Matthew 12
12
1အဲနော့ ဥပုသ်နေ့တစ်နေ့မှာ ကိုယ်တော်ယေရှုဟ ဂျုံခမ်းဒွေဝိုဖြတ်သန်းပီး သွားလေရယ်။ အဲခါ ကိုယ်တော်ရဲ့ဗြိဒွေဟ ဗိုက်ဆာလာရိတွက် ဂျုံဇေ့ဒွေဝို ခူးပီးစားဂေ့လေရယ်။ 2အဲမိုဇာဝို ဖာရိရှဲချို့ဟဗြင်ဝိုခါမှာ ကိုယ်တော်ဝို "ကေ့ပါဦး။ သင့်ရဲ့ဗြိဒွေဟ ဥပုသ်နေ့မှာပညတ်ရားဝို ပြုလုပ်ရဘဲဝိုမှုဝို ပြုလုပ်နေဂေ့ရယ်။" ဆိုပီး ပြောလေရယ်။ 3ကိုယ်တော်ဟလဲ သူ့နို့ဝို "ဒါဝိဒ် န တူတူရှေ့နေဂေ့ဝိုသူဒွေ ဗိုက်ဆာလာဂေ့ဝိုခါမှာ ဟဲရာဇာဝိုပြုလုပ်ရစ်ရယ်ဆိုဇာဝို နန်းနို့ ဖတ်ဖူးဂေ့ရလော။ 4သူဟ ဘုရားရှင်ရဲ့အီတော်ထဲဝိုဝမ်ပီး ဂျူးပုရောဟိတ်ဒွေဟနေလွှဲပီး စားသုံးခွမ့်မှေ့ဘဲဝို ဘုရားရှင်ဝို ပူဇော်ရားဝို ပါမုဒွေဝို သူ့န သူ့ပေါဖော်ဒွေပါ ယူပီးစားသော့ဂေ့လေရယ်။ 5အဲမိုပြင် ဥပုသ်နေ့မှာ ဗိမာန်တော်မှာရှေ့ဝို ဂျူးပုရောဟိတ်ဒွေဟ ဥပုသ်နေ့နဆိုင်ဝို ပညတ်တရားဒွေဝို ချိုးဖော့ဘေမဲ့ ပြစ်မှေ့ဘဲကြော ပညတ်တရားကျမ်းထဲမှာ နန်းနို့ ဖတ်ဖူးဂေ့ရလော။ 6နန်းနို့ဝို ငါပြောရှင်ဇာဟလောဝါ ဗိမာန်တော်ထက်ပိုပီးကီးမြတ်ဝိုသူဟ အယ်မိုနေရာမှာရှေ့နေပြီဖြစ်ရယ်။ 7'ငါဟ လှူဖွယ်ပစ္စည်းဒွေ လှူဒါန်းဇာထက် မေတ္တာတရားဝိုဘဲ့ လိုရှေ့ရယ်' ဆိုဝို ဂါးဝို နန်းနို့နားလည်ဘောပေါ့ဂေ့ရယ်ဆိုဝါ ပြစ်မှေ့ဘဲသူဒွေဝို နန်းနို့ပြစ်တံရှုတ်ခလဂေ့မှာမုဝ။ 8အယ်မိုမျိုးပြောရဇာဟလောဝါ ဘုရားရှင် စေလွှတ်လိုက်ဝို 'လူ့သားတော်' ဟ ဥပုသ်နေ့ရဲ့ရှင်သခင်ဖြစ်ရိတွက်ဂျော့ဖြစ်ရယ်" ဆိုပီး မိတော်မူလေရယ်။ 9အဲနော့ ကိုယ်တော်ယေရှုဟ အဲနေရာဟနေ ထွက်ခွာလာပြီး ဓမ္မာရုံထဲဝို ဝမ်လေရယ်။ 10အဲနေရာမှာ လက်တစ်ဖက်သေနေဝိုသူတယော့လဲ ရှေ့နေရိတွက်ဂျော့ ကိုယ်တော်ဝို ပြစ်ရှာစွပ်စွဲနိုင်ဝို့တွက် "ဥပုသ်နေ့မှာ နာရောဂါဒွေဝို ကုသပေးဇာဟ ပညတ်တရားတော်န ညီလော" ဆိုပီး မေးဂေ့လေရယ်။ 11အဲခါ ကိုယ်တော်ဟ အဲမိုသူဒွေဝို "နန်းနို့ထဲဟ သိုးတစ်ဂေါ်ဝို ပိုင်ဆိုင်ရားဝိုသူတယော့ဟ ဥပုသ်နေ့မှာ သူ့ရဲ့သိုး တွမ်းထဲဝို ကလရားဝိုခါမှာ အဲမိုသိုးဝို ဆွဲတံပဲနနေရိလော။ 12လူဟ သိုးထက်များဂီး တန်ဖိုးရှေ့ရယ်။ အဲဂျော့ ဥပုသ်နေ့မှာ ကောဝိုဇာဝိုပြုလုပ်ဇာဟ ပညတ်တရားတော်နညီရယ်" ဆိုပီး မိတော်မူလေရယ်။ 13အဲနော့ သူဟ လက်တစ်ဖက်လေဖြတ်နေသူဝို "နန့်လက်ဝို ဆန့်ထုလိုက်ပါ" ဆိုပီး မိဆိုလေရာ အဲသူဟလက်ဝို ဆန့်လိုက်ဝိုခါမှာ အဲမိုလက်ဟခြားလက်တစ်ဖက်မျိုး ကောမွန်သန်စွမ်းနေလေရယ်။ 14အဲန ဖာရိရှဲဒွေဟ ထွက်လာဂေ့ပြီး ကိုယ်တော်ယေရှုဝို လုပ်ကြံသတ်ဖြတ်နိုင်ဝို့ နည်းလမ်းဝိုရှာဖွီဝို့ ဆွေးနွေးတိုင်ပံဂေ့လေရယ်။ 15ကိုယ်တော်ယေရှုဟ သူနို့ရဲ့ကြံစည်ဒွေဝို သိရိတွက်ဂျော့ အဲနေရာဟနေ ထွက်ခွာလာလေရယ်။ အဲခါ လူဒွေများဂီးဟ ကိုယ်တော်နော့ဝို လိုက်လာဂေ့ရိတွက် ကိုယ်တော်ယေရှုဟ သူ့နို့ဂူလုံးထဲဟ နာမကျန်းသူဒွေဝို ကျန်းမာအော်ကုသပေးလေရယ်။ 