Mapookyony 49
49
Marero a Mafurumyony a Yakobo
1Yakobo kavaanga vana vakwe, kavavia, “Kusanyiryeny mushe shimuvie findo fikaa fimukooye elyi mikonu yeefurummya.
2Kusanyiryeny, mwarannye, eni vana va Yakobo
Arannyiny nde waany Israeli.
3Reuben kukee mwana wakwa mmbee,
Finya yakwa, na finya yakwa ya mbee
Mmbo kwilannye vengyi kwa finya na uniini,
4Mmbo kulekillya nnyanu sha mura, naasany kulatire itumbe-fo
Mashika llya kulesaama kitara kya ndoo
Kwakitefusa, mmbo kulesaama kitareny kyakwa.
5Simion na Levi ni vana va nka;
Ngyusu tawo ni fisha fya ufiri.
6Nrima wakwa kulasheanga kyameny kyawo
Usuri lwakwa kulakulunge na ironda lyawo
Mashika kyeendwa ni unyafi lwawo mmbo valewaa nndu,
Na kwa ufiri lwawo vakarummbwa nraarii wa ng'umbe;
7Unyafi lwawo ludengwa deny, mashika luleilannya
Nerooywa ni ngoo lyawo, mashika llyetiri usari-fo.
Nshevarauwaa efo kwa Yakobo.
Shishevanyanyata nnang'ani ya Israeli,
8“Yewe Yuda, vana va mau vashekurumishaa,
Woko lwafo mmbo lushekaa yoo singony ya vakiduva vafo,
Vana va ndoo vashekukunyiisyaa.
9Yuda ni kimwana kya miiso,
Mwana-kwa mmbo kwasaama kuuka ilasa mafisi,
Mmbo alekwiinyika kalala sha miiso.
Ekee sha miiso ya kyika ni vi ashemwaantaa?
10Mbiiri ya umangyi nyisheukaa kwa Yuda-fo,
Nta mwiruuya usumanu yoo marendeny akwe-fo,
Kutani asheshaa yeto muni ushilyi,
Mmbwe masanga moose ashemwiindyaa.
11Mmbo ashefingyaa nshungu wakwe yoo nsabibuny,
Na ngashe ya nshungu yoo nsabibuny nsha,
Mmbo asangya soori takwa na mfinyo,
Na masara akwe na samu ya nsabibu.
12Miso akwe mmbo ashedodoraa kimaruma kya mvinyo,
Na mayoo akwe mmbo asheilaa kimaruma kya malela.
13“Sabulon mmbo ashekaa mbaa-mbaa ya yeeve,
Mbaa-mbaa yakwe mmbo ishevaa ando kweesaleesa ngalava,
Na nnyanu wakwe mmbo ushevaa mbai ya Sidoni.
14Iskari ni nshungu wa finya,
Akulallyaa efo wiisirony lwa moonri,
15Kalollya ando a iimuya, akee esha,
Na uruka nalo ni usha,
Kakwinyika naambo yeeva lyakwe lyiipo mario,
Kava ishinga lya mashora moomu.
16Dani asheanduyaa vandu vakwe,
Sha umwi wa ngyiufyari ta Israeli.
17Dani mmbo ashevaa shoka ya shieny,
Shoka ya urowi unyaasi mbaa-mbaa ya shia,
Imaara tutuny ta frasi,
Neeto atisaammye nawe-si na mungo,
18Ukiro lwafo shiluvereye, Woi Nndumi,
19Kati ironda lya vasikari lyishenshingillyaa,
Kyeendi mmbwe yeto ashevashingillyaa fika tutuny.
20“Aseri shoonga yakwe ishevaa shivanri
Nawe asheutaa mesha a kimangyi,
21Naftali ni isarya lyaporomuwa,
Mmbo ashuutaa marero mesha,
22Yosefu ni nri nshu ushevikaa ndunda mbaa-mbaa ya usoka,
Maramba a vayo akalambara efo isimambeny,
23Veasa mife mmbo valentannya fiva-vaa,
Vakamweerya, vakammbavisa,
24Kyeendi ura lakwe lukakaarya,
Maako akwe akawonisa finya,
Kwi maako a muni finya shoose wa Yakobo;
Kwi irina lya mwiisi, mmbwe iwe lya Israeli.
25Yee, kwa Iruva wa Ndoo yeto ashekutaramaa,
Na kwa Iruva muni findo fyoose yeto wafo ashekuvikkyaa mbora;
Kwa mbora tishukaa efo uwe iruveeu,
Mbora tishukaa efo ndilyiny-si,
Mbora ta malela na findo fikeyoora,
26Mbora ta ndoo,
Mmbo yiirye mbora ta mafumbu na kasha,
Findo fisennyi fya mafumbu a llung'anu,
Fyo fishekaa uwe ya nrwe wa Yosefu,
Yoo urorony lwa nrwe wa yeto akee ng'nganise nnang'ani ya vana va maye.
27“Benyaminy sha ikite lya ngoroshon lyiratwaratwaa,
Ngama mmbo ashelyaa filya anreiya,
Na nkwaan nasheava mifungwa.”
28Yeto toose nto ngyufyari ikumi na ivii ta Israeli. Neefyo mfyo ndeye waawo alevavia, na ivavikkya mbora; wo umwi na yakwe kavavikkya mbora.
Ifwa na Irikwa Lya Yakobo
29Kavavavasya, kaamba, “Yeny mmbo shikeenda indesandwa na vandu vakwa; shirikeny ando amwi na vande vakwa, kulya mbangeny ya Efroni, Mhiti; 30efo mbangeny yeyo ikee ireminy lya Makpela, ikee yoo mbee ya Mamre kulya urukeny lwa Kanaani, ilya Abrahamu aleyuura ando amwi na irema lyuuka kwa Efroni, Mhiti, kuve kwakwe deny kwa irika. 31Yefo mfo valeara Abrahamu na nka wakwe Sara nafo-da vakaara Isaki na nka wakwe Rebeka; neeny efo kweni shaara-fo Lea; 32ireminy na mbangeny ya vayo fileurwa kwa Wahiti.” 33Naasa Yakobo ekimaa ivavasya vana vakwe, kalema marende akwe yoo kiriny, kafwa, kandesandwa ando amwi na vandu vakwe.
Valið núna:
Mapookyony 49: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 49
49
Marero a Mafurumyony a Yakobo
1Yakobo kavaanga vana vakwe, kavavia, “Kusanyiryeny mushe shimuvie findo fikaa fimukooye elyi mikonu yeefurummya.
2Kusanyiryeny, mwarannye, eni vana va Yakobo
Arannyiny nde waany Israeli.
3Reuben kukee mwana wakwa mmbee,
Finya yakwa, na finya yakwa ya mbee
Mmbo kwilannye vengyi kwa finya na uniini,
4Mmbo kulekillya nnyanu sha mura, naasany kulatire itumbe-fo
Mashika llya kulesaama kitara kya ndoo
Kwakitefusa, mmbo kulesaama kitareny kyakwa.
5Simion na Levi ni vana va nka;
Ngyusu tawo ni fisha fya ufiri.
6Nrima wakwa kulasheanga kyameny kyawo
Usuri lwakwa kulakulunge na ironda lyawo
Mashika kyeendwa ni unyafi lwawo mmbo valewaa nndu,
Na kwa ufiri lwawo vakarummbwa nraarii wa ng'umbe;
7Unyafi lwawo ludengwa deny, mashika luleilannya
Nerooywa ni ngoo lyawo, mashika llyetiri usari-fo.
Nshevarauwaa efo kwa Yakobo.
Shishevanyanyata nnang'ani ya Israeli,
8“Yewe Yuda, vana va mau vashekurumishaa,
Woko lwafo mmbo lushekaa yoo singony ya vakiduva vafo,
Vana va ndoo vashekukunyiisyaa.
9Yuda ni kimwana kya miiso,
Mwana-kwa mmbo kwasaama kuuka ilasa mafisi,
Mmbo alekwiinyika kalala sha miiso.
Ekee sha miiso ya kyika ni vi ashemwaantaa?
10Mbiiri ya umangyi nyisheukaa kwa Yuda-fo,
Nta mwiruuya usumanu yoo marendeny akwe-fo,
Kutani asheshaa yeto muni ushilyi,
Mmbwe masanga moose ashemwiindyaa.
11Mmbo ashefingyaa nshungu wakwe yoo nsabibuny,
Na ngashe ya nshungu yoo nsabibuny nsha,
Mmbo asangya soori takwa na mfinyo,
Na masara akwe na samu ya nsabibu.
12Miso akwe mmbo ashedodoraa kimaruma kya mvinyo,
Na mayoo akwe mmbo asheilaa kimaruma kya malela.
13“Sabulon mmbo ashekaa mbaa-mbaa ya yeeve,
Mbaa-mbaa yakwe mmbo ishevaa ando kweesaleesa ngalava,
Na nnyanu wakwe mmbo ushevaa mbai ya Sidoni.
14Iskari ni nshungu wa finya,
Akulallyaa efo wiisirony lwa moonri,
15Kalollya ando a iimuya, akee esha,
Na uruka nalo ni usha,
Kakwinyika naambo yeeva lyakwe lyiipo mario,
Kava ishinga lya mashora moomu.
16Dani asheanduyaa vandu vakwe,
Sha umwi wa ngyiufyari ta Israeli.
17Dani mmbo ashevaa shoka ya shieny,
Shoka ya urowi unyaasi mbaa-mbaa ya shia,
Imaara tutuny ta frasi,
Neeto atisaammye nawe-si na mungo,
18Ukiro lwafo shiluvereye, Woi Nndumi,
19Kati ironda lya vasikari lyishenshingillyaa,
Kyeendi mmbwe yeto ashevashingillyaa fika tutuny.
20“Aseri shoonga yakwe ishevaa shivanri
Nawe asheutaa mesha a kimangyi,
21Naftali ni isarya lyaporomuwa,
Mmbo ashuutaa marero mesha,
22Yosefu ni nri nshu ushevikaa ndunda mbaa-mbaa ya usoka,
Maramba a vayo akalambara efo isimambeny,
23Veasa mife mmbo valentannya fiva-vaa,
Vakamweerya, vakammbavisa,
24Kyeendi ura lakwe lukakaarya,
Maako akwe akawonisa finya,
Kwi maako a muni finya shoose wa Yakobo;
Kwi irina lya mwiisi, mmbwe iwe lya Israeli.
25Yee, kwa Iruva wa Ndoo yeto ashekutaramaa,
Na kwa Iruva muni findo fyoose yeto wafo ashekuvikkyaa mbora;
Kwa mbora tishukaa efo uwe iruveeu,
Mbora tishukaa efo ndilyiny-si,
Mbora ta malela na findo fikeyoora,
26Mbora ta ndoo,
Mmbo yiirye mbora ta mafumbu na kasha,
Findo fisennyi fya mafumbu a llung'anu,
Fyo fishekaa uwe ya nrwe wa Yosefu,
Yoo urorony lwa nrwe wa yeto akee ng'nganise nnang'ani ya vana va maye.
27“Benyaminy sha ikite lya ngoroshon lyiratwaratwaa,
Ngama mmbo ashelyaa filya anreiya,
Na nkwaan nasheava mifungwa.”
28Yeto toose nto ngyufyari ikumi na ivii ta Israeli. Neefyo mfyo ndeye waawo alevavia, na ivavikkya mbora; wo umwi na yakwe kavavikkya mbora.
Ifwa na Irikwa Lya Yakobo
29Kavavavasya, kaamba, “Yeny mmbo shikeenda indesandwa na vandu vakwa; shirikeny ando amwi na vande vakwa, kulya mbangeny ya Efroni, Mhiti; 30efo mbangeny yeyo ikee ireminy lya Makpela, ikee yoo mbee ya Mamre kulya urukeny lwa Kanaani, ilya Abrahamu aleyuura ando amwi na irema lyuuka kwa Efroni, Mhiti, kuve kwakwe deny kwa irika. 31Yefo mfo valeara Abrahamu na nka wakwe Sara nafo-da vakaara Isaki na nka wakwe Rebeka; neeny efo kweni shaara-fo Lea; 32ireminy na mbangeny ya vayo fileurwa kwa Wahiti.” 33Naasa Yakobo ekimaa ivavasya vana vakwe, kalema marende akwe yoo kiriny, kafwa, kandesandwa ando amwi na vandu vakwe.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.