မီႉၶႃႇ 1
1
1ပျႃႇတိၵ်ႈထႃႇဝရႃႉၽြႃး ဢၼ်ႁွတ်ႈမႃးတီႈမီႉၶႃႇ ၵူၼ်းဝၢၼ်ႈမေႃႇရသႃႉၼၼ်ႉ ၼႂ်းၸူဝ်ႈပၢၼ် ၶုၼ်လူင်ယူဝ်းထမ်ႇ၊ ၶုၼ်လူင်ဢႃႇၶတ်ႉ၊ ၶုၼ်လူင်ႁေႇၸၵီႉ ၶုၼ်ႁေႃၶမ်းယူႉတႃႉၸိူဝ်းၼၼ်ႉလႄႈ မၼ်းၼၼ်ႉႁၼ်လူၺ်ႈလွင်ႈ ဝဵင်းသမႃႇရီႉ ဢိၵ်ႇတင်း ဝဵင်းယေႇရူႉသလႅမ်ႇၼၼ်ႉၼၼ်ႉၸမ်ႉ၊- 2မဵဝ်းၵူၼ်းတင်းလၢႆ ၶဝ်ဢိူၺ်း၊ ဢွၼ်ၵၼ်ငိၼ်းတႃႉ။ လိၼ်မိူင်း ဢိၵ်ႇတင်း ၵႃႈဢၼ်မီးၵႃႈၼႂ်းမၼ်းၶဝ်ဢိူၺ်း၊ ဢွၼ်ၵၼ်ထွမ်ႇတႃႉ။ ႁႂ်ႈၸဝ်ႈထႃႇဝရႃႉၽြႃး ဢၼ်ဝႃႈၸဝ်ႈၽြႃးၼၼ်ႉ ယူႇၵႃႈၼႂ်းပိၵ်ႈမၢၼ်ႇ ဢၼ်မူတ်းၸၢင်ႇမၼ်းၸဝ်ႈ သေလႄႈ ၶၢမ်ႇသၢၵ်ႈသေႇ ယူႇၽၢႆႇၼိုင်ႈတင်းသူ သေၵမ်းလူၺ်ႈ။
တၢမ်ႇဢပႅတ်ႈဢၼ်တူၵ်းတီႈဝဵင်းသမႃႇရီႉလႄႈဝဵင်းယေႇရူႉသလႅမ်ႇ
3တူၺ်းလူး။ ထႃႇဝရႃႉၽြႃး တၵ်းဢွၵ်ႇသေၵႃႈၼႂ်းထႃႇၼႃႉ တီႈဢၼ်မၼ်းၸဝ်ႈ ၵိင်းဝၢပ်ႈယူႇၼၼ်ႉ လူင်းမႃးလႄႈ ယဵပ်ႇယမ်ႈသႂ်ႇ ၵႃႈတီႈဢၼ်သုင်လိၼ်မိူင်းတင်းလၢႆဢေႃႈ။- 4လွႆတင်းလၢႆၸိူမ်ႈပဵၼ်ၼမ်ႉၵႂႃႇ ၵႃႈတီႈတႂ်ႈမၼ်းၸဝ်ႈလႄႈ ၶူင်ႈႁူၺ်ႈပၢင်ႇႁူၺ်ႈတင်းလၢႆ တၵ်းတႅၵ်ႇဢႃႈၵႂႃႇ မိူၼ်ၸိူဝ်ႉၼင်ႇ ၶီႈၽိုင်ႈ ၵႃႈတီႈၽၢႆႇၼႃႈၽႆး ဢိၵ်ႇတင်းၸိူဝ်ႉၼင်ႇၼမ်ႉ ဢၼ်တူၵ်းလူင်းသေၵႃႈတီႈ ၽႃလၼ်း ၽႃၸၼ်းၼၼ်ႉဢေႃႈ။- 5လွင်ႈတၢင်းၵႃႈမီးၼႆႉ ႁွတ်ႈထိုင်ၵွပ်ႈပိူဝ်ႈ တၢင်းဢၼ် ယႃႇၵုပ်ႈပူၼ်ႉလိူဝ် ဢိၵ်ႇတင်း တၢင်းဢၼ်မဵဝ်းဢီႉသရေႇလႃႉ ၽိတ်းပိူင်ႈၼၼ်ႉဢေႃႈ။ တၢင်းဢၼ်ယႃႇၵုပ်ႈ ပူၼ်ႉလိူဝ်ၸမ်ႉ၊ ပဵၼ်ၵႃႈသင်၊ ပဵၼ်ဝဵင်းသမႃႇရီႉ ဢမ်ႇၸႂ်ႈႁိုဝ်။ ထႃႇၼႃႉတီႈသုင်ယူႉတႃႉတင်းလၢႆၸမ်ႉ၊ ပဵၼ်ၵႃႈသင်။ ပဵၼ်ဝဵင်းယေႇရူႉသလႅမ်ႇ ဢမ်ႇၸႂ်ႈႁိုဝ်။- 6ပိူဝ်ႈၼႆလႄႈ ၵဝ်တၵ်းႁႂ်ႈဝဵင်းသမႃႇရီႉ၊ ပဵၼ်ၸိူဝ်ႉၼင်ႇၵွင်ၽုၼ်ႇ ၵွင်လိၼ်ၵႃႈၼႂ်းပၢင်ႇတူင်ႈၼႃး ဢိၵ်ႇတင်း ၸိူဝ်ႉၼင်ႇတီႈဢၼ် ၽုၵ်ႇသူၼ်ဢူးယဵၼ်ႇၸပိတ်ႈ ၼၼ်ႉဢေႃႈ။ ၵဝ်တၵ်းဢဝ်မၢၵ်ႇႁိၼ်လမ်းဝဵင်းၸိူဝ်းၼၼ်ႉ ထွၵ်ႇပႅတ်ႈၵႃႈၼႂ်း ၶူင်ႈႁူၺ်ႈလႄႈ ၽုၺ်ႇပိုတ်ႇႁၢၵ်ႈလမ်းဝဵင်း ၼႄပျႃးဢေႃႈ။- 7ရုၵ်ႈထူႉသၢင်းထူႉမၼ်း ၵႃႈမီး တၵ်းလႆႈၶၢမ်ႇတၢင်းဢၼ်ႁၵ်းႁဵၵ်း ပႅတ်ႈလႄႈ ၵႃႈၶၼ်ဢၼ်မၼ်းလႆႈ ၵႃႈမီးၼၼ်ႉ တၵ်းလႆႈၶၢမ်ႇတၢင်းဢၼ် ဢဝ်တုတ်ႇၽႆးဢေႃႈ။ ၵဝ်တၵ်းပႄႇၽဵဝ်ႈ ၽြႃးမၼ်း ဢၼ်ဢမ်ႇၸိုဝ်ႈဢမ်ႇၸႂ်ႈ ၵႃႈမီးၼၼ်ႉ ပႅတ်ႈဢေႃႈ။ ၵွပ်ႈပိူဝ်ႈၵႃႈၶၼ် တၢင်းဢၼ်မၼ်းႁဵတ်းမႄႈမွၵ်ႇယႃႈၼၼ်ႉလႄႈ မၼ်းဢဝ်ဢုၵ်ႉၸႃႇၼၼ်ႉ ၸူႉႁွမ်သိမ်းပႅင်းဝႆႉလႄႈ ဢုၵ်ႉၸႃႇၼၼ်ႉ တၵ်းသမ်ႉၶိုၼ်း ႁွတ်ႈထိုင်ၵႃႈၼႂ်းၵႃႈၶၼ်မႄႈမွၵ်ႇယႃႈဢေႃႈ။