16ပီးန ကိုယ်တော်ယေရှုဟ သူလုပ်ဆော်ပေးရစ်ဝို ကြောရာဒွေဝို ခြားသူဒွေဆီဝို မပြောဝို့ ဒိပေးလေရယ်။ 17အဲမိုနဘဲ့ ကိုယ်တော်ယေရှုဟ ပရောဖက်ဟေရှာယ မိဆိုရစ်ဝို မိဆိုချင့်ဒွေဝို ပလဲ့ဇုံမှန်ကန်စေဝို့ လုပ်ဆော်ခဲ့လေရယ်။ 18အဲမိုမိဆိုချင့်ဒွေဟလောဝါ "အယ်လူဟ ငါဝွီးကော့ရားဝို ငါ့မှုဒေါ်ဆော်ဖြစ်ပီး ငါရားဒိုင်းရှစ်မြတ်နိုးရဝိုသူလဲဖြစ်ရယ်။ ငါဟ သူ့ပေါ်မှာ ငါ့စိဝိဉာဥ်ဝို ပေးအပ်ရားပီးဖြစ်ရိတွက် သူဟလူမျိုးပေါစုံဝို ရားမျှတမှုဝို ဟောပြောကြေငြာလိမယ်ဖြစ်ရယ်။ 19သူဟ ဟယ်ခါမှဂျင်းဇာန အော်ဟစ်ဇာဝို ပြုလုပ်လိမှာမုဘဲန သူ့သံဝိုလဲ လမ်းမပေါ်မှာရှေ့ဝို ဟယ်သူမှကြားဂေ့ရလိမယ်မုဝ။ 20သူဟ ရားမျှတမှုဝို အော်မြင်အော်ပြုလုပ်ပြီးထိ ပျစ်ဆီးနေဝိုဗြစ်ပံဒွေဝိုထပ်ပီး ဖျစ်ဆီးမှာလဲမုဘဲန လော်ကျွမ်းနေဝို မီးဝိုလဲ ငြီးသက်လိမှာမုဝ။ 21လူမျိုးပေါဒို့ဟလဲ သူ့ရဲ့မည်နာမတော်ဝိုမှီပြုပီး မျှော်လင့်ချင့်သစ်ဒွေဝို ရဂေ့လိမယ်ဖြစ်ရယ်" ဆိုပီး ဖြစ်လေရယ်။ 22အဲနော့ လူဒွေဟ ကောဆိုးဝါးပူးကပ်ခံရရိတွက်ဂျော့ ဆွံအပီး မျစ်လုံးဗြင်ဘဲဝိုလူတယော့ဝို ကိုယ်တော်ဆီဝို ခေါ်ဆော်လာဂေ့လေရယ်။ ကိုယ်တော်ဟ အဲမိုလူဝိုကုသပေးလိုက်ဝိုခါမှာ အဲမိုလူဟမျစ်လုံးပလန်ဗြင်ရားပြီး ဂါးလဲပလန်ပြောနိုင်ရားလေရယ်။ 23အဲခါလူဒွေဂူလုံးဟ ရားဒိုင်းအံ့ဩဝါးဂေ့ပြီး "သူဟ ဒါဝိဒ်ရဲ့သားတော်များဖြစ်နေမလော" ဆိုပီး ပြောဆိုဂေ့လေရယ်။ 24ဖာရိရှဲဒွေဟ အဲမိုကြောရာဝိုကြားဝိုခါမှာ "ကောဆိုးဝါးဒွေရဲ့ခေါဆော်ဖြစ်ဝို ဗေလဇေဗုလဟ အယ်မိုလူဝို လူဒွေဆီဟနေ ကောဆိုးဝါးဒွေဝို နှံထုနိုင်ဝိုစွမ်း ပေးထားရိတွက်ဂျော့ အဲမိုမျိုးပြုလုပ်နိုင်ဇာဖြစ်ရယ်" ဆိုပီး ပြောဂေ့လေရယ်။ 25သူ့နို့ရဲ့တွီးတောနေဇာဒွေဝို ကိုယ်တော်ယေရှုသိတော်မူရိတွက် ကိုယ်တော်ဟ သူ့နို့ဝို "တိုင်းသူပြည်သားဒွေဟ ဦးနဦး ဆန့်ကျင်တိုက်ခိုက်နေမယ်ဆိုဝါ ကိုယ့်တိုင်းပြည်ဝို ဖျစ်ဆီးရာရော့ဝိုမျိုး ဗြို့တဗြို့ ဖြစ်ဖြစ်၊ မိသားဇုတစ်ဇုထဲမှာဖြစ်ဖြစ် ရှေ့နေဝိုလူဒွေဟ သူ့နို့ချင်းချင်း ဆန့်ကျင်တိုက်ခိုက်နေဂေ့မယ်ဆိုဝါလဲ ပျစ်ဆီးခြင်းဝိုဘဲ့ ရော့ဂေ့လိမယ်ဖြစ်ရယ်။ 26ကောဆိုးဝါးခေါဆော်ဟ သူ့နမျိုးတူဝိုကောဆိုးဝါးဝို ပလန်နှံထုရယ်ဆိုဝါ သူဟ သူ့ဝို ဆန့်ကျင်မျိုးဖြစ်လာလိမယ်။ အဲမျိုးဆိုဝါ သူ့နိုင်ငံဟ ဟယ်မျိုးတည်မြဲနိုင်ပါမယ်နူး။ 27ငါဟ ဗေလဇေဗုလရဲ့စွမ်းန ကောဆိုးဝါးဒွေဝို နှံထုရယ်ဆိုဝါ နန်းနို့ရဲ့ဗြိဒွေဟ ဟယ်သူရဲ့စွမ်းန အဲမိုကောဆိုးဝါးဒွေဝို နှံထုနေနူး။ အဲဂျော့ သူ့နို့ဟ နန်းနို့မှားနေဇာဝို ပြသဂေ့လိမယ်။ 28ငါဟ ဘုရားရှင်ရဲ့ဝိဉာဉ်တော်စွမ်းန ကောဆိုးဝါးဒွေဝို နှံထုဇာဖြစ်မယ်ဆိုဝါ ဘုရားရှင်ရဲ့သာသနာတော်ဟ နန်းနို့ပေါ်ဝို ရော့ရှေ့လာပြီဖြစ်ရယ်။ 29အဲမိုမျိုးဘဲ့ ဟယ်သူဟ သန်မာထွားကျိုင်းဝို ယော့ကျားတယော့ရဲ့အီဝို ဝမ်ရော့ပီး သူပိုင်ဆိုင်ဝိုဥစ္စာပစ္စည်းဒွေဝို လုယူနိုင်မယ်နူး။ အဲမိုလူဝို ရင်ဦးဆုံး ချုပ်နှော်ပြီးမှဘဲ့ သူပိုင်ဆိုင်ဝို ဥစ္စာပစ္စည်းဒွေဝို လုယူနိုင်မယ်ဖြစ်ရယ်။ 30ငါ့ဖက်မှာ ရပ်တည်ဘဲဝိုလူဟ ငါ့ဝိုဆန့်ကျင်ဝိုသူဖြစ်ပြီး ငါနတူတူ ဘုရားရှင်ရဲ့နိုင်ငံတော်ဝို လူဒွေဝို စုဝေးစေဘဲဝိုလူဟ နို့ဝို စိဝမ်း တစ်ကွဲတစ်ပြားဖြစ်စေဝိုသူဖြစ်ရယ်။ 31အဲဂျော့ နန်းနို့ဝိုငါဆိုလိုဇာဟလောဝါ လူဒွေဟ ဘုရားရှင်ဝို ပြစ်မှားစော်ကားပေမဲ့ ပြစ်ဒွေဂူလုံးတွက် ခွမ့်လွှတ်ဇာခံရမှာဖြစ်ပေမဲ့ သန့်ရှင်းဝိုဝိဉာဉ်တော်ဝို စော်ကားပြောဆိုဇာတွက်လောဝါ ခွမ့်လွှတ်ဇာခံရမုဝ။ 32ဘုရားရှင် စေလွှတ်လိုက်ဝို လူ့သားတော်ဝိုစော်ကားပြောဆိုသူဒိုင်းဟ ခွမ့်လွှတ်ဇာခံရနိုင်ဘေမဲ့ ဘုရားရှင်ရဲ့ဉာဏ်လင်းတော်ဝို စော်ကားပြောဆိုသူဒိုင်းဟလောဝါ ခုလက်ရှိမှာလဲ ခွမ့်လွှတ်ဇာခံရမှာမုဘဲမျိုး နော့လဲခွင့်လွှတ်ဇာခံရမှာမုဝ။ 33ပံတစ်ပံဝို ကောမွန်စွာပြုစုပျိုးထော်မယ်ဆိုဝါ အဲမိုပံရဲ့သီးဟ ကောမွန်မှာဖြစ်မျိုး ပံတစ်ပံဝိုဆိုးဝါးစွာ ပြုစုပျိုးထော်ခဲ့မယ်ဆိုဝါ အဲမိုပံရဲ့သီးဟ ဆိုးဝါးမှာဘဲ့ဖြစ်ရယ်။ အဲဂျော့ သီးဝိုကေ့လိုက်န ဟယ်မိုမျိုးပံ ဖြစ်မယ်ဆိုဇာဝို သိနိုင်ရယ်။ 34ဆိရှေ့ဝို ဗွီဆိုးဒွေမျိုး ကောဘဲဝိုနန်းနို့ဒွေ၊ နန်းနို့ဟ ကောဘဲဝိုလူဒွေဖြစ်နေပီး ကောဝိုဇာဒွေဝို ဟဲမျိုးပြောဆိုနိုင်ဂေ့မယ်နူး။ ဟဲဂျော့ဆိုဝါ လူတယော့ရဲ့စိနှလုံးတွမ်းမှာ ပလဲ့နှက်နေဝိုဇာဒွေဟဘဲ့ အဲမိုလူရဲ့ နှုဟနေ ထွက်လာဇာဖြစ်ရိဂျော့ဖြစ်ရယ်။ 35ကောမွန်ဝိုလူတစ်ယော့ဟ သူ့ရဲ့ကောမွန်ဝို စိနှလုံးထဲမှာရှေ့ဝို ကောမွန်ဝိုဂါးဒွေဝိုဘဲ့ ပြောဆိုဝိုမျိုးဘဲ့ ကောဘဲဝိုလူတယော့ဟလဲ ကောဘဲဝိုစိနှစ်လုံးထဲမှာရှေ့ဝို ကောဘဲဝိုဂါးဝိုဘဲ့ ပြောဆိုဂေ့လေရယ်။ 36ရားစီရင်တော်မူဝိုနေ့မှာ လူဒွေဟ သူ့နို့ပြောဆိုရစ်ဝို ကျိုးမှေ့ဘဲဝိုဂါးဒွေတွက် ဖြေရှင်းချင့်ပေးဂေ့ရမှာဖြစ်ရယ်။ 37ဟဲဖြစ်ရိနူးဆိုဝါ နန်းနို့ရဲ့ဂါးဒွေဝိုခြေခံပီး နန်းနို့ဟပြစ်မှေ့ဘဲကြော သိမှတ်ပြုဇာခံရမှာဖြစ်ဝိုမျိုး၊ နန်းနို့ရဲ့ဂါးဒွေဝိုခြေခံပီး နန်းနို့ဝို ပြစ်ဒဏ်ခလမှတ်ဇာခံရမှာဖြစ်ရယ်" ဆိုပီး မိတော်မူလေရယ်။ 38အဲခါ ချို့ကျမ်းတတ်ဆရာဒွေ န ဖာရိရှဲဒွေဟ ကိုယ်တော်ဝို "အရှင်၊ အရှင်လုပ်ဆော်ဝိုအံ့ဖွယ်မှုကိစဒွေဝို ကျနော်ဒို့ ဗြင်ရှင်ပါရယ်" ဆိုပီး ရှော့တံဂေ့လေရယ်။ 39အယ်ဘေမဲ့ ကိုယ်တော်ယေရှုဟ သူနို့ဝို "ငါ့ဆီဟအံ့ဖွယ်မှုကိစဝို တောဆိုဝိုလူဒွေဟ ကောဘဲလူဒွေဘဲ့ဖြစ်ပြီး ကိုယ်ကျင့်သိခါမှေ့ဘဲဝို အီထော်သည်မျိုးမီးန တူလေရယ်။ အယ်ဘေမဲ့ အဲမိုလူဒွေတွက် ပရောဖက်ယောနရဲ့ အံ့ဖွယ်မှုဒွေဟနေလွှဲပီး ဟဲရာအံ့ဖွယ်မျိုးဝိုမှ ရရှေ့တွီ့ဗြင်ဂေ့ရလိမယ်မုဝ။ 40ဟဲဂျော့ဆိုဝါ ယောနဟကီးမားဝို ငါးတဂေါ်ရဲ့ဝမ်းထဲမှာ သုံးရစ်နေခဲ့ရဝိုမျိုး ဘုရားရှင် စေလွှတ်လိုက်ဝို လူ့သားတော်ဟလဲ အယ်မိုဘာမလေပေါ်မှာ သုံးရစ်နသုံးည ဂူသွမ်းသင်္ဂြိုဟ်ဇာခံရမှာ ဖြစ်ရိဂျော့ဖြစ်ရယ်။ 41ဘုရားရှင်ဟ လူဒွေဝို ရားစီရင်ဝိုခါမှာ၊ နိနေဝေဗြို့မှာနေထိုင်ဝို လူဒွေဟ ငါပြုဝို အံ့ဖွယ်မှုဒွေဝို ဗြင်ဝိုလူဒွေနတူတူ ရှေ့တော်မှာ ရပ်ဂေ့လိမယ်။ နိနေဝေဗြို့သားဒွေဟ ယောနဟောဝိုဂါးဝို ကြားရိတွက်ဂျော့ သူ့နို့ရဲ့ပြစ်ပြုဝိုလမ်းဝို ရှော်လွှဲခဲ့ဂေ့ရယ်။ ယောနဟ ရေးကီးဘေမဲ့၊ ယောနထက်သာပီး ရေးကီးဝိုငါဟ နန်းနို့ဝို လာပီး ဟောပြောဘေမဲ့၊ နန်းနို့ဟ ပြစ်ပြုဝိုလမ်းဝို ရှော်လွှဲဂေ့ရ။ အဲဂျော့ ဘုရားရှင်ဟ လူဒွေဝိုရားစီရင်ဝိုခါမှာ၊ သူဟ နန်းနို့ရဲ့ပြစ်တရားဒွေဝို စီရင်လိမယ်။ 42ရှေးဒူးဟ အစ္စရေးတော်ပိုင်းမှာရှေ့ဝို ရှေဘဗြို့ဟ မိဖုရားဟ ရှောလမုန်မန်းဂီးရဲ့ ဆုံးမဩဝါဒဒွေဝို နားထော်ဝို့ ဝွီးတစ်နေရာဟနေ လာခဲ့ရရယ်။ ခုဟလောဝါ ရှောလမုန်ထက် ကီးမြတ်ပီး ပညာရှေ့ဝိုငါဟ အယ်မိုရပ်ဒေသမှာရှေ့ဘေမဲ့၊ ငါပြောဝိုဂါးဝို နန်းနို့နားမထော်ဂေ့ရ။ အဲဂျော့ ဘုရားရှင်ဟ လူဒွေဝို ရားစီရင်ဝိုခါမှာ၊ ရှေဘပြည်ဟမိဖုရားဟ နန်းနို့နတူတူ လူဒွေရှေ့မှာရပ်ပီး ပြစ်စီရင်ဇာဝိုခံရလိမယ်။ 43ကောဆိုးဝါးဟ သူပူးကပ်ရားဝို လူရဲ့ကိုယ်ထဲဟ ထွက်ရားဝိုခါမှာ သူနေထိုင်ဝို့ နေဇာဝိုရှာဖွီဝိုခါမှာ လူသူဆိငြီပီး နားယူနိုင်ဝို့နေရာဝိုရှာဘေမဲ့ ရှာရိတွီ့နိုင်ရ။ 44အဲခါ သူဟ 'ငါထွက်လာရစ်ဝိုအီဝို ငါပလန်ရားမယ်။' ဆိုပီး ပြောပီး ပလန်လာဝိုခီမှာ အဲမိုအီဟသန့်ရှင်းပီး ရာအားလုံးဟလဲ သူ့နေရာနသူ စီစီရီရီထားရှေ့ပီး အီမှာလဲ ဟယ်သူမှမှေ့ဘဲဇာဝို တွီ့ရလေရယ်။ 45အဲခါသူဟ သူထက်ပိုပီး ဆိုးသွမ်းဝိုကောဆိုးဝါးခုနှေ့ကော်ဝို သူနတူတူသွားခေါ်လာပြီး အီထဲမှာဝမ်ရော့နေထိုင်ဂေ့ရိဂျော့ ထပ်မံပီး ပူးကပ်ခံရဝိုသူဟ ပထမတခါပူးကပ်ခံရဇာထက် ပိုပီးဆိုးရွားလေရယ်။ ခုခေတ်မှာ နေထိုင်နေဂေ့ဝို ကောဘဲဝိုမျိုးဆစ်ဟလဲ အဲမိုမျိုးဘဲ့ဖြစ်လိမယ်ဖြစ်ရယ်။" ဆိုပီး မိတော်မူလေရယ်။ 46ကိုယ်တော်ယေရှုဟ အဲမျိုးမိတော်မူနေခီ ကိုယ်တော်ရဲ့မယ်တော်န ညီတော်ဒွေဟ ကိုယ်တော်န ဂါးပြောရှင်ရိ ပလန်မှာ ရပ်စော့နေဂေ့ရယ်။ 47 အဲခါ လူတယော့ဟ "ကိုယ်တော်ရဲ့မယ်တော်နညီတော်ဒွေဟ ကိုယ်တော်န ဂါးပြောရှင်ရိ ပလန်မှာ ရပ်စော့နေဂေ့ပါရယ်" ဆိုပီး ရှော့တံလေရယ်။ 48အဲခါ ကိုယ်တော်ယေရှုဟ "ဟယ်သူဟ ငါ့ရဲ့မိခင်ဖြစ်ရယ်၊ ဟယ်သူဟ ငါ့ညီကိုဖြစ်ရယ်ဆိုဇာဝို နန်းနို့ဝို ငါ ပြောပြရဦးမယ်" ဆိုပီး လာပြောဝိုလူဝို မိတော်မူလေရယ်။ 49အဲနော့ ကိုယ်တော်ဟ သူ့ဗြိဒွေဆီဝို လက်ညှိုးညွှန်ပီး "အဲမိုလူဒွေဟ ငါ့မိခင်နညီကိုဒွေဖြစ်ရယ်။ 50ရွှေဗြို့တော်ရှေ့ဝို ငါ့အဖဘုရားရှင် လိုတော်ကျလိုက်ပါဆော်ဝက်ဝို လူမှန်သမျှဟ ငါ့မိခင်နညီကိုဒွေဘဲ့ဖြစ်ရယ်" ဆိုပီး မိတော်မူလေရယ်။
Valið núna:
Matthew 12: ttpv-rv
Áherslumerki
Deildu
Afrita
