ၼႃႇႁုမ်ႇ 1
1
1ဢၼ်ပဵၼ်ပျႃႇတိၵ်ႈၸဝ်ႈ လူၺ်ႈလွင်ႈ ဝဵင်းၼီႉၼေႇဝူၺ်ႇလႄႈ ပဵၼ်လိၵ်ႈ ရူႇပႃႇရူင်ႇ ၼႃႇႁုမ်ႇ ၵူၼ်းဝၢၼ်ႈ ဢေးလႃႉၵေႃးသႃႉၼၼ်ႉၸမ်ႉ၊
တၢင်းၸႂ်မႆႈၶႆႈၸႃႉထႃႇဝရႃႉၽြႃးတေႃႇဝဵင်းၼီႉၼေႇဝူၺ်ႇ
2ထႃႇဝရႃႉၽြႃး ပဵၼ်ၽြႃးဢၼ်ယုမ်ႇငၢႆႈ လွင်ႈဢၼ်မီးဢပႅတ်ႈလႄႈ ၸၢင်ႈပၼ်တၢမ်ႇဢေႃႈ။ ထႃႇဝရႃႉၽြႃးၸၢင်ႈပၼ်တၢမ်ႇလႄႈ မီးတဵမ်ဝႆႉတင်း တၢင်းၸႂ်မႆႈၶႆႈၸႃႉ ဢၼ်ႁႅင်းယႂ်ႇၼႃႇဢေႃႈ။ ထႃႇဝရႃႉၽြႃးၸၢင်ႈပၼ်တၢမ်ႇ တီႈၶဝ်ၸိူဝ်းဢၼ် ႁဵတ်းၶတ်းၵၼ် တင်းမၼ်းၸဝ်ႈၼၼ်ႉလႄႈ ဝႆႉတၢင်းၽိတ်း တီႈရၢၼ်ႇသူႇမၼ်းၸဝ်ႈ တင်းလၢႆဢေႃႈ။- 3ထႃႇဝရႃႉၽြႃး ၸႂ်ယႂ်ႇၸႂ်ယၢဝ်းလႄႈ မီးတၼ်းၶူဝ်းဢၼ်ယႂ်ႇၼႃႇဢေႃႈ။ ၼႂ်းဝႃႈၼၼ်သေၵေႃႈ မၼ်းၸဝ်ႈဢမ်ႇပွႆႇ ၵေႃႉဢၼ်ဢပႅတ်ႈ တႄႇယူႇၼၼ်ႉ လွတ်ႈသေၵႃႈၼႂ်း ဢပႅတ်ႈမၼ်းၼၼ်ႉ။ ထႃႇဝရႃႉၽြႃး ၸွမ်းသဵၼ်ႈတၢင်းမၼ်းၸဝ်ႈၵႂႃႇ ၵႃႈၼႂ်းလူမ်းၽိဝ်ႇႁုင် ဢိၵ်ႇတင်း ၽူၼ်လူင်လူမ်းလူင်လႄႈ ၽႃႈၽူၼ်တင်းလၢႆ ပဵၼ်ၸိူဝ်ႉၼင်ႇ မုၼ်ႈလိၼ်ၼၼ်ႉ ၵႃႈတႂ်ႈၽႃႇတိၼ်မၼ်းၸဝ်ႈဢေႃႈ။- 4မၼ်းၸဝ်ႈသင်ႇသွၼ်သုင်းမႃႉ ၼမ်ႉပၢင်ႇလၢႆႇ သေလႄႈ ႁႂ်ႈၼမ်ႉယူတ်းႁႅင်ႈၵႂႃႇလႄႈ ၼမ်ႉႁွင်ႈၼမ်ႉၵႄး တင်းသဵင်ႈတင်းလူင် ႁႅင်ႈႁွင်ၵႂႃႇဢေႃႈ။ လွႆပႃႇသၢၼ်ႇ တင်းလွႆၵရမေႇလႃႉၸိူဝ်းၼၼ်ႉ ၸႃႉႁဵဝ်ႇၸွပ်ႈၵႂႃႇလႄႈ မွၵ်ႇလေႇပၼုၼ်ႇၵေႃႈ လႆႈႁဵဝ်ႇၸွပ်ႈၵႂႃႇဢေႃႈ။- 5ၵွပ်ႈပိူဝ်ႈမၼ်းၸဝ်ႈလႄႈ လွႆတင်းလၢႆ သၼ်ႇဝႆၶွၼ်းၶဝ်ႇယူႇ၊ ၵုင်းတင်းလၢႆ ၸိူမ်ႈပဵၼ်ၼမ်ႉၵႂႃႇယူႇ၊ ၸႃႉၸဵမ်လိၼ်မိူင်းလႄႈ လေႃးၵထၢတ်ႈ တင်းၵူၼ်းၵႃႈဢၼ်ယူႇ ၵႃႈၼႂ်းမၼ်းၼၼ်ႉ ၶၢႆႉတီႈသေၵႃႈတီႈ ၽၢႆႇၼႃႈမၼ်းၸဝ်ႈယူႇဢေႃႈ။- 6ၽူႈလႂ်တၵ်း ၸုၵ်းၶၢမ်ႇယူႇ ၵႃႈတီႈၽၢႆႇၼႃႈ တၢင်းၸႂ်မႆႈၶႆႈၸႃႉမၼ်းၸဝ်ႈ ၼၼ်ႉလႆႈ။ ၽူႈလႂ်တၵ်းယူႇသဝ်း ၵႃႈၼႂ်းဢၢႆႁႅင်း တၢင်းၸႂ်မႆႈၶႆႈၸႃႉမၼ်းၸဝ်ႈ ၼၼ်ႉလႆႈ။ ဢၢႆႁႅင်းတေႃးသႃႉ တၢင်းၸႂ်မႆႈၶႆႈၸႃႉမၼ်းၸဝ်ႈ လႆႈၶၢမ်ႇတၢင်းဢၼ်ထွၵ်ႇႁိုဝ်ႈ၊ မိူၼ်ၸိူဝ်ႉၼင်ႇ တၢင်းဢၼ်ၽႆးမႆႈၼၼ်ႉလႄႈ မၢၵ်ႇႁိၼ်မၢၵ်ႇၽႃတင်းလၢႆ လႆႈၶၢမ်ႇတၢင်းဢၼ် မၼ်းၸဝ်ႈၵိူၼ်ႇယႃႉ ၶျႃးတူၵ်းပႅတ်ႈဢေႃႈ။- 7ထႃႇဝရႃႉၽြႃး ပဵၼ်ဢၼ်လီဢၼ်ငၢမ်းလႄႈ ပဵၼ်တိူၵ်ႈတီႈတိုၵ်းသိုၵ်း ၼႂ်းမိူဝ်ႈဢၼ် ၽေးႁွတ်ႈထိုင်ၼၼ်ႉဢေႃႈ။ မၼ်းၸဝ်ႈႁူႉၸၵ်း ၶဝ်ၸိူဝ်းဢၼ်သွၼ်ႈပိုင်ႈမၼ်းၸဝ်ႈ ၼၼ်ႉယူႇဢေႃႈ။- 8မၼ်းၸဝ်ႈတၵ်းဢဝ် ၼမ်ႉႁွင်ႈဢၼ်ၼွင်း ထူမ်ႈႁူမ်ႇၼၼ်ႉ ႁႂ်ႈတီႈယူႇဝဵင်းၼၼ်ႉ သုမ်းၸွမ်းလႄႈ လပ်းသိင်ႇ တၵ်းလိုပ်ႈၸွမ်းလမ်းၸွမ်း ရၢၼ်ႇသူႇမၼ်းၸဝ်ႈ တင်းလၢႆဢေႃႈ။- 9သူၵျၢမ်ႇပွင်ၸိူဝ်ႉၼင်ႇႁိုဝ်ယူႇၽၢႆႇၼိုင်ႈတင်း ထႃႇဝရႃႉၽြႃး။ မၼ်းၸဝ်ႈ တၵ်းဢဝ်သုမ်းၸွမ်းပႅတ်ႈ ႁႂ်ႈယဝ်ႉႁႂ်ႈတူဝ်ႈဢေႃႈ။ ၵမ်းလိုၼ်း တၢင်းဢၼ်ၼိၵ်ႈၸၢၵ်ႈငႅၼ်းသႄး ဢမ်ႇလႆႈပေႃႇလႆႈမႃးထႅင်ႈ။- 10ၶဝ်ၼၼ်ႉ ၼင်ႇၵၼ်ၵၼ် ၶွင်ႈၶမ်ၸပ်းၵၼ်ယူႇ မိူၼ်ၸိူဝ်ႉၼင်ႇ တူၼ်ႈၼၢမ် ဢိၵ်ႇတင်း ပဵၼ်ၸိူဝ်ႉၼင်ႇဢၼ် မဝ်းလဝ်ႈလူၺ်ႈ ၼမ်ႉၸပိတ်ႈယူႇသေလႄႈ တၵ်းလႆႈဢွၼ်ၵၼ်ၶၢမ်ႇ တၢင်းဢၼ်ၽႆးမႆႈ မိူၼ်ၸိူဝ်ႉၼင်ႇ ယိူဝ်ႈႁႅင်ႈယိူဝ်ႈႁွင်ၼၼ်ႉဢေႃႈ။- 11ၵေႃႉဢၼ်ၵျၢမ်ႇပွင်ဢၼ်ဢမ်ႇလီယူႇ ၽၢႆႇၼိုင်ႈတင်းထႃႇဝရႃႉၽြႃးလႄႈ တိူင်ႇပၢင်ႇဢႃႉထမ်ႇမႃႉ ယူႇၼၼ်ႉ ပေႃႇဢွၵ်ႇပဵၼ်မႃး ၵႃႈၼႂ်းမႂ်းယဝ်ႉ။
