Ndandililo 25
25
Iŵelesi ine i che Ibulahimu (1 Indu ya katema 1:32-33)
1Che Ibulahimu ŵalombele ŵakongwe ŵane liina lyao che Ketula. 2Che Ketula ŵaŵelechele che Ibulahimu ŵanache: Che Simulani ni che Yokishani ni che Medani ni che Midiani ni che Ishibaki ni che Shua. 3Che Yakishani ŵaŵeleche che Sheba ni che Dedani. Ŵanache ŵa che Dedani ŵaliji Ŵaashulu ni Ŵaletushi ni Ŵaleumi. 4Ŵanache ŵa che Midiani ŵaliji che Efa ni che Efeli ni che Hanoki ni che Abida ni che Elidaa. Ŵeleŵa wose ŵaliji uŵelesi u che Ketula.
5Che Ibulahimu ŵapele che Isaka kila chindu chiŵakwete. 6Katema che Ibulahimu ali ŵajumi, ŵapele mituuka achiŵanagwe ŵachilume uŵaŵeleche ku ilanga yakwe. Nipele ŵaapeleche ŵanache ŵa upande wa kungopochelo lyuŵa, atalikangane ni che Isaka mwanagwe.
Chiwa chi che Ibulahimu
7Che Ibulahimu ŵatemi yaka mia moja sabini na tano. 8Nipele che Ibulahimu ŵajasiche ali atemi yaka yejinji yakupoka ni kupunda ni kugona ni achachekulu ŵakwe ŵaŵawile. 9Che Isaka ni che Ishumaeli ŵanache ŵa che Ibulahimu ŵaasichile atati ŵao mu mbugu ja Makipela, jajili kungopochelo lyuŵa kwa Mamle mu ngunda uwaliji wa che Efuloni mwanagwe che Sohali jwali Muhiti. 10Che Ibulahimu ŵasumile ngunda wo ku Ŵahiti. Mwelemo che Ibulahimu ni che Sala ni muŵasichikwe. 11Che Ibulahimu paŵaŵile, Akunnungu ŵampele upile che Isaka mwanagwe. Nombe che Isaka ŵaliji nkutama chiŵandi ni chisima cha Beeli Lahai Loi.
Uŵelesi u che Ishumaeli
(1 Indu ya katema 1:28-31)
12Au uli uŵelesi u che Ishumaeli mwanagwe che Ibulahimu juŵammeleche kwa che Hajili jwa ku Misili juŵaliji yaaya ju che Sala. 13Aga gali meena ga ŵanache ŵa che Ishumaeli malinga ni iŵatite pakupagwa: Che Nebayoti juŵaliji jwa kwitiwo ni che Kedali ni che Adibeeli ni che Mibisamu, 14ni che Mishima ni che Duma ni che Masa, 15ni che Hadadi ni che Tema ni che Yetuli ni che Nafishi ni che Kedema. 16Welewo ali ŵanache ŵachilume ŵa che Ishumaeli ŵaŵaliji ilongola wa ngosyo kumi na mbili. Misi jao ni misinda jao jaŵilanjikwe malinga ni meena gao. 17Yaka yose yatemi che Ishumaeli yaliji yaka mia moja selasini na saba, ni ŵawile, nombejo ŵagonile pamo ni achachekulu ŵao. 18Iŵelesi i che Ishumaeli yatemi mu chilambo cha pasikati ja Haŵila ni Shuli, kungopochelo lyuŵa kwa Misili kwaula ku Ashuli. Ŵanyawo ŵatemi pangali kwilana ni iŵelesi ine i che Ibulahimu.
Kupagwa ku che Esau ni che Yakubu
19Au uli uŵelesi u che Isaka mwanache ju che Ibulahimu. 20Che Isaka paŵaliji ni yaka alobaini ŵannombele che Labeka mwanache ju che Besueli, Muhalamu jwa musi wa ku Padini Halamu. Che Labeka ŵaliji mlumbugwe che Labani. 21Che Isaka ŵaapopelele Ambuje kwa ligongo lya ŵankwawo, pakuŵa ŵaliji ngakuŵeleka. Nombe Ambuje ŵagakundile mapopelo gakwe, ni che Labeka ŵakwete chitumbo. 22Chitumbo cho chaliji cha maŵila. Ŵanache wo ŵaliji nkututana mu lutumbo mwa che Lebeka, nombejo ŵatite, “Kwachichi chindu chi chikungopochela une?” Nipele che Labeka ŵajawile kwawusya Ambuje. 23Ambuje ŵanjanjile,
“Mu lutumbo mwenu mwana ngosyo siŵili,
ngosyo siŵili sisimmeleche chisitindane.
Jumo chaŵe ni machili kumpunda jwine;
jwankulungwa chachintumichila jwannondi.”
