မီႉၶႃႇ 2
2
လွင်ႈၶဝ်ၸိူဝ်းဢၼ်တဵၵ်းငႅၼ်းၵူၼ်းယၢၵ်ႈၵူၼ်းၽၢၼ်
1ၶဝ်ၸိူဝ်းဢၼ် ၸၢင်ႈၵျၢမ်ႇၸၢင်ႈပွင် တၢင်းၵျၢမ်ႇတၢင်းပွင် ဢၼ်ဢမ်ႇလီ ႁဵတ်းတူႉၸရိူၵ်ႈယူႇ ၵႃႈၼိူဝ်ၵူႇတီႈၼွၼ်းၶဝ်ၼၼ်ႉ မီးဢႃႉမင်ႇၵလႃႇဢေႃႈ။ မိူဝ်ႈဢၼ် မိူင်းလႅင်းမႃးၼၼ်ႉၸိုင် ၶဝ်ၸၢင်ႈႁဵတ်း ၵွပ်ႈပိူဝ်ႈဢၼ် ႁႅင်းတၼ်းၶူဝ်း မီးၵႃႈၼႂ်းမိုဝ်းၶဝ်ၼၼ်ႉဢေႃႈ။- 2ၶဝ်ၸႂ်ၸပ်းၸႂ်ၸွႆး ႁႆႊၼႃးလႄႈ ႁဵတ်းဢႃႉထမ်ႇမႃႉ သေလႄႈ ဢဝ်ဢေႃႈ။ ၶဝ်ၸႂ်ၸပ်း ၸႂ်ၸွႆးႁိူၼ်းတင်းလၢႆ သေလႄႈ သိမ်းဢဝ်ဢေႃႈ။ ၶဝ်ၼိၵ်ႈၸၢၵ်ႈငႅၼ်းသႄးၵူၼ်း ဢိၵ်ႇတင်း ႁိူၼ်းမၼ်းဢၼ်ဝႃႈ ၵူၼ်း ဢိၵ်ႇတင်း ဢမူၺ်ႇဢုၵ်ႉၸႃႇမၼ်းဢေႃႈ။- 3ပိူဝ်ႈၼႆလႄႈ ထႃႇဝရႃႉၽြႃး မီးဢမိင်ႉၸမ်ႉ၊ ၵဝ်ၵျၢမ်ႇပွင်ၽေးတၢမ်ႇ ဢၼ်ၶေႃးသူ ဢမ်ႇလွတ်ႈ၊ ဢၼ်သူဢမ်ႇငွၵ်ႈႁူဝ်သူလႆႈလႄႈ ၵႂႃႇၼၼ်ႉ ယူႇၽၢႆႇၼိုင်ႈ တင်းၵူၼ်းမဵဝ်း ၸိူဝ်ႉၶိူဝ်းၼႆႉဢေႃႈ။ တၵ်းပဵၼ်ၶိင်ႇၵႃႇလႃႉ ဢၼ်ႁၢႆႉယူႇဢေႃႈ။- 4ၵႂၢမ်းဢၼ်ဢဝ်ၵႂၢမ်း ဢပုမ်ႇတႅၵ်ႈသေလႄႈ လႆႈပွင်ႉၶၢင်းပွင်ႉမိူၼ်ႇ ႁႅင်းယႂ်ႇၼႃႇလူင်လၢင် ယူႇၽၢႆႇၼိုင်ႈတင်းသူ ၼႂ်းၶိင်ႇမိုဝ်ႉဝၼ်းၼၼ်ႉ လႄႈဝႃႈၸမ်ႉ၊ ႁဝ်းၼႆႉ လူႉလႅဝ်ပႅတ်ႈ မူတ်းမူတ်းသဵင်ႈသဵင်ႈယဝ်ႉ။ မၼ်းၸဝ်ႈလႅၵ်ႈလၢႆႈဢဝ် ပုၼ်ႈတႃႇဢၼ်ၵူၼ်းမဵဝ်းၵဝ်တင်းလၢႆ လႆႈၶၢမ်ႇလႆႈၵိၼ် ၼၼ်ႉလႄႈ ၵူႈသိမ်းဢဝ်သေ ၵႃႈၼႂ်းမိုဝ်းၵဝ်ၵႂႃႇယဝ်ႉ လူင်ပႄႇ။ မၼ်းၸဝ်ႈ ဢဝ်တူင်ႈၼႃးႁဝ်း ၽႄမႅင်ႇပၼ် ၶဝ်ၸိူဝ်းဢၼ် ပုင်ႇၵၢၼ်ႇႁဝ်းၼၼ်ႉယဝ်ႉ။- 