ၶၢဝ်ႇဢၼ်လီပုၼ်ႈၵူၼ်းမဵဝ်းယူႉတႃႉ
12ထႃႇဝရႃႉၽြႃး မီးဢမိင်ႉၸမ်ႉ၊ ပိၵ်ႉသမ်ႉၶဝ်ၸေးၸုမ်ႇလႄႈ ၼပ်ႉဢၢၼ်ႇ မီးၼမ်ၼႃႇသေၵေႃႈ ၶဝ်တၵ်းလႆႈဢွၼ်ၵၼ် သုမ်းၸွမ်းလႄႈ လပ်ႉႁၢႆၵႂႃႇဢေႃႈ။ ပိၵ်ႉသမ်ႉၵဝ်ယၢမ်ႈ ၼိၵ်ႈၸၢၵ်ႈငႅၼ်းသႄးမႂ်းသေၵေႃႈ ၵမ်းလိုၼ်း ၵဝ်တၵ်း ဢမ်ႇၼိၵ်ႈၸၢၵ်ႈ ငႅၼ်းသႄးမႂ်းထႅင်ႈ။- 13မိူဝ်ႈလဵဝ်ၼႆႉၸိုင်၊ ၵဝ်တၵ်းႁၵ်းႁဵၵ်းၵၢၼ်းမႂ်းၼၼ်ႉ ပႅတ်ႈသေၵႃႈတီႈမႂ်းလႄႈ တိုတ်ႉၸိူၵ်ႈဢၼ်မတ်ႉၽုၵ်ႇမႂ်း ၸိူဝ်းၼၼ်ႉ ၶၢတ်ႇပႅတ်ႈဢေႃႈ။- 14ထႃႇဝရႃႉၽြႃးၸီႇယၢင်ႇ လူၺ်ႈလွင်ႈမႂ်းဝႆႉၸမ်ႉ၊ မဵဝ်းမႂ်းဢမ်ႇလႆႈသိုပ်ႇၵႂႃႇတိူၼ်းၵႂႃႇ။ ၵဝ်တၵ်းပႄႇၽဵဝ်ႈရုၵ်ႈထူႉ ဢၼ်တွင်ႈႁဵတ်းၶၵ်းႁဵတ်း ဢိၵ်ႇတင်း ရုၵ်ႈထူႉဢၼ်သွၼ်းႁဵတ်း လေႃႇႁဵတ်းၼၼ်ႉ ပႅတ်ႈသေၵႃႈၼႂ်းၵျွင်းၽြႃးမႂ်းဢေႃႈ။ ၵွပ်ႈပိူဝ်ႈဢၼ်မႂ်းယုတ်ႈမိူၵ်ႈလႄႈ ၵဝ်တၵ်းႁဵတ်းႁႂ်ႈမၼ်းပဵၼ် ပႃႇႁဵဝ်ႈသၢင်းၶႅင်းမႂ်းဢေႃႈ။- 15ဢွၼ်ၵၼ်တူၺ်းတိၼ် ၵေႃႉဢၼ်မွၵ်ႇလၢတ်ႈသတၢင်းသိူဝ်းပျေႃႇလႄႈ ႁွင်ႉပၢဝ်ႇႁွင်ႉသေႃႇ လွင်ႈတၢင်းဢၼ်ၼိမ်ဢၼ်လီၼၼ်ႉ ယူႇၵႃႈၼိူဝ်လွႆတင်းလၢႆ ၼၼ်ႉတႃႉ။ မဵဝ်းယူႉတႃႉဢိူၺ်း၊ ၶၢမ်ႇပွႆးထမ်ႇမႃႉမႂ်း ၸိူဝ်းၼၼ်ႉတႃႉ။ ၽေႇဝၢတ်ႈၵတီႉ သဵတ်ႈၸႃႇမႂ်း ၸိူဝ်းၼၼ်ႉတႃႉ။ ၵမ်းလိုၼ်း ၵေႃႉဢၼ်ႁၢႆႉဢၼ်မိူၵ်ႈၼၼ်ႉ ဢမ်ႇလႆႈယဵပ်ႇလႆႈၶၢမ်ႈမႂ်း။ မၼ်းလႆႈၶၢမ်ႇတၢင်းဢၼ် ပႄႇတႅပ်းပႅတ်ႈ မူတ်းမူတ်းသဵင်ႈသဵင်ႈယဝ်ႉ။
Valið núna:
ၼႃႇႁုမ်ႇ 1: CBMS
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship