Mapookyony 28
28
1Naasa Isaki kavaanga Yakobo kammbikya mbora kammbavasa kammbia, “Kulasheondwa nka efo kwa vana va kyeny va Kanaani. 2Kwiipoo kweenda Padan-aramu, kufike kyeny kwa Bethueli nde-ya mau, kundeonndwa-fo nka efo kwa vana va Laban, mwana-maye wa mau. 3Iruva muni finya toose nakuvikye mbora, nakufumbute, neekwengera, kuve ironda iniini lya ngyufyari. 4Nakulyimmye mbora ya Abrahamu, yewe ando amwi na ufyari lwafo kushetira uruka elo kukee yeenda, elo Iruva aleniinga Abrahamu.” 5Naasa Isaki karuma Yakobo keenda kulya Padan-aramu, kwa Laban, mwana wa Betueli, nndu Mshami, mmbwe mwana-maye wa Rebeka, maye wa Yakobo na Esau.
Esau Aalyika Nka Ungyi
6Esau kamanya Isaki mmbo ammbikya Yakobo mbora kanruma, Padan-aramu, nandewonisa-fo nka, neelyi alemmbikya mbora kammbia, “Kulaipoo nka efo kwa vana va kyeny va Kanaani-fo. 7Na lyingyi Yakobo mmbo aleinndya ndeye na maye kaenda Padam-aramu.” 8Esau kalollya vana va kyeny va Vakanaani mmbalesennya ndeye Isaki-fo. 9Naasa Esau keenda kwa Ishmaeli kaipoo Mahalathi, mfu wa Ishmaeli we mwana wa Abrahamu akee mwana-maye wa Nebayothi, nave nka wakwe ando amwi na vaka yewo ekee nawo.
Yoorya lya Yakobo Kulya Beteli
10Yakobo kooka Beer-sheba keenda Haran. 11Kafika ando kakaa-fo kio tara-raa, neelyi kwemmiila, kaipoo-u iwe lyimwi kalyekerya nrwe kalala rwe alya kweni. 12Kasheorya yoorya, akafi fitere fisalalyi fyuuka si fikafika iruveeu, na vasu va Iruva veshoolokaa na isaama nafyo. 13Na Nndumi Iruva kashesalala-u, kaamba, “Yeny ni Nndumi Iruva wa ndoo Abrahamu na Iruva wa Isaki; uruka elu yaa kulele shalukuniinga yewe na ufyari lwafo. 14Na ufyari lwafo lushevaa sha kiluulyi kya uruka, na yewe kushekwaana taari ya nkwaany na taari ya ngaminy, ndoo na sinde, neefo kwafo neefo ufyariny lwafo vandu woose va ulana vashevikywaa mbora. 15Neewe manya yeny shikee neewe, shikuringe wo ando kushendaa neeny nshekuviraa lyingyi fika yaa urukeny elu, mashika nshishekuraa-fo, kutani shainutya fyoose efyo shilekuvia.”
16Yakobo kaokya rweny kaamba, “Ni dede Nndumi Iruva akee ando yaa, neeny nta shilamanyi.” 17Nawe kairyaa nnu, Apaa ando aeresye! Kulakooye yaa ni mmba ya Nndumi Iruva, kukaveva ng'u mwaango wa iruveeu. 18Yakobo kakupoo ngama nraasi, kaipoo iwe llya alelyeekerya nrwe kalyisaleesa lyikava sha ngo, kalyiletya mafura. 19Ando alya kavaangau Betheli, kyeendi irina lya muri eto kipooka ni Luzu. 20Yakobo kavika kyaasa kyakwe kaamba, “Iruva kankaa neeny, neeshiringa efo shieny yeyo nshiiraa, naveshininga shoonga yeelya na soori shiraa; 21neeny shammbuya kippwa kyeny kwa nde, llyo Nndumi Iruva ashevaa Iruva wakwa. 22Na iwe elyi shalyisaleesa sha ngo lyishevaa mmba ya Iruva, na efo findony efyo fyoose kusheshiningaa nshekuutyaa-u kyenga kya ikumi.”
Valið núna:
Mapookyony 28: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 28
28
1Naasa Isaki kavaanga Yakobo kammbikya mbora kammbavasa kammbia, “Kulasheondwa nka efo kwa vana va kyeny va Kanaani. 2Kwiipoo kweenda Padan-aramu, kufike kyeny kwa Bethueli nde-ya mau, kundeonndwa-fo nka efo kwa vana va Laban, mwana-maye wa mau. 3Iruva muni finya toose nakuvikye mbora, nakufumbute, neekwengera, kuve ironda iniini lya ngyufyari. 4Nakulyimmye mbora ya Abrahamu, yewe ando amwi na ufyari lwafo kushetira uruka elo kukee yeenda, elo Iruva aleniinga Abrahamu.” 5Naasa Isaki karuma Yakobo keenda kulya Padan-aramu, kwa Laban, mwana wa Betueli, nndu Mshami, mmbwe mwana-maye wa Rebeka, maye wa Yakobo na Esau.
Esau Aalyika Nka Ungyi
6Esau kamanya Isaki mmbo ammbikya Yakobo mbora kanruma, Padan-aramu, nandewonisa-fo nka, neelyi alemmbikya mbora kammbia, “Kulaipoo nka efo kwa vana va kyeny va Kanaani-fo. 7Na lyingyi Yakobo mmbo aleinndya ndeye na maye kaenda Padam-aramu.” 8Esau kalollya vana va kyeny va Vakanaani mmbalesennya ndeye Isaki-fo. 9Naasa Esau keenda kwa Ishmaeli kaipoo Mahalathi, mfu wa Ishmaeli we mwana wa Abrahamu akee mwana-maye wa Nebayothi, nave nka wakwe ando amwi na vaka yewo ekee nawo.
Yoorya lya Yakobo Kulya Beteli
10Yakobo kooka Beer-sheba keenda Haran. 11Kafika ando kakaa-fo kio tara-raa, neelyi kwemmiila, kaipoo-u iwe lyimwi kalyekerya nrwe kalala rwe alya kweni. 12Kasheorya yoorya, akafi fitere fisalalyi fyuuka si fikafika iruveeu, na vasu va Iruva veshoolokaa na isaama nafyo. 13Na Nndumi Iruva kashesalala-u, kaamba, “Yeny ni Nndumi Iruva wa ndoo Abrahamu na Iruva wa Isaki; uruka elu yaa kulele shalukuniinga yewe na ufyari lwafo. 14Na ufyari lwafo lushevaa sha kiluulyi kya uruka, na yewe kushekwaana taari ya nkwaany na taari ya ngaminy, ndoo na sinde, neefo kwafo neefo ufyariny lwafo vandu woose va ulana vashevikywaa mbora. 15Neewe manya yeny shikee neewe, shikuringe wo ando kushendaa neeny nshekuviraa lyingyi fika yaa urukeny elu, mashika nshishekuraa-fo, kutani shainutya fyoose efyo shilekuvia.”
16Yakobo kaokya rweny kaamba, “Ni dede Nndumi Iruva akee ando yaa, neeny nta shilamanyi.” 17Nawe kairyaa nnu, Apaa ando aeresye! Kulakooye yaa ni mmba ya Nndumi Iruva, kukaveva ng'u mwaango wa iruveeu. 18Yakobo kakupoo ngama nraasi, kaipoo iwe llya alelyeekerya nrwe kalyisaleesa lyikava sha ngo, kalyiletya mafura. 19Ando alya kavaangau Betheli, kyeendi irina lya muri eto kipooka ni Luzu. 20Yakobo kavika kyaasa kyakwe kaamba, “Iruva kankaa neeny, neeshiringa efo shieny yeyo nshiiraa, naveshininga shoonga yeelya na soori shiraa; 21neeny shammbuya kippwa kyeny kwa nde, llyo Nndumi Iruva ashevaa Iruva wakwa. 22Na iwe elyi shalyisaleesa sha ngo lyishevaa mmba ya Iruva, na efo findony efyo fyoose kusheshiningaa nshekuutyaa-u kyenga kya ikumi.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.