1 Vakorintho 13
13
1Ni mba ni mbola netsinimi tsyavandu netsyetsingelosi, ni nta veye nobuyanzi, mbeye mugasa gu langiriranga, kinga kuli vikuli vi salanga. 2Ni mba ni mbeye nobuprofeti, nokumanya gaviswa gosi nelimanya lyosi; kandi ni mba ni mbeye nelisuuvira lyosi, kuduka kusundidza vigulu, navutswa ni nta va nobuyanzi, si mbeye kindu. 3Kandi ni mba ni mbaana vindu vyange vyosi kukonya avadaka, kandi ni mba ni mbaana mubiri gwange gu sa mbwe, navutswa ni nta va nobuyanzi, si vi nkonya kali hakuzu. 4Ubuyanzi bwikudziranga, bu kolanga ubuhooma, ubuyanzi si bu veye nembodoka; kinga si bu kola uluyai, kinga si bwigingira, 5si bu vula kuva nobuhokya, si bwenya vyabwo ubwene, si bu veye nobutima, si bu ganagana ubudamano; 6kandi si bu sangalira ubwoni, navutswa bu sangala mu geligali; 7ubuyanzi bu kunikanga vindu vyosi, bu suuviridzanga vindu vyosi, bu suuviranga vindu vyosi, bwikudziranga ku vindu vyosi. 8Ubuyanzi si bu veye ne kiheri mihiga nemihiga, navutswa ubuprofeti ni bu veye ho, bu la heridzwa, tsinimi ni tsi veye ho, tsi la hera; limanya ni li veye ho, li la heridzwa. 9Kigira ku manya luvega lulala, kandi ku profeta luvega lulala; 10navutswa lwekidukiru ki li duka, ki veye kyoluvega lulala ki la heridzwa. 11Lwa nda li mwana nda moloma kuli mwana, nda denda kuli mwana, nda ganagana kuli mwana: kalunu lwa nduki kuva mukulundu, nda heridza vindu vyobwana. 12Kigira kalunu ku lolera kuli mu kyeloleru, amatsengeri; navutswa inyinga yindi ku la ka lole moni na moni: kalunu mmanya luvega lulala, navutswa inyinga yindi nda ka manye ligali kuli nda manyekana ligali. 13Navutswa kalunu lisuuvira li menyanga, kandi lisuuviridzwa, nobuyanzi, yivi vivaka; navutswa kinene kuvyo nu buyanzi.
Valið núna:
1 Vakorintho 13: MBE
Áherslumerki
Afrita
Bera saman
Deildu
Want to have your highlights saved across all your devices? Sign up or sign in
©Bible Society of Kenya, 1967