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Matthew 12
12
1အဲနော့ ဥပုသ်နေ့တစ်နေ့မှာ ကိုယ်တော်ယေရှုဟ ဂျုံခမ်းဒွေဝိုဖြတ်သန်းပီး သွားလေရယ်။ အဲခါ ကိုယ်တော်ရဲ့ဗြိဒွေဟ ဗိုက်ဆာလာရိတွက် ဂျုံဇေ့ဒွေဝို ခူးပီးစားဂေ့လေရယ်။ 2အဲမိုဇာဝို ဖာရိရှဲချို့ဟဗြင်ဝိုခါမှာ ကိုယ်တော်ဝို "ကေ့ပါဦး။ သင့်ရဲ့ဗြိဒွေဟ ဥပုသ်နေ့မှာပညတ်ရားဝို ပြုလုပ်ရဘဲဝိုမှုဝို ပြုလုပ်နေဂေ့ရယ်။" ဆိုပီး ပြောလေရယ်။ 3ကိုယ်တော်ဟလဲ သူ့နို့ဝို "ဒါဝိဒ် န တူတူရှေ့နေဂေ့ဝိုသူဒွေ ဗိုက်ဆာလာဂေ့ဝိုခါမှာ ဟဲရာဇာဝိုပြုလုပ်ရစ်ရယ်ဆိုဇာဝို နန်းနို့ ဖတ်ဖူးဂေ့ရလော။ 4သူဟ ဘုရားရှင်ရဲ့အီတော်ထဲဝိုဝမ်ပီး ဂျူးပုရောဟိတ်ဒွေဟနေလွှဲပီး စားသုံးခွမ့်မှေ့ဘဲဝို ဘုရားရှင်ဝို ပူဇော်ရားဝို ပါမုဒွေဝို သူ့န သူ့ပေါဖော်ဒွေပါ ယူပီးစားသော့ဂေ့လေရယ်။ 5အဲမိုပြင် ဥပုသ်နေ့မှာ ဗိမာန်တော်မှာရှေ့ဝို ဂျူးပုရောဟိတ်ဒွေဟ ဥပုသ်နေ့နဆိုင်ဝို ပညတ်တရားဒွေဝို ချိုးဖော့ဘေမဲ့ ပြစ်မှေ့ဘဲကြော ပညတ်တရားကျမ်းထဲမှာ နန်းနို့ ဖတ်ဖူးဂေ့ရလော။ 6နန်းနို့ဝို ငါပြောရှင်ဇာဟလောဝါ ဗိမာန်တော်ထက်ပိုပီးကီးမြတ်ဝိုသူဟ အယ်မိုနေရာမှာရှေ့နေပြီဖြစ်ရယ်။ 7'ငါဟ လှူဖွယ်ပစ္စည်းဒွေ လှူဒါန်းဇာထက် မေတ္တာတရားဝိုဘဲ့ လိုရှေ့ရယ်' ဆိုဝို ဂါးဝို နန်းနို့နားလည်ဘောပေါ့ဂေ့ရယ်ဆိုဝါ ပြစ်မှေ့ဘဲသူဒွေဝို နန်းနို့ပြစ်တံရှုတ်ခလဂေ့မှာမုဝ။ 8အယ်မိုမျိုးပြောရဇာဟလောဝါ ဘုရားရှင် စေလွှတ်လိုက်ဝို 'လူ့သားတော်' ဟ ဥပုသ်နေ့ရဲ့ရှင်သခင်ဖြစ်ရိတွက်ဂျော့ဖြစ်ရယ်" ဆိုပီး မိတော်မူလေရယ်။ 9အဲနော့ ကိုယ်တော်ယေရှုဟ အဲနေရာဟနေ ထွက်ခွာလာပြီး ဓမ္မာရုံထဲဝို ဝမ်လေရယ်။ 10အဲနေရာမှာ လက်တစ်ဖက်သေနေဝိုသူတယော့လဲ ရှေ့နေရိတွက်ဂျော့ ကိုယ်တော်ဝို ပြစ်ရှာစွပ်စွဲနိုင်ဝို့တွက် "ဥပုသ်နေ့မှာ နာရောဂါဒွေဝို ကုသပေးဇာဟ ပညတ်တရားတော်န ညီလော" ဆိုပီး မေးဂေ့လေရယ်။ 11အဲခါ ကိုယ်တော်ဟ အဲမိုသူဒွေဝို "နန်းနို့ထဲဟ သိုးတစ်ဂေါ်ဝို ပိုင်ဆိုင်ရားဝိုသူတယော့ဟ ဥပုသ်နေ့မှာ သူ့ရဲ့သိုး တွမ်းထဲဝို ကလရားဝိုခါမှာ အဲမိုသိုးဝို ဆွဲတံပဲနနေရိလော။ 12လူဟ သိုးထက်များဂီး တန်ဖိုးရှေ့ရယ်။ အဲဂျော့ ဥပုသ်နေ့မှာ ကောဝိုဇာဝိုပြုလုပ်ဇာဟ ပညတ်တရားတော်နညီရယ်" ဆိုပီး မိတော်မူလေရယ်။ 13အဲနော့ သူဟ လက်တစ်ဖက်လေဖြတ်နေသူဝို "နန့်လက်ဝို ဆန့်ထုလိုက်ပါ" ဆိုပီး မိဆိုလေရာ အဲသူဟလက်ဝို ဆန့်လိုက်ဝိုခါမှာ အဲမိုလက်ဟခြားလက်တစ်ဖက်မျိုး ကောမွန်သန်စွမ်းနေလေရယ်။ 14အဲန ဖာရိရှဲဒွေဟ ထွက်လာဂေ့ပြီး ကိုယ်တော်ယေရှုဝို လုပ်ကြံသတ်ဖြတ်နိုင်ဝို့ နည်းလမ်းဝိုရှာဖွီဝို့ ဆွေးနွေးတိုင်ပံဂေ့လေရယ်။ 15ကိုယ်တော်ယေရှုဟ သူနို့ရဲ့ကြံစည်ဒွေဝို သိရိတွက်ဂျော့ အဲနေရာဟနေ ထွက်ခွာလာလေရယ်။ အဲခါ လူဒွေများဂီးဟ ကိုယ်တော်နော့ဝို လိုက်လာဂေ့ရိတွက် ကိုယ်တော်ယေရှုဟ သူ့နို့ဂူလုံးထဲဟ နာမကျန်းသူဒွေဝို