Marko 5
5
Eichiunyie ꞉Yeso ltung'ani oata lairirua
(Matayo 8:28–34; Luka 8:26–39)
1Nebaki ꞉ninche nkop ee Lgerasin natii ildo kokun le mpaso.#5:1 Kore nkop ee Lgerasin naa ninye ake aitoki eji Nkop ee Lgadara te Matayo 8:28 neji sii te Luka 8:26. 2Kore ake nochi nadounyie Yeso te meli, nelotu ꞉ltung'ani taatua nkuraren oata lairirua anang'are. 3Naa kemanya apa ilo tung'ani atua nkuraren, nemeata hoo ltung'ani oidima ateena ninye, abaki tee senke. 4Amu ketonyuaaki nkatitin kumo aaen ninye tee senke, kake kore senke naateenieki nkaik neng'urng'ur, kore nee nkejek nemutmut ang'ur. Nemeatae ltung'ani poogol nawuaa oidima aitoborro ninye. 5Kore kuarie o parkiji taatua nkuraren o too lowuan, naa keichir ninye nebuak, nedung'dung koon too soito.
6Kore pee edol Yeso elakua, nekuetiki negilaki kung. 7Nebuak to ltoilo kitok ajo, <<Nyo kirum nanu, Yeso Nkerai e Nkai naisul pooki? Ntakaaki lekutuk ta nkarna e Nkai ajo mikinteme.>> 8Amu kejokita ꞉Yeso ilo airirua, <<Tupuku tung'ai ele tung'ani!>>
9Neipar ꞉Yeso ninye ajoki, <<Ikijuae nkarna?>>
Newoliki ajoki, <<Kaaji nkarna Njore kitok#5:9 Kore njore kitok naa keji to nkutuk ee Lgirriki Legion naa njore nabaki sikarini nkalupuni ile eji nejia. , amu ikira iyioo kumo.>> 10Nelej ꞉ninye Yeso naleng, pee memiraa ninche aipung'ie te inia kop.
11Netii inie mboo kitok ee mbitiro naadaa to nkocheke e ndonyuo. 12Kore ꞉lolo airiruani nelej Yeso aajoki, <<Timiraki iyioo atua kunda bitiro, pee kijing atua ninche.>> 13Neicho ninche mechomo, neipung ꞉lolo airiruani, nejing atua nana bitiro. Kore inia boo ee mbitiro naabaya matejo nkalupuni are, nejo dii aaitutunyie te ilo owua, nedoki atua mpaso, neya ꞉nkare.
14Neisig lchekuti otii nana bitiro nepuo lkerenket o lchampai, aalikoo inia bae. Nepuonu ltung'ana aadol aajo nyo nataase. 15Naa kore epuonuta netii Yeso, nedol ilo tung'ani chiaake oata lairiruani, ewuon neichope aitibiraki, nemeng'or mparrunot enyena, neiputukuny ninche. 16Kore lolo ootoduaa duo inia bae nataase, neliki ninche neikuna ilo tung'ani oata lairiruani payie eichiu o mbaa naaipirita nenia bitiro. 17Neng'asu ltung'ana aalej Yeso mechomo aing'uaa nkop enche.
18Kore edirita Yeso meli alo, nelej ꞉ilo tung'ani oata apa lairirua meichoo mechomo tenebo o ninye. 19Kake eitu eicho ꞉Yeso ninye meirukurukore, nejoki, <<Chomo nkang netii ltung'ana linono niliki ninche mbaa pooki nikintaasa ꞉Laitoriani, o nikinkuna payie king'urrie iyie.>> 20Neinyuototo ninye alo te inie, neng'asu alikoo te Dekapolis#5:20 Kore Dekapolis naa lkerenketi tomon. mbaa pooki naitaasa ninye Yeso, neing'asia ltung'ana pooki.
Eichiunyie ꞉Yeso ntito e Yairo o nkitok naiseyie nkila enye
(Matayo 9:18–26; Luka 8:40–56)
21Kore pee eidip Yeso aitoki atalang'aki laduo kokun le mpaso te meli, neiturrurrokino ninye ꞉lturrur kitok te nchepata e mpaso. 22Nelotu lobo loo lkutuaa le Sinagogi, oji nkarna Yairo. Kore pee edol Yeso, nerriakino nkejek enyena, 23nelej ninye oleng ejo, <<Ketaa keye ntito ai kini. Wou nteleki ninye nkaik inono pee eichiu, nemeye.>> 24Neing'uaa ꞉Yeso inie alo o ninye.
Neirukurukore ninye ꞉lturrur kitok, neiding'aki ninye taa mbat pooki. 25Netii inie nkitok nabo namuai natowe larin tomon o oare. 26Netumo ꞉ninye sina oleng tankaraki labaak kumo, netumutaka ninche ntokitin enyena pooki naata. Kake nepal neikachu, nelo kue arroyo naleng. 27Kore pee ening lomon le Yeso, neim atua ilo turrur, nenyikaki Yeso aimu tooriong, neiseyie nkila enye. 28Amu etejo ninye, <<Kore ake tanaa kaiseiyie nkila enye, naichiu.>> 29Negem nabokata ilo odo oruko, nening te sesen lenye ajo eichiwua, netung'ayie sina.
30Kore ake payie eyielou Yeso ajo etung'ayie ninye ꞉ngolon, neiwuatuwuata nabokata te nkiji e ilo turrur, nejo, <<Ng'ae oiseyie nkila ai?>>
31Newoliki ꞉looiteng'eni lenyena aajoki, <<Aanyo payie ijo ng'ae laaiseyie, idolita ajo ikinding'akita ꞉ele turrur?>>
32Kake neitamanaa nkonyek payie etum atoduaa ilo tung'ani otaasa inia. 33Kore inia kitok, nelotu netii Yeso eikirikira neiputukunyuo tankaraki nayielo inia nataase, nerriakino tekue nkejek enyena, neliki sipata pooki. 34Nejoki ꞉Yeso ninye, <<Ntitai, /kinchiunyie nkurukoto ino. Chomo te seriani, naa ikitooruaki iyie ilo sina lino.>>
35Kore ake ewuon eirorita Yeso, nepuonu ltung'ana ooing'uaa nkang e laduo kitok le Sinagogi, nejoki ilo kitok, <<Etaa etua ntito ino, aanyo payie intoki airran Laiteng'enani?>>
36Kore payie ening ꞉Yeso lkilikuai olimuta ninche, nejoki ilo kitok le Sinagogi, <<Miurieicho, iruko ake apeny.>>
37Eitu eicho ꞉Yeso lkulie tung'ana meirukurukore ninye, mara ake Petero o Yakobo o Yoana lalache le Yakobo. 38Nebaki ꞉ninche nkang e ilo kitok le Sinagogi, nedol ꞉Yeso ltung'ana ooing'olng'ola, neichirita, nebuakita naleng. 39Kore payie ejing ninye atua nkaji, nejoki ninche, <<Aanyo payie ing'olng'olala ninchiritata? Eitu eye nkerai kake keilura ake.>> 40Nekueniyie ꞉ninche ninye.
Kake kore Yeso, neipung'ie ninche pooki, nerik menye o ng'otonye nkerai o laaduo ooiteng'eni lenyena, nelo atua inie netii nkerai. 41Neibung inia kerai nkaina, nejoki, <<Talita koum!#5:41 Kore Talita koum naa to nkutuk ee Aramaik. >> Kore kipirte e inia tinimbelekeny naa, <<Ntitai kini, kaajoki iyie inyuo!>> 42Neinyuototo nabokata inia tito aitache, neng'asu alo. Kore apa ninye, naa keata larin tomon o oare.#5:42 Kore apa ninye, naa keata larin tomon o oare naa keidimi sii neibelekenyi aajo Amu keata apa ninye larin tomon o oare. Neing'asia ninche naleng. 43Neitaarriyian ninche oleng pee meyielou hoo ltung'ani obo ana bae, neitoki ajo meichori inia tito ntoki nanya.