5ပိူဝ်ႈၼႆလႄႈ မႂ်းတၵ်းဢမ်ႇလႆႈ မီးၵေႃႉဢၼ်တူၵ်းၸႃႇၵွၵ်ႈ သေလႄႈ ဢဝ်ၸိူၵ်ႈၶဵင်ႈတႅၵ်ႈၶိုပ်ႈၼၼ်ႉ ၵႃႈၼႂ်းပရဵၵ်ႈသၢတ်ႈ ထႃႇဝရႃႉၽြႃး။- 6သူၸိူဝ်းဢၼ် ႁဵတ်းပရေႃးၽႅတ်ႈ ၶဝ်ဢိူၺ်း၊ ယႃႇပေႁဵတ်း ပရေႃးၽႅတ်ႈသေလႄႈ ႁေႃးလၢတ်ႈ။ ၶဝ်တၵ်းဢမ်ႇလႆႈႁဵတ်းပရေႃးၽႅတ်ႈ သေလႄႈ ႁေႃးလၢတ်ႈ တီႈၶဝ်ၸိူဝ်းၼႆႉ။ တၢင်းဢၼ် သႄႉဢၼ်သွမ်း တၵ်းဢမ်ႇလႆႈထၢတ်ႇ လႆႈယဵၼ်။- 7မႂ်းဢၼ်လႆႈႁွင်ႉႁဵၵ်ႈမဵဝ်းယႃႇၵုပ်ႈၼႆႉဢိူၺ်း၊ ဝီႉၺိၺ်ႇ ထႃႇဝရႃႉၽြႃး လႆႈၶၢမ်ႇတၢင်းဢၼ်ၵိတ်ႇ ဢၼ်ၵႅပ်ႈႁိုဝ်။ လွင်ႈတၢင်းၸိူဝ်းၼႆႉ ပဵၼ်လွင်ႈတၢင်းဢၼ်မၼ်းၸဝ်ႈ ႁဵတ်းဢမ်ႇၸႂ်ႈႁိုဝ်။ ၵႂၢမ်းၵဝ်ၸၢင်ႈပၼ်ဢၵျူဝ်း တီႈၵေႃႉဢၼ် ၵမ်ၵျၢင်ႉသိုဝ်ႈသိုဝ်ႈတေႃႇတေႃႇၼၼ်ႉ ဢမ်ႇၸႂ်ႈႁိုဝ်။- 8ၸႃႉၸဵမ်မိုဝ်ႉဝၼ်းဢွၼ်ၼၼ်ႉလႄႈ ၵူၼ်းၵဝ်တင်းလၢႆ ဢွၼ်ၵၼ်ႁဵတ်းရၢၼ်ႇ တၢင်းၽိတ်းလႄႈ လုၵ်ႉဢေႃႈ၊ သူၸၢင်ႈဢွၼ်ၵၼ် ႁိမ်ဢဝ်ထွတ်ႇဢဝ် ၶူဝ်းၼုင်ႈဢၼ်ၵႃႈၼွၵ်ႈ ဢိၵ်ႇတင်းၶူဝ်းၼုင်ႈ ဢၼ်ၵႃႈၼႂ်းတီႈၶဝ်ၸိူဝ်းဢၼ် ၵႂႃႇတၢင်းပႆတၢင်း လူင်ႉလီလွတ်ႈလီလႄႈ ဢမ်ႇမီးဢလူဝ်ႇ ၶႂ်ႈတိုၵ်းသိုၵ်းၼၼ်ႉဢေႃႈ။- 9သူႁေႃႈမႄႈယိင်းၵူၼ်းၵဝ်တင်းလၢႆ ဢွၵ်ႇသေၵႃႈၼႂ်းႁိူၼ်း တီႈယူႇဢၼ် ၶဝ်မိုတ်ႈၶဝ်ပျေႃႇၼၼ်ႉလႄႈ ၼုၵ်ႈဢဝ်မုၼ်ၽုင်းၵဝ် ဢွၵ်ႇသေၵႃႈတီႈလုၵ်ႈၶဝ် လၢင်းၶဝ်ၼၼ်ႉ ယူႇသေႇသေႇဢေႃႈ။- 10ဢွၼ်ၵၼ်လုၵ်ႉလႄႈ ၵႂႃႇတႃႉ။ မိူင်းၼႆႉ ပဵၼ်တီႈဢၼ်သူ ၼိမ်ၸႂ်ၼိမ်ၶေႃး ယူႇလီလီငၢမ်းငၢမ်းဢမ်ႇၸႂ်ႈ။ ၵႃႈတီႈၼႆႈ ၵွပ်ႈပိူဝ်ႈဢၼ် ပဵၼ်ဢၼ်ၵူဝ်ႈၵိူၵ်ႇလႄႈ တၵ်းလႆႈလူႉလႆႈလႅဝ် လူၺ်ႈတၢင်းဢၼ်လူႉလႅဝ် ဢၼ်ယႂ်ႇၼႃႇဢေႃႈ။- 11ပေႃးၵေႃႉဢၼ်ၸွမ်းသၽေႃး တူဝ်ၸဝ်ႈၵဝ်ႇ သေလႄႈ သုင်းသွင်ႇ ၵႂၢမ်းမူႉသႃႇၼၼ်ႉ လၢတ်ႈလႄႈဝႃႈ၊ ၵဝ်တၵ်းႁဵတ်း ပရေႃးၽႅတ်ႈလႄႈ ႁေႃးလၢတ်ႈတြႃးၼမ်ႉၸပိတ်ႈ ဢိၵ်ႇတင်းတြႃးၼမ်ႉလဝ်ႈ ၼမ်ႉၵမ်ဢေႃႈ၊ ဝႃႈၼင်ႇၼႆၸိုင်၊ ၵေႃႉၼၼ်ႉ တၵ်းလႆႈပဵၼ်ပရေႃးၽႅတ်ႈ ၵူၼ်းတင်းလၢႆ ၸိူဝ်းၼႆႉဢေႃႈ။- 12ယႃႇၵုပ်ႈဢိူၺ်း၊ ၵဝ်တၵ်းႁႂ်ႈ ၵူၼ်းမဵဝ်းမႂ်းၵႃႈမီး ၸူႉၵၼ်တုမ်ၵၼ်လႄႈ ႁႂ်ႈၵူၼ်းမဵဝ်း ဢီႉသရေႇလႃႉ ဢၼ် ယင်းၵိုတ်းယင်းၵျၢၼ်ႇၸိူဝ်းၼၼ်ႉ ပဵၼ်မုၵ်ႉပဵၼ်ၸိူဝ်း ဢမၢၼ်ႇၶၼ်ပဵၼ်ဢေႃႈ။ ၵဝ်တၵ်းဢဝ်ၶဝ်ၸူႉၵၼ်တုမ်ၵၼ်ဝႆႉ မိူၼ်ၸိူဝ်ႉၼင်ႇသူဝ်း ဝဵင်းပေႃႇၸရႃႉ ဢိၵ်ႇတင်း ၸိူဝ်ႉၼင်ႇၽုင်သူဝ်း ၵႃႈၼႂ်းတီႈဢၼ်ၶဝ် ယၢမ်ႈၵိၼ်ယူႇသေႇသေႇၼၼ်ႉလႄႈ တၵ်းပဵၼ်သဵင်ယႂ်ႇသဵင်လူင် ၵွပ်ႈပိူဝ်ႈၵူၼ်းၼမ်ၼႃႇၼၼ်ႉဢေႃႈ။- 13ၵေႃႉဢၼ်မူၼ်ႉဢွၵ်ႇ တိုဝ်ဢွၵ်ႇၼၼ်ႉ ၶိုၼ်ႈၸူးဢွၼ်တၢင်းၶဝ်ဢေႃႈ။ ၶဝ်ၵေႃႈ ႁဵတ်းတၢင်းဢၼ် မူၼ်ႉဢွၵ်ႇတိုဝ်ဢွၵ်ႇသေလႄႈ ဢွၼ်ၵၼ်တႆႇတၢင်းပႆတၢင်းၵႂႃႇ ၵႃႈတီႈႁူးၽၵ်းတူလႄႈ ဢွၵ်ႇသေၵႃႈတီႈၼႂ်းမၼ်းၼၼ်ႉၵႂႃႇဢေႃႈ။ ၶုၼ်ႁေႃၶမ်းၶဝ်ၼၼ်ႉ ၵႂႃႇဢွၼ်တၢင်းၶဝ်လႄႈ ထႃႇဝရႃႉၽြႃး ဢွၼ်ႁူဝ်ၶဝ်ၵႂႃႇဢေႃႈ။
Valið núna:
မီႉၶႃႇ 2: CBMS
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
မီႉၶႃႇ 2
2
လွင်ႈၶဝ်ၸိူဝ်းဢၼ်တဵၵ်းငႅၼ်းၵူၼ်းယၢၵ်ႈၵူၼ်းၽၢၼ်
1ၶဝ်ၸိူဝ်းဢၼ် ၸၢင်ႈၵျၢမ်ႇၸၢင်ႈပွင် တၢင်းၵျၢမ်ႇတၢင်းပွင် ဢၼ်ဢမ်ႇလီ ႁဵတ်းတူႉၸရိူၵ်ႈယူႇ ၵႃႈၼိူဝ်ၵူႇတီႈၼွၼ်းၶဝ်ၼၼ်ႉ မီးဢႃႉမင်ႇၵလႃႇဢေႃႈ။ မိူဝ်ႈဢၼ် မိူင်းလႅင်းမႃးၼၼ်ႉၸိုင် ၶဝ်ၸၢင်ႈႁဵတ်း ၵွပ်ႈပိူဝ်ႈဢၼ် ႁႅင်းတၼ်းၶူဝ်း မီးၵႃႈၼႂ်းမိုဝ်းၶဝ်ၼၼ်ႉဢေႃႈ။- 2ၶဝ်ၸႂ်ၸပ်းၸႂ်ၸွႆး ႁႆႊၼႃးလႄႈ ႁဵတ်းဢႃႉထမ်ႇမႃႉ သေလႄႈ ဢဝ်ဢေႃႈ။ ၶဝ်ၸႂ်ၸပ်း ၸႂ်ၸွႆးႁိူၼ်းတင်းလၢႆ သေလႄႈ သိမ်းဢဝ်ဢေႃႈ။ ၶဝ်ၼိၵ်ႈၸၢၵ်ႈငႅၼ်းသႄးၵူၼ်း ဢိၵ်ႇတင်း ႁိူၼ်းမၼ်းဢၼ်ဝႃႈ ၵူၼ်း ဢိၵ်ႇတင်း ဢမူၺ်ႇဢုၵ်ႉၸႃႇမၼ်းဢေႃႈ။- 3ပိူဝ်ႈၼႆလႄႈ ထႃႇဝရႃႉၽြႃး မီးဢမိင်ႉၸမ်ႉ၊ ၵဝ်ၵျၢမ်ႇပွင်ၽေးတၢမ်ႇ ဢၼ်ၶေႃးသူ ဢမ်ႇလွတ်ႈ၊ ဢၼ်သူဢမ်ႇငွၵ်ႈႁူဝ်သူလႆႈလႄႈ ၵႂႃႇၼၼ်ႉ ယူႇၽၢႆႇၼိုင်ႈ တင်းၵူၼ်းမဵဝ်း ၸိူဝ်ႉၶိူဝ်းၼႆႉဢေႃႈ။ တၵ်းပဵၼ်ၶိင်ႇၵႃႇလႃႉ ဢၼ်ႁၢႆႉယူႇဢေႃႈ။- 4ၵႂၢမ်းဢၼ်ဢဝ်ၵႂၢမ်း ဢပုမ်ႇတႅၵ်ႈသေလႄႈ လႆႈပွင်ႉၶၢင်းပွင်ႉမိူၼ်ႇ ႁႅင်းယႂ်ႇၼႃႇလူင်လၢင် ယူႇၽၢႆႇၼိုင်ႈတင်းသူ ၼႂ်းၶိင်ႇမိုဝ်ႉဝၼ်းၼၼ်ႉ လႄႈဝႃႈၸမ်ႉ၊ ႁဝ်းၼႆႉ လူႉလႅဝ်ပႅတ်ႈ မူတ်းမူတ်းသဵင်ႈသဵင်ႈယဝ်ႉ။ မၼ်းၸဝ်ႈလႅၵ်ႈလၢႆႈဢဝ် ပုၼ်ႈတႃႇဢၼ်ၵူၼ်းမဵဝ်းၵဝ်တင်းလၢႆ လႆႈၶၢမ်ႇလႆႈၵိၼ် ၼၼ်ႉလႄႈ ၵူႈသိမ်းဢဝ်သေ ၵႃႈၼႂ်းမိုဝ်းၵဝ်ၵႂႃႇယဝ်ႉ လူင်ပႄႇ။ မၼ်းၸဝ်ႈ ဢဝ်တူင်ႈၼႃးႁဝ်း