ကျန်းမာအော်ကုသပေးလေရယ်။ 16ပီးန ကိုယ်တော်ယေရှုဟ သူလုပ်ဆော်ပေးရစ်ဝို ကြောရာဒွေဝို ခြားသူဒွေဆီဝို မပြောဝို့ ဒိပေးလေရယ်။ 17အဲမိုနဘဲ့ ကိုယ်တော်ယေရှုဟ ပရောဖက်ဟေရှာယ မိဆိုရစ်ဝို မိဆိုချင့်ဒွေဝို ပလဲ့ဇုံမှန်ကန်စေဝို့ လုပ်ဆော်ခဲ့လေရယ်။ 18အဲမိုမိဆိုချင့်ဒွေဟလောဝါ "အယ်လူဟ ငါဝွီးကော့ရားဝို ငါ့မှုဒေါ်ဆော်ဖြစ်ပီး ငါရားဒိုင်းရှစ်မြတ်နိုးရဝိုသူလဲဖြစ်ရယ်။ ငါဟ သူ့ပေါ်မှာ ငါ့စိဝိဉာဥ်ဝို ပေးအပ်ရားပီးဖြစ်ရိတွက် သူဟလူမျိုးပေါစုံဝို ရားမျှတမှုဝို ဟောပြောကြေငြာလိမယ်ဖြစ်ရယ်။ 19သူဟ ဟယ်ခါမှဂျင်းဇာန အော်ဟစ်ဇာဝို ပြုလုပ်လိမှာမုဘဲန သူ့သံဝိုလဲ လမ်းမပေါ်မှာရှေ့ဝို ဟယ်သူမှကြားဂေ့ရလိမယ်မုဝ။ 20သူဟ ရားမျှတမှုဝို အော်မြင်အော်ပြုလုပ်ပြီးထိ ပျစ်ဆီးနေဝိုဗြစ်ပံဒွေဝိုထပ်ပီး ဖျစ်ဆီးမှာလဲမုဘဲန လော်ကျွမ်းနေဝို မီးဝိုလဲ ငြီးသက်လိမှာမုဝ။ 21လူမျိုးပေါဒို့ဟလဲ သူ့ရဲ့မည်နာမတော်ဝိုမှီပြုပီး မျှော်လင့်ချင့်သစ်ဒွေဝို ရဂေ့လိမယ်ဖြစ်ရယ်" ဆိုပီး ဖြစ်လေရယ်။ 22အဲနော့ လူဒွေဟ ကောဆိုးဝါးပူးကပ်ခံရရိတွက်ဂျော့ ဆွံအပီး မျစ်လုံးဗြင်ဘဲဝိုလူတယော့ဝို ကိုယ်တော်ဆီဝို ခေါ်ဆော်လာဂေ့လေရယ်။ ကိုယ်တော်ဟ အဲမိုလူဝိုကုသပေးလိုက်ဝိုခါမှာ အဲမိုလူဟမျစ်လုံးပလန်ဗြင်ရားပြီး ဂါးလဲပလန်ပြောနိုင်ရားလေရယ်။ 23အဲခါလူဒွေဂူလုံးဟ ရားဒိုင်းအံ့ဩဝါးဂေ့ပြီး "သူဟ ဒါဝိဒ်ရဲ့သားတော်များဖြစ်နေမလော" ဆိုပီး ပြောဆိုဂေ့လေရယ်။ 24ဖာရိရှဲဒွေဟ အဲမိုကြောရာဝိုကြားဝိုခါမှာ "ကောဆိုးဝါးဒွေရဲ့ခေါဆော်ဖြစ်ဝို ဗေလဇေဗုလဟ အယ်မိုလူဝို လူဒွေဆီဟနေ ကောဆိုးဝါးဒွေဝို နှံထုနိုင်ဝိုစွမ်း ပေးထားရိတွက်ဂျော့ အဲမိုမျိုးပြုလုပ်နိုင်ဇာဖြစ်ရယ်" ဆိုပီး ပြောဂေ့လေရယ်။ 25သူ့နို့ရဲ့တွီးတောနေဇာဒွေဝို ကိုယ်တော်ယေရှုသိတော်မူရိတွက် ကိုယ်တော်ဟ သူ့နို့ဝို "တိုင်းသူပြည်သားဒွေဟ ဦးနဦး ဆန့်ကျင်တိုက်ခိုက်နေမယ်ဆိုဝါ ကိုယ့်တိုင်းပြည်ဝို ဖျစ်ဆီးရာရော့ဝိုမျိုး ဗြို့တဗြို့ ဖြစ်ဖြစ်၊ မိသားဇုတစ်ဇုထဲမှာဖြစ်ဖြစ် ရှေ့နေဝိုလူဒွေဟ သူ့နို့ချင်းချင်း ဆန့်ကျင်တိုက်ခိုက်နေဂေ့မယ်ဆိုဝါလဲ ပျစ်ဆီးခြင်းဝိုဘဲ့ ရော့ဂေ့လိမယ်ဖြစ်ရယ်။ 26ကောဆိုးဝါးခေါဆော်ဟ သူ့နမျိုးတူဝိုကောဆိုးဝါးဝို ပလန်နှံထုရယ်ဆိုဝါ သူဟ သူ့ဝို ဆန့်ကျင်မျိုးဖြစ်လာလိမယ်။ အဲမျိုးဆိုဝါ သူ့နိုင်ငံဟ ဟယ်မျိုးတည်မြဲနိုင်ပါမယ်နူး။ 27ငါဟ ဗေလဇေဗုလရဲ့စွမ်းန ကောဆိုးဝါးဒွေဝို နှံထုရယ်ဆိုဝါ နန်းနို့ရဲ့ဗြိဒွေဟ ဟယ်သူရဲ့စွမ်းန အဲမိုကောဆိုးဝါးဒွေဝို နှံထုနေနူး။ အဲဂျော့ သူ့နို့ဟ နန်းနို့မှားနေဇာဝို ပြသဂေ့လိမယ်။ 28ငါဟ ဘုရားရှင်ရဲ့ဝိဉာဉ်တော်စွမ်းန ကောဆိုးဝါးဒွေဝို နှံထုဇာဖြစ်မယ်ဆိုဝါ ဘုရားရှင်ရဲ့သာသနာတော်ဟ နန်းနို့ပေါ်ဝို ရော့ရှေ့လာပြီဖြစ်ရယ်။ 29အဲမိုမျိုးဘဲ့ ဟယ်သူဟ သန်မာထွားကျိုင်းဝို