मत्ती कीताबौ परीचय
कीताबौ परीचय
इसे सेछ समाचारौ कीताब मत्तीये रीक्च हो। इचे पहीलालकीङ प्रतिज्ञा जाट्च मुक्तिदाता येशू न हो डेयार थाहा याल्हे। पुरानो कराराङ परमेश्वरै लहो भर्मी यहूदीकोलाक काट मुक्तिदाता बीर्न्हकाच प्रतिज्ञा जाट्नन्या। होसे प्रतिज्ञा चहीँ परमेश्वरै येशूकी सन्साराङ बीर्न्हकार पुरा जाटा। इसे सेछ समाचार चहीँ यहूदी जाटी, कुला येशूओ जन्म छानार होसकुङ जीवन बीटडीसा होखुरीकुङ लागी मट्टै होइन टर पट्ट न संसारुङ भर्मीकुङ लागी हो।
मत्तीये रीक्च सेछ समाचार मीङारै खाटाकार डामने। इला येशू डीन्छ लकीङ सीच र होसको फेरी जीवाम सोच कुराकुङ बयान जाट्नने। इला होसको डीन्छ, बप्तिस्मा, परिक्षा र होसकै गालील पट्टी जाट्च प्रचार, शिक्षा र गेपाक्च कामकुङ विषयाङ रीक्ङने। होसको यरुशलेम नुङ्च, होला होसकै अन्तिम हप्ता बीटडीच, क्रुसाङ सीच र फेरी जीवाम सोच कुराको रीक्ङने।
इसे सेछ समाचारै येशूकी व्यवस्था खोलीच अधिकार र स्वर्गौ राज्यौ रहस्य पाहाक्च कार्हाङ्छ गुरु डेम रीक्ङने। होसकुङ वास्टै शिक्षाको इसे बारेयाङ ले:
(१) डाँडुङ अर्ती: स्वर्ग राज्युङ भर्मीकोलाक चहडीस्च गुनकुङ विषयाङ इला रीक्ङने (अध्याय ५-७)
(२) बार्ह चेलाकोलाक प्रचारौ आज्ञा (अध्याय १०)
(३) स्वर्गौ राज्यौ कथाको (अध्याय १३)
(४) चेलापनौ अर्थ (अध्याय १८)
(५) छीनीयुङ युगौ अन्तिम र येशू ख्रीष्ट दोस्रो खेप राछ विषयाङ शिक्षा (अध्याय २४-२५)
टुन्छ विषय-सुची
येशू ख्रीष्टौ वंशावली र जन्म १:१–२:२३
बप्तिस्मा याछ युहन्नौ सेवाकाइ ३:१-१२
येशूओ बप्तिस्मा र परिक्षा ३:१३–४:११
येशूये गालीलाङ जाट्च सेवाकाइ ४:१२–१८:३५
गालील लकीङ यरुशलेमसम्म १९:१–२०:३४
यरुशलेमाङ येशूओ अन्तिम हप्ता २१:१–२७:६६
येशू सीच लकीङ जीवाम सोच र चेलाकुङ मीघ्याङ डाङ्च २८:१-२०
Valið núna:
मत्ती कीताबौ परीचय: EMGP
Áherslumerki
Deildu
Afrita
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.