Valið núna:
Marko 5: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 5
5
Eichiunyie ꞉Yeso ltung'ani oata lairirua
(Matayo 8:28–34; Luka 8:26–39)
1Nebaki ꞉ninche nkop ee Lgerasin natii ildo kokun le mpaso.#5:1 Kore nkop ee Lgerasin naa ninye ake aitoki eji Nkop ee Lgadara te Matayo 8:28 neji sii te Luka 8:26. 2Kore ake nochi nadounyie Yeso te meli, nelotu ꞉ltung'ani taatua nkuraren oata lairirua anang'are. 3Naa kemanya apa ilo tung'ani atua nkuraren, nemeata hoo ltung'ani oidima ateena ninye, abaki tee senke. 4Amu ketonyuaaki nkatitin kumo aaen ninye tee senke, kake kore senke naateenieki nkaik neng'urng'ur, kore nee nkejek nemutmut ang'ur. Nemeatae ltung'ani poogol nawuaa oidima aitoborro ninye. 5Kore kuarie o parkiji taatua nkuraren o too lowuan, naa keichir ninye nebuak, nedung'dung koon too soito.
6Kore pee edol Yeso elakua, nekuetiki negilaki kung. 7Nebuak to ltoilo kitok ajo, <<Nyo kirum nanu, Yeso Nkerai e Nkai naisul pooki? Ntakaaki lekutuk ta nkarna e Nkai ajo mikinteme.>> 8Amu kejokita ꞉Yeso ilo airirua, <<Tupuku tung'ai ele tung'ani!>>
9Neipar ꞉Yeso ninye ajoki, <<Ikijuae nkarna?>>
Newoliki ajoki, <<Kaaji nkarna Njore kitok#5:9 Kore njore kitok naa keji to nkutuk ee Lgirriki Legion naa njore nabaki sikarini nkalupuni ile eji nejia. , amu ikira iyioo kumo.>> 10Nelej ꞉ninye Yeso naleng, pee memiraa ninche aipung'ie te inia kop.
11Netii inie mboo kitok ee mbitiro naadaa to nkocheke e ndonyuo. 12Kore ꞉lolo airiruani nelej Yeso aajoki, <<Timiraki iyioo atua kunda bitiro, pee kijing atua ninche.>> 13Neicho ninche mechomo, neipung ꞉lolo airiruani, nejing atua nana bitiro. Kore inia boo ee mbitiro naabaya matejo nkalupuni are, nejo dii aaitutunyie te ilo owua, nedoki atua mpaso, neya ꞉nkare.
14Neisig lchekuti otii nana bitiro nepuo lkerenket o lchampai, aalikoo inia bae. Nepuonu ltung'ana aadol aajo nyo nataase. 15Naa kore epuonuta netii Yeso, nedol ilo tung'ani chiaake oata lairiruani, ewuon neichope aitibiraki, nemeng'or mparrunot enyena, neiputukuny ninche. 16Kore lolo ootoduaa duo inia bae nataase, neliki ninche neikuna ilo tung'ani oata lairiruani payie eichiu o mbaa naaipirita nenia bitiro. 17Neng'asu ltung'ana aalej Yeso mechomo aing'uaa nkop enche.
18Kore edirita Yeso meli alo, nelej ꞉ilo tung'ani oata apa lairirua meichoo mechomo tenebo o ninye. 19Kake eitu eicho ꞉Yeso ninye meirukurukore, nejoki, <<Chomo nkang netii ltung'ana linono niliki ninche mbaa pooki nikintaasa ꞉Laitoriani, o nikinkuna payie king'urrie iyie.>> 20Neinyuototo ninye alo te inie, neng'asu alikoo te Dekapolis#5:20 Kore Dekapolis naa lkerenketi tomon. mbaa pooki naitaasa ninye Yeso, neing'asia ltung'ana pooki.
Eichiunyie ꞉Yeso ntito e Yairo o nkitok naiseyie nkila enye
(Matayo 9:18–26; Luka 8:40–56)
21Kore pee eidip Yeso aitoki atalang'aki laduo kokun le mpaso te meli, neiturrurrokino ninye ꞉lturrur kitok te nchepata e mpaso. 22Nelotu lobo loo lkutuaa le Sinagogi, oji nkarna Yairo. Kore pee edol Yeso, nerriakino nkejek enyena, 23nelej ninye oleng ejo, <<Ketaa keye ntito ai kini. Wou nteleki ninye nkaik inono pee eichiu, nemeye.>> 24Neing'uaa ꞉Yeso inie alo o ninye.
Neirukurukore ninye ꞉lturrur kitok, neiding'aki ninye taa mbat pooki. 25Netii inie nkitok nabo namuai natowe larin tomon o oare. 26Netumo ꞉ninye sina oleng tankaraki labaak kumo, netumutaka ninche ntokitin enyena pooki naata. Kake nepal neikachu, nelo kue arroyo naleng. 27Kore pee ening lomon le Yeso, neim atua ilo turrur, nenyikaki Yeso aimu tooriong, neiseyie nkila enye. 28Amu etejo ninye, <<Kore ake tanaa kaiseiyie nkila enye, naichiu.>> 29Negem nabokata ilo odo oruko, nening te sesen lenye ajo eichiwua, netung'ayie sina.
30Kore ake payie eyielou Yeso ajo etung'ayie ninye ꞉ngolon, neiwuatuwuata nabokata te nkiji e ilo turrur, nejo, <<Ng'ae oiseyie nkila ai?>>
31Newoliki ꞉looiteng'eni lenyena aajoki, <<Aanyo payie ijo ng'ae laaiseyie, idolita ajo ikinding'akita ꞉ele turrur?>>
32Kake neitamanaa nkonyek payie etum atoduaa ilo tung'ani otaasa inia. 33Kore inia kitok, nelotu netii Yeso eikirikira neiputukunyuo tankaraki nayielo inia nataase, nerriakino tekue nkejek enyena, neliki sipata pooki. 34Nejoki ꞉Yeso ninye, <<Ntitai, /kinchiunyie nkurukoto ino. Chomo te seriani, naa ikitooruaki iyie ilo sina lino.>>
35Kore ake ewuon eirorita Yeso, nepuonu ltung'ana ooing'uaa nkang e laduo kitok le Sinagogi, nejoki ilo kitok, <<Etaa etua ntito ino, aanyo payie intoki airran Laiteng'enani?>>
36Kore payie ening ꞉Yeso lkilikuai olimuta ninche, nejoki ilo kitok le Sinagogi, <<Miurieicho, iruko ake apeny.>>
37Eitu eicho ꞉Yeso lkulie tung'ana meirukurukore ninye, mara ake Petero o Yakobo o Yoana lalache le Yakobo. 38Nebaki ꞉ninche nkang e ilo kitok le Sinagogi, nedol ꞉Yeso ltung'ana ooing'olng'ola, neichirita, nebuakita naleng. 39Kore payie ejing ninye atua nkaji, nejoki ninche, <<Aanyo payie ing'olng'olala ninchiritata? Eitu eye nkerai kake keilura ake.>> 40Nekueniyie ꞉ninche ninye.
Kake kore Yeso, neipung'ie ninche pooki, nerik menye o ng'otonye nkerai o laaduo ooiteng'eni lenyena, nelo atua inie netii nkerai. 41Neibung inia kerai nkaina, nejoki, <<Talita koum!#5:41 Kore Talita koum naa to nkutuk ee Aramaik. >> Kore kipirte e inia tinimbelekeny naa, <<Ntitai kini, kaajoki iyie inyuo!>> 42Neinyuototo nabokata inia tito aitache, neng'asu alo. Kore apa ninye, naa keata larin tomon o oare.#5:42 Kore apa ninye, naa keata larin tomon o oare naa keidimi sii neibelekenyi aajo Amu keata apa ninye larin tomon o oare. Neing'asia ninche naleng. 43Neitaarriyian ninche oleng pee meyielou hoo ltung'ani obo ana bae, neitoki ajo meichori inia tito ntoki nanya.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy