Vagalatia 2
2
1Kandi inyima yemihiga likumi na gyine ndanegira kandi kutsia Yerusalemi halala na Baranaba, ni mbila Tito kandi. 2Kandi ndanegira kigira livuula; kandi nda va vuulira ivangeli ya ndilwadza mu Tsihiri navutswa nda kola makiriri ku yavo ava volwa va veye nelimanyekana, gase ku makuva gosi nda va unyagulanga, kinga mmali kunya gula vutswa. 3Navutswa Tito wa li halala na inze, ya li Mugreki, si ya nigwa kukevwa; 4navutswa kigira avamitu vobubehi ava letwa makiriri, avingira makiriri kuluta libohololwa lyetu lya ku veye nalyo mu Kristo Yesu, va duke kukuvika mu butugwa: 5ava kwa vula kulekera ubwiyangu kwegehidze kuvo kali isaa indala, ivangeli yeligali i duke kumenya nemwinye. 6Navutswa ava volwa va veye avanene (va li nobunene ki si ki veye kindu ku inze: Nyasaye si a bugirira ligondo lyomundu) yava ava volwa va veye kindu si va dasa ku inze kindu: 7navutswa ha luvega lundi, lwa va lola ni mbebeywi ivangeli ya yava ava vula kukevwa, kuli Petro ya hebwa ivangeli ku yava ava kevwa 8(kigira uyu wa yinzira na Petro mu butumwa ku yavo ava kevwa, uyu niye wa yinzira ninze mu butumwa ku ve Tsihiri); 9navo lwa va manya tsimbabasi tsya nda hebwa, Yakobo na Kefa na Yohana, yava ava volwa kuva tsitiru, va ha inze kandi Bara naba makono malungi agobusangi, kwinye ku tsie ku Tsihiri, navo va tsie ku vakevwa; 10navutswa venya kwinye kwidzulitse avadaka, yili lyeng'ine; likuva zana kandi nda li nobugulu kulikola.
11Navutswa lwa Kefa yadza Antiokia, nda li nobuhangali kuye, kigira ya li na a mala kukalagirwa kuva muhyoli. 12Kigira inyinga avalala va kikiri kutwula ku Yakobo, ya li na a litsa kyokulia halala nave Tsihiri; navutswa lwa vadza, yiya hula ni yeleha kigira ya tia yava ava kevwa. 13Kandi yavo Avayuda avandi va girunkanywa halala naye; kuduka Baranaba kandi bugadi bwavo bwa mu gotidza. 14Navutswa lwa nda lola si va gendanga ku luvega lwageligali gevangeli, nda volera Kefa imbiri wa vosi, Ive Muyuda nu u va nu u londa miima gya ve Tsihiri, kandi si u londa gya Vayuda, ga veye ndi ive kuniga ave Tsihiri kulonda miima gya Vayuda? 15Kwinye ku veye Avayuda mu livulwa lyetu, si ku veye avoni va twulanga mu Tsihiri, 16ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga. 17Navutswa lwa kwa li ni kwenya kuvolwa kuva avalungi mu Kristo, kwa loleka avene kuva avoni, Kristo a veye mutumwa wobwoni? Auwa, ligali. 18Kigira ni mba ni nyombaka kandi hali kaviri vya nda sambula, ndoleka mwene kuva muhyoli. 19Kigira nda gwa mukudzu ku lilaga kigira lilaga, nduke kuva mwoyo ku Nyasaye. 20Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze. 21Si nzangalalidza tsimbabasi tsya Nyasaye: kigira ubulungi bu va ni bu nyolekera ku lilaga, kunangwa Kristo ya kudza vutswa.
Valið núna:
Vagalatia 2: MBE
Áherslumerki
Afrita
Bera saman
Deildu
Want to have your highlights saved across all your devices? Sign up or sign in
©Bible Society of Kenya, 1967