ယော့ကျားတယော့ရဲ့အီဝို ဝမ်ရော့ပီး သူပိုင်ဆိုင်ဝိုဥစ္စာပစ္စည်းဒွေဝို လုယူနိုင်မယ်နူး။ အဲမိုလူဝို ရင်ဦးဆုံး ချုပ်နှော်ပြီးမှဘဲ့ သူပိုင်ဆိုင်ဝို ဥစ္စာပစ္စည်းဒွေဝို လုယူနိုင်မယ်ဖြစ်ရယ်။ 30ငါ့ဖက်မှာ ရပ်တည်ဘဲဝိုလူဟ ငါ့ဝိုဆန့်ကျင်ဝိုသူဖြစ်ပြီး ငါနတူတူ ဘုရားရှင်ရဲ့နိုင်ငံတော်ဝို လူဒွေဝို စုဝေးစေဘဲဝိုလူဟ နို့ဝို စိဝမ်း တစ်ကွဲတစ်ပြားဖြစ်စေဝိုသူဖြစ်ရယ်။ 31အဲဂျော့ နန်းနို့ဝိုငါဆိုလိုဇာဟလောဝါ လူဒွေဟ ဘုရားရှင်ဝို ပြစ်မှားစော်ကားပေမဲ့ ပြစ်ဒွေဂူလုံးတွက် ခွမ့်လွှတ်ဇာခံရမှာဖြစ်ပေမဲ့ သန့်ရှင်းဝိုဝိဉာဉ်တော်ဝို စော်ကားပြောဆိုဇာတွက်လောဝါ ခွမ့်လွှတ်ဇာခံရမုဝ။ 32ဘုရားရှင် စေလွှတ်လိုက်ဝို လူ့သားတော်ဝိုစော်ကားပြောဆိုသူဒိုင်းဟ ခွမ့်လွှတ်ဇာခံရနိုင်ဘေမဲ့ ဘုရားရှင်ရဲ့ဉာဏ်လင်းတော်ဝို စော်ကားပြောဆိုသူဒိုင်းဟလောဝါ ခုလက်ရှိမှာလဲ ခွမ့်လွှတ်ဇာခံရမှာမုဘဲမျိုး နော့လဲခွင့်လွှတ်ဇာခံရမှာမုဝ။ 33ပံတစ်ပံဝို ကောမွန်စွာပြုစုပျိုးထော်မယ်ဆိုဝါ အဲမိုပံရဲ့သီးဟ ကောမွန်မှာဖြစ်မျိုး ပံတစ်ပံဝိုဆိုးဝါးစွာ ပြုစုပျိုးထော်ခဲ့မယ်ဆိုဝါ အဲမိုပံရဲ့သီးဟ ဆိုးဝါးမှာဘဲ့ဖြစ်ရယ်။ အဲဂျော့ သီးဝိုကေ့လိုက်န ဟယ်မိုမျိုးပံ ဖြစ်မယ်ဆိုဇာဝို သိနိုင်ရယ်။ 34ဆိရှေ့ဝို ဗွီဆိုးဒွေမျိုး ကောဘဲဝိုနန်းနို့ဒွေ၊ နန်းနို့ဟ ကောဘဲဝိုလူဒွေဖြစ်နေပီး ကောဝိုဇာဒွေဝို ဟဲမျိုးပြောဆိုနိုင်ဂေ့မယ်နူး။ ဟဲဂျော့ဆိုဝါ လူတယော့ရဲ့စိနှလုံးတွမ်းမှာ ပလဲ့နှက်နေဝိုဇာဒွေဟဘဲ့ အဲမိုလူရဲ့ နှုဟနေ ထွက်လာဇာဖြစ်ရိဂျော့ဖြစ်ရယ်။ 35ကောမွန်ဝိုလူတစ်ယော့ဟ သူ့ရဲ့ကောမွန်ဝို စိနှလုံးထဲမှာရှေ့ဝို ကောမွန်ဝိုဂါးဒွေဝိုဘဲ့ ပြောဆိုဝိုမျိုးဘဲ့ ကောဘဲဝိုလူတယော့ဟလဲ ကောဘဲဝိုစိနှစ်လုံးထဲမှာရှေ့ဝို ကောဘဲဝိုဂါးဝိုဘဲ့ ပြောဆိုဂေ့လေရယ်။ 36ရားစီရင်တော်မူဝိုနေ့မှာ လူဒွေဟ သူ့နို့ပြောဆိုရစ်ဝို ကျိုးမှေ့ဘဲဝိုဂါးဒွေတွက် ဖြေရှင်းချင့်ပေးဂေ့ရမှာဖြစ်ရယ်။ 37ဟဲဖြစ်ရိနူးဆိုဝါ နန်းနို့ရဲ့ဂါးဒွေဝိုခြေခံပီး နန်းနို့ဟပြစ်မှေ့ဘဲကြော သိမှတ်ပြုဇာခံရမှာဖြစ်ဝိုမျိုး၊ နန်းနို့ရဲ့ဂါးဒွေဝိုခြေခံပီး နန်းနို့ဝို ပြစ်ဒဏ်ခလမှတ်ဇာခံရမှာဖြစ်ရယ်" ဆိုပီး မိတော်မူလေရယ်။ 38အဲခါ ချို့ကျမ်းတတ်ဆရာဒွေ န ဖာရိရှဲဒွေဟ ကိုယ်တော်ဝို "အရှင်၊ အရှင်လုပ်ဆော်ဝိုအံ့ဖွယ်မှုကိစဒွေဝို ကျနော်ဒို့ ဗြင်ရှင်ပါရယ်" ဆိုပီး ရှော့တံဂေ့လေရယ်။ 39အယ်ဘေမဲ့ ကိုယ်တော်ယေရှုဟ သူနို့ဝို "ငါ့ဆီဟအံ့ဖွယ်မှုကိစဝို တောဆိုဝိုလူဒွေဟ ကောဘဲလူဒွေဘဲ့ဖြစ်ပြီး ကိုယ်ကျင့်သိခါမှေ့ဘဲဝို အီထော်သည်မျိုးမီးန တူလေရယ်။ အယ်ဘေမဲ့ အဲမိုလူဒွေတွက် ပရောဖက်ယောနရဲ့ အံ့ဖွယ်မှုဒွေဟနေလွှဲပီး ဟဲရာအံ့ဖွယ်မျိုးဝိုမှ ရရှေ့တွီ့ဗြင်ဂေ့ရလိမယ်မုဝ။ 40ဟဲဂျော့ဆိုဝါ ယောနဟကီးမားဝို ငါးတဂေါ်ရဲ့ဝမ်းထဲမှာ သုံးရစ်နေခဲ့ရဝိုမျိုး ဘုရားရှင် စေလွှတ်လိုက်ဝို လူ့သားတော်ဟလဲ အယ်မိုဘာမလေပေါ်မှာ သုံးရစ်နသုံးည ဂူသွမ်းသင်္ဂြိုဟ်ဇာခံရမှာ ဖြစ်ရိဂျော့ဖြစ်ရယ်။ 41ဘုရားရှင်ဟ လူဒွေဝို ရားစီရင်ဝိုခါမှာ၊ နိနေဝေဗြို့မှာနေထိုင်ဝို လူဒွေဟ ငါပြုဝို အံ့ဖွယ်မှုဒွေဝို ဗြင်ဝိုလူဒွေနတူတူ ရှေ့တော်မှာ ရပ်ဂေ့လိမယ်။ နိနေဝေဗြို့သားဒွေဟ ယောနဟောဝိုဂါးဝို ကြားရိတွက်ဂျော့ သူ့နို့ရဲ့ပြစ်ပြုဝိုလမ်းဝို ရှော်လွှဲခဲ့ဂေ့ရယ်။ ယောနဟ ရေးကီးဘေမဲ့၊ ယောနထက်သာပီး ရေးကီးဝိုငါဟ နန်းနို့ဝို လာပီး ဟောပြောဘေမဲ့၊ နန်းနို့ဟ ပြစ်ပြုဝိုလမ်းဝို ရှော်လွှဲဂေ့ရ။ အဲဂျော့ ဘုရားရှင်ဟ လူဒွေဝိုရားစီရင်ဝိုခါမှာ၊ သူဟ နန်းနို့ရဲ့ပြစ်တရားဒွေဝို စီရင်လိမယ်။ 42ရှေးဒူးဟ အစ္စရေးတော်ပိုင်းမှာရှေ့ဝို ရှေဘဗြို့ဟ မိဖုရားဟ ရှောလမုန်မန်းဂီးရဲ့ ဆုံးမဩဝါဒဒွေဝို နားထော်ဝို့ ဝွီးတစ်နေရာဟနေ လာခဲ့ရရယ်။ ခုဟလောဝါ ရှောလမုန်ထက် ကီးမြတ်ပီး ပညာရှေ့ဝိုငါဟ အယ်မိုရပ်ဒေသမှာရှေ့ဘေမဲ့၊ ငါပြောဝိုဂါးဝို နန်းနို့နားမထော်ဂေ့ရ။ အဲဂျော့ ဘုရားရှင်ဟ လူဒွေဝို ရားစီရင်ဝိုခါမှာ၊ ရှေဘပြည်ဟမိဖုရားဟ နန်းနို့နတူတူ လူဒွေရှေ့မှာရပ်ပီး ပြစ်စီရင်ဇာဝိုခံရလိမယ်။ 43ကောဆိုးဝါးဟ သူပူးကပ်ရားဝို လူရဲ့ကိုယ်ထဲဟ ထွက်ရားဝိုခါမှာ သူနေထိုင်ဝို့ နေဇာဝိုရှာဖွီဝိုခါမှာ လူသူဆိငြီပီး နားယူနိုင်ဝို့နေရာဝိုရှာဘေမဲ့ ရှာရိတွီ့နိုင်ရ။ 44အဲခါ သူဟ 'ငါထွက်လာရစ်ဝိုအီဝို ငါပလန်ရားမယ်။' ဆိုပီး ပြောပီး ပလန်လာဝိုခီမှာ အဲမိုအီဟသန့်ရှင်းပီး ရာအားလုံးဟလဲ သူ့နေရာနသူ စီစီရီရီထားရှေ့ပီး အီမှာလဲ ဟယ်သူမှမှေ့ဘဲဇာဝို တွီ့ရလေရယ်။ 45အဲခါသူဟ သူထက်ပိုပီး ဆိုးသွမ်းဝိုကောဆိုးဝါးခုနှေ့ကော်ဝို သူနတူတူသွားခေါ်လာပြီး အီထဲမှာဝမ်ရော့နေထိုင်ဂေ့ရိဂျော့ ထပ်မံပီး ပူးကပ်ခံရဝိုသူဟ ပထမတခါပူးကပ်ခံရဇာထက် ပိုပီးဆိုးရွားလေရယ်။ ခုခေတ်မှာ နေထိုင်နေဂေ့ဝို ကောဘဲဝိုမျိုးဆစ်ဟလဲ အဲမိုမျိုးဘဲ့ဖြစ်လိမယ်ဖြစ်ရယ်။" ဆိုပီး မိတော်မူလေရယ်။ 46ကိုယ်တော်ယေရှုဟ အဲမျိုးမိတော်မူနေခီ ကိုယ်တော်ရဲ့မယ်တော်န ညီတော်ဒွေဟ ကိုယ်တော်န ဂါးပြောရှင်ရိ ပလန်မှာ ရပ်စော့နေဂေ့ရယ်။ 47 အဲခါ လူတယော့ဟ "ကိုယ်တော်ရဲ့မယ်တော်နညီတော်ဒွေဟ ကိုယ်တော်န ဂါးပြောရှင်ရိ ပလန်မှာ ရပ်စော့နေဂေ့ပါရယ်" ဆိုပီး ရှော့တံလေရယ်။ 48အဲခါ ကိုယ်တော်ယေရှုဟ "ဟယ်သူဟ ငါ့ရဲ့မိခင်ဖြစ်ရယ်၊ ဟယ်သူဟ ငါ့ညီကိုဖြစ်ရယ်ဆိုဇာဝို နန်းနို့ဝို ငါ ပြောပြရဦးမယ်" ဆိုပီး လာပြောဝိုလူဝို မိတော်မူလေရယ်။ 49အဲနော့ ကိုယ်တော်ဟ သူ့ဗြိဒွေဆီဝို လက်ညှိုးညွှန်ပီး "အဲမိုလူဒွေဟ ငါ့မိခင်နညီကိုဒွေဖြစ်ရယ်။ 50ရွှေဗြို့တော်ရှေ့ဝို ငါ့အဖဘုရားရှင် လိုတော်ကျလိုက်ပါဆော်ဝက်ဝို လူမှန်သမျှဟ ငါ့မိခင်နညီကိုဒွေဘဲ့ဖြစ်ရယ်" ဆိုပီး မိတော်မူလေရယ်။
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.