Marko 4
4
Nkitanyanyukoto e launoni laa lantarara
(Matayo 13:1–9; Luka 8:4–8)
1 #
Luka 5:1–3
Neng'asu aitoki Yeso aiteng'enicho te nchepata e mpaso. Nelotu lturrur kitok oleng aiturrurrokino ninye ana metidira ninye meli natii atua mpaso, newuon. Netii ilo turrur pooki nchepata e inie. 2Neiteng'en ninche mbaa kumo oleng too nkitanyanyukot, nejoki ninche ana te inia kiteng'ena enye, 3<<Entining! Kore apa nelo launoni aisuaaya lantarara. 4Naa kore eisuaaya ninye lantarara aun, nedoki lbata nkoitiei, nepuonu nkueeny, nenya aamut. 5Nedoki lkulie ng'oji e lkarkar, nemetii nkulupo kumo, nebulu aasieku amu megut nkulupo te inie. 6Kake kore pee eiliepu ndama nepejori, netoii aitoki amu keidorropi ntana enche. 7Nedoki lkulie atua lkuku, nebulu ꞉lkeek loo lkuku, neiding'aki, negor, metaa eitu eiu lantarara. 8Nedoki lkulie nkuluponi supat neiu lantarara, amu kore epuku aabulu, neiu lobo osom, neiu likae ntomoni ile neitoki likae aiu ip nabo.>>
9Nejoki ꞉Yeso, <<Kore loata nkiyiaa naaning'ichere, nchoo ening.>>
10Kore aa ninye apeny, nchoo ꞉lolo ooboitiere duo tenebo o looiteng'eni lenyena tomon oare, neipar ninye neikununo nkitanyanyukot. 11Nejoki ninche, <<Kore mbae e Nkitoria e Nkai naisudoro naa ntae eichooki, kake kore lolo lemetii atua, nelikini ninche mbaa pooki too nkitanyanyukot. 12#Isa 6:9,10Payie eaku:
<Kedol ninche nemeyielou,
neitoki aaning nemening'u,
payie metumoki ninche aaibelekenyata nepalikini!> >>
Eibalunyie ꞉Yeso nkitanyanyukoto e launoni laa lantarara
(Matayo 13:18–23; Luka 8:11–15)
13Nejoki ꞉Yeso ninche, <<Mining'ung'u ntae ana kitanyanyukoto? Kaji naa inkoko tinining'ung'u nkulie kitanyanyukot pooki? 14Kore launoni naa rerei le Nkai eun. 15Kulo naa lantarara ootodokita inia oitiei: lolo laa kore pee ening ꞉ninche rerei, nelotu Chitani nabokata neitai ilo rerei otuunoki taatua ninche. 16Kulo naa aitoki lantarara ootodokita ng'ojitin e lkarkar: lolo laa kore pee ening ilo rerei, neng'amaa nabokata te ng'ida. 17Naa kore amu meata ninche ntana, newueni ake te nkiti kata, kake kore pee etum ninche nyamali o sina oitami tankaraki ilo rerei, nesioki ninche aarriaa. 18Kulo naa aitoki lantarara ootodokita ng'oji ee lkuku: lolo ooning ilo rerei, 19kake kore pee ejing ꞉mbaa e ana kop o mpong'ori e parakuoicho#4:19 Kore mpong'ori e parakuoicho naa keidimi sii aibelekenya aatejo ng'ida e parakuoicho. o lng'uarra loo nkulie tokitin ltauja, neiding'aki, negor ilo rerei metaa meiu lng'anayio. 20Naa kulo aitoki lantarara ootodokita nenia kulipo supati: lolo ooning rerei, neng'amaa neiu lantarara. Kore lobo neiu lantarara osom, neiu likae ntomoni ile, neiu sii likae ip nabo.>>
Nkiteng'ena naipirita lkilang'ilang'et o ninko tinining
(Luka 8:16–18)
21 #
Mat 5:15; Luka 11:33 Nejoki ninche, <<Amaa, mara meyauni lkilang'ilang'et nepukurokini loket, tanaa sii eitulutori lkorror? Mara nkeper e ng'oji netala epiki? 22#Mat 10:26; Luka 12:2Amu meatae naisudoro nemeibalunyieki, nemeatae sii naisiaparo nemeboluni aayau wong'an. 23Kore ilo oata nkiyiaa naaning'ichere, nchoo ening.>> 24#Mat 7:2; Luka 6:38Nejoki aitoki ninche, <<Entodol inia nining'ining, amu kore ake ninkoko tinining'ning naa nkiririkinoto e inia ake itumtum, nitumtum abaki nalang inia. 25#Mat 13:12, 25:29; Luka 19:26Amu kore ilo oata naa keponikini, kake kore ilo lemeata neoruni abaki inia naata.>>
Nkitanyanyukoto e lantararai obulu
26Neitoki ajoki, <<Kore nkitoria e Nkai naa nchi etuwuana ana tenelo ltung'ani aisuaaya lantarara aun too nkulupo. 27Kore nkata pooki naaku kuarie, neilura, neinyuototo ake aitoki nkata pooki tasiran, naa kore easita nejia neichipuchiputa ake lantarara aabulu, nemeyielo ninye neikuna payie easai inia. 28Amu keitubulu nkulupo aapeny, ang'asu lmakurroti, neitoki lperes o nkue e lperes naabore lantarara le nkano. 29#Yoel 3:13Kake kore ake payie eku nkano, neitai lpanka lenye adung amu ketabawua nkata e ndung'ore.>>
Nkitanyanyukoto e lantararai kini
(Matayo 13:31–32; Luka 13:18–19)
30Nejo aitoki, <<Nyo kintinyinyukore Nkitoria e Nkai? Tanaa kaa kitanyanyukoto kitemie? 31Nchi etuwuana lantararai kini#4:31 Kore lantararai kini naa keji lantararai le mastad kake meatae ilo cheni to nkop ee Sampur. , ilo laa kore teneuni too nkulupo, naaku kera ninye kini alang lkulie antarara pooki le nkop. 32Naa kore teneuni, nebulu neaku kitok alang lkeek pooki lo lchampa, neitai sura sapuki, paa kore nkueeny e ai, netum aatechet nkajijik enche too sura enyena.>>
33Kore tee nkitanyanyukot kumo naatuwuana kuna, neliki ninche rerei ana naaidim aatining. 34Neitu eirorie ninche mara ake tee nkitanyanyukot, kake kore aa ninye apeny o looiteng'eni lenyena neibalakinyie ninche mbaa pooki.
Eitacheyie ꞉Yeso lkutati
(Matayo 8:23–27; Luka 8:22–25)
35Kore inia parri pee emutu, nejoki Yeso looiteng'eni lenyena, <<Matalang aapuo ildo kokun.>> 36Neing'uaa ꞉ninche ilo turrur, nedir naduo meli natii Yeso, nepuo o ninye, neatae nkulie melin natii tenebo o ninye. 37Neinyuototo lkutati kitok alimana ta mpaso, neoch laing'ok le nkare meli, paa keipututa meli nkare. 38Kake kore Yeso neilura te siedi e meli eata ntoki nairichunyie nkue, neinyuoyie ꞉ninche ninye, nejoki, <<Laiteng'enani, aaku dei mara toki te iyie tinikindaaya?>>
39Kore payie einyoyieki, nebuaaki ilo kutati meitacho, nejoki inia paso, <<Ntirring'ai! Teperoi!>> Negira ilo kutati aitirring'a, nejo tau ꞉laing'ok le nkare.
40Nejoki ninche, <<Aanyo payie iatata ntae ngureticho? Ewuon ake miatata ntae nkurukoto?>>
41Neiputukuny ninche naleng, nejokino, <<Aa ng'ae dei ele, eji paa kening lkutati o mpaso?>>
Valið núna:
Marko 4: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 4
4
Nkitanyanyukoto e launoni laa lantarara
(Matayo 13:1–9; Luka 8:4–8)
1 #
Luka 5:1–3
Neng'asu aitoki Yeso aiteng'enicho te nchepata e mpaso. Nelotu lturrur kitok oleng aiturrurrokino ninye ana metidira ninye meli natii atua mpaso, newuon. Netii ilo turrur pooki nchepata e inie. 2Neiteng'en ninche mbaa kumo oleng too nkitanyanyukot, nejoki ninche ana te inia kiteng'ena enye, 3<<Entining! Kore apa nelo launoni aisuaaya lantarara. 4Naa kore eisuaaya ninye lantarara aun, nedoki lbata nkoitiei, nepuonu nkueeny, nenya aamut. 5Nedoki lkulie ng'oji e lkarkar, nemetii nkulupo kumo, nebulu aasieku amu megut nkulupo te inie. 6Kake kore pee eiliepu ndama nepejori, netoii aitoki amu keidorropi ntana enche. 7Nedoki lkulie atua lkuku, nebulu ꞉lkeek loo lkuku, neiding'aki, negor, metaa eitu eiu lantarara. 8Nedoki lkulie nkuluponi supat neiu lantarara, amu kore epuku aabulu, neiu lobo osom, neiu likae ntomoni ile neitoki likae aiu ip nabo.>>
9Nejoki ꞉Yeso, <<Kore loata nkiyiaa naaning'ichere, nchoo ening.>>
10Kore aa ninye apeny, nchoo ꞉lolo ooboitiere duo tenebo o looiteng'eni lenyena tomon oare, neipar ninye neikununo nkitanyanyukot. 11Nejoki ninche, <<Kore mbae e Nkitoria e Nkai naisudoro naa ntae eichooki, kake kore lolo lemetii atua, nelikini ninche mbaa pooki too nkitanyanyukot. 12#Isa 6:9,10Payie eaku:
<Kedol ninche nemeyielou,
neitoki aaning nemening'u,
payie metumoki ninche aaibelekenyata nepalikini!> >>
Eibalunyie ꞉Yeso nkitanyanyukoto e launoni laa lantarara
(Matayo 13:18–23; Luka 8:11–15)
13Nejoki ꞉Yeso ninche, <<Mining'ung'u ntae ana kitanyanyukoto? Kaji naa inkoko tinining'ung'u nkulie kitanyanyukot pooki? 14Kore launoni naa rerei le Nkai eun. 15Kulo naa lantarara ootodokita inia oitiei: lolo laa kore pee ening ꞉ninche rerei, nelotu Chitani nabokata neitai ilo rerei otuunoki taatua ninche. 16Kulo naa aitoki lantarara ootodokita ng'ojitin e lkarkar: lolo laa kore pee ening ilo rerei, neng'amaa nabokata te ng'ida. 17Naa kore amu meata ninche ntana, newueni ake te nkiti kata, kake kore pee etum ninche nyamali o sina oitami tankaraki ilo rerei, nesioki ninche aarriaa. 18Kulo naa aitoki lantarara ootodokita ng'oji ee lkuku: lolo ooning ilo rerei, 19kake kore pee ejing ꞉mbaa e ana kop o mpong'ori e parakuoicho#4:19 Kore mpong'ori e parakuoicho naa keidimi sii aibelekenya aatejo ng'ida e parakuoicho. o lng'uarra loo nkulie tokitin ltauja, neiding'aki, negor ilo rerei metaa meiu lng'anayio. 20Naa kulo aitoki lantarara ootodokita nenia kulipo supati: lolo ooning rerei, neng'amaa neiu lantarara. Kore lobo neiu lantarara osom, neiu likae ntomoni ile, neiu sii likae ip nabo.>>
Nkiteng'ena naipirita lkilang'ilang'et o ninko tinining
(Luka 8:16–18)
21 #
Mat 5:15; Luka 11:33 Nejoki ninche, <<Amaa, mara meyauni lkilang'ilang'et nepukurokini loket, tanaa sii eitulutori lkorror? Mara nkeper e ng'oji netala epiki? 22#Mat 10:26; Luka 12:2Amu meatae naisudoro nemeibalunyieki, nemeatae sii naisiaparo nemeboluni aayau wong'an. 23Kore ilo oata nkiyiaa naaning'ichere, nchoo ening.>> 24#Mat 7:2; Luka 6:38Nejoki aitoki ninche, <<Entodol inia nining'ining, amu kore ake ninkoko tinining'ning naa nkiririkinoto e inia ake itumtum, nitumtum abaki nalang inia. 25#Mat 13:12, 25:29; Luka 19:26Amu kore ilo oata naa keponikini, kake kore ilo lemeata neoruni abaki inia naata.>>
Nkitanyanyukoto e lantararai obulu
26Neitoki ajoki, <<Kore nkitoria e Nkai naa nchi etuwuana ana tenelo ltung'ani aisuaaya lantarara aun too nkulupo. 27Kore nkata pooki naaku kuarie, neilura, neinyuototo ake aitoki nkata pooki tasiran, naa kore easita nejia neichipuchiputa ake lantarara aabulu, nemeyielo ninye neikuna payie easai inia. 28Amu keitubulu nkulupo aapeny, ang'asu lmakurroti, neitoki lperes o nkue e lperes naabore lantarara le nkano. 29#Yoel 3:13Kake kore ake payie eku nkano, neitai lpanka lenye adung amu ketabawua nkata e ndung'ore.>>
Nkitanyanyukoto e lantararai kini
(Matayo 13:31–32; Luka 13:18–19)
30Nejo aitoki, <<Nyo kintinyinyukore Nkitoria e Nkai? Tanaa kaa kitanyanyukoto kitemie? 31Nchi etuwuana lantararai kini#4:31 Kore lantararai kini naa keji lantararai le mastad kake meatae ilo cheni to nkop ee Sampur. , ilo laa kore teneuni too nkulupo, naaku kera ninye kini alang lkulie antarara pooki le nkop. 32Naa kore teneuni, nebulu neaku kitok alang lkeek pooki lo lchampa, neitai sura sapuki, paa kore nkueeny e ai, netum aatechet nkajijik enche too sura enyena.>>
33Kore tee nkitanyanyukot kumo naatuwuana kuna, neliki ninche rerei ana naaidim aatining. 34Neitu eirorie ninche mara ake tee nkitanyanyukot, kake kore aa ninye apeny o looiteng'eni lenyena neibalakinyie ninche mbaa pooki.
Eitacheyie ꞉Yeso lkutati
(Matayo 8:23–27; Luka 8:22–25)
35Kore inia parri pee emutu, nejoki Yeso looiteng'eni lenyena, <<Matalang aapuo ildo kokun.>> 36Neing'uaa ꞉ninche ilo turrur, nedir naduo meli natii Yeso, nepuo o ninye, neatae nkulie melin natii tenebo o ninye. 37Neinyuototo lkutati kitok alimana ta mpaso, neoch laing'ok le nkare meli, paa keipututa meli nkare. 38Kake kore Yeso neilura te siedi e meli eata ntoki nairichunyie nkue, neinyuoyie ꞉ninche ninye, nejoki, <<Laiteng'enani, aaku dei mara toki te iyie tinikindaaya?>>
39Kore payie einyoyieki, nebuaaki ilo kutati meitacho, nejoki inia paso, <<Ntirring'ai! Teperoi!>> Negira ilo kutati aitirring'a, nejo tau ꞉laing'ok le nkare.
40Nejoki ninche, <<Aanyo payie iatata ntae ngureticho? Ewuon ake miatata ntae nkurukoto?>>
41Neiputukuny ninche naleng, nejokino, <<Aa ng'ae dei ele, eji paa kening lkutati o mpaso?>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy