Filipi 2
2
1ANYIN a wale a ne e unyin Keriso ûökahwa, me otubwelâ hnyi betenge, me tha hnyok unyin Hanu, ame ne ta je ibetengiö ae menyik, me vec betenge, 2awe, öunöngötâ thʼ öbun anyik senyin, me me khaca ju ûnykûmenöbun, me me tha hu ibetengiö, me hnyok a khaca, me ûnykûme a khaca deny; 3ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at; 4ca he ka ve wâ anyibun ta je ûnyi, ke so he ka ve wâ minya bi ta je ûnyi anyin keihen. 5E so eû hnyi je hnyekubun ûnykûme eang, wale ame ûnykûme Keriso Iesu: 6ka habe, khaca thibi bongon me Khong, ke ame ca ûnykûme a gʼ ame venöu, wale he ka oûco me Khong, 7ke e ame ka ohnyikânâ e bi, me hom bongon athnyaba; ke e ame wia me me at; 8ke adre wâ e helâ me bongon at, ke e ame ka ohnyikânâ e bi, me long hoton ke ne o but ka hnyi mok, eke, wale mok hon satauro. 9Anyin a wale Khong ame ti ogânâ e goranyai, me ham kâu ien ae beönua hon ta je ien hia thithö; 10mʼ adre me he ka cibouca hia thithö ka hnyi iö Iesu, ödra ethö hnyi drany, me hmeledrany, me hmelen hmeledrany, 11me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.
12Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny; 13anyin a Khong ame huliwan je hnyekubun he ka weny me ânyâ, hoton weny ae so. 14Ânyâ thʼ öbun ta je ûnyi hia ke ca ulit me ca iwatretra; 15me me ba hnyikongubun me hna okongoâ, mʼ öbun lakon Khong bi, ke ba kongon hnyi hnyimakan dö ae hwali ke ûkhin fuc, ke so öbun e umumelam ködra hwakecibun, helâ me je melaminy hmeledrany, 16me ogöranyâ hofucin möt; me me hu gak hnân hobelöu hnyi bong bongon Keriso, waleji ge hnok hna ca wadring baû, me huliwa baû. 17Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö: 18helâe minya, e so öbun e hobâ minya, me tha senyin mönya.
19Ke oge me geju ka Than Iesu, a oge me he ka ie kunö Timoteo köbun, me me kahwa thö hnyekuk e ka manen könya bongubun. 20Anyin ae ba ke at unyik ae tha hwakecin më, a at ame he ka kic hnathoâ bongubun. 21Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso. 22Ke e khanʼ öbun hnathuiny, a e ame tha huliwa mönya hnyi ûthumetu ae so, helâ me nokon ka kamen. 23Anyin a wale oge me gejon he ka ie kunâ e köbun, e ka khanö nya thö obiny könya: 24ke inya oge me labageju ka Than a oge me he ka ie o minya 25Ke inya oge me ûnykûme me ûnyi hnathu he ka kunö Epaferodito köbun, ke liamekeiny mönya, at ame tha huliwa me tha vat mönya, ke anyibun bi metâ, kʼ ame hadruo nya hnyi anyik theduoc; 26ke e ame ti weny köbun hia, kʼ ame hmak ge hnobun hna long a ga hu mok gan: 27e hnathu a ga mok ke ne a ne mokcu: ke Khong ame betenge gan; ke ca hake e thibi, ke inya minya bi, wâ oge nye he ka bi hanen hlöuhlöu ka hnyi anyik hlöuhlöu. 28Anyin a wale oge me hia but ie kunâ e mʼ öbun e senyin dö, öbun ka iouny hmetu më, me me ûhnyûkong thibi anyik hlöuhlöu. 29Anyin a wale, kap dö e hnyi Than me senyin hia; ke oûnyihnathoâ ju tavat a helâ më: 30anyin a ne moko ju huliwa anyin Keriso, ke e ame ca oûnyihnathoâ anyin möt, me me he ka hwaböbun hnyi ûen ae hiʼ öbun he ka hadruo nya.
Valið núna:
Filipi 2: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society