1 Vakorintho 11
11
1Duke hiuhonnywa. Mu ve avegi ku inze kuli inze mbeye mwegi ku Kristo.
2Kalunu nzidzominya mwinye kigira mu nzidzulitsanga ku vindu vyosi, kandi mu gumiranga ligali yaga ga mwa vugula, kuli nda mu ha. 3Navutswa nyenya mu manye mutwe gwomundu musatsa ni Kristo; nomutwe gwomukali nu mundu musatsa; nomutwe gwa Kristo ni Nyasaye. 4Ku vosi mundu musatsa na a saala, naho na a profeta, naye ni yekuniki mutwe a legannya mutwe gwigwe. 5Navutswa ku vosi mundu mukali na a saala naho na a profeta mutwe gwigwe ni gu ta kunikwa nengubo a legannya mutwe gwigwe, kigira ga veye kuli u vegeywi. 6Kigira na a ta kunikwa mutwe nengubo, a vegwe: navutswa ni tsi va tsisoni ku mukali kukalwa lisu nokuvegwa, a kunikwe nengubo ku mutwe. 7Kigira ku musatsa si ga mu dukira a kunikwe mutwe kigira a veye ligondo nobukumi bwa Nyasaye; navutswa mukali a veye ubukumi bwomusatsa. 8Ki gira musatsa si ya twula ku mukali navutswa mukali ya twula ku musa tsa; 9kigira musatsa si ya lombe rwa mukali, navutswa mukali ya lomberwa musatsa: 10kigira yaga nu bulahi mukali a ve nekiloleru kyokwamehirwa ku mutwe gwigwe, kigira tsingelosi. 11Navutswa ha lala na yaga wekikali si a nyala kulega wekisatsa, kandi wekisatsa si a nyala kulega wekikali mu Mwami. 12Kigira kuli wehiikali ya twula ku wekisatsa, nandiyo kandi wekisatsa yivulwa ku wekikali; navutswa vindu vyosi vi twula ku Nyasaye. 13Mu kalage mwinye avene; nu bulahi ku wekikali kusaala na a ta kunikeywi mutwe nengubo? 14Kyalomba vindu si kya mwegidza, wekisatsa na a veye nelisu litambi, li veye tsisoni kuye? 15Navutswa wekikali na a veye nelisu litambi, li veye ubukumi kuye: kigira ya hebwa lisu lilye li gwe kyokwikunika. 16Navutswa ku vosi mundu na a va na a veye nobuhangali, kwinye si ku veye nemiima kuli yigyi, kali mavugano ga Nyasaye.
17Mu limuha amalago yaga si nzidzominya mwinye mba, kigira mu vugana si ga li ku malahi kuvita, navutswa ku budamano kuvita. 18Kigira litanga, lwa mu vugananga mu livugana, mbulira ha veye namahangali hagati henyu; na inze mbugirira malala kugo. 19Kigira si ga vula kuva li la va lyavukana hagati henyu, ava bugirirwa va duke kulang'aminywa hagati henyu. 20Kunangwa mwinye lwa mu vugana halala, si ga nyalika ku mwinye kulia vyokulia vyo Mwami: 21kigira mu lilia lyenyu sa mulala yekolerera kuvugula vyokulia vivye; ma mulala a veye nenzala nowundi a hambika. 22Kigira ki? Si mu veye netsinyumba tsyenyu kulia mu nokunwa? Naho mu leganga livugana lya Nyasaye, nokulegannya ava ta li nekindu? Kunangwa mmu volera ndi? Nzidzominya mwinye? Ku yaga si nzidzominya mwinye mba. 23Kigira nda vugula ku Mwami yiki kya nda ha mwinye, kuli Mwami Yesu mu budiku yibwo bwa ya zamwa ya vugula ubukima; 24kandi lwa ya mala kusantidza ya megannya, na a vola, Yibu nu mubiri gwange gu meganyiranywa mwinye: mu kole ndi kwidzulitsa inze. 25Kandi ndiyo ya vugula kikombe, inyima yevyokulia na a vola, Kikombe yiki ki veye amalago mahya mu masahi gange: tsinyinga tsyosi, mu nwedza, ni mu va ni mu kole kwidzulitsa inze. 26Kigira tsinyinga tsyosi tsya mu lagira ubukima yibu, nokunwa kikombe, mu lang'aminya likudza lyo Mwami kuduka inyinga ya a lidza. 27Kigira yaga ku vosi u lagira ubukima yibu nokunwa kikombe kyo Mwami halala ni miima gyi ta li milahi, a veye nelikalagira lyomubiri nelya masahi go Mwami. 28Navutswa mundu yegeridze nandiyo a lie ku bukima nokunwa ku kikombe. 29Kigira uyu u litsanga nokunwa, a litsanga nokunwa likalagirwa lilye mwene, na a ta manyiridza mubiri. 30Kigira yaga avanyingi ku mwinye va veye avadedekere navalwaye nava gonanga si va li vakekeke. 31Navutswa kwinye ni kwimanyiridza avene, si ku li kalagirwa mba. 32Navutswa lwa ku kalagirwa, Mwami a ku hedzanga amageri, ku la vula kukalagirwa kivi halala navomulirova. 33Kunangwa, avamitu, lwa mu vugana halala kulia, mu lindane avene navene. 34Mundu na a va na a veye nenzala a lie mu inyumba yeye; livugana lyenyu li ta duka ku likalagirwa. Na yaga ga tigaye nda ka lombe lwa ndidza.
Valið núna:
1 Vakorintho 11: MBE
Áherslumerki
Afrita
Bera saman
Deildu
Want to have your highlights saved across all your devices? Sign up or sign in
©Bible Society of Kenya, 1967