ၽႄမႅင်ႇပၼ် ၶဝ်ၸိူဝ်းဢၼ် ပုင်ႇၵၢၼ်ႇႁဝ်းၼၼ်ႉယဝ်ႉ။- 5ပိူဝ်ႈၼႆလႄႈ မႂ်းတၵ်းဢမ်ႇလႆႈ မီးၵေႃႉဢၼ်တူၵ်းၸႃႇၵွၵ်ႈ သေလႄႈ ဢဝ်ၸိူၵ်ႈၶဵင်ႈတႅၵ်ႈၶိုပ်ႈၼၼ်ႉ ၵႃႈၼႂ်းပရဵၵ်ႈသၢတ်ႈ ထႃႇဝရႃႉၽြႃး။- 6သူၸိူဝ်းဢၼ် ႁဵတ်းပရေႃးၽႅတ်ႈ ၶဝ်ဢိူၺ်း၊ ယႃႇပေႁဵတ်း ပရေႃးၽႅတ်ႈသေလႄႈ ႁေႃးလၢတ်ႈ။ ၶဝ်တၵ်းဢမ်ႇလႆႈႁဵတ်းပရေႃးၽႅတ်ႈ သေလႄႈ ႁေႃးလၢတ်ႈ တီႈၶဝ်ၸိူဝ်းၼႆႉ။ တၢင်းဢၼ် သႄႉဢၼ်သွမ်း တၵ်းဢမ်ႇလႆႈထၢတ်ႇ လႆႈယဵၼ်။- 7မႂ်းဢၼ်လႆႈႁွင်ႉႁဵၵ်ႈမဵဝ်းယႃႇၵုပ်ႈၼႆႉဢိူၺ်း၊ ဝီႉၺိၺ်ႇ ထႃႇဝရႃႉၽြႃး လႆႈၶၢမ်ႇတၢင်းဢၼ်ၵိတ်ႇ ဢၼ်ၵႅပ်ႈႁိုဝ်။ လွင်ႈတၢင်းၸိူဝ်းၼႆႉ ပဵၼ်လွင်ႈတၢင်းဢၼ်မၼ်းၸဝ်ႈ ႁဵတ်းဢမ်ႇၸႂ်ႈႁိုဝ်။ ၵႂၢမ်းၵဝ်ၸၢင်ႈပၼ်ဢၵျူဝ်း တီႈၵေႃႉဢၼ် ၵမ်ၵျၢင်ႉသိုဝ်ႈသိုဝ်ႈတေႃႇတေႃႇၼၼ်ႉ ဢမ်ႇၸႂ်ႈႁိုဝ်။- 8ၸႃႉၸဵမ်မိုဝ်ႉဝၼ်းဢွၼ်ၼၼ်ႉလႄႈ ၵူၼ်းၵဝ်တင်းလၢႆ ဢွၼ်ၵၼ်ႁဵတ်းရၢၼ်ႇ တၢင်းၽိတ်းလႄႈ လုၵ်ႉဢေႃႈ၊ သူၸၢင်ႈဢွၼ်ၵၼ် ႁိမ်ဢဝ်ထွတ်ႇဢဝ် ၶူဝ်းၼုင်ႈဢၼ်ၵႃႈၼွၵ်ႈ ဢိၵ်ႇတင်းၶူဝ်းၼုင်ႈ ဢၼ်ၵႃႈၼႂ်းတီႈၶဝ်ၸိူဝ်းဢၼ် ၵႂႃႇတၢင်းပႆတၢင်း လူင်ႉလီလွတ်ႈလီလႄႈ ဢမ်ႇမီးဢလူဝ်ႇ ၶႂ်ႈတိုၵ်းသိုၵ်းၼၼ်ႉဢေႃႈ။- 9သူႁေႃႈမႄႈယိင်းၵူၼ်းၵဝ်တင်းလၢႆ ဢွၵ်ႇသေၵႃႈၼႂ်းႁိူၼ်း တီႈယူႇဢၼ် ၶဝ်မိုတ်ႈၶဝ်ပျေႃႇၼၼ်ႉလႄႈ ၼုၵ်ႈဢဝ်မုၼ်ၽုင်းၵဝ် ဢွၵ်ႇသေၵႃႈတီႈလုၵ်ႈၶဝ် လၢင်းၶဝ်ၼၼ်ႉ ယူႇသေႇသေႇဢေႃႈ။- 10ဢွၼ်ၵၼ်လုၵ်ႉလႄႈ ၵႂႃႇတႃႉ။ မိူင်းၼႆႉ ပဵၼ်တီႈဢၼ်သူ ၼိမ်ၸႂ်ၼိမ်ၶေႃး ယူႇလီလီငၢမ်းငၢမ်းဢမ်ႇၸႂ်ႈ။ ၵႃႈတီႈၼႆႈ ၵွပ်ႈပိူဝ်ႈဢၼ် ပဵၼ်ဢၼ်ၵူဝ်ႈၵိူၵ်ႇလႄႈ တၵ်းလႆႈလူႉလႆႈလႅဝ် လူၺ်ႈတၢင်းဢၼ်လူႉလႅဝ် ဢၼ်ယႂ်ႇၼႃႇဢေႃႈ။- 11ပေႃးၵေႃႉဢၼ်ၸွမ်းသၽေႃး တူဝ်ၸဝ်ႈၵဝ်ႇ သေလႄႈ သုင်းသွင်ႇ ၵႂၢမ်းမူႉသႃႇၼၼ်ႉ လၢတ်ႈလႄႈဝႃႈ၊ ၵဝ်တၵ်းႁဵတ်း ပရေႃးၽႅတ်ႈလႄႈ ႁေႃးလၢတ်ႈတြႃးၼမ်ႉၸပိတ်ႈ ဢိၵ်ႇတင်းတြႃးၼမ်ႉလဝ်ႈ ၼမ်ႉၵမ်ဢေႃႈ၊ ဝႃႈၼင်ႇၼႆၸိုင်၊ ၵေႃႉၼၼ်ႉ တၵ်းလႆႈပဵၼ်ပရေႃးၽႅတ်ႈ ၵူၼ်းတင်းလၢႆ ၸိူဝ်းၼႆႉဢေႃႈ။- 12ယႃႇၵုပ်ႈဢိူၺ်း၊ ၵဝ်တၵ်းႁႂ်ႈ ၵူၼ်းမဵဝ်းမႂ်းၵႃႈမီး ၸူႉၵၼ်တုမ်ၵၼ်လႄႈ ႁႂ်ႈၵူၼ်းမဵဝ်း ဢီႉသရေႇလႃႉ ဢၼ် ယင်းၵိုတ်းယင်းၵျၢၼ်ႇၸိူဝ်းၼၼ်ႉ ပဵၼ်မုၵ်ႉပဵၼ်ၸိူဝ်း ဢမၢၼ်ႇၶၼ်ပဵၼ်ဢေႃႈ။ ၵဝ်တၵ်းဢဝ်ၶဝ်ၸူႉၵၼ်တုမ်ၵၼ်ဝႆႉ မိူၼ်ၸိူဝ်ႉၼင်ႇသူဝ်း ဝဵင်းပေႃႇၸရႃႉ ဢိၵ်ႇတင်း ၸိူဝ်ႉၼင်ႇၽုင်သူဝ်း ၵႃႈၼႂ်းတီႈဢၼ်ၶဝ် ယၢမ်ႈၵိၼ်ယူႇသေႇသေႇၼၼ်ႉလႄႈ တၵ်းပဵၼ်သဵင်ယႂ်ႇသဵင်လူင် ၵွပ်ႈပိူဝ်ႈၵူၼ်းၼမ်ၼႃႇၼၼ်ႉဢေႃႈ။- 13ၵေႃႉဢၼ်မူၼ်ႉဢွၵ်ႇ တိုဝ်ဢွၵ်ႇၼၼ်ႉ ၶိုၼ်ႈၸူးဢွၼ်တၢင်းၶဝ်ဢေႃႈ။ ၶဝ်ၵေႃႈ ႁဵတ်းတၢင်းဢၼ် မူၼ်ႉဢွၵ်ႇတိုဝ်ဢွၵ်ႇသေလႄႈ ဢွၼ်ၵၼ်တႆႇတၢင်းပႆတၢင်းၵႂႃႇ ၵႃႈတီႈႁူးၽၵ်းတူလႄႈ ဢွၵ်ႇသေၵႃႈတီႈၼႂ်းမၼ်းၼၼ်ႉၵႂႃႇဢေႃႈ။ ၶုၼ်ႁေႃၶမ်းၶဝ်ၼၼ်ႉ ၵႂႃႇဢွၼ်တၢင်းၶဝ်လႄႈ ထႃႇဝရႃႉၽြႃး ဢွၼ်ႁူဝ်ၶဝ်ၵႂႃႇဢေႃႈ။
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship