဝိုသူဒွေဂူလုံးဝို နေရာဒိုင်းမှာ စုဝေးစေပြီး 42အဲမိုလူဒွေဝို ဟယ်ခါမှ ငြီးနိုင်ဘဲဝို မီးထဲဝို ပစ်ခလလိမယ်။ အဲမိုသူဒွေဟ ခံပြင်းစွာန ငိုယိုနေဂေ့ရမယ်ဖြစ်ရယ်။ 43အဲခါ ဖြော့မတ်မှန်ကန်ဝိုသူဒွေဟ အဖရွှေဗြို့တော်ရဲ့သာသနာတော်မှာ နေရော်ခြည်မျိုး ထွန်းလန်းတော့ပနေဂေ့လိမယ်။ နားရှေ့ရိ ကြားနိုင်ဝိုသူဒွေ ကြားနာပီး နားလည်ဘောပေါ့ဂေ့ပါလော့။ 44ရွှေဗြို့တော်ရဲ့သာသနာတော်ဟ လယ်မှာ မလှုပ်ရားဝို ဖိုးတန်ရတနာဒွေနတူရယ်။ လူတစ်ယော့ဟ အဲမိုဇာဝိုဗြင်ခါမှာ ပလန်ဝှက်ရားပီး သူဟ ဝမ်းမြော့စွာန ထွက်ရားပီး သူပိုင်ဆိုင်သမျှဝို ရောခလပြီး အဲမိုလယ်ဝို ဝယ်လေရယ်။ 45နော့တခါ ရွှေဗြို့တော်ရဲ့သာသနာတော်ဟ ရားဒိုင်းတန်ဖိုးကီးဝိုပုလဲဝို ရှာဖွီနေဝို ကုန်သည်နတူရယ်။ 46အဲမိုကုန်သည်ဟ ရားဒိုင်းဖိုးတန်ဝို ပုလဲတစ်လုံးဝို ရှာတွီ့ဝိုခါမှာ သူ့မှာရှေ့သမျှ စည်းစိမ်ဥစ္စာဒွေဝို ရောခလပြီး အဲမိုပုလဲဝို ဝယ်လေရယ်။ 47ထပ်ပီး ရွှေဗြို့တော်ရဲ့သာသနာတော်ဟ ပမ်လယ်ထဲဝိုခလပြီး ငါးမျိုးဇုံဝို ဖမ်းမိဝို ပိုက်ကွန်နတူရယ်။ 48ငါးဒွေန ပလဲ့နေပီဆိုဝါ အဲမိုပိုက်ကွန်ဝို ကမ်းပေါ်ဝိုဆွဲတံပီး ကောဝိုငါးဒွေဝို ဝွီးချယ်ပြီး ခြင်းတောထဲဝိုထည့်ပီး ကောဘဲဝိုငါးဒွေဝို စွန့်ပစ်လိုက်ဂေ့ရယ်။ 49အယ်မိုဘာကီးရဲ့ဆုံးသတ်ဟ အဲမိုမျိုးဘဲ့ဖြစ်လိမယ်။ နတ်ဒေဝါဒွေဟ လာပီး ကောဝိုကျင့်ဝို ကျင့်ဝိုသူဒွေန ပြစ်ဒုဇရိုက်သားဒွေဂူလုံးဝို ဝွီးချယ်ခွဲထုလိမယ်။ 50ပြီးန အဲမိုပြစ်ဒုဇရိုက်သားဒွေဂူလုံးဝို ငြီးနိုင်ဘဲဝိုမီးထဲဝို ပစ်ခလဂေ့လိမယ်။ သူ့နို့ဟ အဲမိုနေရာမှာ ခံပြင်းစွာန ငိုကြွေးနေဂေ့ရမယ်ဖြစ်ရယ်။ 51အဲနော့ ကိုယ်တော်ယေရှုဟ "ငါပြောဝို အယ်မိုဇာဒွေဂူလုံးဝို နန်းနို့နားလည်ဂေ့ပါလော" ဆိုပိး မေးတော်မူရာ ဗြိတော်ဒွေဟလည်း "နားလည်ပါရယ်" ဆိုပီး ပလန်ရှော့တံဂေ့လေရယ်။ 52ကိုယ်တော်ဟ ဆစ်ပြီး "အဲမျိုးဆိုဝါ ရွှေဗြို့တော်ရဲ့သာသနာတော်ရဲ့ ဗြိဖြစ်လာဝို ကျမ်းစာဝိုဟောပြောသူဒိုင်းဟ သူ့နို့ရဲ့ဘဏ္ဍာတိုက်ထဲဟ ဥစ္စာဘဏ္ဍာသစ် န ဟောဒွေဝို ထုယူဝို အီရှင်နတူရယ်" ဆိုပီး မိတော်မူရယ်။ 53ကိုယ်တော်ယေရှုဟ အဲမိုပုံဥပမာဒွေန သွန်သန်ဟောပြောပြီးဝိုခါမှာ အဲမိုရပ်ဒေသဟနေ ထွက်ခွာရားလေရယ်။ 54အဲနော့ ကိုယ်တော်ယေရှုဟ သူ့ရဲ့ဇာတိဗြို့ဝိုကြွတော်မူပီး ဓမ္မာရုံမှာလူဒွေဝို ဟောပြောသွန်သန်တော်မူလေရယ်။ လူဒွေဟ ကိုယ်တော်ရဲ့သွန်သန်ဟောပြောချင့်ဒွေဝို ကြားဂေ့ဝိုခါမှာ အံ့ဩဝါးဂေ့ပြီး "အယ်မိုလူဟ ညဏ်ပညာန အံ့ဖွယ်မှုဒွေဝို လုပ်ဆော်နိုင်ဝိုစွမ်းအားဝို ဟယ်ဟရနူး။ 55သူဟ လက်သမားရဲ့သားမုဝလော။ သူ့မိဟ မာရိဖြစ်ပြီး သူရဲ့ညီဒွေဟ ယာကုပ်၊ ယောသပ်၊ ရှိမုန်န ယုဒဒို့ဖြစ်ဂေ့ရယ်မုဝလော။ 56သူ့ညီမဒွေဟလဲ နို့နတူတူ အယ်မိုဗြို့မှာ ရှေ့နေရယ်မုဝလော။ အဲမျိုးဆိုဝါ သူဟ အယ်မိုအံ့ဖွယ်ဇာဒွေဂူလုံးဝို ဟယ်ဟရနူး" ဆိုပီး ချင်းချင်း ပြောဆိုနေဂေ့လေရယ်။ 57အဲခါ ကိုယ်တော်ယေရှုဟလည်း "ပရောဖက်ဒို့ဟ သူ့နို့ရဲ့ဇာတိဗြို့န သူ့နို့ရဲ့မိသားဇုဟနေလွှဲပီး ဟယ်နေရာမှာမဆို ဂုဏ်ပြုချီးမွှမ်းခံရရယ်" ဆိုပီး မိတော်မူလေရယ်။ 58အဲမိုပြင် လူဒွေဟ ကိုယ်တော်ယေရှုဝို ယုံကြည်ဂေ့ဘဲရိဂျော့ ထူးဆန်းအံ့ဩဖွယ်ရာဒွေဝို အဲမိုဗြို့မှာ လုပ်ရစ်ဟန်း။
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.