Mapookyony 48
48
Yakobo Avikkya Mbora Manase na Efraimu
1Numa ya mbony yeto Yosefu kashefityo mbony, kavio, “Llate, ndoo alwee kaipoo vana valya vakwe vavii, mmbo Manase na Efraimu keenda nawo.” 2Naasa Yakobo kashevywa, “Ekakato mwana wafo Yosefu eefo ashaa na kwafo. Israeli kakutumarisa, ka-kaa rembo yoo kiriny kyakwe.” 3Yakobo kavia Yosefu, “Iruva muni finya toose mmbo alekoora neeny kulya Lusu, kulya Kanaani, kashivikkya-fo mbora,” 4kashivia, “Yeny nshefumbutaa ufyari lwafo na ilweengera, neewe kushevaa ironda lya vandu, na yeny nsheniingaa ufyari lwafo lwa numa uruka elu, luve lwawo deny, llung'anu. 5Naasany vana yeva vafo vavii kulewonnya kunu Misri kulaore shansha-fo ni vakwa, mmbo ewo Efraimu na Manase ni vana vakwa kimwi sha Ruben na Simion. 6Neewo vengyi kusheiraa numa yeeva mmbo vashevaa vafo, vashevaangwa kimwi sha vana va ma vawo va ding'u yaawo.” 7Neeny llya shileuka Padan, Raheli mmbo aleshifiiyya kulya Kanaani, efo shia nshi kwaasha deny na Efrathi-fo. Shamwaara mbai ya shia ya Efrati nto Betlehemu.
8Israeli kalollya vana va Yosefu, kaamba, “Mmbo vakyi yeva?” 9Yosefu kavia ndeye, “Yeva ni vana vakwa Iruva aleshiniinga shiikee kunu.” Kammbia, “Shiveengye yaa shivavikkye mbora. 10Na miso a Israeli mmbo emmaa ivika ireema nta nnyakilollyaa-fo. Nawe kamweengye vana, kavamiminda nevakulyingillya.” 11Israeli kavia Yosefu, “Nsheekusarye shikaa shikulollye lyingyi-fo, kyeendi Iruva mmbo anshoora na vana vafo.” 12Yosefu kawoota yoo ng'undeny yakwe, kakapa kifulu-fulu. 13Yosefu kavavika-u woose ve vavii, Efraimu yoo wokony lwakwe usha, kulella woko umuso lwa Israeli, na Manase yoo wokony lwakwe umuso, kulella woko usha lwa Israeli. Kavasembera yoo kufii nawe. 14Israeli kaorrwa woko lwakwe usha kaekyerya yeto we Efraimu yoo nrweny, na woko umuso kaekyerya Manase nrweny, eyiishi ninsha shaasa aveekyeryaa maako mashika Manase mmbwe mwana mbee. 15Kavikkya Yosefu mbora kaamba, “We Iruva, yeto vande vakwa Abrahamu na Isaki valeenda mbee yakwe, we Iruva yeto aleshilela muu wakwa moose, fika inu, 16nawe Nsu yeto aleshikira maravi moose, navikkye vana yeva mbora, na irina lyakwa lyisendwa nawo, na irina lya vande vakwa, Abrahamu na Isaki, nawo vave nkuka wa vandu kunu ulaniny.”
17Kyeeri Yosefu alelollya ndeye eevikaa woko lwakwe usha nrweny wa Efraimu kikammbiiya kyikasha misony akwe. Kaipoo woko lwa ndeye yoo nrweny wa Efraimu naambo aluvike yoo nrweny wa Manase. 18Yosefu kavia ndeye, “Nshindo-fo nde-yaakwa, mashika yeu mmbwe eto mmbee; vika woko lwafo usha yoo nrweny wakwe.” 19Ndeye kalema, kammbia, “Yeete mwana-kwa shiishi, shiishi deny, naakwa niwe ashevaa, ironda lya vandu, naakwa niwe asheng'anaa, kyeendi mwanawo mmbo asheng'anaa ngota we, na ufyari lwakwe lushevaa nsemu wa vandu.” 20Nkonu yeto kavavikkya mbora, kaamba, “Yoo kwany Vaisraeli vashevikkyaa mbora vaambe, ‘Iruva nakwallwe sha Efraimu na lyingyi sha Manase, kavika Efraimu yoo mbee ya Manase.’”
21Israeli kavia Yosefu, “Kwiishi, yeny mmbo shikeefwa, kyeendi Iruva ashekaa neeni, nawe ashemuviira fika urukeny lwa vande vany. 22Neeny mmbo nkuniingaa kyenga kimwi mmwasi ya vana va mau, yekyo shilekyuuta maakony a Vaamori na usu lwakwa na ura lwakwa.”
Valið núna:
Mapookyony 48: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.