Mapookyony 50
50
1Yosefu kawoya ndeye efo kisanguny, kamuiya kammiminda. 2Yosefu kavavasya vandu vakwe valya vakee vavavari, vaambe ndeye miri naambo nalaraa. Vavavari vakaamba Israeli miri. 3Mikonu yakwe makumi aana ikeera, mashika niindo mikonu yeamba miri yekai. Vamisri vakamuiya ando a mikonu makumi mfungare.
4Mikonu yeemuiya yikiira, Yosefu karera na vandu va mmba ya Farao vakeenda veryani nawe, vamiku va mmba yakwe, na vamiku woose va uruka lwa Misri. 5Nde wakwa nnyeshilyisya mboo kaamba, “Nshikee kufii ifwa, kifu kyakwa ekyo shilesuma shimuni yefo urukeny lwa Kanaani; nng'u ando kushaara. Ulaalu shakuterewa shira sheende shinderika nde wakwa, shammaa shiwuyaa.” 6Farao karouwa kaamba, “Enda kwanderika ndoo shaasa ekulyisya mboo.” 7Llyo Yosefu kanderika ndeye; mashinga a Farao akeenda nawe, vasongoru va mmba yakwe na vasongoru woose wa uruka lwa Misri. 8Na mmba shoose ya Yosefu, na vana va maye, na mmba ya ndeye, vakara-fo vana vawo veni, na moonri awo na ng'umbe tawo, efo urukeny lwa Gosheni. 9Ando amwi nawe vakeenda vesaammye frasi, na mitika, vakava ironda iniini nnu. 10Vakafika iweny lya Atadi lyikee kwakulya ya Yordan. Vakaiya kiiyo kiniini, kiroo nnu. Kavika kiiyo vaka-kaa rembo mikonu mfungare. 11Na valya vekee kulya urukeny, Vakanani ewo, kyeeri valelollya veeke rembo efo Atadi vakaamba, “Kiiyo ekyi kya Vamisri nkiniini,” nkyo ando alya akavaangwa Abel-Misri, ikee kwakulya ya Yordan. 12Vana vakwe vakantannya shaasa aleva-vavasya; 13mashika valemwipoo fika urukeny lwa Kanaani, nawo vakamwaara efo mbangeny ya irema lya Makipela, lyikee mbee ya Mamre, llya Abrahamu alelyuura ando amwi na irema kwa Efroni Mhiti, kuve kwakwe kweerika.
14Yosefu kawuya Misri we na vana va maye, na valya woose valeenda nawe inderika ndeye, ekimaa irika.
Yosefu Aniinga Vana va Maaye Uleke
15Vana va maye va Yosefu vekilollya nde-yaawo amfwa, vakakusara, kulakooye Yosefu ashelusuaa; nawe mmbo ashelutaiyaa makasha eru alya lulentannya. 16Vakaruma vandu kwa Yosefu, yaamba, “Ndoo mmbo aloota ivavaso llya kulore emfwa, kaamba, 17‘Vieny Yosefu indi, shakutereva kureeye vana va mau ulyamari lwawo na ukasha lwawo, mashika valekutannya makasha; ulaalu lwakutereva kulufwaaye ukasha lwa mashinga a Iruva wa nde-yaafo.’” Yosefu kaiya kyeeri valerera nawe. 18Vana va maye vakeenda lyingyi, vakammboya yoo marendeny, vakaamba, “Lola, yese mmbo lukee mashinga afo.” 19Yosefu kavavia, “Mulairyee-fo, A ndesa yeny mmbo shikee ando a Iruva?” 20Neeni dede lyo mmbo mweshikunndya makasha, kyeendi we Iruva kakunda ave mesha, naambo kushe-u ikira ironda iniini lya vandu, shaasa kyikee inu. 21Naasa ulaalu mulairyee-fo; yeny nshemuningaa shoonga ando amwi na vana vany. Kavaviirya muu, neerera nawo nisha.
Ufu lwa Yosefu
22Yosefu kakaa Misri, we na mmba ya ndeye Yakobo, kamaa myaaka iyana na ikumi. 23Yosefu kalollya vana va Efraimu fika irika lya kararu, ni vana va Makiri, mwana wa Manase yewo vewonikkya kwa Yosefu. 24Yosefu kavia vana va maye, “Yeny mmbo shiifo shifwaa, kyeendi Iruva nkuti ashemusheyaa yeni, ashemusamisaa muuke urukeny elu, mushefika urukeny lulya alevikkya kyaasa Abrahamu na Isaki na Yakobo.” 25Yosefu kalyisya vana va Israeli mboo, kaamba, “Ni dede Iruva ashemusheyaa, neeni mushesaamisa nafo maffwa akwa. 26Naasa Yosefu kafwa etiri myaaka iyana na ikumi, vakamwaamba miri, vakammbika isandukuny efo Misri.”
