ႁပၵ်ႉၵုၵ်ႉ ၵႂၢမ်းၼမ်း
ၵႂၢမ်းၼမ်း
ၼုၵ်ႈၵပၢတ်ႈဢၼ်ပရေႃးၽႅတ်ႈႁပၵ်ႉၵုၵ်ႉလႆႈႁေႃးလၢတ်ႈမိူဝ်ႈၶိင်ႇဢွၼ်တၢင်းၸဝ်ႈၶရိၸ်ႈ၊ ၸဵတ်းပၢၵ်ႇပီႊ (B.C. 700) ၼၼ်ႉဢေႃႈ။ ၼႂ်းၶိင်ႇမိူဝ်ႈၼၼ်ႉ ပဵၼ်ၶိင်ႇယၢမ်းဢၼ်ၵူၼ်းမဵဝ်းပႃႇပူႉလုၼ်ႇၶဝ်မီးဢႃႇၼႃႇဢုပ်ႉပိူင်ႇၼၼ်ႉဢေႃႈ။ ႁပၵ်ႉၵုၵ်ႉမီးတၢင်းဢၼ်ၸႂ်သုၵ်ႉသၵ်ႉႁႅင်းယႂ်ႇၼႃႇလူၺ်ႈလွင်ႈၵူၼ်းမဵဝ်းဢၼ်ႁၢႆႉဢၼ်မိူၵ်ႈၸိူဝ်းၼၼ်ႉ ႁဵတ်းပႄႉႁဵတ်းၼႅင်ႇၵူၼ်းမဵဝ်းမၼ်းၼၼ်ႉဢေႃႈ။ ပိူဝ်ႈၼႆၸင်ႇ မၼ်းထၢမ်တီႈထႃႇဝရႃႉၽြႃးလႄႈဝႃႈ၊ “ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸဝ်ႈႁဝ်းလူတူၺ်းၶဝ်ၸိူဝ်းဢၼ်သဵတ်ႈၸႃႇလူႉၼၼ်ႉသေယဝ်ႉ၊ တဵတ်ႇယဵၼ်ယူႇၼႂ်းမိူဝ်ႈဢၼ်ၵေႃႉဢၼ်ႁၢႆႉဢၼ်မိူၵ်ႈယႃႉၽဵဝ်ႈၵေႃႉဢၼ်သိုဝ်ႈတေႃႇၼႃႇသေမၼ်းၼၼ်ႉတီႈၶႃႈယဝ်ႉ။” (1:13) ဝႃႈၼင်ႇၼႆဢေႃႈ။ ထႃႇဝရႃႉၽြႃး၊ ၶိုၼ်းတွပ်ႇလၢတ်ႈလႄႈဝႃႈ၊ မၼ်းၸဝ်ႈတၵ်းၶိုင်ပွင်ႁဵတ်းသၢင်ႈၼႂ်းၶိင်ႇဝၼ်းဢၼ်သၢင်ႇထုၵ်ႇလီငၢမ်းမၼ်းၸဝ်ႈၼၼ်ႉလႄႈ တေႃႈလဵဝ်ၼႆႉၸမ်ႉ၊ “ၵေႃႉဢၼ်သိုဝ်ႈတေႃႇၼၼ်ႉ၊ ဢသၢၵ်ႈတၵ်းလိပ်းၵွပ်ႈပိူဝ်ႈတၢင်းဢၼ်မၼ်းယုမ်ႇမၢတ်ႈၼၼ်ႉဢေႃႈ။” (2:4) ဝႃႈၼႆပၼ်ႁႅင်းဝႆႉဢေႃႈ။
လိူဝ်သေၼၼ်ႉ ၼႂ်းလိၵ်ႈႁပၵ်ႉၵုၵ်ႉၼႆႉပဵၼ်လွင်ႈဢၼ်ႁေႃးလၢတ်ႈထႃႈဝႆႉဝႃႈ၊ ၶဝ်ၸိူဝ်းဢၼ်ဢမ်ႇသိုဝ်ႈတေႃႇၼၼ်ႉ တၵ်းလႆႈၶၢမ်ႇတၢမ်ႇတၢင်းဢၼ်ၸီႇယၢင်ႇဢပႅတ်ႈၼၼ်ႉဢေႃႈ။ ၶေႃႈၵႂၢမ်းတီႈသုတ်းမၼ်းၸမ်ႉ၊ ပဵၼ်လိၵ်ႈႁဵတ်းၵႂၢမ်းသႃႇလၢမ်ႇလွင်ႈဢၼ်ယုၵ်ႉယွင်ႈၽြႃးပဵၼ်ၸဝ်ႈ၊ ပဵၼ်ၸဝ်ႈဢၼ်ယႂ်ႇမျၢတ်ႈၼၼ်ႉလႄႈ ၽုၺ်ႇဢွၵ်ႇမွၵ်ႇလၢတ်ႈလွင်ႈတၢင်းယုမ်ႇမၢတ်ႈႁပၵ်ႉၵုၵ်ႉဢၼ်ဢမ်ႇသုတ်းႁၢႆဝၢႆးလႆႈသေပွၵ်ႈၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ႁပၵ်ႉၵုၵ်ႉတိူင်ႇတီႈထႃႇဝရႃႉၽြႃးလႄႈ မၼ်းၸဝ်ႈတွပ်ႇၶိုၼ်း 1:1-2:4
တၢင်းဢၼ်ၸီႇယၢင်ႇပၼ်တၢမ်ႇၵႃႈၼိူဝ်ၵူၼ်းဢၼ်ဢမ်ႇသိုဝ်ႈတေႃႇ 2:5-20
ၵႂၢမ်းသူးတွင်းႁပၵ်ႉၵုၵ်ႉ 3:1-19
Valið núna:
ႁပၵ်ႉၵုၵ်ႉ ၵႂၢမ်းၼမ်း: CBMS
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship