2 थेस्लोनिकि 1
1
1इदोइ पात्तारा का पावल, थेसलोनिकि सहरता हिका खान्धुराइगेलाइहेङ लेखेदोङखा, जाइ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि।
2केलाइ प्रार्थाना पान्हाखे, कि आबा परमेस्वर कालाउ येसु ख्रिस्ट नेलाइहेङ आनुग्रह कालाउ सान्ति प्याको।
धन्यबाद कालाउ प्रार्थाना
3खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि। 4ओदोङ भाअ्सिङ इदोइ झोको, कि नेलाइ ह्रुता जाइ लागेका गोताङ साताइन्हाका, कालाउ कस्टगेलाइता बुङ माअ्थिसिङ नेलाइ बल्लियाका जेङतेङ हिकाता नेलाइको खाङधुरिको भाअ्सिङ परमेस्वरको मन्डलिगेलाइको माझाता केलाइ हेन्जाङ गर्ब पानाखे।
5कालाउ परमेस्वर इदोइ सान्ताइन्हाका को प्रयोग ताइको न्याय तिङपालि कालाउ नेलाइहेङ परमेस्वरको सासनको भाअ्सिङ योग्य बानाइलि प्रयोग पावा, जाइको भाअ्सिङ नेलाइ दुख भोगितेङ हिसुना। 6हाइपालिपानु परमेस्वर जेलाउ बुङ न्याय पुर्बक न्याय पाखे, वा दोङ नेलाइहेङ दुख पिकागेलाइहेङ दुख पिखे। 7कालाउ नेलाइ दुख निङचाकालाइहेङ केलाइ दोफाङ लाअ्पावा। इसिका एन्सालाउ जेनावा जेलाउ प्रभु येसु ताइको सरबुङसाइका स्वर्गदुतगेलाइ दोफा तिका मेहोइ खोराइतेङ स्वर्गसो ल्वावा। 8परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा। 9प्रभु इम्बालाइहेङ ताइको आगासो ओल्लापावा कालाउ ताइको बाखिन कालाउ सरबुङ आनुभब पालि माप्याङ। कालाउ परमेस्वर इम्बालाइहेङ आनान्त बिनासको दन्ड प्यावा। 10इदोइ एन्सालाउ जेनावा जेलाउ प्रभु येसु ताइको द्याङगेलाइसो आदार निङलि ल्वाङ। नेलाइ बुङ इम्बालाइ दोफाङ हिस्वाना हाइपालिपानु नेलाइ केलाइको सन्देस साअ्सुना जेदोङ नेलाइहेङ वाको बिसोइता दोअ्का हिघान्हाहि
11ओदोङ भाअ्सिङ एसाङ दोङ केलाइ नेलाइ झाराङको भाअ्सिङ जेलाउलाउ बुङ प्रार्थाना पातेङ ह्याङ, कालाउकि केलाइको परमेस्वर नेलाइहेङ काइतेङ ताइको योग्यको बानाइयाको, जाइको भाअ्सिङ नेलाइहेङ काइका हि, कालाउ वाको सरबुङसो गोताङ रेम्का काम पाका इच्छा कालाउ खाङधुरि योग्य कामगेलाइ पालि साघाइयाको। 12केलाइ प्रार्थाना पानाखे, कालाउकि द्याङगेलाइ नेलाइको कारन केलाइको प्रभु येसुको मिङको बाखानाइ पाको कालाउ नेलाइ साम्मान निङस्वाना, हाइपालिपानु नेलाइ वाको दोङ हिसुन्हा। इसिका जेनाङ हाइपालिपानु नेलाइ आबा परमेस्वर कालाउ प्रभु येसु ख्रिस्टसो हेन्जाङ आनुग्रहकारि हि।
Valið núna:
2 थेस्लोनिकि 1: DHINT
Áherslumerki
Afrita
Bera saman
Deildu
Viltu vista áherslurnar þínar í öllum tækjunum þínum? Skráðu þig eða skráðu þig inn
Dhimal New Testament, by The Love Fellowship is licensed under Creative Commons Attribution-ShareAlike 4.0 License.