Valið núna:
Mapookyony 50: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 50
50
1Yosefu kawoya ndeye efo kisanguny, kamuiya kammiminda. 2Yosefu kavavasya vandu vakwe valya vakee vavavari, vaambe ndeye miri naambo nalaraa. Vavavari vakaamba Israeli miri. 3Mikonu yakwe makumi aana ikeera, mashika niindo mikonu yeamba miri yekai. Vamisri vakamuiya ando a mikonu makumi mfungare.
4Mikonu yeemuiya yikiira, Yosefu karera na vandu va mmba ya Farao vakeenda veryani nawe, vamiku va mmba yakwe, na vamiku woose va uruka lwa Misri. 5Nde wakwa nnyeshilyisya mboo kaamba, “Nshikee kufii ifwa, kifu kyakwa ekyo shilesuma shimuni yefo urukeny lwa Kanaani; nng'u ando kushaara. Ulaalu shakuterewa shira sheende shinderika nde wakwa, shammaa shiwuyaa.” 6Farao karouwa kaamba, “Enda kwanderika ndoo shaasa ekulyisya mboo.” 7Llyo Yosefu kanderika ndeye; mashinga a Farao akeenda nawe, vasongoru va mmba yakwe na vasongoru woose wa uruka lwa Misri. 8Na mmba shoose ya Yosefu, na vana va maye, na mmba ya ndeye, vakara-fo vana vawo veni, na moonri awo na ng'umbe tawo, efo urukeny lwa Gosheni. 9Ando amwi nawe vakeenda vesaammye frasi, na mitika, vakava ironda iniini nnu. 10Vakafika iweny lya Atadi lyikee kwakulya ya Yordan. Vakaiya kiiyo kiniini, kiroo nnu. Kavika kiiyo vaka-kaa rembo mikonu mfungare. 11Na valya vekee kulya urukeny, Vakanani ewo, kyeeri valelollya veeke rembo efo Atadi vakaamba, “Kiiyo ekyi kya Vamisri nkiniini,” nkyo ando alya akavaangwa Abel-Misri, ikee kwakulya ya Yordan. 12Vana vakwe vakantannya shaasa aleva-vavasya; 13mashika valemwipoo fika urukeny lwa Kanaani, nawo vakamwaara efo mbangeny ya irema lya Makipela, lyikee mbee ya Mamre, llya Abrahamu alelyuura ando amwi na irema kwa Efroni Mhiti, kuve kwakwe kweerika.
14Yosefu kawuya Misri we na vana va maye, na valya woose valeenda nawe inderika ndeye, ekimaa irika.
Yosefu Aniinga Vana va Maaye Uleke
15Vana va maye va Yosefu vekilollya nde-yaawo amfwa, vakakusara, kulakooye Yosefu ashelusuaa; nawe mmbo ashelutaiyaa makasha eru alya lulentannya. 16Vakaruma vandu kwa Yosefu, yaamba, “Ndoo mmbo aloota ivavaso llya kulore emfwa, kaamba, 17‘Vieny Yosefu indi, shakutereva kureeye vana va mau ulyamari lwawo na ukasha lwawo, mashika valekutannya makasha; ulaalu lwakutereva kulufwaaye ukasha lwa mashinga a Iruva wa nde-yaafo.’” Yosefu kaiya kyeeri valerera nawe. 18Vana va maye vakeenda lyingyi, vakammboya yoo marendeny, vakaamba, “Lola, yese mmbo lukee mashinga afo.” 19Yosefu kavavia, “Mulairyee-fo, A ndesa yeny mmbo shikee ando a Iruva?” 20Neeni dede lyo mmbo mweshikunndya makasha, kyeendi we Iruva kakunda ave mesha, naambo kushe-u ikira ironda iniini lya vandu, shaasa kyikee inu. 21Naasa ulaalu mulairyee-fo; yeny nshemuningaa shoonga ando amwi na vana vany. Kavaviirya muu, neerera nawo nisha.
Ufu lwa Yosefu
22Yosefu kakaa Misri, we na mmba ya ndeye Yakobo, kamaa myaaka iyana na ikumi. 23Yosefu kalollya vana va Efraimu fika irika lya kararu, ni vana va Makiri, mwana wa Manase yewo vewonikkya kwa Yosefu. 24Yosefu kavia vana va maye, “Yeny mmbo shiifo shifwaa, kyeendi Iruva nkuti ashemusheyaa yeni, ashemusamisaa muuke urukeny elu, mushefika urukeny lulya alevikkya kyaasa Abrahamu na Isaki na Yakobo.” 25Yosefu kalyisya vana va Israeli mboo, kaamba, “Ni dede Iruva ashemusheyaa, neeni mushesaamisa nafo maffwa akwa. 26Naasa Yosefu kafwa etiri myaaka iyana na ikumi, vakamwaamba miri, vakammbika isandukuny efo Misri.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.