24Moŵa gakwe ga kuligopola pagaiche, che Labeka ŵaligopwele maŵila ŵachilume. 25Mwanache jwandanda ŵaliji jwanchejeu, ni chiilu chakwe chose chaliji ni umbo, ni ŵaŵilasile liina lyakwe a Esau. 26Mwanache jwaŵili ŵapagwile ali achikamulile chindende cha a Esau, nombejo ŵaŵilasile liina lyakwe a Yakubu. Katema paŵapagwile ŵanache wo, che Isaka ŵaliji ni yaka sitini.
Che Esau akusumisya ukulungwa wakwe
27Ŵanache ŵala ŵakusile, che Esau ŵaliji jwa kusakula inyama jwambone, mundu jwakunonyelwa kwendajenda mmatinji, nambo che Yakubu ŵaliji jwakulitimalika, mundu jwakunonyelwa kutama pamusi. 28Nipele, che Isaka ŵannonyele che Esau ligongo ŵanonyelwe nnope kulya nyama yaisakulikwe ni che Esau, nambo che Labeka ŵannonyele che Yakubu.
29Lyuŵa limo che Yakubu ŵaliji nkuteleka dengu, che Esau ŵausile kumusi kutyochela kukusakula inyama jili jakwete sala kwannope. 30Ŵansalile che Yakubu, “Nguwa sala, choonde muumbe kanandi nsusi wechejeu.” Lyeleli ni ligongo ŵaŵilanjikwaga Edomu, malumbo gakwe jwanchejeu. 31Che Yakubu ŵajanjile, “Chinampe naga chimusumichisye kaje ukulungwa wenu wa kuŵa mwanache jwa kwitiwo.” 32Che Esau ni ŵatite, “Ayaga! Une nguŵandichila kuwa, ana ukulungwa wangu wa kuŵa mwanache jwa kwitiwo uli chichi kwa une?” 33Che Yakubu ni ŵatite, “Mulumbilile kaje iŵaga chimuumbe ukulungwa wo.” Nipele che Esau ŵanlumbilile che Yakubu ni kunsumichisya ukulungwa wakwe wa kuŵa mwanache jwa kwitiwo. 34Nipele che Yakubu ŵampele che Esau nkate ni dengu sila. Che Esau ŵalile ni kung'wa, nipele ŵajimwiche ni kwaula. Yeleyi ni iŵatite che Esau pakuunyelusya ukulungwa wakwe wa kuŵa mwanache jwa kwitiwo.
Valið núna:
Ndandililo 25: YBV
Áherslumerki
Deildu
Afrita
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
Ndandililo 25
25
Iŵelesi ine i che Ibulahimu (1 Indu ya katema 1:32-33)
1Che Ibulahimu ŵalombele ŵakongwe ŵane liina lyao che Ketula. 2Che Ketula ŵaŵelechele che Ibulahimu ŵanache: Che Simulani ni che Yokishani ni che Medani ni che Midiani ni che Ishibaki ni che Shua. 3Che Yakishani ŵaŵeleche che Sheba ni che Dedani. Ŵanache ŵa che Dedani ŵaliji Ŵaashulu ni Ŵaletushi ni Ŵaleumi. 4Ŵanache ŵa che Midiani ŵaliji che Efa ni che Efeli ni che Hanoki ni che Abida ni che Elidaa. Ŵeleŵa wose ŵaliji uŵelesi u che Ketula.
5Che Ibulahimu ŵapele che Isaka kila chindu chiŵakwete. 6Katema che Ibulahimu ali ŵajumi, ŵapele mituuka achiŵanagwe ŵachilume uŵaŵeleche ku ilanga yakwe. Nipele ŵaapeleche ŵanache ŵa upande wa kungopochelo lyuŵa, atalikangane ni che Isaka mwanagwe.
Chiwa chi che Ibulahimu
7Che Ibulahimu ŵatemi yaka mia moja sabini na tano. 8Nipele che Ibulahimu ŵajasiche ali atemi yaka yejinji yakupoka ni kupunda ni kugona ni achachekulu ŵakwe ŵaŵawile. 9Che Isaka ni che Ishumaeli ŵanache ŵa che Ibulahimu ŵaasichile atati ŵao mu mbugu ja Makipela, jajili kungopochelo lyuŵa kwa Mamle mu ngunda uwaliji wa che Efuloni mwanagwe che Sohali jwali Muhiti. 10Che Ibulahimu ŵasumile ngunda wo ku Ŵahiti. Mwelemo che Ibulahimu ni che Sala ni muŵasichikwe. 11Che Ibulahimu paŵaŵile, Akunnungu ŵampele upile che Isaka mwanagwe. Nombe che Isaka ŵaliji nkutama chiŵandi ni chisima cha Beeli Lahai Loi.
Uŵelesi u che Ishumaeli
(1 Indu ya katema 1:28-31)
12Au uli uŵelesi u che Ishumaeli mwanagwe che Ibulahimu juŵammeleche kwa che Hajili jwa ku Misili juŵaliji yaaya ju che Sala. 13Aga gali meena ga ŵanache ŵa che Ishumaeli malinga ni iŵatite pakupagwa: Che Nebayoti juŵaliji jwa kwitiwo ni che Kedali ni che Adibeeli ni che Mibisamu, 14ni che Mishima ni che Duma ni che Masa, 15ni che Hadadi ni che Tema ni che Yetuli ni che Nafishi ni che Kedema. 16Welewo ali ŵanache ŵachilume ŵa che Ishumaeli ŵaŵaliji ilongola wa ngosyo kumi na mbili. Misi jao ni misinda jao jaŵilanjikwe malinga ni meena gao. 17Yaka yose yatemi che Ishumaeli yaliji yaka mia moja selasini na saba, ni ŵawile, nombejo ŵagonile pamo ni achachekulu ŵao. 18Iŵelesi i che Ishumaeli yatemi mu chilambo cha pasikati ja Haŵila ni Shuli, kungopochelo lyuŵa kwa Misili kwaula ku Ashuli. Ŵanyawo ŵatemi pangali kwilana ni iŵelesi ine i che Ibulahimu.
Kupagwa ku che Esau ni che Yakubu
19Au uli uŵelesi u che Isaka mwanache ju che Ibulahimu. 20Che Isaka paŵaliji ni yaka alobaini ŵannombele che Labeka mwanache ju che Besueli, Muhalamu jwa musi wa ku Padini Halamu. Che Labeka ŵaliji mlumbugwe che Labani. 21Che Isaka ŵaapopelele Ambuje kwa ligongo lya ŵankwawo, pakuŵa ŵaliji ngakuŵeleka. Nombe Ambuje ŵagakundile mapopelo gakwe, ni che Labeka ŵakwete chitumbo. 22Chitumbo cho chaliji cha maŵila. Ŵanache wo ŵaliji nkututana mu lutumbo mwa che Lebeka, nombejo ŵatite, “Kwachichi chindu chi chikungopochela une?” Nipele che Labeka ŵajawile kwawusya Ambuje. 23Ambuje ŵanjanjile,
“Mu lutumbo mwenu mwana ngosyo siŵili,
ngosyo siŵili sisimmeleche chisitindane.
Jumo chaŵe ni machili kumpunda jwine;
jwankulungwa chachintumichila jwannondi.”
24Moŵa gakwe ga kuligopola pagaiche, che Labeka ŵaligopwele maŵila ŵachilume. 25Mwanache jwandanda ŵaliji jwanchejeu, ni chiilu chakwe chose chaliji ni umbo, ni ŵaŵilasile liina lyakwe a Esau. 26Mwanache jwaŵili ŵapagwile ali achikamulile chindende cha a Esau, nombejo ŵaŵilasile liina lyakwe a Yakubu. Katema paŵapagwile ŵanache wo, che Isaka ŵaliji ni yaka sitini.
Che Esau akusumisya ukulungwa wakwe
27Ŵanache ŵala ŵakusile, che Esau ŵaliji jwa kusakula inyama jwambone, mundu jwakunonyelwa kwendajenda mmatinji, nambo che Yakubu ŵaliji jwakulitimalika, mundu jwakunonyelwa kutama pamusi. 28Nipele, che Isaka ŵannonyele che Esau ligongo ŵanonyelwe nnope kulya nyama yaisakulikwe ni che Esau, nambo che Labeka ŵannonyele che Yakubu.
29Lyuŵa limo che Yakubu ŵaliji nkuteleka dengu, che Esau ŵausile kumusi kutyochela kukusakula inyama jili jakwete sala kwannope. 30Ŵansalile che Yakubu, “Nguwa sala, choonde muumbe kanandi nsusi wechejeu.” Lyeleli ni ligongo ŵaŵilanjikwaga Edomu, malumbo gakwe jwanchejeu. 31Che Yakubu ŵajanjile, “Chinampe naga chimusumichisye kaje ukulungwa wenu wa kuŵa mwanache jwa kwitiwo.” 32Che Esau ni ŵatite, “Ayaga! Une nguŵandichila kuwa, ana ukulungwa wangu wa kuŵa mwanache jwa kwitiwo uli chichi kwa une?” 33Che Yakubu ni ŵatite, “Mulumbilile kaje iŵaga chimuumbe ukulungwa wo.” Nipele che Esau ŵanlumbilile che Yakubu ni kunsumichisya ukulungwa wakwe wa kuŵa mwanache jwa kwitiwo. 34Nipele che Yakubu ŵampele che Esau nkate ni dengu sila. Che Esau ŵalile ni kung'wa, nipele ŵajimwiche ni kwaula. Yeleyi ni iŵatite che Esau pakuunyelusya ukulungwa wakwe wa kuŵa mwanache jwa kwitiwo.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.