8ၵွပ်ႈပိူဝ်ႈလွင်ႈတၢင်းၼၼ်ႉလႄႈ ၵဝ်တၵ်းႁွင်ႉႁႆႈလႄႈ ပွင်ႉၶၢင်းဢေႃႈ။ ၵဝ်တၵ်းထွတ်ႇ ၶူဝ်းၼုင်ႈၵဝ်သေလႄႈ ၵႂႃႇမႃးယူႇ တူဝ်ပူၺ်ဢေႃႈ။ ၵဝ်တၵ်းႁွၼ်မိူၼ်ၸိူဝ်ႉၼင်ႇ မႃလိၼ်လႄႈ ဢိုတ်းႁွင်ႉမိူၼ်ၸိူဝ်ႉၼင်ႇ ၼူၵ်ႉၵလႃးဢုၵ်ႉၼၼ်ႉဢေႃႈ။- 9တၢင်းၸဵပ်း တၢင်းသႅပ်ႇတၢမ်ႇ ဢၼ်မၼ်းလႆႈၶၢမ်ႇၼၼ်ႉ ဢမ်ႇႁၢႆလႆႈ။ တၢမ်ႇၼၼ်ႉ ၶၢမ်ႈၵႂႃႇ တေႃႇထိုင်ႁွတ်ႈမိူင်းယူႉတႃႉဢေႃႈ။ ရၢၼ်ႇသူႇ ႁွတ်ႈထိုင်ၵႃႈတီႈၽၵ်းတူ တီႈယူႇၵူၼ်းတင်းလၢႆ ဢၼ်ဝႃႈ ဝဵင်းယေႇရူႉသလႅမ်ႇၼၼ်ႉယဝ်ႉ။
တၢင်းဢၼ်ႁႆႈႁွင်ႉပွင်ႉၶၢင်း
10ယႃႇပေဢွၼ်ၵၼ် ဢဝ်လွင်ႈမၼ်း မွၵ်ႇလၢတ်ႈတီႈဝဵင်းၵႃႇသႃႉ။ ယႃႇပေဢွၼ်ၵၼ် ႁႆႈႁွင်ႉလႃးလႃး။ ၵဝ်ဢဝ်တူဝ်ၵဝ် ၵိင်ႈၵိူၵ်ႇယူႇၵႃႈၼႂ်းမုၼ်ႈလိၼ် ၵႃႈတီႈဝဵင်းပေႇသေႃးၽရႃႉဢေႃႈ။- 11လုၵ်ႈယိင်းဝဵင်းသၽီႉရႃႉဢိူၺ်း၊ မီးတၢင်းဢၼ်ယူႇ တူဝ်ပူၺ်၊ တၢင်းဢၼ်ဢူၵ်းဢၢႆသေလႄႈ ၵႂႃႇတႃႉ။ လုၵ်ႈယိင်းဝဵင်းၸႃႇၼၼ်ႇၼၼ်ႉ ဢမ်ႇလႆႈဢွၵ်ႇၵႂႃႇ။ တၢင်းဢၼ် ႁွင်ႉႁႆႈပွင်ႉၶၢင်း ဝဵင်းပေႉသၸေႇလႃႉၼၼ်ႉ တၵ်းၼုၵ်ႈသိမ်းဢဝ်ဢၶႂၢင်ႉ ဢၼ်သူလႆႈသွၼ်ႈပိုင်ႈ ယူႇၼၼ်ႉဢေႃႈ။- 12လုၵ်ႈယိင်းဝဵင်းမႃႇရုတ်ႈၵေႃႈ တူၵ်းဢၢင်ႈမုင်ႈမွင်း လွင်ႈတၢင်းဢၼ်လီဢၼ်ငၢမ်း ယူႇဢေႃႈ။ လွင်ႈမၼ်းၸမ်ႉ ၽေးတၢမ်ႇလုၵ်ႉသေၵႃႈတီႈ ထႃႇဝရႃႉၽြႃးၼၼ်ႉ လူင်းမႃးႁွတ်ႈထိုင်ၵႃႈတီႈၽၵ်းတူဝဵင်းယေႇရူႉသလႅမ်ႇယဝ်ႉ။- 