1 AKORINTHO 5
5
1 #
Gũcok 22.30. Nĩkũmemerekete mũno atĩrĩ, atĩ thĩinĩ wanyu kũrĩ na ũtharia, na atĩ nĩ wa mũthemba ũtangĩoneka o na harĩ andũ a Ndũrĩrĩ, naguo nĩ atĩ mũndũ ũmwe wanyu nĩathiĩte na mũtumia wa ithe. 2Na inyuĩ-rĩ, mũgatũũra o mwĩtũũgĩrĩtie, na mũtiigue kĩeha nĩguo mũndũ ũcio wĩkĩte ũndũ ũcio eherio thĩinĩ wanyu! 3Niĩ hakwa-rĩ, o na ndatuĩka atĩ ndirĩ kuo na mwĩrĩ, ndĩ o kuo na roho; na nĩndĩkĩtie gũtuĩra mũndũ ũcio cira, ũcio wĩkĩte ũguo-rĩ, o ta ndĩ kuo, 4ngagĩtua igũrũ rĩa rĩĩtwa rĩa Mwathani witũ Jesu atĩrĩ, atĩ inyuĩ mũũnganĩte hamwe, na roho wakwa ũrĩ o ho, o na ũhoti wa Mwathani witũ Jesu ũrĩ ho-rĩ, 5mũndũ ũcio ũhaana ũguo aneanwo kũrĩ Shaitani, ũhoro wake wa kĩĩmwĩrĩ ũninwo, nĩ getha roho wake ũkahonokio mũthenya ũrĩa wa Mwathani Jesu. 6#Gal 5.9.Ũhoro ũcio wanyu wa kwĩraha-rĩ, ti mwega. Kaĩ mũtoĩ atĩ gacunjĩ kanini ka ndawa ya kũimbia mũgate nĩkaimbagia kĩmere kĩu gĩothe? 7#Thama 12.5.Tei ndawa ĩo ya tene, ĩthire biũ, nĩ getha mũtuĩke kĩmere kĩa mũkiyano, mũtakĩrĩ ekĩre ndawa ĩo. Nĩ gũkorũo Bathaka iitũ nĩĩrĩkĩtie gũthĩnjwo ya igongona, nayo nĩyo Kristo. 8#Thama 13.7; Gũcok 16.3.Tondũ ũcio-rĩ, nĩtũkĩrĩage gĩathĩ, hatarĩ na ndawa ĩo ya tene ya kũimbia mũgate, ĩo ningĩ ya ũũru na ya waganu; no nĩtũkĩrĩage kĩrĩ na mũgate ũrĩa ũtarĩ mũimbie, ũguo nĩ kuuga tũkĩrĩage tũtarĩ na ũhinga, na tũrĩ na ũhoro-ũrĩa-wa-ma.
9Marũa-inĩ marĩa ndĩramwandĩkĩire ndĩramwĩrire mũtigage gũthiĩ thiritũ na ahũri-maraya,#5.9 Ahũri-maraya: rora kohoro kaandĩkĩtwo Mar 7.21. 10Ũguo ti kuuga mũthenganĩre o kũna na ahũri maraya othe a gũkũ thĩ, o na kana andũ othe a riitho iraya, na arĩa ahahanyi, kana arĩa othe ahoi-mĩhianano; amu hĩndĩ ĩo no mũkiumire gũkũ thĩ o kuuma. 11No rĩrĩ, ũrĩa ndĩrendaga kuuga ngĩandĩka nĩ atĩ mũndũ o na ũrĩkũ wĩtagwo mũrũ wa Ithe witũ-rĩ, angĩkorũo nĩ mũhũri-maraya, kana arĩ wa riitho iraya, kana e mũhoi-mĩhianano, kana e mũrumani, kana mũndũ ũrĩagwo nĩ njohi, kana mũhahanyi-rĩ, mũtigage gũthiĩ thiritũ na ũcio; ĩĩ-ni, o na mũtigage kũrĩanĩra na mũndũ ta ũcio. 12#Gũcok 13.5; 17.7.Amu-rĩ, ndĩ na bata wa kĩ njirithie andũ matarĩ a thiritũ iitũ? Inyuĩ githĩ ti arĩa a thiritũ iitũ mũcirithagia, 13nao arĩa matarĩ ayo-rĩ, magacirithagio nĩ Ngai? Mũtieheriei mũndũ ũrĩa mwaganu oime harĩ inyuĩ.
Valið núna:
1 AKORINTHO 5: OGKBIBLE
Áherslumerki
Afrita
Bera saman
Deildu
Want to have your highlights saved across all your devices? Sign up or sign in
©Bible Society of Kenya, 2019