Ndandililo Chilongolelo
Chilongolelo
Achi chitabu chaandanda cha Lilangano lyakalakala chikuŵilanjikwa “Ndandililo.” Malembelo gandanda ga Chiebulania ga chitabu chi nombe gatandite ni maloŵe gagakuti “Kundanda ko.” Chitabu chi chikulosya kwaikopochele indu yose ni Akunnungu iŵatandite kwapanganyichisya ŵandu indu yakupisyangana. Ŵasyomile agano moŵa gano akwete nganisyo syakupisyangana nkati ŵandu ŵalembile achi chitabu cha ndandililo, ni katema chi chalembekwe chitabu chi. Apali ŵandu ŵakuganisya kuti chitabu chi chalembekwe kutyochela mu malembelo gachiikala pa yaka ya 500 mpaka yaka ya 600 akanaŵe kupagwa Kilisto. Ŵandu ŵane akugakunda masyoŵelelo gagakukundikwa pasikati ja ŵandu achajinji ŵakuti che Musa ni juŵalembile chitabu cha Ndandililo, ni itabu ine chisemu Kutyoka, ni indu yapanganyisye Ŵalawi ni Kuŵalanga ni chikumbuchisyo cha Malajisyo, pasikati ja yaka ya 1300 mpaka 1400 akanaŵe kupagwa Kilisto.
Chitabu cha ndandililo chigumbele ngani muhimu syakwakamuchisya Ŵakilisto kugamanyilila malembelo gane gagasigalile gagali mu Bibilia gaŵe gagali mu Lilangano Lyakalakala pane mu Lilangano Lyasambano. Chitabu cha Ndandililo chikutulosya sambi isyatite pakwinjila pachilambo ni ŵandu wose yakuti pakunsaka Jwakuwombola. Chitabu chi chikuunukula ukotopasyo wa Akunnungu wakwawombola ŵandu. Chindu chi chikukomboleka kumanyika kutyochela ni ulondole waandanda waukulondola nkati che Yesu (Ndandililo 3:15), ni chilanga cha Akunnungu ku che Ibulahimu cha kwapa upile ŵandu ŵa ilambo yose yaili pachilambo (Ndandililo 12:3).
Yaili mwelemo
Akunnungu ŵachigumbile chilambo ni sooni ŵaagumbile che Adamu ni che Hawa mpela yaikuti kusalikwa mu sula 1 ni 2
Ngani si che Adamu ni che Hawa, nkati sambi syao ni iŵelesi yao mu sula ja 3 mpaka ja 5.
Ngani si che Nuhu ni yankati chikumba meesi chachikulungwa chila, ili mu sula ja 6 mpaka sula ja 9.
Pakumala yeleyo chitabu cha ndandililo chikusala yankati aila iyakopochele pa katema ka che Nuhu ni katema ka che Ibulahimu pamo ni ngani sya lusonga lwa Babeli mu sula ja 10 mpaka sula ja 11.
Ngani si che Ibulahimu, wandu wa pannango wakwe pamo ni ndande ja Waisilaeli ili mu sula ja 12 mpaka sula ja 50.
Umi u che Ibulahimu ni che Sala ŵakwawo ukusalikwa mu sula ja 12 mpaka sula ja 25
Umi u che Isaka ni che Lebeka ukusalikwa mu sula ja 21 mpaka sula ja 28 ni chiwa chao chikusalikwa mu sula ja 35.
Umi u che Yakubu ni achiŵanagwe ni ulendo wao kutyochela ku Kanaani kwaula ku Misili ikusalikwa mu sula ja 25 mpaka sula ja 50.
Ngani si che Yusufu mwanache jwakunonyelwa jwa che Yakubu ni iŵatite pakwatenda kuŵa jwankulu ku chilambo cha ku Misili ili mu sula ja 37 mpaka sula ja 50.
Valið núna:
Ndandililo Chilongolelo: YBV
Áherslumerki
Deildu
Afrita
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.