13လုၵ်ႈယိင်းဝဵင်းလႃႇၶီႉသႃႉဢိူၺ်း၊ ဢဝ်မႃႉ ဢၼ်ၶၼ်ၽႂ်းၼၼ်ႉ ႁၢင်ႈလေႃႉရထႃးတႃႉ။ မႂ်းပဵၼ်ၵေႃႇၸႃႉ ႁူဝ်ပိုင်းဢပႅတ်ႈ တီႈလုၵ်ႈယိင်းၸီႉဢုၼ်ႇလႄႈ ပိူၼ်ႈလႆႈႁူပ်ႉထူပ်း တၢင်းဢၼ်ဢီႉသရေႇလႃႉပူၼ်ႉလိူဝ်ၸိူဝ်းၼၼ်ႉ ၵႃႈၼႂ်းမႂ်း ဢမၢၼ်ႇၶၼ်ပဵၼ်ယဝ်ႉ။- 14ပိူဝ်ႈၼႆလႄႈ မႂ်းတၵ်းလႆႈပၼ် လၢၵ်ႈသွင်ႇ ဢၼ်ပႄႇပႅတ်ႈ လွတ်ႈၵၢင်းၵၼ်ၼၼ်ႉ တီႈဝဵင်းမေႃးရသိတ်ႉ မိူင်းၵႃႇသႃႉၼၼ်ႉဢေႃႈ။ ၵူၼ်းဝဵင်းဢၵ်ႇၸိပ်ႉၸိူဝ်းၼၼ်ႉ တၵ်းပဵၼ် တၢင်းဢၼ်ပႅတ်ႉ ဢၼ်လႅၼ် တီႈၶုၼ်ႁေႃၶမ်းဢီႉသရေႇလႃႉဢေႃႈ။- 15လုၵ်ႈယိင်းဝဵင်းမရေးသႃႉဢိူၺ်း၊ ၵဝ်တၵ်းႁွင်ႉဢဝ် ၵေႃႉဢၼ် ၶၢမ်ႇဢမူၺ်ႇ ဢုၵ်ႉၸႃႇမႂ်းၼၼ်ႉ မႃးတီႈမႂ်းလႄႈ မၼ်းၼၼ်ႉတၵ်းႁွတ်ႈထိုင် ၵႃႈတီႈဝဵင်းဢတူႉလမ်ႇ ဢၼ်ပဵၼ်မုၼ်ၽုင်း ဢီႉသရေႇလႃႉၼၼ်ႉဢေႃႈ။- 16မႂ်းႁႂ်ႈႁူဝ်မႂ်းၵဵင်ႈလႄႈ ထႃႁူဝ်မႂ်း ၵွပ်ႈပိူဝ်ႈလုၵ်ႈလၢင်းမႂ်း ဢၼ်မႂ်းလီႁၵ်ႉလီပႅင်း ၸိူဝ်းၼၼ်ႉတႃႉ။ ႁဵတ်းတၢင်းဢၼ် ႁူဝ်ၵဵင်ႈ ဢၼ်ၵႂၢင်ႈၼႃႇလူင်လၢင် ၸိူဝ်ႉၼင်ႇလၢင်းတႃႉၶမ်းၼၼ်ႉ ယူႇတႃႉ။ လွင်ႈမၼ်းၸမ်ႉ ၶဝ်ၼၼ်ႉလႆႈၶၢမ်ႇတၢင်းဢၼ် သိမ်းဢဝ်ၵႂႃႇသေ ၵႃႈတီႈမႂ်းယဝ်ႉ။
Valið núna:
မီႉၶႃႇ 1: CBMS
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
မီႉၶႃႇ 1
1
1ပျႃႇတိၵ်ႈထႃႇဝရႃႉၽြႃး ဢၼ်ႁွတ်ႈမႃးတီႈမီႉၶႃႇ ၵူၼ်းဝၢၼ်ႈမေႃႇရသႃႉၼၼ်ႉ ၼႂ်းၸူဝ်ႈပၢၼ် ၶုၼ်လူင်ယူဝ်းထမ်ႇ၊ ၶုၼ်လူင်ဢႃႇၶတ်ႉ၊ ၶုၼ်လူင်ႁေႇၸၵီႉ ၶုၼ်ႁေႃၶမ်းယူႉတႃႉၸိူဝ်းၼၼ်ႉလႄႈ မၼ်းၼၼ်ႉႁၼ်လူၺ်ႈလွင်ႈ ဝဵင်းသမႃႇရီႉ ဢိၵ်ႇတင်း ဝဵင်းယေႇရူႉသလႅမ်ႇၼၼ်ႉၼၼ်ႉၸမ်ႉ၊- 2မဵဝ်းၵူၼ်းတင်းလၢႆ ၶဝ်ဢိူၺ်း၊ ဢွၼ်ၵၼ်ငိၼ်းတႃႉ။ လိၼ်မိူင်း ဢိၵ်ႇတင်း ၵႃႈဢၼ်မီးၵႃႈၼႂ်းမၼ်းၶဝ်ဢိူၺ်း၊ ဢွၼ်ၵၼ်ထွမ်ႇတႃႉ။ ႁႂ်ႈၸဝ်ႈထႃႇဝရႃႉၽြႃး ဢၼ်ဝႃႈၸဝ်ႈၽြႃးၼၼ်ႉ ယူႇၵႃႈၼႂ်းပိၵ်ႈမၢၼ်ႇ ဢၼ်မူတ်းၸၢင်ႇမၼ်းၸဝ်ႈ သေလႄႈ ၶၢမ်ႇသၢၵ်ႈသေႇ ယူႇၽၢႆႇၼိုင်ႈတင်းသူ သေၵမ်းလူၺ်ႈ။
တၢမ်ႇဢပႅတ်ႈဢၼ်တူၵ်းတီႈဝဵင်းသမႃႇရီႉလႄႈဝဵင်းယေႇရူႉသလႅမ်ႇ
3တူၺ်းလူး။ ထႃႇဝရႃႉၽြႃး တၵ်းဢွၵ်ႇသေၵႃႈၼႂ်းထႃႇၼႃႉ တီႈဢၼ်မၼ်းၸဝ်ႈ ၵိင်းဝၢပ်ႈယူႇၼၼ်ႉ လူင်းမႃးလႄႈ ယဵပ်ႇယမ်ႈသႂ်ႇ ၵႃႈတီႈဢၼ်သုင်လိၼ်မိူင်းတင်းလၢႆဢေႃႈ။- 4လွႆတင်းလၢႆၸိူမ်ႈပဵၼ်ၼမ်ႉၵႂႃႇ ၵႃႈတီႈတႂ်ႈမၼ်းၸဝ်ႈလႄႈ ၶူင်ႈႁူၺ်ႈပၢင်ႇႁူၺ်ႈတင်းလၢႆ တၵ်းတႅၵ်ႇဢႃႈၵႂႃႇ မိူၼ်ၸိူဝ်ႉၼင်ႇ ၶီႈၽိုင်ႈ ၵႃႈတီႈၽၢႆႇၼႃႈၽႆး ဢိၵ်ႇတင်းၸိူဝ်ႉၼင်ႇၼမ်ႉ ဢၼ်တူၵ်းလူင်းသေၵႃႈတီႈ ၽႃလၼ်း ၽႃၸၼ်းၼၼ်ႉဢေႃႈ။- 5လွင်ႈတၢင်းၵႃႈမီးၼႆႉ ႁွတ်ႈထိုင်ၵွပ်ႈပိူဝ်ႈ တၢင်းဢၼ် ယႃႇၵုပ်ႈပူၼ်ႉလိူဝ် ဢိၵ်ႇတင်း တၢင်းဢၼ်မဵဝ်းဢီႉသရေႇလႃႉ ၽိတ်းပိူင်ႈၼၼ်ႉဢေႃႈ။ တၢင်းဢၼ်ယႃႇၵုပ်ႈ ပူၼ်ႉလိူဝ်ၸမ်ႉ၊ ပဵၼ်ၵႃႈသင်၊ ပဵၼ်ဝဵင်းသမႃႇရီႉ ဢမ်ႇၸႂ်ႈႁိုဝ်။ ထႃႇၼႃႉတီႈသုင်ယူႉတႃႉတင်းလၢႆၸမ်ႉ၊ ပဵၼ်ၵႃႈသင်။ ပဵၼ်ဝဵင်းယေႇရူႉသလႅမ်ႇ ဢမ်ႇၸႂ်ႈႁိုဝ်။- 6ပိူဝ်ႈၼႆလႄႈ ၵဝ်တၵ်းႁႂ်ႈဝဵင်းသမႃႇရီႉ၊ ပဵၼ်ၸိူဝ်ႉၼင်ႇၵွင်ၽုၼ်ႇ ၵွင်လိၼ်ၵႃႈၼႂ်းပၢင်ႇတူင်ႈၼႃး ဢိၵ်ႇတင်း ၸိူဝ်ႉၼင်ႇတီႈဢၼ် ၽုၵ်ႇသူၼ်ဢူးယဵၼ်ႇၸပိတ်ႈ ၼၼ်ႉဢေႃႈ။ ၵဝ်တၵ်းဢဝ်မၢၵ်ႇႁိၼ်လမ်းဝဵင်းၸိူဝ်းၼၼ်ႉ ထွၵ်ႇပႅတ်ႈၵႃႈၼႂ်း ၶူင်ႈႁူၺ်ႈလႄႈ ၽုၺ်ႇပိုတ်ႇႁၢၵ်ႈလမ်းဝဵင်း ၼႄပျႃးဢေႃႈ။- 7ရုၵ်ႈထူႉသၢင်းထူႉမၼ်း ၵႃႈမီး တၵ်းလႆႈၶၢမ်ႇတၢင်းဢၼ်ႁၵ်းႁဵၵ်း ပႅတ်ႈလႄႈ ၵႃႈၶၼ်ဢၼ်မၼ်းလႆႈ ၵႃႈမီးၼၼ်ႉ တၵ်းလႆႈၶၢမ်ႇတၢင်းဢၼ် ဢဝ်တုတ်ႇၽႆးဢေႃႈ။ ၵဝ်တၵ်းပႄႇၽဵဝ်ႈ ၽြႃးမၼ်း ဢၼ်ဢမ်ႇၸိုဝ်ႈဢမ်ႇၸႂ်ႈ ၵႃႈမီးၼၼ်ႉ ပႅတ်ႈဢေႃႈ။ ၵွပ်ႈပိူဝ်ႈၵႃႈၶၼ် တၢင်းဢၼ်မၼ်းႁဵတ်းမႄႈမွၵ်ႇယႃႈၼၼ်ႉလႄႈ မၼ်းဢဝ်ဢုၵ်ႉၸႃႇၼၼ်ႉ ၸူႉႁွမ်သိမ်းပႅင်းဝႆႉလႄႈ ဢုၵ်ႉၸႃႇၼၼ်ႉ တၵ်းသမ်ႉၶိုၼ်း ႁွတ်ႈထိုင်ၵႃႈၼႂ်းၵႃႈၶၼ်မႄႈမွၵ်ႇယႃႈဢေႃႈ။
8ၵွပ်ႈပိူဝ်ႈလွင်ႈတၢင်းၼၼ်ႉလႄႈ ၵဝ်တၵ်းႁွင်ႉႁႆႈလႄႈ ပွင်ႉၶၢင်းဢေႃႈ။ ၵဝ်တၵ်းထွတ်ႇ ၶူဝ်းၼုင်ႈၵဝ်သေလႄႈ ၵႂႃႇမႃးယူႇ တူဝ်ပူၺ်ဢေႃႈ။ ၵဝ်တၵ်းႁွၼ်မိူၼ်ၸိူဝ်ႉၼင်ႇ မႃလိၼ်လႄႈ ဢိုတ်းႁွင်ႉမိူၼ်ၸိူဝ်ႉၼင်ႇ ၼူၵ်ႉၵလႃးဢုၵ်ႉၼၼ်ႉဢေႃႈ။- 9တၢင်းၸဵပ်း တၢင်းသႅပ်ႇတၢမ်ႇ ဢၼ်မၼ်းလႆႈၶၢမ်ႇၼၼ်ႉ ဢမ်ႇႁၢႆလႆႈ။ တၢမ်ႇၼၼ်ႉ ၶၢမ်ႈၵႂႃႇ တေႃႇထိုင်ႁွတ်ႈမိူင်းယူႉတႃႉဢေႃႈ။ ရၢၼ်ႇသူႇ ႁွတ်ႈထိုင်ၵႃႈတီႈၽၵ်းတူ တီႈယူႇၵူၼ်းတင်းလၢႆ ဢၼ်ဝႃႈ ဝဵင်းယေႇရူႉသလႅမ်ႇၼၼ်ႉယဝ်ႉ။
တၢင်းဢၼ်ႁႆႈႁွင်ႉပွင်ႉၶၢင်း
10ယႃႇပေဢွၼ်ၵၼ် ဢဝ်လွင်ႈမၼ်း မွၵ်ႇလၢတ်ႈတီႈဝဵင်းၵႃႇသႃႉ။ ယႃႇပေဢွၼ်ၵၼ် ႁႆႈႁွင်ႉလႃးလႃး။ ၵဝ်ဢဝ်တူဝ်ၵဝ် ၵိင်ႈၵိူၵ်ႇယူႇၵႃႈၼႂ်းမုၼ်ႈလိၼ် ၵႃႈတီႈဝဵင်းပေႇသေႃးၽရႃႉဢေႃႈ။- 11လုၵ်ႈယိင်းဝဵင်းသၽီႉရႃႉဢိူၺ်း၊ မီးတၢင်းဢၼ်ယူႇ တူဝ်ပူၺ်၊ တၢင်းဢၼ်ဢူၵ်းဢၢႆသေလႄႈ ၵႂႃႇတႃႉ။ လုၵ်ႈယိင်းဝဵင်းၸႃႇၼၼ်ႇၼၼ်ႉ ဢမ်ႇလႆႈဢွၵ်ႇၵႂႃႇ။ တၢင်းဢၼ် ႁွင်ႉႁႆႈပွင်ႉၶၢင်း ဝဵင်းပေႉသၸေႇလႃႉၼၼ်ႉ တၵ်းၼုၵ်ႈသိမ်းဢဝ်ဢၶႂၢင်ႉ ဢၼ်သူလႆႈသွၼ်ႈပိုင်ႈ ယူႇၼၼ်ႉဢေႃႈ။- 12လုၵ်ႈယိင်းဝဵင်းမႃႇရုတ်ႈၵေႃႈ တူၵ်းဢၢင်ႈမုင်ႈမွင်း လွင်ႈတၢင်းဢၼ်လီဢၼ်ငၢမ်း ယူႇဢေႃႈ။ လွင်ႈမၼ်းၸမ်ႉ ၽေးတၢမ်ႇလုၵ်ႉသေၵႃႈတီႈ ထႃႇဝရႃႉၽြႃးၼၼ်ႉ လူင်းမႃးႁွတ်ႈထိုင်ၵႃႈတီႈၽၵ်းတူဝဵင်းယေႇရူႉသလႅမ်ႇယဝ်ႉ။- 13လုၵ်ႈယိင်းဝဵင်းလႃႇၶီႉသႃႉဢိူၺ်း၊ ဢဝ်မႃႉ ဢၼ်ၶၼ်ၽႂ်းၼၼ်ႉ ႁၢင်ႈလေႃႉရထႃးတႃႉ။ မႂ်းပဵၼ်ၵေႃႇၸႃႉ ႁူဝ်ပိုင်းဢပႅတ်ႈ တီႈလုၵ်ႈယိင်းၸီႉဢုၼ်ႇလႄႈ ပိူၼ်ႈလႆႈႁူပ်ႉထူပ်း တၢင်းဢၼ်ဢီႉသရေႇလႃႉပူၼ်ႉလိူဝ်ၸိူဝ်းၼၼ်ႉ ၵႃႈၼႂ်းမႂ်း ဢမၢၼ်ႇၶၼ်ပဵၼ်ယဝ်ႉ။- 14ပိူဝ်ႈၼႆလႄႈ မႂ်းတၵ်းလႆႈပၼ် လၢၵ်ႈသွင်ႇ ဢၼ်ပႄႇပႅတ်ႈ လွတ်ႈၵၢင်းၵၼ်ၼၼ်ႉ တီႈဝဵင်းမေႃးရသိတ်ႉ မိူင်းၵႃႇသႃႉၼၼ်ႉဢေႃႈ။ ၵူၼ်းဝဵင်းဢၵ်ႇၸိပ်ႉၸိူဝ်းၼၼ်ႉ တၵ်းပဵၼ် တၢင်းဢၼ်ပႅတ်ႉ ဢၼ်လႅၼ် တီႈၶုၼ်ႁေႃၶမ်းဢီႉသရေႇလႃႉဢေႃႈ။- 15လုၵ်ႈယိင်းဝဵင်းမရေးသႃႉဢိူၺ်း၊ ၵဝ်တၵ်းႁွင်ႉဢဝ် ၵေႃႉဢၼ် ၶၢမ်ႇဢမူၺ်ႇ ဢုၵ်ႉၸႃႇမႂ်းၼၼ်ႉ မႃးတီႈမႂ်းလႄႈ မၼ်းၼၼ်ႉတၵ်းႁွတ်ႈထိုင် ၵႃႈတီႈဝဵင်းဢတူႉလမ်ႇ ဢၼ်ပဵၼ်မုၼ်ၽုင်း ဢီႉသရေႇလႃႉၼၼ်ႉဢေႃႈ။- 16မႂ်းႁႂ်ႈႁူဝ်မႂ်းၵဵင်ႈလႄႈ ထႃႁူဝ်မႂ်း ၵွပ်ႈပိူဝ်ႈလုၵ်ႈလၢင်းမႂ်း ဢၼ်မႂ်းလီႁၵ်ႉလီပႅင်း ၸိူဝ်းၼၼ်ႉတႃႉ။ ႁဵတ်းတၢင်းဢၼ် ႁူဝ်ၵဵင်ႈ ဢၼ်ၵႂၢင်ႈၼႃႇလူင်လၢင် ၸိူဝ်ႉၼင်ႇလၢင်းတႃႉၶမ်းၼၼ်ႉ ယူႇတႃႉ။ လွင်ႈမၼ်းၸမ်ႉ ၶဝ်ၼၼ်ႉလႆႈၶၢမ်ႇတၢင်းဢၼ် သိမ်းဢဝ်ၵႂႃႇသေ ၵႃႈတီႈမႂ်းယဝ်ႉ။
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship